diosindhudurg

सिंधुदुर्गनगरी दिनांक 26 (जिमाका) :- मुख्यमंत्री देवेंद्र फडणवीस यांच्या निर्देशानुसार राज्यात नुकताच १०० दिवसांचा कृती आराखडा यशस्वीपणे राबविण्यात आला. या आराखड्याला मिळालेला उत्स्फूर्त प्रतिसाद आणि शासनाच्या सर्वच स्तरावर झालेली कामगिरी लक्षात घेता आता १५० दिवसांचा कृती आराखडा राज्य शासनाने अमलात आणला आहे. या नव्या आराखड्याचा केंद्रबिंदू ई-गव्हर्नन्सद्वारे प्रशासकीय सुधारणा हा आहे. या अभियानात जिल्ह्याचा सहभाग सर्वोच्च असला पाहिजे. आपला जिल्हा पहिल्या पाच जिल्ह्यांमध्ये स्थान मिळवेल यासाठी प्रत्येक विभागाने समन्वयाने काम करणे आवश्यक असल्याचे प्रतिपादन पालकमंत्री नितेश राणे यांनी केले. पालकमंत्री नितेश राणे यांच्या अध्यक्षतेखाली या अभियानाच्या अनुषंगाने आढावा बैठक पार पडली. त्यावेळी ते बोलत होते. यावेळी जिल्हाधिकारी तृप्ती धोडमिसे, मुख्य कार्यकारी अधिकारी रविंद्र खेबुडकर, अपर जिल्हाधिकारी शुभांगी साठे, निवासी उपजिल्हाधिकारी मच्छिंद्र सुकटे, उपजिल्हाधिकारी बालाजी शेवाळे, शारदा पोवार तसेच विविध विभागांचे विभाग प्रमुख उपस्थित होते. या अभियानाच्या अनुषंगाने सर्व विभागांनी ...

सिंधुदुर्गनगरी दिनांक 26 (जिमाका) :- महात्मा फुले मागासवर्ग विकास महामंडळ, जिल्हा कार्यालयामार्फत सन २०२५-२६ या आर्थिक वर्षाकरिता पात्र लाभार्थ्यांकडून महामंडळ राबवीत असलेल्या विविध योजनांसाठी ऑनलाईन अर्ज मागविण्यात येत असल्याची माहिती जिल्हा व्यवस्थापक महात्मा फुले मागासवर्ग विकास महामंडळ (मर्या). जिल्हा व्यवस्थापक यांनी प्रसिध्दी पत्रकाव्दारे कळविले आहे. मागासवर्गीय समाजघटकांच्या सामाजिक-आर्थिक विकासासाठी राज्य शासनामार्फत विविध योजनांचा लाभ राबविण्यात येतो. या योजनांद्वारे लाभार्थ्यांना स्वयंरोजगाराच्या संधी उपलब्ध करून देणे, आर्थिक सक्षमीकरण घडविणे आणि जीवनमान उंचावणे हा प्रमुख उद्देश या महामंडळाचा आहे. हा अर्ज प्रक्रिया पूर्णपणे पारदर्शक व ऑनलाईन पद्धतीने करण्यात येणार असून, इच्छुक लाभार्थ्यांनी या महामंडळाच्या https://mpbcdc.maharashtra.gov.in किंवा https://mahadisha.in या संकेतस्थळाच्या पोर्टल द्वारे आपले कर्ज मागणी अर्ज सादर करणे आवश्यक आहे. अर्ज सादरीकरण करताना लाभार्थ्यांनी आवश्यक ती कागदपत्रे स्कॅन करून अपलोड करावीत. कोणतेही अर्ज प्रत्यक्ष कार्यालयात स्वीक...

सिंधुदुर्गनगरी दिनांक 26 (जिमाका) :- छत्रपती शिवाजी महाराज महाराजस्व अभियानांतर्गत "शासन आपल्या दारी" या मोहिमेतून भूसंपादन प्रस्ताव क्र. 16/2015 माजगांव ता. सावंतवाडी मधील शिल्लक निवाडा रक्कम शिल्लक मोबदलाधारक यांना देण्यासाठी दिनांक 6 ऑक्टोबर 2025 रोजी सकाळी 11.30 वाजता ग्रामसचिवालय माजगांव, मौजे माजगांव,येथे कॅम्पचे आयोजन करण्यात आलेले आहे. या कॅम्पमध्ये मोबदला मिळण्याची शिल्लक खातेदार यांनी आवश्यक त्या कागदपत्रांसह उपस्थित रहावे. तलाठी तथा ग्राम महसूल अधिकारी माजगांव त्यांच्याशी संपर्क साधावा, शिल्लक मोबदलाधारक यांची यादी जिल्ह्याच्या sindhudurg.nic.in या वेबसाईटवर प्रसिध्द करण्यात आल्याची माहिती उपजिल्हाधिकारी भूसंपादन यांनी प्रसिध्दी पत्रकाव्दारे कळविले आहे. मोबदला मिळण्यासाठी सादर करण्याची कागदपत्रे खालीलप्रमाणे आहेत. मोबदला स्विकारण्यासाठी या कार्यालयाकडून पाठविलेल्या भूसंपादन अधिनियम 2013 चे कलम 37, 38(1) अन्वये दिलेल्या नोटीसीची मूळ प्रत. रेशनकार्ड साक्षांकित झेरॉक्स, निवडणूक ओळखपत्र साक्षांकित झेरॉक्स, पॅनकार्ड साक्षांकित झेरॉक्स, आधार ओळखपत्र साक्षाकित झे...

सिंधुदुर्गनगरी दिनांक 26 (जिमाका) :- जिल्हा कौशल्य विकास, रोजगार व उद्योजकता मार्गदर्शन केंद्र, सिंधुदुर्ग आणि श्री पंचम खेमराज महाविद्यालय, सावंतवाडी यांच्या संयुक्त विद्यमाने दिनांक ३० सप्टेंबर २०२५ रोजी प्लेसमेंट ड्राईव्ह आयोजित करण्यात आला आहे. हा कार्यक्रम सकाळी १०.०० ते दुपारी ३.०० या वेळेत एस.पी.के. महाविद्यालय, सावंतवाडी येथे होणार असल्याची माहिती जिल्हा कौशल्य विकास, रोजगार व उद्योजकता मार्गदर्शन केंद्राचे सहाय्यक आयुक्त भैयाजी येरमे यांनी दिली आहे. या प्लेसमेंट ड्राईव्हमध्ये KOLBRO Group Pvt. Ltd. या नामांकित कंपनीत गोवा येथे असलेल्या ५० रिक्त पदांसाठी भरती प्रक्रिया पार पडणार आहे. उपलब्ध पदांमध्ये सर्व्हेअर (Surveyor) आणि टीम इंचार्ज (Team Incharge) या पदांचा समावेश आहे. भरतीसाठी पात्रता – आय.टी.आय., डिप्लोमा (सिव्हिल) किंवा कोणत्याही शाखेतील पदवीधर (Any Graduate) अशी आहे. इच्छुक उमेदवारांनी शैक्षणिक कागदपत्रांसह नियोजित दिवशी ठरलेल्या ठिकाणी उपस्थित राहावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्र, सिंधुदुर्ग यांच्याकडून करण्यात आले आहे. अधिक...

सिंधुदुर्गनगरी दिनांक 26 (जिमाका) :- कृषी समृध्दी योजनेंतर्गत एकात्मिक फलोत्पादन विकास अभियान सन 2025-26 अंतर्गत विविध घटकांसाठी लाभ दिला जात आहे. महाराष्ट्र राज्य फलोत्पादन आणि औषधी वनस्पती मंडळ पुणे यांच्या सूचनेनुसार जिल्ह्यातील शेतकऱ्यांनी महाडीबीटी या संकेस्थळावर अर्ज करुन योजनेचा लाभ घेण्याचे आवाहन जिल्हा अधिक्षक कृषी अधिकारी भाग्यश्री नाईकनवरे यांनी केले आहे. कृषि समृद्धी योजनेंतर्गत एकात्मिक फलोत्पादन विकास अभियान योजना सन 2025-26 मध्ये राबविण्यात येत असून यामध्ये क्षेत्र विस्तार, सामूहिक शेततळे, संरक्षित शेती, फलोत्पादन यांत्रिकीकरण, मधुमक्षिका पालन व काढणीत्तोर व्यवस्थापन इ. घटक राबविण्यात येत आहेत. यामध्ये सुटी फुले व कंदवर्गीय फुलांची लागवड, कंदवर्गीय व बहुवार्षिक मसाला पिकांची लागवड, विदेशी फळपिकांची लागवड (ड्रॅगनफ्रुट, स्ट्रॉबेरी व अवॅकॅडो) जुन्या व कमी उत्पादन देणाऱ्या आंबा बागांचे पुनरुज्जीवन, अळंबी उत्पादन प्रकल्प, हरितगृह, शेडनेट हाऊस, प्लास्टीक आच्छादन, फळ पिकांकरिता फळांना/ फळांच्या घडांना कव्हर, तण नियंत्रक अच्छादन, सामूहिक शेततळे, शेततळे अस्तरीकरण, फलोत्प...

सिंधुदुर्गनगरी दिनांक 26 (जिमाका) :- राज्यात काही ठिकाणी झालेल्या अतिवृष्टी, दुबार पेरणी इत्यादी कारणांमुळे शेतकरी ई-पीक नोंदणी करु शकले नाही. यामुळे शेतकरी पीक नोंदणी करण्यापासून वंचति राहु नये यासाठी शेतकरी स्तरावरुन पीक नोंदणीसाठी दिनांक 30 सप्टेंबर पर्यंत मुदतवाढ देण्यात आल्याची निवासी उपजिल्हाधिकारी मच्छिंद्र सुकटे यांनी दिली आहे. ई-पीक पाहणी DCS मोबाईल ॲपच्या सहाय्याने सर्व शेतकऱ्यांनी स्वत:च्या मोबाईलव्दारे 7/12 उताऱ्यावर शेतात लागवड केलेल्या खरीप पिकांची नोंदणी दिनांक 1 ऑगस्ट 2025 पासून सुरु झालेली आहे. महसूल विभागाच्या ई-पीक पाहणी प्रकल्प दिनांक 15 ऑगस्ट 2021 पासून संपूर्ण महाराष्ट्रात राबविण्यात येत आहे. केंद्र शासनाच्या सूचनेनुसार या प्रकल्पात सुधारणा करुन खरीप व रब्बी हंगाम 2024 पासून पीक पाहणी ही डिजिटल क्रॉप सर्वे प्रणालीव्दारे संपूर्ण राज्यात लागू करण्यात आली आहे. शेतकऱ्यांनी सहाय्यकांवर अवलंबून न राहता शक्य तितकी पीक पाहणी स्वत:च पूर्ण करावी. पीक पाहणी दरम्याम काही अडचणी आल्यास आपल्या गावासाठी नेमणूक करण्यात आलेले पीक पाहणी सहाय्यक शेतकऱ्यांच्या मतदीसाठ...

समाजात महिलावर्ग प्रत्येक क्षेत्रात ठसा उमटवत आहे. व्यवसायाच्या क्षेत्रातही महिलांनी मोठ्या धैर्याने, मेहनतीने आणि आत्मविश्वासाने उत्तुंग भरारी घेतली आहे. अशीच एक प्रेरणादायी कहाणी आहे सिंधुदुर्ग जिल्ह्यातील सावंतवाडी तालुक्यातील सोनाली देसाई-मसूरकर यांची. वडिलांना आधार द्यायच्या उद्देशाने व्यवसायात पाऊल ठेवणाऱ्या सोनाली यांनी काही वर्षांत स्वतःचा वेगळा ठसा निर्माण केला आणि स्वतःचा ब्रँड उभारला. त्यांच्या यशामागे वडील प्रभाकर देसाई यांचे मार्गदर्शन, त्यांच्याकडून मिळालेली शिकवण आणि कष्टाची प्रेरणा आहे. प्रभाकर देसाई यांनी सुरुवातीला एमआयडीसीमध्ये व्यवसाय सुरू केला. निवृत्तीनंतर मुलाकडे तो व्यवसाय सोपवून स्वतः नव्याने काहीतरी करण्याचा निर्णय घेतला. याच काळात माडखोल (ता. सावंतवाडी) येथे त्यांनी डेअरी व्यवसाय उभारला. या व्यवसायातूनच सोनाली यांना या व्यवसायाचे बाळकडू मिळाले. सोनाली यांच्या या उद्योगामध्ये प्रधानमंत्री सूक्ष्म अन्न प्रक्रिया उद्योग योजनेचा मोठा आधार मिळाला आहे. या योजनेचा मुख्य उद्देश अन्न्‍ प्रक्रिया क्षेत्राला बळकटी देऊन लाभार्थ्यांला स्वत:च्या पायावर उभे करणे हा आहे. ...

सिंधुदुर्गनगरी दिनांक 24 (जिमाका) :- महाराष्ट्र लोकसेवा आयोगामार्फत महाराष्ट्र नागरी सेवा राजपत्रित संयुक्त पूर्व परीक्षा 2025 रविवार 28 सप्टेंबर 2025 रोजी सकाळी 10 ते 12 दुपारी व दुपारी 3 ते सायंकाळी 5 यावेळेत दोन सत्रात विद्यामंदिर माध्यमिक प्रशाला, कणकवली आणि कणकवली कॉलेज कणकवली या दोन उपकेंद्रावर आयोजि‍त करण्यात आलेली असल्याची माहिती निवासी उपजिल्हाधिकारी मच्छिंद्र सुकटे यांनी दिली आहे. या परीक्षेसाठी एकूण 499 उमेदवार परीक्षेस बसणार आहेत, विद्यामंदिर माध्यमिक प्रशाला, कणकवली येथे KD001001 ते KD001312, आणि कणकवली कॉलेज कणकवली येथे KD002001 ते KD002187 या 2 उपकेंद्रावर बैठकीचे व्यवस्था केली आहे. या परीक्षेच्या आयोजनाबाबत उमेदवारांना महत्वाच्या सूचना, आयोगामार्फत आयोजित परीक्षांमध्ये कॉपीचा, गैरप्रकाराचा प्रयत्न करणाऱ्या घटनांची आयोगाकडून गंभीर दखल घेण्यात येईल. अशा प्रकरणी आयोगाकडून संबंधितांवर फौजदारी व प्रशासकीय अशा दोन्ही स्वरुपाची कारवाई करण्यात येणार आहे. परीक्षाकरीता आयोगाने कडक उपाययोजना केलेल्या आहेत. परीक्षा उपकेंद्रावर उमेदवारांची आयोगाकडू...

सिंधुदुर्गनगरी दिनांक 24 (जिमाका) :- जिल्ह्यातील शहीद जवानांच्या वीरपत्नी, वीरमाता, वीरपिता व माजी सैनिक यांचा सन्मान करण्यासाठी २९ सप्टेंबर २०२५ रोजी सकाळी ११ वाजता जिल्हा सैनिक कल्याण कार्यालय, सिंधुदुर्ग यांचे वतीने सैनिकी मुलांचे वसतिगृह, सावंतवाडी येथील मल्टी पर्पज हॉल येथे शौर्य दिन' या कार्यक्रमाचे आयोजन करण्यात येणार आल्याची माहिती जिल्हा सैनिक कल्याण अधिकारी यांनी प्रसिध्दी पत्रकाव्दारे दिली आहे. सर्व माजी सैनिक, माजी सैनिक विधवा पत्नी, वीरनारी, वीरमाता, वीरपिता यांना दिनांक २९ सप्टेंबर २०१६ रोजी भारतीय सैन्य दलाने पाकीस्तान हहीत घुसुन सर्जिकल स्ट्राईकव्दारे अतिरेक्यांचा खात्मा केला होता. सैनिक कल्याण विभाग, पुणे यांनी दिलेल्या निर्देशान्वये भारतीय सैन्य दलाची ही अभिमानास्पद कामगिरी जिल्हयातील जनतेपर्यंत पाहोचविण्यासाठी २९ सप्टेंबर हा दिवस शौर्य दिन म्हणून साजरा करण्यात येतो. जिल्ह्यातील शहीद जवानांच्या वीरनारी, वीरमाता/वीरपिता, माजी सैनिक व माजी सैनिक विधवा पत्नी, यांनी शौर्य दिन साजरा करण्यासाठी सावंतवाडी येथील मल्टी पर्पज हॉल येथे उपस्थित राहावे, असे आवाहन जिल्हा स...

सिंधुदुर्गनगरी दिनांक 24 (जिमाका) :- जिल्हा अधीक्षक भूमि अभिलेख कार्यालय सिंधुदुर्ग येथे दि. 29 सप्टेंबर 2025 रोजी सकाळी 11 वाजता अपील प्रकरणांच्या निपटाऱ्यांसाठी लोक अदालतीचे आयोजन करण्यात आल्याची माहिती जिल्हा अधीक्षक भूमि अभिलेख अधिकारी यांनी प्रसिध्दी प्रत्रकाव्दारे कळविले आहे. या लोक अदालत मध्ये जिल्हा अधीक्षक भूमि अभिलेख सिंधुदुर्ग यांच्यकडील प्रलंबित अपील प्रकरणावर सुसंवादाच्या माध्यमातून न्याय व जलद निर्णय यावर भर दिला जाणार आहे. यासाठी अपीलामधील दोन्ही पक्षकारांमध्ये तडजोड करण्यास मदत करून अपील प्रकरणे कायम स्वरूपी निकाली काढ़णेकामी संबंधित नागरिकांनी किंवा अपीलकर्त्यांनी आपली सर्व आवश्यक कागदपत्रे व पुरावे सोबत घेऊन उपस्थित रहावे. जिल्हा अधीक्षक भूमि अभिलेख यांच्याकडून या लोक अदालतीसाठी जास्तीत जास्त नागरीकांनी उपस्थित राहण्याचे आवाहन करण्यात येत आहे. ००००

सिंधुदुर्गनगरी दिनांक 24 (जिमाका) :- ग्रामविकास विभागाच्या शासन निर्णयानुसार दिव्यांग व्यक्तींच्या तक्रारींचे निवारण करण्यासाठी दर महिन्याला तक्रार निवारण समितीची सभा घेण्यात येते. त्याअनुषंगाने जिल्ह्यातील दिव्यांग व्यक्तींच्या तक्रारींचे निराकरण करण्यासाठी सिंधुदुर्ग जिल्हा परिषदेमार्फत सोमवार 29 सप्टेंबर 2025 रोजी दुपारी 12 वाजता ऑनलाईन V.C व्दारे जिल्हा परिषदेचे मुख्य कार्यकारी यांच्या दालनात आयोजित करण्यात आली आहे. त्याअनुषंगाने जिल्ह्यातील दिव्यांग व्यक्तींनी आपल्या नजिकच्या पंचायत समिती कार्यायात उपस्थित राहण्याचे आवाहन उप मुख्य कार्यकारी अधिकारी (सा.) जयप्रकाश परब यांनी केले आहे. 00000

सिंधुदुर्गनगरी दिनांक 24 (जिमाका) :- स्वच्छ भारत मिशन अंतर्गत महात्मा गांधी यांच्या जयंतीचे औचित्य साधून 2 ऑक्टोबर हा दिवस स्वच्छ भारत दिवस म्हणून साजरा करण्यात येणार आहे. त्याअनुषंगाने "स्वच्छता ही सेवा" (SHS) मोहीम 17 सप्टेंबर 2025 ते 2 ऑक्टोबर 2025 या कालावधीत जिल्ह्यात राबविली जात आहे. या मोहिमेचा एक महत्त्वपूर्ण टप्पा म्हणून गुरुवार, 25 सप्टेंबर 2025 रोजी सकाळी 8 ते 11 या वेळेत "महास्वच्छता अभियान" राबविण्यात येणार असून "एक दिवस, एक तास, एक साथ" या संकल्पनेवर आधारित देशव्यापी श्रमदान उपक्रमात जिल्ह्यातील सर्व ग्रामस्थांनी सहभागी व्हावे, असे आवाहन जिल्हा परिषदेच्या मुख्य कार्यकारी अधिकारी रविंद्र खेबुडकर यांनी केले आहे. या वर्षी "स्वच्छता ही सेवा 2025" साठी "स्वच्छोत्सव" ही थीम निश्चित करण्यात आली आहे. मोहिमेअंतर्गत तालुका व गावस्तरावर परिसर स्वच्छतेचे उपक्रम सुरू असून अस्वच्छ ठिकाणांची निवड करून त्यांची मॅपिंग व साफसफाई करण्यात येत आहे. दिनांक 25 सप्टेंबर 2025 रोजी आयोजित महास्वच्छता अभियानात ग्रामस्थ, शालेय विद्यार्थी, महिला बच...

सिंधुदुर्गनगरी दिनांक 24 (जिमाका) :- शेतकऱ्यांना हवामान बदल, बाजरापेठेतील अस्थिरता आणि माहितीच्या अभावामुळे अनेक आवाहानांचा सामना करावा लागतो. यावर उपाय म्हणून महाविस्तार AI हे ॲप लाँच केला आहे. कृषी विभागाने विकसित केलेले एक अत्याधुनिक ॲप आहे. कृत्रिम बुध्दिमत्तेच्या साहाय्याने हे ॲप शेतकऱ्यांना त्यांच्या शेतीशी संबंधित सर्व गरजा पूर्ण करण्यासाठी एकाच ठिकाणी माहिती उपलब्ध करून देते. मराठी भाषेत उपलब्ध असलेले हे ॲप शेतकऱ्यांना रिअल टाइम माहिती, तज्ज्ञांचा सल्ला, आणि आधुनिक शेती पध्दतीचे मार्गदर्शन करते. महाविस्तार AI ॲपमधील AI चॅटबॉट शेतकऱ्यांच्या प्रश्नांना त्वरित उत्तरे देतो. रिअल – टाइम हवामान अंदाज स्थानिक पातळीवर हवामान अंदाजामुळे शेतकरी पेरणी, कापणी आणि खतांचा वापर यांचे नियोजन करू शकतात. स्थानिक आणि राष्ट्रीय बाजारपेठेतील पिकांचे भाव रिअल- टाइममध्ये दाखवते. कृषि विभागाच्या विविध कृषि योजनांची माहिती, अनुदान, कर्जमाफी, आणि विमा योजनांचे तपशील एकाच ठिकाणी मिळु शकतील. ॲपमध्ये मराठीत व्हिडिओ उपलब्ध आहेत. ज्यात पिकांची लागवड, खतांचा वापर, कापणी, आणि जैविक शेती याबा...

सिंधुदुर्गनगरी दिनांक 24 (जिमाका) :- खाजगी क्षेत्रात लघु, सुक्ष्म, मध्यम व मोठ्या उद्योजकांना आवश्यक असणारे मनुष्यबळ उपलब्ध करून देण्यासाठी व समाजात दिवसेंदिवस वाढणारी बेरोजगारीची समस्या दूर करण्याच्या दृष्ठीकोनातून कौशल्य, रोजगार, उद्योजकता व नाविन्यता विभाग, महाराष्ट्र शासन यांचे विद्यमाने 8 ऑक्टोबर 2025 रोजी बीकेसी ग्राऊंड बांद्रा येथे सकाळी 9 वाजता नमो रोजगार मेळाव्याचे आयोजन केलेले आहे. नमो महारोजगार मेळाव्याकरिता पंतप्रधान नरेंद्र मोदी, मुख्यमंत्री देंवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे तसेच कौशल्य, रोजगार, उद्योजकता व नाविन्यता विभागाचे मंत्री मंगलप्रभात लोढा तसेच इतर मान्यवर उपस्थित राहणार असल्याची माहिती कौशल्य विकास, रोजगार व उद्योजकताचे सहायक आयुक्त श्री. येरमे यांनी दिली आहे. नमो महारोजगार मेळाव्यात विविध शैक्षणिक पात्रतेचे मनुष्यबळ जागीच व विना विलंब उपलब्ध व्हावे, यासाठी महाराष्ट्र राज्यातील पात्र व इच्छूक उमेदवारांना आमंत्रित करण्यात आले आहे. तरी आपणाकडे असणाऱ्या रिक्तपदांचा तपशील या कार्यालयास विहित नमुन्यात (Notification Form) sindh...

सिंधुदुर्गनगरी दिनांक 24 (जिमाका) :-सामाजिक न्याय व विशेष सहाय्य विभागाकडून तृतीयपंथीय समाजाला लाभ देण्यासाठी तृतीयपंथीयांचे सर्वेक्षण करण्याचे शासनाने निर्देश दिले आहेत. या समाजासाठी काम करणाऱ्या संस्थांनी जास्तीत जास्त लाभार्थ्यांपर्यत ही योजना पोहचवून सहकार्य करावे, असे आवाहन समाज कल्याण सहाय्यक आयुक्त संतोष चिकणे यांनी केले आहे. तृतीयपंथी व्यक्तींचे वैयक्तिक निवास विषयक माहित, स्थलांतर, शिक्षण विषयक माहिती, लाभ मिळालेल्या योजना विषयी माहिती, आरोग्यविषयक माहिती व स्मार्टकार्ड इत्यादी माहिती त्वरीत सहाय्यक आयुक्त समाज कल्याण कार्यालय, सिंधुदुर्ग येथे समक्ष भेट देऊन योजनेविषयक आपल्या आवश्यक मागणी असलेल्या साहित्यासाठी (कॉप्युटर, प्रिंटर, घरगंटी इ,) अर्ज व कागदपत्रे सादर करावीत. तसेच या समाजासाठी काम करणाऱ्या सस्थांनी जास्तीत जास्त लाभार्थ्यांपर्यंत ही योजना पोहचवून सहकार्य करावे, असे आवाहन सहाय्यक आयुक्त, समाज कल्याण संतोष चिकणे यांनी केले आहे. अधिक माहितीसाठी डॉ. बाबासाहेब आंबेडकर सामाजिक न्याय भवन, सिंधुदुर्गनगरी, ओरोस फोन नं.- 02362 -228882 वर संपक साधवा. ०००००

सिंधुदुर्गनगरी दिनांक 23 (जिमाका) :- तंत्रज्ञानाचा वापर करून सर्वसमावेशक विकास साधण्याच्या दिशेने सिंधुदुर्ग जिल्हा महत्त्वाचे पाऊल टाकत आहे. ऑक्टोबरच्या पहिल्या आठवड्यात नीती आयोगाचे सदस्य जिल्ह्याला भेट देऊन येथे विकसित करण्यात आलेल्या कृत्रिम बुध्दीमत्ता (Artificial Intelligence) आधारित मॉडेलचा प्रत्यक्ष अभ्यास करणार आहेत. मुख्यमंत्री देवेंद्र फडणवीस यांनी या उपक्रमासाठी दिलेले प्रोत्साहन आणि सर्वतोपरी सहकार्य अत्यंत मोलाचे आहे. त्यांच्या मार्गदर्शनामुळेच हे मॉडेल प्रभावीपणे विकसित होऊ शकले. जिल्ह्याच्या सर्वांगीण प्रगतीसाठी ही मोठी झेप ठरणार आहे. मार्व्हल यांनी विकसित केलेले हे मॉडेल अत्यंत यशस्वी ठरले असून, लवकरच ते देशभरात स्वीकारले जाणार आहे. भारतातील पहिले असे 'एआय सिंधुदुर्ग मॉडेल' बनविण्याचा मान आपल्या जिल्ह्याला मिळत असल्याचा आम्हाला अभिमान असल्याची प्रतिक्रीया पालकमंत्री नितेश राणे यांनी व्यक्त केली. एआय मॉडेलचे फायदे जिल्हा प्रशासनाच्या विविध योजनांचा अचूक व वेगवान आढावा घेता येणार. शेतकरी, विद्यार्थी, उद्योग क्षेत्र व सामान्य नागरिकांना तंत्रज्ञानाद्वारे...

सिंधुदुर्गनगरी दिनांक २३ (जिमाका) :- जिल्ह्यातील टॉप क्लास विद्यालयांच्या याद्या या कार्यालयास प्राप्त झालेल्या असुन यादीतील सन २०२२-२३,२०२३-२४ आणि २०२४-२५ या शैक्षणिक वर्षामध्ये ज्या विद्यालयांनी बोर्ड परीक्षेमध्ये सतत १०० टक्के विद्यार्थी उत्तीर्ण असा निकाल प्राप्त केलेला आहे. अशा विद्यालयातील विद्यालयातील विद्यार्थ्यांसाठी Top Class Education in School For OBC, EBC & DNT Student" Under PM YASHSVI-reg. या योजनेंतर्गत शिष्यवृत्ती नॅशनल स्कॉलरशिप पोर्टलवर"सुरु आहे. पात्र विद्यार्थ्यांनी शिष्यवृत्ती अर्ज मुख्याध्यापक यांच्यामार्फत " नॅशनल स्कॉलरशिप पोर्टलवर" भरण्याचे आवाहन इतर मागास बहुजन कल्याण विभागाचे सहायक संचालक उदयसिंह गायकवाड यांनी केले आहे. योजनेचे उद्यिष्ट :- ओबीसी, ईबीसी व डीएनटी प्रवर्गातील गुणवंत विद्यार्थ्यांना इयत्ता ९ वी ते १२ वी पर्यंत उच्च दर्जाचे शिक्षण मिळावे, यासाठी निवडक टॉप क्लास शाळांमध्ये शिकण्यासाठी लागणारा संपूर्ण शैक्षणिक खर्च शासकीय मदतीतुन भागविणे. पात्रता व कव्हरेज :- लाभार्थी :- ओबीसी, ईबीसी, डीएनटी प्रवर्गातील विद्यार्थ...

सिंधुदुर्गनगरी दिनांक 23 (जिमाका) :- दिव्यांग बालकांचे सर्व्हेक्षण करुन त्यांना शासकीय योजनांची माहिती व लाभ, दिव्यांग प्रमाणपत्र अदा करण्यासाठी वैद्यकीय तपासणी, आभा कार्ड, आयुष्यमान कार्ड काढणे, नवीन आधार कार्ड काढणे व अद्ययावत करणे तसेच दिव्यांग बालकांसोबत उपस्थित राहणारे शिक्षक व पालक यांच्याकरीता आरोग्य तपासणी याकरीता शिबीराचे आयोजन करण्यात आलेले आहे. या शिबीराचा जास्तीत जास्त दिव्यांग बालकांनी लाभ घ्यावा, असे आवाहन जिल्हा विधी सेवा प्राधिकरण अध्यक्ष,तथा प्रमुख जिल्हा व सत्र न्यायाधीश, डॉ. सुधीर देशपांडे यांनी केले आहे या शिबीरामध्ये आरोग्य विभाग, महिला व बाल विकास विभाग, दिव्यांग विभाग व जिल्ह्यातील दिव्यांगांसाठी काम करणाऱ्या सर्व शासकीय शाळा व अशासकीय संस्था (NGO) यांचेमार्फत दिव्यांग बालकांची ओळख / तपासणी करणेकरीता जिल्ह्यात दिनांक २७ सप्टेंबर २०२५ रोजी सकाळी १० वाजता श्री. भगवती सभागृह, रेल्वे स्टेशन रोड मळगाव (वृक्षवल्ली शेजारी), ता. सावंतवाडी, जि. सिंधुदुर्ग या ठिकाणी दिव्यांग बालकांसाठी विशेष शिबीर आयोजित करण्यात आले आहे. तसेच त्याबाबत अधिक माहितीसाठी जिल्हा विधी सेवा ...

सिंधुदुर्गनगरी दिनांक 23 (जिमाका) :- केंद्रपुरस्कृत उल्लास-नव भारत साक्षरता कार्यक्रम (NBSK) सन 2022 ते 2027 या कालावधीच्या कालावधीतील तीन वेळा राज्यासह सिंधुदुर्गात परीक्षा घेतली आहे. 21 सप्टेंबर रोजी पायाभूत साक्षरता व संख्याज्ञान मूल्यमापन चाचणी (FLNAT) सपन्न झाली, असल्याची माहिती शिक्षणाधिकारी (योजना) निलिमा नाईक यांनी दिली आहे. 15 वर्ष आणि त्यावरील वयोगटातील असाक्षर व्यक्तींमध्ये महत्वपूर्ण जीवन कौशल्ये विकसीत करावयाची आहेत. या कौशल्यांमध्ये आर्थिक साक्षरता, कायदेविषयक साक्षरता, डिजिटल साक्षरता, आपत्ती व्यवस्थापन कौशल्य, आरोग्याची काळजी व जागरूकता, बालसंगोपन आणि शिक्षण, कुटुंब कल्याण, इ. बाबींचा समावेश आहे. या कार्यक्रमांतर्गत सन 2025-26 मध्ये उल्लास अॅपवर नोंदणी झालेल्या असाक्षरांची रविवार 21 सप्टेंबर, 2025 रोजी चाचणी घेण्यात आली. यु-डायस क्रमांकानुसार असाक्षरांची नोंदणी केलेली प्रत्येक शाळा ही परीक्षा केंद्र होती. परीक्षा केंद्रावर सकाळी 10 ते सायंकाळी 5 या वेळेत ऑफलाईन पद्धतीने व असाक्षरांच्या सोयीनुसार चाचणी घेण्यात आली. ही चाचणी एकूण 150 गुणांची घेण्यात आली. अनुक्रमे भाग...

सिंधुदुर्गनगरी दिनांक 23 (जिमाका) :- “शासन आपल्या दारी” या मोहिमेतून भूसंपादन प्रस्ताव क्रमांक २२/२००७ ऐनारी मधील शिल्लक निवाडा रक्कम मोबदलाधारक यांना दिनांक २९ सप्टेंबर २०२५ रोजी दुपारी १२ वाजता ग्रामपंचायत कार्यालय ऐनारी ता. वैभववाडी येथे वाटप करण्यासाठी कॅम्पचे आयोजन करणेत आलेले आहे. या कॅम्पमध्ये मोबदला मिळण्याचे शिल्लक खातेदारांनी उपस्थीत राहण्याचे आवाहन उपविभागीय जलसंधारण अधिकारी सं. शिरोडकर यांनी केले आहे. शिल्लक खातेदारांच्या नावांची यादी तलाठी भुईबावडा ता. वैभववाडी यांचे कार्यालयात उपलब्ध आहे. तसेच जिल्हयाची Sindhudurg nic.in या वेवसाईटवर देखील उपलब्ध आहे. तलाठी तथा ग्राम महसूल अधिकारी, भुईबावडा यांचेशी संपर्क साधून त्यांचेकडे दिलेल्या परिशीष्ठ मधील खालीलप्रमाणे कागदपत्रे कॅम्पला येताना घेवून यावेत. मोबदला मिळण्यासाठी सादर करणेचे आवश्यक कागदपत्रे खालीलप्रमाणे १. १८९४ च्या अधिनियम एक च्या कलम १२ (२) खालील नोटोसीची मुळ प्रत. २. पोलीस पाटील यांच्याकडील दाखला. ३. खातेदार मयत असल्यास मृत्यूचा दाखला, वारस रजिस्टर उतारा (गाव नमुना नंबर ६ क व ६). ४. कोणत्याह...

सिंधुदुर्गनगरी दि.23 (जिमाका):- सहाय्यक आयुक्त समाज कल्याण कार्यालयांतर्गत मुला- मुलींसाठी असलेल्या शासकीय वसतिगृहामध्ये सन 2025-26 शैक्षणिक वर्षाकरीता शासकीय वसतिगृहातील रिक्त असणाऱ्या जागेवर व्यावसायिक अभ्यासक्रम प्रवेश प्रक्रियासाठी विद्यार्थी, विद्यार्थींनी ऑनलाईन पध्दतीने 30 सप्टेंबर पर्यंत ऑनलाईन पध्दतीने अर्ज सादर करण्याचे आवाहन समाज कल्याणचे सहाय्यक आयुक्त संतोष चिकणे यांनी केले आहे. समाज कल्याण कार्यालयांतर्गत मुला-मुलींच्या शासकीय वसतिगृहाकरीता डॉ. बाबासाहेब आंबेडकर मागासवर्गीय मुलांचे शासकीय वसतिगृह, मालवण, कणकवली व वेंगुर्ला असे एकूण 03 तसेच मागासवर्गीय मुलींचे शासकीय वसतिगृह, मालवण, कणकवली, सावंतवाडी, वेंगुर्ला व देवगड असे 05 व एकूण 08 शासकीय वसतिगृहामध्ये विदयार्थी, विदयार्थीनींना सन 2025-26 या शैक्षणिक वर्षासाठी मोफत प्रवेशाची संधी उपलब्ध आहे. तरी अनुसूचित जाती, विमुक्त जाती, भटक्या जमाती, इतर मागासवर्गीय सह इतर प्रवर्गाच्या व्यावसायिक अभ्यासक्रमासाठी प्रथम वर्षात प्रवेश घेण्याऱ्या सर्व विदयार्थ्यांना वसतिगृहामध्ये रिक्त असणाऱ्या जागेवर विनामुल्य प्रवेश ऑनलाईन पध्दत...

सिंधुदुर्गनगरी दि.23 (जिमाका):- सामाजिक न्याय व विशेष सहाय्य विभागामार्फत अनुसूचित जाती प्रवर्गातील विद्यार्थ्यांकडून महाडिबोटी प्रणालीवरील शैक्षणिक वर्ष २०२५-२६ करिता भारत सरकार मंट्रिकोत्तर शिष्यवृत्ती व इतर शिष्यवृत्ती योजनेसाठी दि.०१ जुलै २०२५ पासून ऑनलाईन पद्धतीने अर्ज करण्याची सोय उपलब्ध करून देण्यात आल्याची माहिती समाज कल्याणचे सहायक आयुक्त संतोष चिकणे यांनी केले आहे. शैक्षणिक वर्ष २०२५-२६ करिता भारत सरकार मॅट्रिकोत्तर शिष्यवृती, मॅट्रिकोत्तर शिक्षण फी परिक्षा फी प्रदाने, राजर्षी छत्रपती शाहू महाराज गुणवत्ता शिष्यवृती व व्यावसायिक पाठ्यक्रमाशी संलग्न वसतीगृहातील विद्यार्थ्यांना निर्वाहभत्ता योजनेचे नवीन अर्ज नोंदणी करणे व नुतनीकरण अर्ज नोंदणी करणेची सुरुवात दि.०१ जुलै, २०२५ पासून https://mahadbtmahait.gov.in या संकेतस्थळावर उपलब्ध करून देण्यात आली आहे. याबाबत जिल्ह्यातील सर्व कनिष्ठ, वरिष्ठ व व्यावसायिक महाविद्यालयांच्या प्राचार्यांनी महाविद्यालयात प्रवेशित योजनेस पात्र विद्यार्थ्यांचे ऑनलाईन शिष्यवृत्ती अर्ज भरण्यासंदर्भात खालील वेळापत्रकानुसार कार्यवाही करावी. अनुसूचित ज...

सिंधुदुर्ग, दि. २२ : (जिमाका) राज्य निवडणूक आयोगाच्या सूचनांच्या अनुषंगाने जिल्ह्यात होणाऱ्या जिल्हा परिषद व पंचायत समिती निवडणुकांच्या पार्श्वभूमीवर कायदा व सुव्यवस्था अंमलबजावणीसाठी जिल्हाधिकारी तृप्ती धोडमिसे यांच्या अध्यक्षतेखाली महत्त्वपूर्ण आढावा बैठक पार पडली. या बैठकीस पोलीस अधीक्षक डॉ. मोहन दहिकर, निवासी उपजिल्हाधिकारी मच्छिंद्र सुकटे, उपजिल्हा निवडणूक अधिकारी बालाजी शेवाळे प्रत्यक्ष उपस्थित होते. तसेच जिल्ह्यातील सर्व उपविभागीय अधिकारी (महसूल व गृह), तहसिलदार व पोलीस निरीक्षक हे दूरदृष्य प्रणालीद्वारे सहभागी झाले. बैठकीत उपजिल्हा निवडणूक अधिकारी शेवाळे यांनी जिल्हा परिषद व पंचायत समिती प्रभाग रचना, प्रस्तावित मतदान केंद्रांची संख्या, मतदारसंख्या आणि संबंधित संक्षिप्त माहिती दिली. तसेच जिल्हा प्रशासन आणि पोलीस यंत्रणा आगामी निवडणुका पारदर्शक, शांततेत आणि सुरळीत पार पाडण्यासाठी सज्ज असल्याचेही त्यांनी बैठकीत सांगितले. जिल्हाधिकारी श्रीमती धोडमिसे यांनी निवडणूक काळातील कायदा व सुव्यवस्थेसाठी आवश्यक उपाययोजनांबाबत स्पष्ट निर्देश दिले. यामध्ये प्रतिबंधात्मक कारवा...

सिंधुदुर्गनगरी दि २२ (जिमाका) :- जिल्हा ग्राहक तक्रार निवारण समितीची बैठक जिल्हाधिकारी तथा समितीच्या अध्यक्ष तृप्ती धोडमिसे यांच्या अध्यक्षतेखाली आज संपन्न झाली. या बैठकीत ग्राहकांच्या विविध तक्रारींचा आढावा घेऊन त्यांचे तात्काळ निवारण करण्याबाबत संबंधित विभागांना सूचना देण्यात आल्या. फळ विक्रेते अनैसर्गिक पध्दतीने फळ पिकवून ग्राहकांना विक्री करत असल्याची तक्रार अशासकीय सदस्यांनी केली. याबाबत कृषी आणि अन्न व औषध प्रशासनाने नियमांनुसार कार्यवाही करावी. दूरसंचार कंपनीने ग्राहकांना उत्कृष्ट सेवा द्याव्यात. बस स्थानकांवर प्रवाशांना सुविधा मिळणे आवश्यक आहे. स्वच्छ पिण्याचे पाणी उपलब्ध करुन द्यावे, शौचालयांची नियमित स्वच्छता करावी. ग्राहक हे अर्थव्यवस्थेचे केंद्रबिंदू आहेत. त्यांच्या तक्रारींना गांभीर्याने घेऊन वेळेत निवारण करणे ही आपली सामूहिक जबाबदारी आहे. शासनाच्या धोरणानुसार ग्राहक हक्कांचे रक्षण करणे हे प्रत्येक विभागाने प्राधान्याने करावे असेही निर्देश जिल्हाधिकारी श्रीमती तृप्ती धोडमिसे यांनी यावेळी संबंधित विभाग प्रमुखांना दिले. या बैठकीला विभाग प्रमुखांनी प्रतिनिधी न पाठवता स्वत...

जागतिक स्वच्छता दिनानिमित्त आचरा समुद्र किनारी स्वच्छता अभियानास उत्स्फूर्त प्रतिसाद सिंधुदुर्गनगरी दि २० (जिमाका) प्लास्टिक पिशव्या, बॉटल्स यांसारखा कचरा विघटन न होणारा असल्याने पर्यावरणाचा समतोल बिघडतो. पर्यावरण रक्षणासाठी आणि भावी पिढ्यांच्या आरोग्यासाठी दैनंदिन जीवनातील प्लास्टिक वापर शून्यावर आणणे ही प्रत्येकाची जबाबदारी आहे असे आवाहन जिल्हाधिकारी तृप्ती धोडमिसे यांनी जागतिक स्वच्छता दिनानिमित्त आचरा येथे केले. आंतरराष्ट्रीय स्वच्छता दिनानिमित्त राष्ट्रीय किनारा अभियानांतर्गत आचरा ते देवबाग समुद्र किनाऱ्यावर स्वच्छता मोहीम राबवण्यात आली. जिल्हाधिकारी धोडमिसे यांनी स्वतः मोहिमेत सहभागी होत प्लास्टिक पिशव्या, बॉटल्स व अन्य कचरा गोळा केला. यावेळी त्या म्हणाल्या सिंधुदुर्गातील समुद्रकिनाऱ्यांवर मोठ्या प्रमाणात पर्यटक येतात. त्यांच्या माध्यमातून वाढणारा प्लास्टिक कचरा रोखण्यासाठी जनजागृती अत्यंत महत्त्वाची आहे. प्रशासनाच्या स्तरावर उपाययोजना होत असल्या तरी ‘प्लास्टिकमुक्त किनारा’ ही मोहीम यशस्वी होण्यासाठी लोकसहभाग आवश्यक आहे. ग्रामपंचायतींवर पर्यटन हंगामात वाढत्या कचरा समस्येचा...

सिंधुदुर्गनगरी दिनांक २० (जिमाका) : शैक्षणिक वर्ष सन 2025-26 करीता इतर मागास वर्ग, विमुक्त जाती, भटक्या जमाती व विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी शासकीय वसतिगृह योजनेंतर्गत मोफत प्रवेश घेण्यासाठी दि. 29 सप्टेंबर मुदतवाढ देण्यात आली असल्याची माहिती इतर मागास बहुजन कल्याण चे सहायक संचालक उदयसिंह गायकवाड यांनी दिली आहे. राज्यातील इतर मागास प्रवर्ग, विमुक्त जाती, भटक्या जमाती व विशेष मागास प्रवर्ग या प्रवर्गातील व्यावयायिक व बिगर व्यावसायिक शिक्षण घेणाऱ्या विदयार्थ्यांसाठी जिल्ह्यात इतर मागास बहुजन कल्याण मुलांचे शासकीय वसतीगृह, बांधकरवाडी कणकवली येथे सुरु झाले आहे. या वसतीगृहात सन २०२५-२६ साठी अभ्यासक्रमनिहाय व जात प्रवर्गनिहाय रिक्त जागा दर्शविणारे विवरणपत्र खालील प्रमाणे. अ.क्र प्रवर्ग एकुण आक्षण व्यवसायिक अभ्यासक्रम बिगर व्यवसायिक अभ्यासक्रम व्यवसायिक अभ्यासक्रम रिक्त जागा 1 इतर मागास वर्ग 51% 22 9 22 2 विमुक्त जाती व भटक्या जमाती 33% 14 6 14 3 विशेष मागास प्रवर्ग 6% 3 1 3 4 दिव्यांग 4% 1 - 1 5 अना...

सिंधुदुर्गनगरी, दि.20 (जि.मा.का.) : इतर मागास वर्ग, विमुक्त जाती व भटक्या जमाती, आणि विषेश मागास प्रवर्गातील भटक्या जमाती - क प्रवर्गातील धनगर समाजातील उच्च शिक्षण घेणाऱ्या विद्यार्थ्यांना "पंडीत दिनदयाल उपाध्याय स्वयंम योजना" शैक्षणिक वर्ष 2025-26 साठी राबविण्यास शासनाने मान्यता देण्यात आलेली आहे. तरी जिल्ह्यातील विद्यार्थ्यांनी या योजनेचा लाभ घेण्याचे आवाहन इतर मागास बहुजन कल्याण सहायक संचालक उदयसिंह गायकवाड यांनी केले आहे. पंडीत दिनदयाल उपाध्याय स्वयंम योजना सन २०२५-२६ योजनेकरिता विमुक्त जाती व भटक्या जमाती व विशेषमागास प्रवर्गातील 12 वी नंतरच्या व्यावसायिक अभ्यासक्रमात प्रवेश घेतलेल्या पदवी आणि पदव्युत्तर अभ्याक्रमध्ये (बिगर व्यावसायिक अभ्यसक्रम वगळून) विद्यार्थ्यांनीच ऑनलाईन पध्दतीने 29 सप्टेंबर 2025 पर्यंत https://hmas.mahait.org या संकेतस्थळावर अर्ज भरावयाचे आहेत. भरलेल्या अर्जाची एक प्रत सहायक संचालक, इतर मागास बहुजन कल्याण कार्यालय, डॉ. बाबासाहेब आंबेडकर सामाजिक न्याय भवन सिंधुदुर्गनगरी ता. कुडाळ जि. सिंधुदुर्ग यांच्याकडे जमा करावयाचे आहे. ०००००

सिंधुदुर्गनगरी, दि.20 (जि.मा.का.) : इतर मागास वर्ग, विमुक्त जाती व भटक्या जमाती आणि विशेष मागास प्रवर्गातील (भटक्या जमाती ‘क’ प्रवर्गातील धनगर समाजाचे विद्यार्थी वगळून) उच्च शिक्षण घेणाऱ्या विद्यार्थ्यांना “ज्ञानज्योती सावित्रीबाई फुले आधार योजना” शैक्षणिक वर्ष २०२५-२६ साठी राबविण्यास शासनाने मंजुरी दिली आहे. तरी जिल्ह्यातील पात्र विद्यार्थीनी या योजनेचा लाभ घेण्याचे आवाहन इतर मागास बहुजन कल्याण सहायक संचालक उदयसिंह गायकवाड यांनी केले आहे. "ज्ञानज्योती सावित्रीबाई फुले आधार योजना" सन 2025-26 योजनेकरिता विमुक्त जाती व भटक्या जमाती व विशेषमागास प्रवर्गातील 12 वी नंतरच्या व्यावसायिक अभ्यासक्रमात प्रवेश घेतलेल्या पदवी आणि पदव्युत्तर अभ्यासक्रमातील (बिगर व्यावसायिक अभ्यासक्र वगळून) विद्यार्थ्यांनीच ऑनलाईन पध्दतीने 29 सप्टेंबर पर्यंत https://hmas.mahait.org या संकेतस्थळावर अर्ज भरावयाचे आहेत. भरलेल्या अर्जाची एक प्रत सहायक सहायक संचालक, इतर मागास बहुजन कल्याण कार्यालय, डॉ. बाबासाहेब आंबेडकर सामाजिक न्याय भवन सिंधुदुर्गनगरी ता. कुडाळ जि. सिंधुदुर्ग. यांच्याकडे जमा करावयाचे आहे....

सिंधुदुर्ग दिनांक १९ (जिमाका) आजच्या स्पर्धात्मक युगात विद्यार्थ्यांनी केवळ अभ्यासापुरते मर्यादित न राहता, विविध राष्ट्रीय प्रज्ञाशोध, अब्दुल कलाम स्पर्धा परीक्षा, जनरल नॉलेज अशा उपक्रमांमधून आपले आत्मज्ञान वाढवावे. ध्येय, जिद्द आणि चिकाटी यांचा आधार घेतल्यास प्रत्येक विद्यार्थी आपल्या जीवनात उत्तुंग यश संपादन करू शकतो, असे प्रतिपादन अप्पर जिल्हाधिकारी श्रीमती शुभागी साठे यांनी केले. सुकळवाड येथील जिल्हा परिषद प्राथमिक केंद्र शाळेत ‘प्रेरणा दिना’च्या औचित्याने श्रीमती साठे यांनी शाळेला भेट दिली. यावेळी विद्यार्थ्यांशी संवाद साधून त्यांना प्रेरणादायी मार्गदर्शन केले. कार्यक्रमाच्या प्रारंभी मुख्याध्यापक बाळकृष्ण नांदोस्कर यांनी उपस्थितांचे स्वागत केले. त्यांनी शाळेची पटसंख्या, लोकवर्गणीतून होत असलेले उपक्रम, प्रधानमंत्री पोषण शक्ती अभियान, मुख्यमंत्री समृद्ध पंचायत अभियान, सेवा पंधरवडा अशा विविध योजनांची माहिती दिली. गावचे उपसरपंच किशोर पेडणेकर यांनीही शाळेला मिळणारे गावकऱ्यांचे सहकार्य अधोरेखित केले. श्रीमती साठे म्हणाल्या, गेल्या जूनमध्ये मी या शाळेला भेट दिली होती. आज प्रेरणा दि...

• चिमुकल्यांशी साधला संवाद • 'शाळा तेथे दाखले' उपक्रमांतर्गत दाखले वितरण सिंधुदुर्गनगरी दिनांक १९ (जिमाका) :- जिल्हा प्रशासन आणि शाळा यांच्यातील दुवा दृढ करण्यासोबतच विद्यार्थ्यांना प्रेरणा देण्यासाठी संपूर्ण जिल्ह्यात आज ‘प्रेरणा दिवस’ उत्साहात साजरा करण्यात आला. कोकण विभागीय आयुक्तांच्या सूचनेनुसार हा उपक्रम राबविण्यात आला असून त्यानुसार प्रत्येक अधिकाऱ्याने जिल्ह्यातील शाळांना भेट देण्याचे निर्देश देण्यात आले होते. या अनुषंगाने जिल्हाधिकारी तृप्ती धोडमिसे यांनी जिल्हा परिषदेच्या कुडाळ-पडतेवाडी येथील पांडुरंगशेठ पडते विद्यालयाला भेट देऊन विद्यार्थ्यांशी मनमोकळा संवाद साधला. या उपक्रमामुळे विद्यार्थ्यांना अधिकाऱ्यांना थेट प्रश्न विचारण्याची संधी मिळाली तर प्रशासनातील कामकाजाची माहिती मुलांना समजावून सांगण्यात आली. शासकीय अधिकारी कसा काम करतो, प्रशासन व विद्यार्थी यांच्यात थेट संवाद घडून येणे आणि त्यातून विद्यार्थ्यांना प्रेरणा मिळणे हा या दिनामागचा उद्देश आहे, असे जिल्हाधिकारी धोडमिसे यांनी सांगितले. ‘शाळा तिथे दाखला’ या उपक्रमास प्रतिसाद सेवा पंधरवड्या...

सिंधुदुर्गनगरी दिनांक १९ (जिमाका) :- ­‘राष्ट्रनेता ते राष्ट्रपिता सेवा पंधरवडा’ 17 सप्टेंबर 2025 ते 2 ऑक्टोबर 2025 या कालावधीत 11 वी व 12 विज्ञान या इयत्तेमध्ये शिकत असलेलया मागासवर्गीय विद्यार्थ्यांना जात प्रमाणपत्र पडताळणीसाठी विशेष मोहीम राबविण्यात येत असल्याची माहित जिल्हा जात प्रमाणपत्र पडताळणी समितीचे उपआयुक्त तथा सदस्य विशाल नाईक यांनी दिली आहे. सामाजिक न्याय व विशेष सहाय्य विभागांतर्गत जिल्हा जात प्रमाणपत्र पडताळणी समित्यांकडून अनु.जाती, विमुक्त जाती, भटक्या जमाती, इतर मागासवर्ग व विशेष मागास प्रवर्गातील विद्यार्थ्यांचे / उमेदवारांचे जात वैधता प्रमाणपत्र देण्यात येते. दरवर्षी विद्यार्थ्यांनी 12 वीमध्ये शिकत असताना 30 नोव्हेंबर पर्यंत अर्ज सादर करणे आवश्यक असते. त्यामुळे “राष्ट्रनेता ते राष्ट्रपिता सेवा पंधरवडा” निमित्त दि.17 सप्टेंबर 2025 ते 02 ऑक्टोंबर 2025 या कालावधीत जात प्रमाणपत्र पडताळणीबाबत विशेष मोहीमेचे आयोजन करण्यात येत आहे. या विशेष मोहिमे अंतर्गत प्रत्यक्ष काही महाविद्यालयात जाऊन शिबीराचे (कॅम्पचे) नियोजन करण्यात येणार आहे. तसेच विद्यार्थ्यांना विहीत मु...

सिंधुदुर्गनगरी दिनांक १९ (जिमाका) :- स्वच्छ भारत मिशन (ग्रा.) टप्पा-2 अंतर्गत स्वच्छता ही सेवा 2025 पंधरवडा दि. 17 सप्टेंबर ते 2 ऑक्टोबर 2025 या कालावधीत स्वच्छोत्सव या थीमखाली साजरा करण्यात येत आहे. यास अनुसरुन जिल्हा परिषद सिंधुदुर्ग च्या माध्यमातुन दिनांक 20 सप्टेंबर 2025 रोजी सकाळी 8.30 ते 11.30 वा. या कालावधीत जिल्ह्यातील सर्व समुद्र किनारे एकाचवेळी श्रमदानाच्या माध्यमातुन स्वच्छ करण्याचा निर्धार केला आहे. समुद्र किनारे स्वच्छता कार्यक्रमांत जिल्हवासियांनी सहभाग नोंदवुन श्रमदान करावे, असे आवाहन मुख्य कार्यकारी अधिकारी रविंद्र खेबुडकर यांनी केले आहे. केंद्र व राज्य शासनाच्या सुचनेनुसार स्वच्छता हि सेवा 2025 हा उपक्रम जिल्ह्यातील सर्व गावांमध्ये राबविला जाणार आहे. या मोहिमेत स्वच्छतेबाबत प्रबोधनपर उपक्रम, शालेय मुलांकरीता टाकाऊ पासून टिकाऊ वस्तु तयार करणे, कचरा वर्गीकरण चर्चा, कविता स्पर्धा, पोस्टर स्पर्धा, पेंटिंग स्पर्धा, घोषवाक्य स्पर्धा, प्रश्न मंजुषा विविध खेळ, एकल प्लॅस्टिक (SUP) न वापरण्याबाबत जनजागृती करणे, शुन्य कचरा, वैयक्तिक स्तरावर कंपोस्ट खत खड्डा, शोष खड्डा निर्मि...

सिंधुदुर्गनगरी दिनांक १९ (जिमाका) :- शासनाच्या वतीने महाराष्ट्र राज्य परीक्षा परिषद, पुणे यांच्यामार्फत महाराष्ट्र शिक्षक पात्रता (TET) – २०२५ परीक्षेचे आयोजन रविवार, दि. २३ नोव्हेंबर २०२५ रोजी नियोजित करण्यात आल्याची माहिती महाराष्ट्र राज्य परीक्षा परिषदचे आयुक्त अनुराधा ओक यांनी दिली आहे. ही परीक्षा इ. १ ली ते ५ वी (पेपर १) तसेच (इ. ६ वी ते ८ वी (पेपर २) साठी सर्व व्यवस्थापन, सर्व परीक्षा मंडळे, सर्व माध्यम अनुदानित, विनाअनुदानित, कायम विनाअनुदानित इत्यादी शाळांमध्ये शिक्षण सेवक/ शिक्षक पदावर नियुक्तीसाठी उमेदवारांना प्रथमतः ही. परीक्षा उत्तीर्ण होणे अनिवार्य आहे. या परीक्षेशी संबंधित सर्व शासननिर्णय, अनुषंगिक माहिती, सुचना महाराष्ट्र राज्य परीक्षा परिषदेनाया https://mahatet.in या संकेतस्थळावर उपलब्ध आहे. ऑनलाईन अर्ज भरणे, परीक्षा शुल्क भरणे, परीक्षेची वेळ व इतर सविस्तर माहितीचा तपशील परिषदेच्या संकेतस्थळावर देण्यात आलेला आहे. सर्व संबंधित परीक्षाध्यर्थ्यांनी सदर संकेतस्थळास नियमित भेट द्यावी.या परीक्षेची ऑनलाईन आवेदनपत्र भरण्याची प्रक्रिया वि. १५ सप्टेंबर २०२५ पासून सुरु होत ...

सिंधुदुर्गनगरी दिनांक १९ (जिमाका) :- राष्ट्रीय अन्न सुरक्षायोजनेअंतर्गत सर्व लाभार्थ्यांचे ई- केवायसी प्रमाणिकरण व आयुष्यमान भारत योजनेंतर्गत शिधापत्रिका ऑनलाइन करण्याची प्रक्रिया ३० सप्टेंबरपर्यंत पूर्ण करण्याचे आवाहन जिल्हा पुरवठा अधिकारी विजय सहारे यांनी केले राष्ट्रीय अन्न सुरक्षा योजनेअंतर्गत सर्व लाभार्थ्यांची ई-केवायसी प्रमाणिकरण प्रक्रिया १०० टक्के पुर्ण करण्यासाठी सर्व तहसिलदार यांना आवश्यक सूचना देण्यात आलेल्या आहेत. राज्यमंत्री, गृह (शहरे), महसुल, ग्रामविकास व पंचायत राज, अन्न नागरी पुरवठा व ग्राहक संरक्षण विभाग, अन्न व औषध प्रशासन यांनी आढावा बैठकीमध्ये ई-केवायसी न झालेल्या लाभार्थ्यांचा धान्याचा लाभ बंद होणार असल्याने सर्व पात्र लाभार्थ्यांची १०० टक्के ई-केवायसी प्रक्रीया पूर्ण करण्याच्या सूचना दिलेल्या आहेत. तरी सर्व लाभार्थ्यांनी आपली ई-केवायसी पूर्ण करण्याकरीता संबंधित रास्तभाव धान्य दुकानदार यांचेशी संपर्क साधुन ई-पॉस मशिनवर थंब लावुन ई केवायसी प्रक्रीया पूर्ण करण्याची आहे. तसेच ई-केवायसी नाकारण्यात आली असल्यास आपले आधार कार्ड संबंधित तहसिलदार कार्यालयात जाऊन ...

सिंधुदुर्गनगरी दिनांक 19 (जिमाका) :- छत्रपती शिवाजी महाराज महाराजस्व अभियानांतर्गत दि. १७ सप्टेंबर २०२५ ते २ ऑक्टोबर २०२५ या कालावधीत विविध भूसंपादन प्रस्तावांमधील ज्या खातेदारांनी अदयापपर्यंत मोबदला रक्कम स्विकारलेली नाही, त्या खातेदारांना मोबदला रक्कम अदा करण्यासाठी "शासन आपल्या दारी" या अभियानांतर्गत विशेष कॅम्पचे आयोजन करण्यात असल्याची माहिती भूसंपादन उपजिल्हाधिकारी आरती देसाई यांनी दिली आहे. प्रस्ताव क्र. ११/२००६ घोटगे, सोनवडे-मठ-कुडाळ-पणदूर घोटगे-गारगोटी रा. म. १२० घाट रस्ता, मधील खातेदारांना मोबदला वाटप करण्यासाठी दिनांक २६ सप्टेंबर २०२५ रोजी सकाळी ११ ते १ या वेळेत ग्रामपंचायत कार्यालय घोटगे येथे आणि प्रस्ताव क्र ६/२००९ सोनवडे त. कळसुली- सोनवडे-मठ-कुडाळ-पणदूर घोटगे-गारगोटी रा. म. १२० घाट रस्ता, मधील खातेदारांना मोबदला वाटप करण्यासाठी दिनांक २६ सप्टेंबर २०२५ रोजी दुपारी ३ ते ५ या वेळेत ग्रामपंचायत कार्यालय सोनवडे त. कळसुली येथे तसेच प्रस्ताव क्र ६०१/३/१२ करुळ लघुपाटबंधारे करुळच्या धरण बैठक बुडीत क्षेत्र, सांडवा व पुच्छ कालव्यासाठी, मधील खातेदारांना मोबदला वाट...

मुंबई, दि.18 : प्रधानमंत्री नरेंद्र मोदी यांच्या वाढदिवसानिमित्त 17 सप्टेंबरपासून मुख्यमंत्री देवेंद्र फडणवीस यांच्या संकल्पनेतून ‘नमो नेत्र संजीवनी आरोग्य अभियान’ महाराष्ट्रभर सुरू झाले आहे. महात्मा गांधी जयंतीपर्यंत (2 ऑक्टोबर) चालणाऱ्या या भव्य उपक्रमांतर्गत 10 लाखांहून अधिक नागरिकांची मोफत नेत्र तपासणी, शस्त्रक्रिया व औषधोपचार करण्याचे उद्दिष्ट ठेवण्यात आले आहे. पहिल्याच दिवशी 15 हजारांहून अधिक नागरिकांची तपासणी होऊन 1,857 मोतीबिंदू शस्त्रक्रिया व इतर उपचाराला सुरूवात झाली. मुख्यमंत्री यांची संकल्पना संपूर्ण राज्यभर राबविण्यात येणाऱ्या या भव्य उपक्रमाचा लाभ तळागाळातील नागरिकांपर्यंत पोहोचविण्याच्या उद्देशाने मुख्यमंत्री देवेंद्र फडणवीस यांच्या संकल्पनेतून हा उपक्रम सुरू करण्यात आला आहे. प्रत्येक गरजू नागरिकांपर्यंत पोहोचण्यासाठी सर्व शासकीय यंत्रणा प्रयत्नशील आहेत. जिल्हा व तालुका स्तरावर शिबिरांचे आयोजन राज्यातील सर्व 36 जिल्ह्यांमध्ये, तालुका व गावपातळीवर नेत्र तपासणी शिबिरे आयोजित केली जात आहेत. गाव, वस्ती, तांडे, पाडे यांसह दुर्गम भागातील नागरिकांना या शिबिरांचा थेट लाभ ...

सिंधुदुर्गनगरी दिनांक १८ (जिमाका) सार्वजनिक बांधकाम उपविभागाची नूतन कार्यालयीन इमारत आजपासून नागरिकांच्या सेवेसाठी खुली झाली असून तिचे उद्घाटन पालकमंत्री तथा मत्स्य व बंदर विकास मंत्री नितेश राणे यांच्या शुभहस्ते करण्यात आले. नवीन कार्यालयीन इमारत सुसज्ज, प्रशस्त आणि आधुनिक सोयीसुविधांनी युक्त असून गुणवत्तापूर्ण व ठरलेल्या वेळेत पूर्ण झाल्यामुळे ती स्थानिकांसाठी आदर्श ठरली आहे. या इमारतीतून पारदर्शक कारभार व्हावा, नागरिकांच्या समस्या तात्काळ सोडविल्या जाव्यात तसेच कार्यालयात येणाऱ्या प्रत्येक नागरिकाला सन्मानाची वागणूक मिळावी, अशी अपेक्षा व्यक्त करताना पालकमंत्री श्री राणे म्हणाले की, ही कार्यालयीन इमारत जनतेच्या विश्वासाचे प्रतीक आहे. म्हणूनच येथे काम करणाऱ्या अधिकाऱ्यांनी जनतेला न्याय देणे हे आपले पहिले कर्तव्य मानावे.नागरिकांच्या अपेक्षा पूर्ण करणारे व उत्तरदायित्व जपणारे कार्यालय म्हणून या इमारतीतून नवा इतिहास घडावा, असेही ते म्हणाले. तत्कालीन पालकमंत्री रवींद्र चव्हाण यांच्या कार्यकाळात जिल्ह्याच्या सर्वांगीण विकासासाठी घेतलेल्या महत्त्वपूर्ण निर्णयांचा आज जिल्हावासीयांना थे...

सिंधुदुर्गनगरी दिनांक 18 (जिमाका) :- जिल्ह्यातील ग्रामीण भागातील आरोग्य सेवेला मोठा दिलासा देणारी प्रक्रिया पूर्ण झाली आहे. दीर्घ प्रतीक्षेनंतर आरोग्य सेविका (महिला) या पदांसाठी झालेल्या पदभरतीला पालकमंत्री नितेश राणे यांच्या मार्गदर्शनाखाली मुख्य कार्यकारी अधिकारी रवींद्र खेबुडकर यांच्या प्रयत्नांना अंतिम रूप मिळाले. दि.17 सप्टेंबर 2025 रोजी ‘सेवा पंधरवडा अभियान’ अंतर्गत पालकमंत्री नितेश राणे यांच्या हस्ते जिल्हानियोजन समिती सभागृहात 89 आरोग्य सेविकांना नियुक्ती आदेशाचे वितरण झाले. या नियुक्त्यांमुळे जिल्ह्यातील प्राथमिक आरोग्य केंद्रे, उपकेंद्रांवरील आरोग्य सेवा अधिक सक्षम होणार असून लसीकरण, माता-बाल संगोपन, आयुष्मान भारत जनआरोग्य योजना, जननी सुरक्षा योजना तसेच साथरोग नियंत्रण यांसारखे राष्ट्रीय कार्यक्रम प्रभावीपणे राबविणे शक्य होणार आहे. या संपूर्ण भरती प्रक्रियेत पालकमंत्री नितेश राणे यांच्या मार्गदर्शनाखाली जिल्हा परिषदेचे मुख्य कार्यकारी अधिकारी रवींद्र खेबुडकर यांनी विशेष प्रयत्न करून जिल्ह्याच्या आरोग्य व्यवस्थेत मोठा टप्पा गाठला आहे. सिंधुदुर्ग जिल्हा परिषदे...

ी सिंधुदुर्गनगरी दिनांक 18 (जिमाका) :- केंद्र पुरस्कृत उल्लास- नव भारत साक्षरता कार्यक्रमांतर्गत पायाभूत साक्षरता व संख्याज्ञान मूल्यमापन चाचणी (FLNAT) सन 2025-26 मधील परीक्षा जिल्ह्यात रविवार दि. 21 सप्टेंबर 2025 रोजी सकाळी 10 ते सायं.5 वाजेपर्यंत घेणेत येणार असल्याची माहिती प्र. शिक्षणाधिकारी(योजना) निलिमा नाईक यानी दिली आहे. जिल्ह्यात ही परीक्षा मराठी व उर्दू भाषेतून होणार आहे. पायाभूत साक्षरता व संख्याज्ञान मूल्यामापन चाचणी (FLNAT) उल्लास संकेस्थळावर असाक्षरांची नोंदणी पाथमिक व माध्यमिक शाळांकडून घेण्यात आलेली आहे अशा सर्व असाक्षरांची परीक्षा घेतली जाणार आहे. जिल्ह्यातील उल्लास –नव साक्षरता कार्यक्रम अंतर्गत पायाभूत साक्षरता व संख्याज्ञान मूल्यमापन चाचणी (FLNAT) परीक्षेस नांव नोंदणी करुन प्रविष्ठ होणाऱ्या असाक्षरांनी आपल्या गावातील शाळेत सकाळी 10 ते सायं.5 वाजेपर्यंत होणार आहे. तरी जिल्ह्यातील सर्व असाक्षरांनी या परीक्षा आनंदाने द्यावी असे आवाहन शिक्षणाधिकारी, मुख्य कार्यकारी अधिकारी आणि जिल्हाधिकारी यांनी केले आहे. ००००००

सिंधुदुर्गनगरी दिनांक 18 (जिमाका) :- युवा कार्यक्रम व खेल मंत्रालय, भारत सरकारच्या मेरा युवा भारत उपक्रमांतर्गत विकसित भारत यंग लीडर्स डायलॉग (VBYLD) २०२६ चे आयोजित करण्यात येत आहे. या स्पर्धेमध्ये जास्तीत जास्त विद्यार्थी व युवकांनी सहभागी होण्याचे आणि विकसित भारताच्या उभारणीत आपली भूमिका बजावण्याचे आवाहन मेरा युवा भारत, सिंधुदुर्गचे उपसंचालक कालिदास घाटवळ यांनी केले आहे. या कार्यक्रमाचा मुख्य उद्देश तरुणांना नेतृत्व, चर्चा आणि राष्ट्र उभारणीच्या प्रक्रियेत सहभागी करुन घेणे आहे. या संवादाचे उद्दीष्ट तरुणांना विकसित भारताच्या दृष्टिकोनाशी जोडणे आहे. तरुणांना त्यांचे विचार, ऊर्जा आणि नेतृत्व कौशल्ये दाखवण्यासाठी एक उत्तम व्यासपीठ आहे. या संवादाची सुरुवात 'माय भारत क्विझ' ने होत आहे, जी १२ भाषांमध्ये आयोजित केली आहे. या क्विझमध्ये एकूण २० प्रश्न आहेत. सर्व प्रश्नांची उत्तरे देण्यासाठी १० मिनिटे दिली आहेत आणि त्यात सहभागी होण्यासाठी कोणतेही शुल्क आकारले जात नाही. पहिल्या टप्प्यातील स्पर्धेत सहभागी होण्याची अंतिम तारीख १५ ऑक्टोबर, २०२५ आहे. पहिल्या १० हजार विजेत्यांना मोफत माय भ...

सिंधुदुर्गनगरी दिनांक 18 (जिमाका) :- शासकीय औद्योगिक प्रशिक्षण संस्था, वेंगुर्ला या संस्थेत प्रवेश सत्र ऑगस्ट-२०२५ करिता मंजूर असलेल्या विविध व्यवसायांमधील जागांकरिता इच्छुक उमेद्वारानी ऑनलाईन प्रवेश अर्ज भरण्याचे आवाहन शासकीय औद्योगिक प्रशिक्षण संस्थाचे प्राचार्य यांनी केले आहे. राज्यातील शासकीय व खाजगी संस्थेतील शिल्प कारागिर प्रशिक्षण योजनेअंतर्गत ऑगस्ट - २०२५ सत्रातील प्रवेश प्रक्रीयेचे सुधारीत वेळापत्रक जाहीर करण्यात आले असुन दिनांक २० सप्टेंबर २०२५ पर्यंत ऑनलाईन प्रवेश अर्ज भरणे अर्ज निश्चित करणे नव्याने सुरु होणार आहेत. गुणवत्ता यादी दि. २१ सप्टेंबर २०२५ रोजी प्रसिद्ध होणार आहे. तरी इच्छुक उमेद्वारानी प्रवेश अर्ज भरणे प्रक्रीया https://admission.dvet.gov.in या संकेतस्थळावर ऑनलाइन पध्दतीने आपले नव्याने नोंदणी करुन अर्ज जवळच्या शासकीय औद्योगिक प्रशिक्षण संस्थेमध्ये निश्चित करावा. प्रवेशोच्छुक उमेदवारांनी अधिकच्या माहितीकरिता शासकीय औद्योगिक प्रशिक्षण संस्था, वेंगुर्ला येथे संपर्क साधावा असे प्राचार्य, शासकीय औद्योगिक प्रशिक्षण संस्था, वेंगुर्ला यांनी कळविले आहे. 0000

सिंधुदुर्गनगरी दिनांक 18 (जिमाका) :- कौशल्य, रोजगार, उद्योजकता व नाविन्यता विभागाच्या वतीने मुंबई येथे ऑक्टोबर महिन्याच्या तिसऱ्या आठवड्यात महारोजगार मेळाव्याचे आयोजन करण्यात येत आहे. त्याची नोंदणी कौशल्य, रोजगार, उद्योजकता नाविन्यता विभागाच्या www.rojgar.mahaswayam.gov.in या पोर्टलवर करावी, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्र सहायक आयुक्त, भैयाजी येरमे यांनी केले आहे. या महारोजगार मेळाव्यामध्ये राज्यातील विविध औद्योगिक आस्थापना व उद्योजक सहभागी होत असल्याने जिल्ह्यातील नोकरीइच्छूक सर्व उमेदवारांनी या संधीचा लाभघेण्यासाठी नोंदणीकृत असलेल्या सर्व उमेदवारांनी त्यांचे प्रोफाईल अद्ययावत करावे. उद्योजकांनी आपल्याकडील उपलब्ध रिक्तपदे www.rojgar.mahaswayam.gov.in या पोर्टलवर महारोजगार मेळाव्यामध्ये अधिसूचित करावीत. रोजगार मेळाव्यामध्ये सहभागी होण्यासाठी आपली नोंदणी नसल्यास उद्योजक तसेच उमेदवारांनी जिल्हा कौशल्य विकास, रोजगार व उद्योजकता मार्गदर्शन केंद्र सिंधुदुर्ग यांच्याशी त्वरित संपर्क साधून नोंदणी करावी व रोजगार मेळाव्यात सहभागी होऊन य...

सिंधुदुर्ग जिमाका वृत्तसेवा- महाराष्ट्र राज्याचे मत्स्य व बंदर विकास तसेच सिंधुदुर्ग जिल्ह्याचे पालकमंत्री नितेश राणे यांच्या निर्देशानुसार BSNL व महावितरण विभागातील अधिकारी यांची संयुक्त बैठक सार्वजनिक विश्रामगृह, कणकवली येथे पार पडली. बैठकीदरम्यान पालकमंत्री श्री राणे यांनी अधिकाऱ्यांना स्पष्ट निर्देश दिले की, सिंधुदुर्ग जिल्ह्यातील सर्व ३७ प्रलंबित वीजजोडण्या चालू महिन्याच्या अखेरीस म्हणजेच सप्टेंबर २०२५ पर्यंत पूर्ण कराव्यात. नागरिकांच्या सोयीसाठी व संपर्कव्यवस्थेच्या मजबुतीसाठी हे काम प्राथमिकतेने पूर्ण व्हावे असेही ते म्हणाले. या बैठकीत BSNL च्या अधिकाऱ्यांनी जिल्ह्यातील मोबाईल टॉवर वीजजोडणी स्थितीचा आढावा सादर केला. त्यांनी सांगितले की, सिंधुदुर्ग जिल्ह्यातील १०३ पैकी ६६ टॉवर ठिकाणी वीज जोडणी मिळाली असून, उर्वरित ३७ ठिकाणी काम प्रलंबित आहे. उर्वरित टॉवरवर वीज जोडणी का प्रलंबित आहे? त्यास महावितरणच्या अधिकाऱ्यांनी उत्तर देताना सांगितले की, ज्या ठिकाणी नवीन रोहित्र (Transformer) बसविण्याचे काम आहे, तेथेच विलंब झाला आहे. ही कामे प्रगतीपथावर असून लवकरात लवकर पूर्ण करण्यासाठी...

• ८९ आरोग्य सेविकांना नेमणूक प्रमाणपत्र • प्रधानमंत्री घरकुल आवास योजनेअंतर्गत चावी वाटप सिंधुदुर्गनगरी दिनांक १७ (जिमाका) :- आपण जनतेचे सेवक आहोत. जनतेला न्याय देणे हे आपले पहिले कर्तव्य आहे. अधिकाऱ्यांमध्ये काम करण्याची इच्छाशक्ती असेल तर कोणतेही काम अशक्य नाही. प्रशासनात काम करताना सकारात्मक दृष्टीकोन ठेवून लोकहितासाठी मार्ग काढण्याची मानसिकता आवश्यक आहे. जनतेला न्याय देण्याची संधी मिळाली असून ही जबाबदारी प्रामाणिकपणे पार पाडावी, असे आवाहन पालकमंत्री नितेश राणे यांनी केले. पालकमंत्री राणे म्हणाले की, सामान्य जनतेला दिलासा देण्यासाठी महसूल प्रशासन अधिक लोकाभिमुख, कार्यक्षम, गतिमान व पारदर्शक होणे गरजेचे आहे. शासनाच्या योजना पात्र नागरिकांपर्यंत पोहोचाव्यात, यासाठी प्रशासनाने संवेदनशीलता आणि जबाबदारीने काम करावे. सामान्य जनतेला दिलासा देण्यासाठी महसूल प्रशासन अधिक लोकाभिमुख, कार्यक्षम, गतिमान व पारदर्शक होण्यासाठी छत्रपती शिवाजी महाराज अभियानांतर्गत राष्ट्रनेता पंतप्रधान नरेंद्र मोदी यांचा जन्मदिन ( १७ सप्टेंबर २०२५) ते राष्ट्रपिता महात्मा गांधी यांची जयंती (२ ऑक्टोबर २०२५) या काला...

सिंधुदुर्गनगरी दिनांक 17 (जिमाका) :- महिलांच्या आरोग्याचे रक्षण झाले तरच कुटुंबाचे व समाजाचे आरोग्य सुदृढ राहते. महिलांना वेळोवेळी तपासणी, योग्य उपचार आणि आरोग्याबाबत जागरूकता मिळाली तर सशक्त समाज उभारता येतो. त्यामुळे महिलांच्या आरोग्य विषयक समस्या सोडविण्यास प्राधान्य द्यावे, असे आवाहन पालकमंत्री नितेश राणे यांनी केले. कणकवली उपजिल्हा रुग्णालयात “स्वस्थ नारी – सशक्त परिवार” अभियानाचा शुभारंभ पालकमंत्री श्री. राणे यांच्या प्रमुख उपस्थितीत झाला. या अभियानांतर्गत महिलांसाठी विविध आरोग्य तपासणी शिबिरे, रक्तदान शिबिरे आयोजित करण्यात आली असून तपासणीनंतर पुढील आवश्यक उपचारांची सुविधा देखील उपलब्ध करून देण्यात येणार आहे. महिलांच्या आरोग्य संवर्धनासाठी शासन व प्रशासनाचा हा उपक्रम महत्वाचा ठरेल, असेही पालकमंत्री राणे यांनी सांगितले. यावेळी निक्षय मित्र रोटरी क्लब तर्फे क्षय रुग्णांना फूड बास्केटचे देखील वाटप करण्यात आले. अभियानादरम्यान महिलांच्या हिमोग्लोबिन तपासण्या, स्त्रीरोग तपासण्या, सर्वसाधारण आरोग्य तपासण्या, रक्तदाब व मधुमेह तपासण्या करण्यात येणार असून महिलांना मोफत सल्ला व मार्गदर...

· योजनांच्या यशस्वीतेसाठी लोकसहभाग महत्वाचा · क्षेत्रीय भेटींना प्राधान्य द्या · योजनांची जनजागृती करा सिंधुदुर्गनगरी, दि. १५ सप्टेंबर (जिमाका):- शासनाने नागरिकांच्या जीवनमान उंचावण्यासाठी अनेक कल्याणकारी योजना राबवल्या आहेत. गावपातळीवर योजनांची मोठ्या प्रमाणात जनजागृती करावी. या योजनांचा लाभ प्रत्येक पात्र कुटुंबापर्यंत पोहोचावा, यासाठी प्रशासनाने काटेकोर नियोजन करून गतीमान अंमलबजावणी करण्याचे आवाहन राज्यमंत्री योगेश कदम यांनी केले. गृह (शहरे), महसूल, ग्रामविकास व पंचायत राज, अन्न नागरी पुरवठा व ग्राहक संरक्षण, अन्न व औषध प्रशासन राज्यमंत्री योगेश कदम यांनी सिंधुदुर्ग जिल्ह्यातील कणकवली मतदारसंघातील विविध विभागांच्या कामकाजाचा आढावा घेतला. या बैठकीत संबंधित विभागांच्या अधिकाऱ्यांना त्यांनी विविध महत्त्वपूर्ण सूचना दिल्या. यावेळी आमदार निलेश राणे, मुख्य कार्यकारी अधिकारी रवींद्र खेबुडकर, अपर जिल्हाधिकारी शुभांगी साठे, कणकवली उपविभागीय अधिकारी जगदीश काटक, तहसिलदार दिक्षांत देशपांडे विविध विभागाचे अधिकारी उपस्थित होते. आमदार निलेश राणे यांनी यावेळी नाग...

सावंतवाडी, कुडाळ मतदारसंघातील विविध विभागांची आढावा बैठक घरकुल योजना प्रभावीपणे राबवा; सोलर प्रकल्प यशस्वी करा - राज्यमंत्री योगेश कदम • प्रलंबित कामे वेळेत पूर्ण करा; महसूल व ई-कारभारावर लक्ष केंद्रित करा • मोफत धान्य वितरणात हयगय खपवून घेतली जाणार नाही • महसूल वसूलीला प्राधान्य द्या • प्रलंबित प्रकरणे तातडीने निकाली काढा सिंधुदुर्गनगरी, दि. १५ सप्टेंबर (जिमाका) - यावर्षी आपल्या राज्याने ३० लाख घरकुल मंजूर करुन घेतली आहेत. ही देशातील सर्वाधिक संख्या आहे. विशेष म्हणजे घरकुलांच्या बांधकामासाठी पुरविल्या जाणाऱ्या वाळूमध्ये अनियमितता होणार नाही, याची दक्षता घ्यावी. ज्यांच्याकडे स्वतःची जागा नाही, अशा लाभार्थ्यांना शासनाच्या योजनांद्वारे जागा उपलब्ध करून द्यावी. पूर्ण झालेल्या प्रत्येक घरकुलावर सोलर लाईट बसविणे बंधनकारक असून जिल्ह्यातील सर्व शासकीय इमारतींवर, अंगणवाड्यांवर, जिल्हा परिषद शाळांवर व प्राथमिक आरोग्य केंद्रांवर सोलर पॅनल्स बसविण्याचे निर्देश गृह (शहरे), महसूल, ग्रामविकास व पंचायत राज, अन्न नागरी पुरवठा व ग्राहक संरक्षण, अन्न व औषध प्रशासन राज्यमंत्री योगेश कदम यांन...

• छत्रपती शिवाजी महाराजांच्या पुतळ्याभोवतालच्या पदपथाच्या दुरुस्तीचे लवकरच पूर्ण होणार • राजकोट किल्ला संरचनात्मक स्थिरता ( Structure Audit) प्रमाणपत्र प्राप्त झाल्यावर जिल्हाधिकारी यांच्या आदेशानंतरच पर्यटकांसाठी होणार खुला सिंधुदुर्गनगरी दिनांक 12 (जिमाका):- मालवण तालुक्यातील राजकोट येथील छत्रपती शिवाजी महाराजांच्या पुतळ्याभोवतालचा पदपथ १४ व १५ जून २०२५ रोजी झालेल्या मुसळधार पावसामुळे खचला होता. त्यानंतर कार्यकारी अभियंता, सार्वजनिक बांधकाम विभागामार्फत खचलेल्या पदपथाखालील मुरूम पुन्हा भरून, दबाई करून त्यावर सोलिग, PCC, RCC Grade Slab ची कामे पूर्ण करण्यात आली आहेत. सभोवतालचे जांभ्याचे पदपथही पूर्ववत बसविण्यात आले आहे. यासोबतच चबूतऱ्याचे Granite ची दुरुस्ती, जलनिस्सारण व इतर अनुषंगिक दुरुस्तांची कामे अंतिम टप्यात आहेत. दुरुस्तीची कामे अद्याप सुरू असल्याने राजकोट किल्ला पर्यटकांसाठी सध्यस्थितीत खुला ठेवणे शक्य नाही. त्यामुळे दुरुस्तीची कामे पूर्ण झाल्यानंतर तज्ज्ञांकडून संरचनात्मक स्थिरता प्रमाणपत्र प्राप्त करून जिल्हाधिकारी कार्यालयास सादर करण्यात येईल. त्यानंतर राजकोट किल्ल...

सिंधुदुर्गनगरी दिनांक 12 (जिमाका) :- पुनर्रचित हवामानावर आधारित फळपिक विमा योजना आंबिया बहार सन २०२४-२५ अंतर्गत कृषी विभागाकडून सातत्याने पत्रव्यवहार करून देखील भारतीय कृषी विमा कंपनीने नुकसान भरपाईचा तपशील तसेच क्षेत्रीय तपासणीचा सविस्तर तपशील उपलब्ध करून दिलेला नाही. त्यामुळे भारतीय कृषी विमा कंपनीवर दंडात्मक कारवाई करण्याची तसेच काळ्या यादीत (Black List) टाकण्याची शिफारस कृषी आयुक्तालयास करण्याचे निर्देश पालकमंत्री नितेश राणे यांनी जिल्हा प्रशासनाला दिले. पत्रव्यवहार करून देखील राज्यस्तरीय विमा प्रतिनिधी या बैठकीला उपस्थित राहिले नसल्याने पालकमंत्री नितेश राणे यांनी तीव्र नाराजी व्यक्त केली. तसेच सन २०२५-२६ करिता सदरच्या विमा कंपनी ऐवजी इतर विमा कंपनीची नियुक्ती करावी असे देखील पालकमंत्र्यांनी निर्देशित केले. पालकमंत्री नितेश राणे यांच्या अध्यक्षतेखाली संबंधित विमा कंपनीचे राज्यस्तरीय प्रतिनिधी, स्कायमेट वेदर कंपनीचे प्रतिनिधी व कृषी विभाग यांची एकत्रित बैठक जिल्हाधिकारी सिंधुदुर्ग यांची दालनामध्ये आयोजित केली होती. यावेळी यावेळी जिल्हाधिकारी तृप्ती धोडमिसे, मुख्य कार्य...

मुंबई, दि. १२ : प्रधानमंत्री नरेंद्र मोदी यांच्या वाढदिवसानिमित्त १७ सप्टेंबर पासून ‘नमो नेत्र संजीवनी आरोग्य अभियान’ महाराष्ट्रभर राबविले जाणार आहे. महात्मा गांधी यांच्या जयंती दिनी २ ऑक्टोबर पर्यंत चालणाऱ्या या उपक्रमात दहा लाखाहून अधिक नागरिकांची मोफत नेत्र तपासणी, शस्त्रक्रिया व औषधोपचार करण्यात येणार आहेत. या विशेष मोहिमेतून मोतीबिंदू शस्त्रक्रियेनंतर रुग्णांना मोफत चष्मेवाटप केले जाणार असून काचबिंदूसह इतर नेत्रविकारांवरील निदान, सल्ला आणि उपचार देखील मोफत केले जाणार आहेत. जिल्हा व तालुका स्तरावर शिबिरे राज्यातील सर्व ३६ जिल्ह्यांमध्ये, तालुका व गावपातळीवर नेत्र तपासणी शिबिरे आयोजित केली जाणार आहेत. गाव, वस्ती, तांडे, पाडे यांसह दुर्गम भागातील नागरिकांना या शिबिरांचा थेट लाभ होईल. शस्त्रक्रियेची गरज असलेल्या रुग्णांना जिल्हा रुग्णालये व संलग्न वैद्यकीय संस्थांकडे पाठवून संपूर्ण मोफत शस्त्रक्रिया व औषधोपचार करण्यात येतील. उपक्रमातील संस्थांचा व्यापक सहभाग या अभियानात महाराष्ट्र आरोग्य विज्ञान विद्यापीठ, सार्वजनिक आरोग्य विभाग, महानगरपालिका, वैद्यकीय शिक्षण विभाग, नगरपालिका, ...