ग्रामोद्योग भरारी पुरस्कारासाठी अर्ज करण्याचे आवाहन

सिंधुदुर्गनगरी (जिमाका) 20 :- महाराष्ट्र राज्य खादी व ग्रामोद्योग मंडळाच्या वतीने मंडळामार्फत शासनाच्या विविध योजनांच्या माध्यमातून अर्थसहाय्य घेवून यशस्वीपणे उद्योग उभारणी करून रोजगाराच्या नविन संधी उपलब्ध केलेल्या यशस्वी उद्योजकांना प्रेरणा व प्रोत्साहन मिळावे व त्यांचा यथोचीत सन्मान व्हावा यासाठी “ग्रामोद्योग भरारी पुरस्कार-2026” चे आयोजन करण्यात आले आहे. तरी इच्छुकांनी या पुरस्कारासाठी आपले अर्ज दिनांक 28 जुलै 2026 पूर्वी महाराष्ट्र राज्य खादी व ग्रामोद्योग मंडळ कुडाळ येथे पाठवण्याचे आवाहन जिल्हा ग्रामोद्योग अधिकारी यांनी प्रसिध्दीपत्रकाव्दारे केले आहे. शासकीय योजनांच्या माध्यमातून विशेष करून ग्रामीण भागात यशस्वी उद्योग उभे करणाऱ्या उद्योजकांना प्रोत्साहन देण्यासाठी व उद्योगाच्या वृध्दीसाठी, उदयोगाला चालना व गती देण्यासाठी महाराष्ट्र राज्य खादी व ग्रामोद्योग मंडळाने हा पुरस्कार देण्यात येतो. या पुरस्कार योजनेत प्रथम, व्दितीय व तृतीय असे तीन पुरस्कार देण्यात येतात व काही उद्योजकांना उत्तेजनार्थ पुरस्कार देऊन सन्मानित करण्यात येते. नामांकन अर्ज मंडळाच्या www.mskvib.org या संकेतस्थळावर व खादी व ग्रामोद्योग मंडळाच्या जिल्हा कार्यालयात उपलब्ध आहेत. अधिक माहितीसाठी जिल्हा ग्रामोदयोग अधिकारी, महाराष्ट्र राज्य खादी व ग्रामोद्योग मंडळ, रविंद्र कुडाळकर बिल्डिंग, 2 रा मजला, पंचायत समिती नजिक, कुडाळ, जिल्हा सिंधुदुर्ग. dviosindhu@rediffmail.com संपर्क क्रमांक - ०२३६२-२२२२२० येथे संपर्क करण्याचे आवाहनही प्रसिध्दीपत्रकात केले आहे. 000000