diosindhudurg

सिंधुदुर्ग, दि. ३० (जिमाका) : जिल्ह्यातील शेती अधिक आधुनिक व यांत्रिक करण्यासाठी केंद्र व राज्य शासनाच्या संयुक्त विद्यमाने कृषी यांत्रिकीकरण योजना राबविण्यात येत आहे. या योजनेंतर्गत अनुसूचित जाती (SC) व अनुसूचित जमाती (ST) प्रवर्गातील पात्र शेतकऱ्यांना कृषी यंत्रे व अवजारांच्या खरेदीसाठी ५० टक्क्यांपर्यंत अनुदान देण्यात येत आहे. हे अनुदान लाभार्थ्यांच्या बँक खात्यावर थेट DBT पद्धतीने जमा करण्यात येते. जिल्ह्यातील इच्छुक व पात्र शेतकऱ्यांनी योजनेचा लाभ घेण्यासाठी MahaDBT Farmer Portal वर ऑनलाईन अर्ज सादर करावा, असे आवाहन जिल्हा अधीक्षक कृषी अधिकारी भाग्यश्री नाईकनवरे यांनी केले आहे. या योजनेंतर्गत शेतीसाठी उपयुक्त विविध कृषी यंत्रे व अवजारांच्या खरेदीसाठी नियमानुसार अनुदान देय आहे. सर्वसाधारण प्रवर्गातील पात्र शेतकऱ्यांना क्षेत्रानुसार ४० किंवा ५० टक्के अनुदान देय असून, अनुसूचित जाती व अनुसूचित जमाती प्रवर्गातील लाभार्थ्यांना यंत्रे व अवजारांच्या किमतीवर ५० टक्क्यांपर्यंत अनुदानाची तरतूद आहे. ऑनलाईन अर्जासाठी लाभार्थ्याकडे Farmer ID असणे अनिवार्य आहे. तसेच SC किंवा ST प्रवर्गातून ल...

सिंधुदुर्ग, दि. ३० (जिमाका): जिल्ह्यातील विकासकामांना गती देण्यासोबतच दुष्काळसदृश परिस्थितीच्या पार्श्वभूमीवर जलसंधारण व पाणीपुरवठ्याच्या कामांना प्राधान्य देण्यासाठी जिल्हा परिषद अध्यक्ष प्रमोद कामत यांच्या नेतृत्वाखाली मुख्य कार्यकारी अधिकारी अपूर्वा बासुर (IAS) यांनी सावंतवाडी तालुक्याचा संयुक्त दौरा केला. या दौऱ्यात नेमळे, वेत्ये, बांदा आणि भालावल येथे विविध विकासकामांची प्रत्यक्ष पाहणी करून योजनांच्या अंमलबजावणीचा आढावा घेण्यात आला. नेमळे येथे श्रमदानातून उभारण्यात येणाऱ्या वनराई बंधाऱ्याच्या बांधकामाचा तसेच VB-GRAM-G अंतर्गत जलतारा खड्डा कामाचा शुभारंभ करण्यात आला. सध्याच्या पाणीटंचाईसदृश परिस्थितीत गावपातळीवर पाणी अडविणे, पाण्याचे पुनर्भरण करणे आणि उपलब्ध जलस्रोतांचे संवर्धन करण्यासाठी अशा कामांना गती देण्याच्या दृष्टीने यावेळी आढावा घेण्यात आला. लोकसहभागातून जलसंधारणाची कामे प्रभावीपणे राबविण्यावर भर देण्यात आला. वेत्ये येथे जल जीवन मिशन अंतर्गत पाणीपुरवठा योजनेच्या विहिरीची पाहणी करण्यात आली. तसेच योजनेतील नळजोडणीच्या कामाची पाहणी करून पाणीपुरवठा योजनेचा लाभ नागरिकांना वेळ...

सिंधुदुर्ग, दि. २९ (जिमाका) : सिंधुदुर्ग जिल्ह्यातील आंबा व काजू पिकांच्या नुकसानीपोटी नुकसान भरपाई वितरणाची प्रक्रिया वेगाने सुरू असून, दि. २८ सप्टेंबर २०२६ अखेर आणखी १ हजार ७४३ आंबा-काजू बागायतदारांच्या बँक खात्यावर ३ कोटी ९४ लाख ८ हजार २५१ रुपये नुकसान भरपाई जमा झाली आहे. यामुळे जिल्ह्यात आतापर्यंत नुकसान भरपाई मिळालेल्या लाभार्थी शेतकऱ्यांची संख्या २८ हजार ३५५ झाली आहे. जिल्ह्यात आंबा व काजू पिकांच्या नुकसानीपोटी एकूण ३४ हजार ९१२ लाभार्थी शेतकऱ्यांसाठी ७६ कोटी ३८ हजार ७८० रुपये निधीला पोर्टलद्वारे मान्यता दिली आहे. यापैकी यापूर्वी २६ हजार ६१२ शेतकऱ्यांच्या खात्यावर ५९ कोटी २३ लाख ४५ हजार ९४५ रुपये नुकसान भरपाई जमा झाली होती. त्यानंतर आता १ हजार ७४३ शेतकऱ्यांच्या खात्यावर ३ कोटी ९४ लाख ८ हजार २५१ रुपये जमा झाले आहेत. त्यामुळे आतापर्यंत एकूण २८ हजार ३५५ शेतकऱ्यांना ६३ कोटी १७ लाख ५४ हजार १९६ रुपये नुकसान भरपाई मिळाली आहे. उर्वरित पात्र लाभार्थ्यांच्या नुकसान भरपाई वितरणाची प्रक्रियाही सुरू आहे. अद्ययावत आकडेवारीनुसार २ हजार ४१७ लाभार्थी शेतकऱ्यांची ३ कोटी ८६ लाख रुपये रक्कम पेमे...

सिंधुदुर्ग, दि. २९ (जिमाका) : गंभीर आजाराच्या काळात उपचारांसोबत आर्थिक आधार मिळावा, या उद्देशाने इंडिया पोस्ट पेमेंट्स बँक (IPPB) आणि Niva Bupa Health Insurance यांच्या सहकार्याने ग्राहकांसाठी ‘जीवनदीप’ आरोग्य विमा योजना उपलब्ध करून देण्यात आली आहे. या योजनेअंतर्गत १ लाख, ३ लाख आणि ५ लाख रुपयांचे विमा संरक्षण पर्याय उपलब्ध असून, करासहित प्रीमियम रुपये १४९ पासून सुरू होतो. ग्राहकांच्या गरजेनुसार विविध विमा संरक्षण पर्याय निवडता येतात. योजनेच्या पर्याय क्रमांक २ मध्ये गंभीर आजाराच्या परिस्थितीत दरमहा रुपये २५ हजारांपर्यंत उत्पन्न सुरक्षा उपलब्ध असून, ही सुविधा कमाल तीन महिन्यांपर्यंत लागू आहे. त्यामुळे उपचारांचा खर्च तसेच आजारपणामुळे उत्पन्नात निर्माण होणाऱ्या अडचणींचा सामना करण्यासाठी आर्थिक मदत मिळू शकते. कॅन्सरसारख्या गंभीर आजाराच्या काळात आरोग्यासोबत आर्थिक सुरक्षितता देण्याच्या उद्देशाने ही योजना उपलब्ध करून देण्यात आली आहे. नागरिकांनी आरोग्य विम्याचे महत्त्व जाणून घेऊन उपलब्ध योजनेची माहिती घ्यावी, असे आवाहन सिंधुदुर्ग डाक विभागाचे डाकघर अधीक्षक एन. टी. कुरळपकर यांनी केले आहे. ...

सिंधुदुर्ग, दि. २९ (जिमाका) : ‘राष्ट्रनेता ते राष्ट्रपिता’ या अभियानांतर्गत विमुक्त जाती व भटक्या जमाती प्रवर्गातील नागरिकांना शासनाच्या विविध योजना व प्रमाणपत्रांचा लाभ मिळवून देण्यासाठी राबविण्यात येत असलेल्या ‘भटके-विमुक्त हक्क व प्रमाणपत्र अभियान’ विशेष मोहिमेअंतर्गत कणकवली येथे शिबिराचे आयोजन करण्यात आले. या शिबिरात लाभार्थ्यांना विविध प्रमाणपत्रांचे वितरण करण्यात आले तसेच आधारकार्ड, आरोग्यविषयक सेवा व आरोग्य तपासणीचा लाभ देण्यात आला. इतर मागास बहुजन कल्याण कार्यालयामार्फत सोमवार, दि. २८ सप्टेंबर २०२६ रोजी कणकवली येथे हे शिबिर आयोजित करण्यात आले होते. तहसीलदार दिक्षांत देशपांडे यांच्या अध्यक्षतेखाली झालेल्या या शिबिरास कणकवली नगरपंचायतीच्या मुख्याधिकारी गौरी पाटील, इतर मागास बहुजन कल्याण अधिकारी स्वप्निल कांबळे तसेच कणकवली महाविद्यालयाचे प्रा. हरीभाऊ भिसे यांची प्रमुख उपस्थिती होती. शिबिरामध्ये महसूल विभागामार्फत देण्यात येणारी विविध प्रमाणपत्रे तहसीलदार दिक्षांत देशपांडे व मान्यवरांच्या हस्ते लाभार्थ्यांना वितरित करण्यात आली. तसेच अनेक लाभार्थ्यांना आधारकार्ड उपलब्ध करून देण्...

सिंधुदुर्ग, दि.२९(जिमाका): जिल्ह्यातील युवक आणि विद्यार्थ्यांना अमली पदार्थ व व्यसनांच्या विळख्यात जाण्यापासून रोखण्यासाठी नशामुक्ती अभियानाला अधिक व्यापक स्वरूप देण्यात येणार आहे. जिल्हाधिकारी कार्यालयातील तारिणी सभागृहात निवासी उपजिल्हाधिकारी मच्छिंद्र सुकटे यांच्या अध्यक्षतेखाली नशामुक्तीशी संबंधित वेगवेगळ्या मात्र एकसमान विषयाच्या तीन महत्त्वपूर्ण बैठका पार पडल्या. या बैठकीत शाळा-महाविद्यालयांपासून औद्योगिक परिसर, जेट्टी आणि पोस्ट ऑफिसपर्यंत तपासणी व जनजागृती मोहीम अधिक गतिमान करण्याचा निर्णय घेण्यात आला. या बैठकीस सहायक आयुक्त समाजकल्याण संतोष चिकणे, जिल्हा समाज कल्याण अधिकारी सचिन कांबळे, पोलीस निरीक्षक प्रविण कोल्हे यांच्यासह शिक्षणाधिकारी प्राथमिक व माध्यमिक, जिल्हा शल्य चिकित्सक तसेच अशासकीय सदस्य उपस्थित होते. विद्यार्थ्यांना व्यसनापासून दूर ठेवण्यासाठी महाविद्यालयांतही मोहीम राष्ट्रीय अंमली पदार्थ समन्वय बैठकीत शाळा आणि महाविद्यालयीन विद्यार्थ्यांना अमली पदार्थांच्या व्यसनापासून दूर ठेवण्यावर विशेष भर देण्यात आला. आतापर्यंत शाळांमध्ये राबविण्यात येणाऱ्या जनजागृती आणि त...

सिंधुदुर्ग, दि. २९ (जिमाका): चक्रीवादळ आणि त्यातून उद्भवणाऱ्या संभाव्य आपत्तींच्या परिस्थितीत विविध शासकीय यंत्रणांचा समन्वय, बचाव व मदतकार्याची तयारी आणि आपत्कालीन प्रतिसादाची कार्यक्षमता तपासण्यासाठी महाराष्ट्र, गोवा व कर्नाटक या तीन राज्यांच्या संयुक्त सहभागातून १ ऑक्टोबर २०२६ रोजी बहुराज्यीय रंगीत तालीम आयोजित होत आहे. सिंधुदुर्ग जिल्ह्यात मालवण तालुक्यातील तारकर्ली व आचरा, वेंगुर्ला तालुक्यातील रेडी पोर्ट, श्रीरामवाडी व शेळपी, तसेच देवगड तालुक्यातील विजयदुर्ग व तांबळडेग या सात ठिकाणी विविध आपत्ती व्यवस्थापन यंत्रणांच्या सहभागातून ही तालीम होणार आहे. या अनुषंगाने जिल्हाधिकारी कार्यालयातील सुरंगी सभागृहात विशेष बैठक पार पडली. यावेळी जिल्हाधिकारी तृप्ती धोडमिसे यांनी राष्ट्रीय आपत्ती व्यवस्थापन प्राधिकरणाच्या पथकाला जिल्ह्यातील तयारीबाबत सविस्तर माहिती दिली. या बैठकीला राष्ट्रीय आपत्ती व्यवस्थापन प्राधिकरणाचे वरिष्ठ सल्लागार आदित्य कुमार, जिल्हा पोलीस अधीक्षक डॉ. मोहन दहिकर, मुख्य कार्यकारी अधिकारी डॉ. अपूर्वा बासूर, निवासी उपजिल्हाधिकारी मच्छिंद्र सुकटे, राज्य आपत्ती व्यवस्थापन प...

सिंधुदुर्ग, दि. २९ (जिमाका) : जिल्ह्यात निर्माण झालेली दुष्काळसदृश्य परिस्थिती आणि आगामी काळातील पाणीटंचाईची शक्यता लक्षात घेऊन जलपुनर्भरण, पाणीसाठा निर्मिती आणि पाणी बचतीच्या उपाययोजनांना गती देण्यासाठी १ ते १० ऑक्टोबरदरम्यान जिल्ह्यात विशेष मोहीम राबविण्यात येणार आहे. या कालावधीत जिल्ह्यात १० हजार वनराई बंधारे उभारण्याचे तसेच प्रत्येक ग्रामपंचायतीमध्ये २५ जलतारा निर्माण करण्याचे उद्दिष्ट पालकमंत्री नितेश राणे यांच्या मार्गदर्शनाखाली निश्चित करण्यात आले आहे. ही कामे जास्तीत जास्त लोकसहभागातून प्रभावीपणे राबविण्याचे निर्देश जिल्हाधिकारी तृप्ती धोडमिसे यांनी दिले. जिल्ह्यातील दुष्काळसदृश्य परिस्थितीचा ट्रिगर-१ मध्ये समावेश झाल्याच्या पार्श्वभूमीवर टंचाई निवारणासाठी करावयाच्या उपाययोजनांच्या नियोजनाबाबत जिल्हाधिकारी तृप्ती धोडमिसे यांच्या अध्यक्षतेखाली आणि जिल्हा परिषद अध्यक्ष प्रमोद कामत यांच्या प्रमुख उपस्थितीत जिल्हाधिकारी कार्यालयातील तरिणी सभागृहात बैठक झाली. मुख्य कार्यकारी अधिकारी डॉ. अपूर्वा बासुर, उपवनसंरक्षक मिलीश शर्मा, जिल्हा परिषद उपाध्यक्ष दादा साईल, जिल्हा नियोजन अधिका...

सिंधुदुर्ग, दि. २९ (जिमाका) : क्रीडा क्षेत्रातील खेळाडूंना शासकीय सेवेत ५ टक्के आरक्षणाचा लाभ घेण्यासाठी आवश्यक क्रीडा प्रमाणपत्र मिळविण्याची प्रक्रिया सुलभ करण्यासाठी ‘क्रीडा ई-प्रमाण’ (Krida e-Pramaan) प्रणाली उपलब्ध करून देण्यात आली आहे. पात्र खेळाडूंनी या प्रणालीद्वारे ऑनलाइन नोंदणी करून क्रीडा प्रमाणपत्रासाठी विनंती करता येणार आहे. क्रीडा ई-प्रमाण प्रणालीवर नोंदणी करण्यासाठी https://kridaepramaan.org/register या लिंकचा वापर करता येईल. तसेच क्रीडा विभागाच्या https://sports.maharashtra.gov.in/ या संकेतस्थळावर जाऊन मुख्य पृष्ठावरील ‘माझ्या सेवा’ या पर्यायामधून ‘५ टक्के आरक्षण’ ही सेवा निवडून नोंदणी करता येईल. नोंदणीसाठी ‘Register here’ या पर्यायावर क्लिक करून आवश्यक वैयक्तिक माहिती अचूकपणे भरावी. त्यानंतर नोंदणीकृत ई-मेल व मोबाईल क्रमांकावर प्राप्त OTP द्वारे पडताळणी पूर्ण करावी. ई-मेलवर प्राप्त Credentials च्या आधारे लॉगिन करून, आवश्यक असल्यास पासवर्ड Reset करावा. प्रमाणपत्रासाठी विनंती करण्यासाठी लॉगिन केल्यानंतर ‘Request Certificate’ या विभागात जाऊन संबंधित स्पर्धेविषयीची संपू...

सिंधुदुर्ग, दि. २९ (जिमाका) : जल जीवन मिशन अंतर्गत गावातील पाणीपुरवठा योजनांचे औपचारिक हस्तांतरण ग्रामसमुदायाकडे करण्याच्या उद्देशाने दि. २ ऑक्टोबर २०२६ रोजी जिल्ह्यात ‘जल अर्पण दिवस’ साजरा करण्यात येणार आहे. जिल्ह्यात ‘हर घर जल’ घोषित झालेल्या आणि पाणीपुरवठा योजना पूर्ण होऊन सुरळीत पाणीपुरवठा सुरू असलेल्या गावांमध्ये या कार्यक्रमाचे आयोजन करण्यात येणार असल्याची माहिती जिल्हा परिषदेच्या मुख्य कार्यकारी अधिकारी डॉ. अपूर्वा बासुर यांनी दिली. जल अर्पण कार्यक्रमापूर्वी संबंधित ग्रामपंचायतीमध्ये १५ ते २० दिवसांचा ट्रायल रन पूर्ण झाल्याची खात्री करण्यात येणार आहे. या कालावधीत आढळणाऱ्या तांत्रिक त्रुटी तातडीने दूर करण्यात येणार आहेत. तसेच ग्रामपंचायत व ग्राम पाणीपुरवठा व स्वच्छता समिती (VWSC) यांच्या माध्यमातून ‘ट्रान्सेक्ट वॉक’ करून पाणीपुरवठा योजनेची प्रत्यक्ष पाहणी व तपासणी करण्यात येणार आहे. पाणीपुरवठा योजनेशी संबंधित नकाशे, मालमत्ता नोंदवही, पाणी गुणवत्ता तपासणी अहवाल, देखभाल व दुरुस्ती (O&M) आराखडा तसेच आवश्यक कागदपत्रे ग्रामपंचायत व VWSC कडे उपलब्ध करून देण्यात येणार आहेत. ग्रा...

येथे सेवा संकल्प अभियानातंर्गत महिला आरोग्य व स्वच्छता जागरूकता #सेवासंकल्पअभियान

उप जिल्हा रुग्णालय शिरोडा येथे सेवा संकल्प अभियानातंर्गत

ग्रामीण रुग्णालय कुडाळ येथे सेवा संकल्प अभियानातंर्गत ा #सेवासंकल्पअभियान

ग्रामीण रुग्णालय देवगड येथे सेवा संकल्प अभियानातंर्गत आरोग्य शिबीर संपन्न

रेवताळे, तालुका मालवण येथे महिला व बालविकास विभागाच्या सर्व सेवा व सर्व हेल्पलाइन क्रमांक तसेच समुपदेशन केंद्र, अभय केंद्र, वन स्टॉप सेंटर महिला, सक्षमीकरण केंद्र याबाबत माहिती देण्यात आली.#सेवासंकल्पअभियान

निधी अखर्चित राहणार नाही याची दक्षता घेण्याचे निर्देश सिंधुदुर्ग, दि. २६ (जिमाका) : जिल्हा वार्षिक योजनेअंतर्गत मंजूर झालेली कामे विहित मुदतीत पूर्ण करून उपलब्ध निधीचा शंभर टक्के विनियोग होईल, यासाठी सर्व विभागांनी नियोजनबद्ध पद्धतीने कार्यवाही करावी. कोणताही निधी अखर्चित राहणार नाही, याची दक्षता घेत प्रलंबित कामांना गती द्यावी, असे निर्देश जिल्हाधिकारी तृप्ती धोडमिसे यांनी दिले. जिल्हाधिकारी कार्यालयातील मायनाक भंडारी सभागृहात जिल्हा वार्षिक योजनेतील सन २०२४-२५, २०२५-२६ आणि चालू आर्थिक वर्ष २०२६-२७ मधील मंजूर निधी व खर्चाचा आढावा घेण्यासाठी आयोजित बैठकीत त्या बोलत होत्या. यावेळी मुख्य कार्यकारी अधिकारी डॉ. अपूर्वा बासूर, अतिरिक्त मुख्य कार्यकारी अधिकारी शितल पुंड, जिल्हा नियोजन अधिकारी यशवंत बुधावले, समाजकल्याण विभागाचे सहायक आयुक्त संतोष चिकणे यांच्यासह विविध विभागांचे खातेप्रमुख उपस्थित होते. सन २०२४-२५ मधील सुमारे २५० कोटी रुपयांच्या कामांचा, तर सन २०२५-२६ मधील २८२ कोटी रुपयांच्या कामांचा बैठकीत आढावा घेण्यात आला. सन २०२५-२६ मधील एकूण २,१९८ कामे पूर्ण झाली असून १,२२९ कामे प्रलंबित...

पालकमंत्री नितेश राणे यांचे जिल्हा प्रशासनाला पंचनामे विहित मुदतीत पूर्ण करण्याचे निर्देश जिल्ह्यात जमीन महसूलात सूट, पीक कर्ज पुनर्गठनासह विविध सवलती सिंधुदुर्ग, दि. २६ (जिमाका) : खरीप हंगाम २०२६ मधील पर्जन्यमानातील तूट व अन्य घटकांच्या आधारे राज्यातील २६५ तालुक्यांमध्ये दुष्काळी परिस्थिती असल्याचे निदर्शनास आले असून, सिंधुदुर्ग जिल्ह्यातील सावंतवाडी, दोडामार्ग, कणकवली, कुडाळ, वैभववाडी, मालवण, देवगड आणि वेंगुर्ला या सर्व आठही तालुक्यांमध्ये ‘Trigger-1’ (प्रथम कळ) लागू करण्यात आली आहे. महाराष्ट्र शासनाच्या मदत व पुनर्वसन विभागाने २५ सप्टेंबर २०२६ रोजी याबाबत शासन निर्णय निर्गमित केला आहे. या पार्श्वभूमीवर पालकमंत्री नितेश राणे यांनी जिल्ह्यातील पिकांच्या नुकसानीचे पंचनामे विहित मुदतीत पूर्ण करण्याचे निर्देश प्रशासनाला दिले आहेत. तसेच पालकमंत्री उद्या, दि. २७ सप्टेंबर रोजी दुष्काळी परिस्थिती भागातील गावांना प्रत्यक्ष भेटी देऊन पाहणी करणार आहेत. ‘Trigger-1’ लागू झाल्यामुळे दुष्काळग्रस्त भागासाठी शासनाने विशेष बाब म्हणून विविध सवलती व उपाययोजना लागू केल्या आहेत. यामध्ये जमीन महसूलात ...

संयुक्त राष्ट्राच्या जागतिक पर्यटन संस्थेनुसार या वर्षीच्या जागतिक पर्यटन दिनाची मध्यवर्ती संकल्पना पर्यटनाचे स्वरूप बदलण्यासाठी 'डिजिटल अजेंडा' आणि 'कृत्रिम बुद्धिमत्ता’ अशी आहे. या पार्श्वभूमीवर स्थानिक पर्यटन व्यावसायिकांसाठी हे तंत्रज्ञान एक सुवर्णसंधी घेऊन आले आहे. जिल्ह्याच्या नैसर्गिक आणि सांस्कृतिक वैभवाला तंत्रज्ञानाची जोड मिळत आहे. कृत्रिम बुद्धिमत्तेचा (AI) प्रशासकीय वापर करणारा देशातील पहिला जिल्हा म्हणून सिंधुदुर्गने नवी ओळख यापूर्वीच निर्माण केली आहे. १ मे २०२५ पासून जिल्ह्यात विविध क्षेत्रांमध्ये AI आधारित प्रणालींचा वापर सुरू झाला असून, या उपक्रमाची दखल राष्ट्रीय पातळीवरही घेण्यात आली आहे. यासह महाराष्ट्रातील पहिला पर्यटन जिल्हा म्हणून सिंधुदुर्ग जिल्ह्याला १९९७ मध्ये घोषित करण्यात आले. ही ओळख केवळ प्रशासनापुरती मर्यादित न राहता जिल्ह्याच्या पर्यटन क्षेत्रासाठीही मोठी संधी ठरू शकते. कारण आजचा पर्यटक प्रवासाला निघण्यापूर्वीच डिजिटल माध्यमातून माहिती शोधतो, स्थळांची तुलना करतो, निवासाची व्यवस्था करतो, स्थानिक खाद्यपदार्थांविषयी माहिती घेतो आणि आपल्या संपूर्ण...

सिंधुदुर्ग, दि. २४ (जिमाका) : विकसित भारताच्या उभारणीत युवकांचा सक्रिय सहभाग वाढविण्याच्या उद्देशाने केंद्र शासनाच्या युवा कार्य व क्रीडा मंत्रालयाच्या माध्यमातून ‘विकसित भारत क्विझ’चे आयोजन करण्यात आले आहे. सिंधुदुर्ग जिल्ह्यातील जास्तीत जास्त युवकांनी या उपक्रमात सहभागी होऊन आपल्या ज्ञानाची चाचणी घेण्याबरोबरच विकसित भारताच्या संकल्पनेशी जोडले जावे, असे आवाहन जिल्हा प्रशासनाच्या वतीने करण्यात आले आहे. या बैठकीला निवासी उपजिल्हाधिकारी मच्छिंद्र सुकटे, अतिरिक्त मुख्य कार्यकारी अधिकारी शीतल पुंड, जिल्हा युवा अधिकारी सम्राट पाटील, शिक्षाधिकारी प्राथमिक सुबोध माने, शिक्षणाधिकारी माध्यमिक व्ही एस पाटील, जिल्हा संघटक स्काउट एंड गाइड अंजली माहूरे, जिल्हा समन्वयक राष्ट्रीय सेवा योजना मिलिंद कदम, जिल्हा क्रीडा अधिकारी मार्क धरमाई उपस्थित होते. ‘विकसित भारत क्विझ’ हा ‘विकसित भारत यंग लीडर्स डायलॉग २०२७’ या उपक्रमाचा प्रारंभिक टप्पा आहे. देशाच्या विकासाचा प्रवास, भारतीय संस्कृती, वारसा, संविधान, विज्ञान-तंत्रज्ञान, नवोपक्रम तसेच भारताच्या भविष्यातील विकासाच्या...

सिंधुदुर्ग (जिमाका), दि. २4 : सावंतवाडी येथील चितारआळी सार्वजनिक गणेश उत्सव मंडळाच्या आवारात ‘लोकसंवाद-२०२६’ उपक्रमाचे आयोजन करण्यात आले. माहिती व जनसंपर्क महासंचालनालयाच्या जिल्हा माहिती कार्यालय, सिंधुदुर्ग आणि जिल्हा प्रशासनाच्या संयुक्त विद्यमाने आयोजित या कार्यक्रमात उपस्थित नागरिकांना शासनाच्या विविध लोककल्याणकारी योजनांची माहिती देण्यात आली. विशेषतः महिला व बालविकास विभागामार्फत राबविण्यात येणाऱ्या विविध योजनांची माहिती देण्यात आली व योजनांबाबत मार्गदर्शन करण्यात आले. लोकसंवाद-२०२६’च्या माध्यमातून गणेशोत्सव मंडळे ही केवळ सांस्कृतिक उपक्रमांची केंद्रे न राहता शासकीय माहिती नागरिकांपर्यंत पोहोचविण्याचे प्रभावी माध्यम ठरत आहेत. यावेळी शासनाच्या विविध लोककल्याणकारी योजना, शासकीय सेवा आणि नागरिकांसाठी उपलब्ध सुविधांबाबत मार्गदर्शन करण्यात आले. सार्वजनिक गणेश मंडळाने यावेळी वर्षभरात राबविण्यात येत असलेल्या कामांची माहिती दिली. या मंडळामार्फत यावेळी टाकाऊ कागदापासून गणेश मूर्ती तयार करुन पर्यावरण संवर्धनाचा संदेश देण्यात आला आहे. अनेक प्रकारच्या सा...

सिंधुदुर्ग, दि. 23 : सावंतवाडी येथील राष्ट्रीय एकात्मिक उत्सव मंडळ, नगरपालिका संकुल सार्वजनिक गणेशोत्सव मंडळाच्या आवारात ‘लोकसंवाद-२०२६’ उपक्रमाचे आयोजन (दि.२१ रोजी) करण्यात आले. माहिती व जनसंपर्क महासंचालनालयाच्या जिल्हा माहिती कार्यालय, सिंधुदुर्ग आणि जिल्हा प्रशासनाच्या संयुक्त विद्यमाने आयोजित या कार्यक्रमात उपस्थित नागरिकांना शासनाच्या विविध लोककल्याणकारी योजनांची माहिती देण्यात आली. विशेषतः महिला व बालविकास विभागामार्फत राबविण्यात येणाऱ्या विविध योजनांची माहिती देण्यात आली व योजनांबाबत मार्गदर्शन करण्यात आले. लोकसंवाद-२०२६’च्या माध्यमातून गणेशोत्सव मंडळे ही केवळ सांस्कृतिक उपक्रमांची केंद्रे न राहता शासकीय माहिती नागरिकांपर्यंत पोहोचविण्याचे प्रभावी माध्यम ठरत आहेत. यावेळी शासनाच्या विविध लोककल्याणकारी योजना, शासकीय सेवा आणि नागरिकांसाठी उपलब्ध सुविधांबाबत मार्गदर्शन करण्यात आले. सार्वजनिक गणेश मंडळाने यावेळी वर्षभरात राबविण्यात येत असलेल्या कामांची माहिती दिली. यावेळी विश्वास घाग, शैलेश मिस्त्री, गीतेश पोकळे, राजन शृंगारे, सुजित कोरगावकर, म...

महिलांच्या सुरक्षिततेसह शासकीय योजनांबाबत मार्गदर्शन #गणेशोत्सव२०२६ #लोकसंवाद२०२६

महिला व बालविकास विभागामार्फत राबविण्यात येणाऱ्या विविध योजनांची माहिती देत, पात्र लाभार्थ्यांनी योजनांचा लाभ घेण्यासाठी आवश्यक प्रक्रिया आणि उपलब्ध सुविधांबाबत मार्गदर्शन #गणेशोत्सव२०२६ #लोकसंवाद२०२६

सिंधुदुर्ग, दि. २२ (जिमाका) : समाज कल्याण विभागामार्फत दि. १७ सप्टेंबर ते १७ ऑक्टोबर २०२६ या कालावधीत ‘सेवा संकल्प अभियान’ राबविण्यात येत आहे. या अभियानाचा शुभारंभ दि. १७ सप्टेंबर रोजी सामाजिक न्याय भवन, सिंधुदुर्गनगरी येथे करण्यात आला. समाज कल्याण विभागाचे सहायक आयुक्त संतोष चिकणे यांच्या मार्गदर्शनाखाली समाज कल्याण विभागामार्फत राबविण्यात येणाऱ्या विविध लोककल्याणकारी योजनांची माहिती देणारी विशेष रांगोळी काढण्यात आली. तसेच ‘गटई स्टॉल’ योजनेचा लाभ घेतलेल्या लाभार्थ्यांच्या घरी भेट देऊन ‘संकल्पाचा दिवा’ प्रज्वलित करून अभियानाचा संदेश देण्यात आला. ००००००

सिंधुदुर्ग, दि. २२ (जिमाका) : पंतप्रधान नरेंद्र मोदी यांच्या सार्वजनिक जीवनातील २५ वर्षे पूर्ण झाल्याच्या निमित्ताने तसेच विविध लोककल्याणकारी उपक्रमांचा लाभ नागरिकांपर्यंत पोहोचविण्याच्या उद्देशाने दि. १७ सप्टेंबर ते १७ ऑक्टोबर २०२६ या कालावधीत राज्यात ‘सेवा संकल्प अभियान’ राबविण्यात येत आहे. या अभियानांतर्गत ‘सेवा माझे योगदान’ कार्यक्रमाच्या माध्यमातून सहायक आयुक्त, समाज कल्याण, सिंधुदुर्ग कार्यालय तसेच अधिनस्त आठ शासकीय वसतिगृहांमध्ये दि. २१ सप्टेंबर २०२६ रोजी वृक्षारोपण उपक्रम राबविण्यात आला. यावेळी विशेष अधिकारी तुषार गवळी, सहायक लेखाधिकारी उदय यादव यांच्यासह समाज कल्याण विभागातील अधिकारी-कर्मचारी आणि शासकीय वसतिगृहांतील कर्मचारी उपस्थित होते. पर्यावरण संवर्धनाचा संदेश देत विविध ठिकाणी वृक्षारोपण करण्यात आले. oooooooo

सिंधुदुर्ग, दि. २२ : जिल्ह्यात शेती व शेतीपूरक व्यवसायात सक्रिय असलेल्या महिलांना स्वतंत्र शेतकरी म्हणून कायदेशीर ओळख मिळवून देण्यासाठी राबविण्यात येणाऱ्या ‘महिला शेतकरी प्रमाणपत्र’ योजनेच्या प्रभावी अंमलबजावणीला आता गती देण्यात येणार आहे. पालकमंत्री नितेश राणे यांच्या निर्देशानुसार जिल्ह्यातील प्रत्येक पात्र महिलेपर्यंत या योजनेची माहिती पोहोचविण्यासाठी महसूल व कृषी विभागाच्या संयुक्त विद्यमाने सर्व तालुक्यांमध्ये विशेष शिबिरांचे आयोजन करण्यात येणार आहे. ‘महाराष्ट्र महिला शेतकरी सक्षमीकरण अधिनियम’ अंतर्गत देण्यात येणाऱ्या या प्रमाणपत्रामुळे शेतीमध्ये प्रत्यक्ष काम करणाऱ्या महिलांना शेतकरी म्हणून स्वतंत्र ओळख मिळण्यास मदत होणार आहे. या योजनेचा लाभ जिल्ह्यातील जास्तीत जास्त पात्र महिलांना मिळावा, यासाठी महसूल व कृषी विभागाने समन्वयाने नियोजन करून तालुकास्तरावर विशेष शिबिरे घ्यावीत, अशा सूचना देण्यात आल्या आहेत. या शिबिरांच्या माध्यमातून महिलांना ‘महिला शेतकरी प्रमाणपत्र’ योजनेची सविस्तर माहिती देण्यात येणार असून पात्र महिलांचे ऑनलाइन अर्ज जागेवरच भरून घेण्याची सुविधा उपलब्ध करून दि...

सिंधुदुर्ग, दि. २२ (जिमाका) : सन २०२६-२७ या शैक्षणिक वर्षात इतर मागास वर्ग (OBC), विमुक्त जाती व भटक्या जमाती (VJNT) तसेच विशेष मागास प्रवर्गातील भटक्या जमाती-क (NT-C) प्रवर्गातील धनगर समाजातील उच्च शिक्षण घेणाऱ्या विद्यार्थ्यांसाठी शासनाने ‘पंडित दीनदयाळ उपाध्याय स्वयंम योजना’ राबविण्यास मान्यता दिली आहे. या योजनेअंतर्गत १२ वी नंतर पदवी, पदव्युत्तर तसेच व्यावसायिक व बिगर व्यावसायिक अभ्यासक्रमांच्या प्रथम वर्षात प्रवेश घेतलेल्या पात्र विद्यार्थ्यांना ऑनलाइन अर्ज करता येणार आहे. सन २०२६-२७ या शैक्षणिक वर्षासाठी अर्ज करण्याची मुदत दि. ३० सप्टेंबर २०२६ पर्यंत वाढविण्यात आली आहे. विद्यार्थ्यांनी https://hmasnew.mahait.org/ या संकेतस्थळावर ऑनलाइन अर्ज भरावा. अर्ज भरल्यानंतर आवश्यक कागदपत्रांसह अर्जाची एक प्रत सहायक संचालक, इतर मागास बहुजन कल्याण, सिंधुदुर्ग, डॉ. बाबासाहेब आंबेडकर सामाजिक न्याय भवन, सिंधुदुर्गनगरी, ता. कुडाळ, जि. सिंधुदुर्ग येथे जमा करावी. पात्र विद्यार्थ्यांनी विहित मुदतीत ऑनलाइन अर्ज करून ‘पंडित दीनदयाळ उपाध्याय स्वयंम योजनेचा’ लाभ घ्यावा, असे आवाहन सहायक संचालक उदयसि...

सिंधुदुर्ग, दि. २२ (जिमाका) : सन २०२६-२७ या शैक्षणिक वर्षात इतर मागास वर्ग (OBC), विमुक्त जाती व भटक्या जमाती (VJNT) आणि विशेष मागास प्रवर्गातील (SBC) उच्च शिक्षण घेणाऱ्या, मात्र शासकीय वसतिगृहात प्रवेश न मिळालेल्या विद्यार्थ्यांसाठी शासनाने ‘ज्ञानज्योती सावित्रीबाई फुले आधार योजना’ राबविण्यास मान्यता दिली आहे. या योजनेअंतर्गत १२ वी नंतर पदवी, पदव्युत्तर तसेच व्यावसायिक व बिगर व्यावसायिक अभ्यासक्रमांच्या प्रथम वर्षात प्रवेश घेतलेल्या पात्र विद्यार्थ्यांना लाभ घेता येणार आहे. योजनेसाठी ऑनलाइन अर्ज करण्याची मुदत दि. ३० सप्टेंबर २०२६ पर्यंत वाढविण्यात आली आहे. विद्यार्थ्यांनी https://hmasnew.mahait.org/ या संकेतस्थळावर ऑनलाइन अर्ज भरावा. ऑनलाइन अर्ज भरल्यानंतर अर्जाची एक प्रत आवश्यक कागदपत्रांसह सहायक संचालक, इतर मागास बहुजन कल्याण, सिंधुदुर्ग, डॉ. बाबासाहेब आंबेडकर सामाजिक न्याय भवन, सिंधुदुर्गनगरी, ता. कुडाळ, जि. सिंधुदुर्ग येथे जमा करावी. पात्र विद्यार्थ्यांनी मुदतीत अर्ज करून ‘ज्ञानज्योती सावित्रीबाई फुले आधार योजनेचा’ लाभ घ्यावा, असे आवाहन सहायक संचालक उदयसिंह गायकवाड यांनी केले...

सिंधुदुर्ग, दि. २२ (जिमाका) : ‘स्वच्छता ही सेवा’ अभियान दि. १७ सप्टेंबर ते २ ऑक्टोबर २०२६ आणि ‘सेवा संकल्प अभियान’ दि. १७ सप्टेंबर ते १७ ऑक्टोबर २०२६ या कालावधीत जिल्ह्यात राबविण्यात येत आहे. या अभियानांतर्गत जिल्हा पाणी व स्वच्छता मिशन, जिल्हा परिषदेच्या माध्यमातून जिल्ह्यातील सर्व ग्रामपंचायतींच्या स्तरावर ई-वेस्ट संकलनाची विशेष मोहीम राबविण्यात येणार आहे. घरातील नादुरुस्त अथवा वापरात नसलेल्या इलेक्ट्रॉनिक वस्तूंचे योग्य संकलन व शास्त्रोक्त विल्हेवाट लावणे पर्यावरणाच्या दृष्टीने आवश्यक आहे. त्यामुळे नागरिकांनी घरात किंवा परिसरात पडून असलेले ई-वेस्ट जवळच्या ग्रामपंचायतीत जमा करावे, असे आवाहन जिल्हा परिषदेच्या मुख्य कार्यकारी अधिकारी डॉ. अपूर्वा बासूर यांनी केले आहे. या मोहिमेत मोबाईल, चार्जर, केबल, की-बोर्ड, माऊस, संगणक साहित्य, इलेक्ट्रॉनिक उपकरणे व लहान विद्युत उपकरणांसह इतर नादुरुस्त इलेक्ट्रॉनिक वस्तू संकलित करण्यात येणार आहेत. संकलित ई-वेस्ट इतर घनकचऱ्यात मिसळू नये, यासाठी ग्रामपंचायत स्तरावर स्वतंत्र नियोजन करण्यात येणार आहे. ई-वेस्टचे योग्य संकलन, वर्गीकरण, पुनर्वापर व पर्...

सिंधुदुर्ग, दि. २२ (जिमाका) : पंतप्रधान नरेंद्र मोदी यांच्या वाढदिवसानिमित्त राज्य शासनाच्या वतीने दि. १७ सप्टेंबर ते १७ ऑक्टोबर २०२६ या कालावधीत ‘सेवा संकल्प अभियान’ राबविण्यात येत आहे. या अभियानांतर्गत जिल्हा जात प्रमाणपत्र पडताळणी समितीच्या वतीने जात वैधता प्रमाणपत्राबाबतच्या त्रुटींची पूर्तता करण्यासाठी दि. २३ व २४ सप्टेंबर २०२६ रोजी विशेष शिबिराचे आयोजन करण्यात आले आहे. नीट-यूजी, सीईटी, जेईई, सीएलएटी आदी व्यावसायिक प्रवेश परीक्षांमध्ये सहभागी झालेल्या आणि जात वैधता प्रमाणपत्राच्या अर्जात त्रुटी असलेल्या विद्यार्थ्यांनी या शिबिराचा लाभ घ्यावा. प्रवेश प्रक्रियेत आरक्षणाचा लाभ घेण्यासाठी जात वैधता प्रमाणपत्र आवश्यक असल्याने विद्यार्थ्यांनी संबंधित त्रुटींची पूर्तता वेळेत करणे आवश्यक आहे. इयत्ता ११ वी व १२ वी विज्ञान शाखेत शिक्षण घेणाऱ्या विद्यार्थ्यांनी जात वैधता प्रमाणपत्रासाठी https://ccvis.barti.in/ या संकेतस्थळावर CCVIS येथे ऑनलाइन अर्ज करावा. अर्जाची प्रत, आवश्यक मूळ कागदपत्रे व त्यांच्या साक्षांकित प्रती समिती कार्यालयात सादर कराव्यात. CCVIS प्रणालीवर विद्यार्थी, सेवा, निवड...

सिंधुदुर्ग, दि. २२ (जिमाका) : सावंतवाडी येथील सालईवाडा सार्वजनिक गणेशोत्सव मंडळाच्या आवारात ‘लोकसंवाद-२०२६’ उपक्रमाचे आयोजन (दि.२१ रोजी) करण्यात आले. माहिती व जनसंपर्क महासंचालनालयाच्या जिल्हा माहिती कार्यालय, सिंधुदुर्ग आणि जिल्हा प्रशासनाच्या संयुक्त विद्यमाने आयोजित या कार्यक्रमात उपस्थित नागरिकांना शासनाच्या विविध लोककल्याणकारी योजनांची माहिती देण्यात आली. विशेषतः महिला व बालविकास विभागामार्फत राबविण्यात येणाऱ्या विविध योजनांची माहिती देत, पात्र लाभार्थ्यांनी योजनांचा लाभ घेण्यासाठी आवश्यक प्रक्रिया आणि उपलब्ध सुविधांबाबत मार्गदर्शन करण्यात आले. सालईवाडा सार्वजनिक गणेशोत्सव मंडळाची स्थापना १९०६ मध्ये झाली असून, १२१ व्या वर्षात पदार्पण केलेल्या या मंडळाकडून दरवर्षी विविध सामाजिक उपक्रम राबविण्यात येतात. गणेशोत्सवाला राज्य महोत्सवाचा दर्जा मिळाल्याच्या पार्श्वभूमीवर यंदाच्या उत्सवाचे डिजिटल दस्तऐवजीकरण करण्यासाठी ‘Bappa.org’ पोर्टलबाबतही यावेळी माहिती देण्यात आली. नागरिकांनी या पोर्टलवर गणेशोत्सवाशी संबंधित कथा, पारंपरिक पाककृती (रेसिपी), उत्सवाचे छायाचित्रे आणि व्हिडिओ अपलोड करून...

सिंधुदुर्ग, दि. २२ (जिमाका) : ‘लोकसंवाद-२०२६’ उपक्रमांतर्गत सावंतवाडी येथील अंकुर महिला वसतिगृहात महिलांसाठी मार्गदर्शनपर कार्यक्रमाचे आयोजन करण्यात आले. माहिती व जनसंपर्क महासंचालनालयाच्या जिल्हा माहिती कार्यालय, सिंधुदुर्ग आणि जिल्हा प्रशासनाच्या संयुक्त विद्यमाने आयोजित या कार्यक्रमात महिलांच्या सुरक्षिततेसाठी आवश्यक उपाययोजना तसेच महिला व बालविकास विभागामार्फत राबविण्यात येणाऱ्या विविध शासकीय योजनांची माहिती देण्यात आली. यावेळी महिला व बाल विकास अधिकारी बापू शिणगारे यांनी महिलांच्या सुरक्षिततेसाठी उपलब्ध असलेल्या उपाययोजना, शासकीय यंत्रणेमार्फत दिले जाणारे सहकार्य आणि महिलांसाठीच्या विविध योजनांबाबत मार्गदर्शन केले. अधीक्षक बी. जी. काटकर यांनीही वसतिगृहातील महिलांना आवश्यक सूचना व मार्गदर्शन केले. जिल्हा माहिती अधिकारी सचिन अडसूळ यावेळी उपस्थित होते. ‘लोकसंवाद-२०२६’च्या माध्यमातून शासनाच्या योजना व उपक्रमांची माहिती थेट लाभार्थी घटकांपर्यंत पोहोचविण्यासोबतच त्यांच्या प्रश्नांना व अडचणींना जाणून घेण्यावर भर देण्यात येत आहे. ०००००

सिंधुदुर्ग, दि. 21 (जिमाका) : इतर मागास प्रवर्ग, विमुक्त जाती, भटक्या जमाती व विशेष मागास प्रवर्गातील विद्यार्थ्यांना उच्च शिक्षण घेताना निवासाची सुविधा उपलब्ध करून देण्यासाठी इतर मागास बहुजन कल्याण विभागामार्फत जिल्हानिहाय शासकीय वसतीगृहे सुरू करण्यात आली आहेत. त्याअंतर्गत जिल्ह्यात बांधकरवाडी, कणकवली येथे इतर मागास बहुजन कल्याण मुलांचे शासकीय वसतीगृह सुरू करण्यात आले असून या शासकीय वसतीगृहात प्रवेश घ्यावा, असे आवाहन इतर मागास बहुजन कल्याणचे सहायक संचालक उदयसिंह गायकवाड यांनी केले आहे. या वसतीगृहामध्ये सन 2026-27 साठी इतर मागास वर्गासाठी 31 टक्के आरक्षण असून व्यवसायिक अभ्यासक्र 22 रिक्त जागा, बिगर व्यवसायिक अभ्यासक्रम 9 रिक्त जागा, प्रवर्ग निहाय व्यवसायिक अभ्यासक्र 12 रिक्त जागा, बिगर व्यवसायिक अभ्यासक्र 9 रिक्त जागा आहेत. विमुक्त जाती व भटक्या जमातीसाठी 20 टक्के आरक्षण असून व्यवसायिक अभ्यासक्र 14 रिक्त जागा, बिगर व्यवसायिक अभ्यासक्रम 6 रिक्त जागा, प्रवर्ग निहाय व्यवसायिक अभ्यासक्र 4 रिक्त जागा, बिगर व्यवसायिक अभ्यासक्र 6 रिक्त जागा आहेत. ...

सिंधुदुर्ग, दि. २१ (जिमाका) : केंद्र शासनाच्या पर्यावरण, वन व हवामान बदल मंत्रालयाने पश्चिम घाट पर्यावरण संवेदनशील क्षेत्र घोषित करण्यासाठी क्र. एस.ओ. ४१०६ (E), दि. २७ जुलै २०२६ अन्वये मसुदा अधिसूचना जारी केली आहे. ही मसुदा अधिसूचना भारत सरकारच्या ई-गॅझेट संकेतस्थळावर उपलब्ध आहे. या मसुदा अधिसूचनेनुसार महाराष्ट्रातील १३ जिल्ह्यांतील ५६ तालुक्यांमधील २ हजार ५१५ गावांचा पर्यावरण संवेदनशील क्षेत्रात समावेश प्रस्तावित करण्यात आला आहे. त्यामध्ये सिंधुदुर्ग जिल्ह्यातील सावंतवाडी, कुडाळ, कणकवली, देवगड आणि वैभववाडी या पाच तालुक्यांतील १९८ गावांचा समावेश आहे. या प्रस्तावित अधिसूचनेमुळे ज्या स्थानिक रहिवासींना त्याचा परिणाम होण्याची शक्यता आहे, त्यांना पर्यावरण (संरक्षण) अधिनियम, १९८६ व त्याअंतर्गत नियमांतील तरतुदीनुसार मसुदा अधिसूचनेबाबत आपले आक्षेप, सूचना व हरकती नोंदविता येणार आहेत. संबंधितांनी आपले आक्षेप मसुदा अधिसूचना प्रसिद्ध झाल्यापासून ६० दिवसांच्या आत केंद्र शासनाच्या पर्यावरण, वन व हवामान बदल मंत्रालयाकडे सादर करावेत. यासाठी es-z-mef@nic.in या...

सिंधुदुर्ग, दि. २१ (जिमाका) : सामाजिक न्याय व विशेष सहाय्य विभागांतर्गत शासकीय मुला-मुलींच्या वसतिगृहांमध्ये व्यावसायिक अभ्यासक्रमासाठी रिक्त जागांवर मोफत प्रवेश घेण्यासाठी अर्ज करण्यास ३० सप्टेंबर २०२६ पर्यंत मुदतवाढ देण्यात आली आहे. इच्छुक विद्यार्थ्यांनी hmasnew.mahait.org संकेतस्थळावर ऑनलाइन अर्ज करावा. वसतिगृहात मोफत प्रवेश, भोजन, शैक्षणिक साहित्य, निर्वाह भत्ता, ग्रंथालय व इंटरनेट सुविधा उपलब्ध करून देण्यात येतात. जिल्ह्यात मालवण, कणकवली, सावंतवाडी, वेंगुर्ला व देवगड येथे मुलींची, तर मालवण, कणकवली व वेंगुर्ला येथे मुलांची शासकीय वसतिगृहे कार्यरत आहेत. अनुसूचित जाती, अनुसूचित जमाती, विमुक्त जाती, भटक्या जमाती, आर्थिकदृष्ट्या मागास, इतर मागास व विशेष मागास प्रवर्गातील पात्र विद्यार्थ्यांनी ऑनलाइन अर्जाची प्रत आवश्यक कागदपत्रांसह संबंधित वसतिगृहात सादर करावी. विद्यार्थ्यांनी या संधीचा लाभ घ्यावा, असे आवाहन सहाय्यक आयुक्त समाज कल्याण संतोष चिकणे यांनी केले आहे. अधिक माहितीसाठी ०२३६२-२२८८८२ या दूरध्वनी क्रमांकावर संपर्क साधावा. 000