diosindhudurg

सिंधुदुर्गनगरी, दि.20 (जि.मा.का): प्रधानमंत्री जन आरोग्य योजनेचा लाभ मिळविण्यासाठी आयुष्मान कार्ड आवश्यक असल्याने सर्व पात्र लाभार्थ्यानी आपले कार्ड काढून घेण्याचे आवाहन जिल्हाधिकारी किशोर तावडे यांनी केले आहे. केंद्र शासनाची अत्यंत महत्वाकांक्षी आयुष्मान भारत प्रधानमंत्री जन आरोग्य योजना, राज्य शासनाची महात्मा ज्योतिराव फुले जन आरोग्य योजनेसह जिल्ह्यामध्ये २३ सप्टेंबर २०१८ पासून राबविली जात आहे. या योजनेमध्ये १२०९ गंभीर आजारावर ५ लक्ष रुपयापर्यंतच्या शस्त्रक्रिया व उपचार अंगीकृत शासकिय व खाजगी रुग्णालयातून पूर्णतः मोफत केले जातात. हे आरोग्य विमा कवच प्रति कुटुंब प्रति वर्ष ५ लक्ष रुपये अशा स्वरुपात मिळत असते. या एकत्रीत योजनेमधून आतापर्यंत १९,५०८ लाभार्थ्यांना उपचार व शस्त्रक्रियांचा लाभ मिळाला आहे. कॅन्सर, हृदयरोगय शस्त्रक्रिया, मूत्रपिंड विकार शस्त्रक्रिया मेंदू व मज्जासंस्था विकार, अस्थिव्यंग, जठर व आतडे शस्त्रक्रिया, प्लास्टिक सर्जरी, जळीत स्त्रीरोग, बालरोग, त्वचारोग, नेत्र शस्त्रक्रिया (मोतीबिंदू वगळून), कृत्रिम अवयव, फुफ्फुस आजारावरील उपचार, एंडोक्राईन, इंटरव...

जिल्हास्तरीय कला उत्सवाचे आयोजन

सिंधुदुर्गनगरी, दि.20 (जि.मा.का): माध्यमिक व उच्च माध्यमिक स्तरावरील विद्यार्थ्यांसाठी कला उत्सवासाठी जिल्हास्तरीय स्पर्धा 2023-24 चे आयोजन करण्यात आले असल्याची, माहिती जिल्हा शिक्षण व प्रशिक्षण संस्था चे प्राचार्य सुशिल शिवलकर यांनी दिली आहे. माध्यमिक व उच्च माध्यमिक स्तरावरील विद्यार्थ्यांमधील प्रतिभा ओळखून त्यांच्या मधील कलागुणांना वाव देण्यासाठी शालेय शिक्षण व साक्षरता विभाग, शिक्षण मंत्रज्ञलय, नवी दिल्ली यांच्या मार्फत सन 2015-16 पासून कला उत्सवाचे दरवर्षी आयोजन करण्यात येत आहे. यामध्ये देशातील सर्व राज्य व केंद्रशासित प्रदेश आपला सहभाग नोंदवितात. सन 2023-24 मध्ये केंद्र शासनाने कला उत्सवाच्या आयोजनामध्ये शास्त्रीय गायन, पारंपारिक गायन, तालवाद्य वादन, स्वरवाद्य वादन, शास्त्रीय नृत्य, पारंपरिक लोकनृत्य, व्दमितीय चित्र, त्रिमितीय शिल्प व खेळणी तयार करणे व नाट्य (भूमिका अभिनय) या 10 कला प्रकारांचा समावेश केलेला आहे. राज्याच्या 10 कला प्रकारातून प्रत्येकी 1 विद्यार्थी व 1 विद्यार्थ्यीनी अशा 20 विद्यार्थ्यांचा संघ राष्ट्रीय पातळीवर होणाऱ्या ऑनलाईन कला उत्सवासाठी अ...

पालकमंत्र्यांच्या हस्ते पारपोली येथे फुलपाखरु महोत्सवाचे उद्घाटन जैवविविधता जपण्याचे आवाहन

सिंधुदुर्गनगरी, दि.20 (जि.मा.का): फुलपाखरु महोत्सवामुळे पारपोली गावाने वेगळी ओळख निर्माण केली आहे. अशाप्रकारचे नावीन्यपूर्ण महोत्सव सातत्याने होणे गरजेचे आहे. जिल्ह्याची विकासाकडे घोडदौड सुरू आहे. शालेय शिक्षण मंत्री दिपक केसरकर यांनी सिंधुरत्न योजना राबविल्याने जिल्ह्यात रोजगाराच्या संधी निर्माण होत आहेत. पारपोली गावाला जिल्हा नियोजन समितीच्या माध्यमातून 80 लाखाचा निधी दिलेला आहे. यापुढेही जिल्ह्यातील पर्यटन विकासासाठी भरीव निधी देण्यात येईल. आपल्या जिल्ह्याला मोठ्या प्रमाणात जैवविविधता लाभली असल्याने ती अबाधित ठेवण्यासाठी गावकऱ्यांनी आणि विशेषतः युवकांनी प्रयत्न करण्याचे देखील पालकमंत्र्यांनी आवाहन केले. पारपोली येथे संयुक्त वन व्यवस्थापन समिती आणि वन विभाग यांच्या संयुक्त विद्यमाने आयोजित फुलपाखरु महोत्सवाचे उद्घाटन पालकमंत्री रवींद्र चव्हाण आणि शालेय शिक्षण मंत्री दिपक केसरकर यांच्या प्रमुख उपस्थितीत पार पडले. यावेळी जिल्हाधिकारी किशोर तावडे, माजी आमदार राजन तेली, उपवनसंरक्षक नवकिशोर रेड्डी आदी उपस्थित होते. यावेळी महोत्सवाच्या लोगोचे अनावरण आणि माहिती पुस्तिकेचे देखी...

मोफत आरोग्य शिबीराचा लाभ घ्यावा

सिंधुदुर्गनगरी, दि.18 (जि.मा.का): सार्वजनिक न्यास नोंदणी कार्यालय व सिंधुदुर्ग जिल्ह्यातील धर्मादाय रुग्णांलय आणि श्री. जय भवानी कला, क्रिडा मित्र मंडळ, ओरोस बु. सावंतवाडा, ता. कुडाळ यांच्या संयुक्त विद्यमाने शनिवार दि. 21 ऑक्टोबर 2023 रोजी भवानी मंदीर, सावंतवाडा ओरोस येथे सकाळी 9 ते 4 यावेळेत मोफत आरोग्य शिबीर आयोजित करण्यात आला आहे. या शिबीराचा लाभ घ्यावा, असे आवाहन सहायक धर्मादाय आयुक्त एम.एम. निकम यांनी केले आहे. ००००

जिल्हास्तरावर अंमली पदार्थ विरोधी कक्षाची स्थापना

सिंधुदुर्गनगरी, दि.19 (जि.मा.का): जिल्ह्यात अंमली पदार्थ सेवन, वाहतूक, साठवणूक, विक्री, परराज्यातून जिल्ह्यात होणारी वाहतूक आदी संबंधी बाबीवर नियंत्रण मिळविण्यासाठी जिल्हास्तरावर अंमली पदार्थ विरोधी कक्षाची (Anti Narcotics cell) स्थापना करण्यात आली आहे. अंमली पदार्थाबाबत कोणालाही माहिती मिळाल्यास त्याबाबत जिल्हा पोलीस नियंत्रण कक्षाच्या 02362 -228200 किंवा डायल 112 वर संपर्क करण्याचे आवाहन पोलीस अधीक्षक सौरभ अग्रवाल यांनी केले आहे. तसेच पोलीस ठाणेस्तरावरही कारवाईसाठी पथके नियुक्त करण्यात आलेली आहेत. त्यांच्याकडून गोपनिय माहिती घेवून कारवाई करण्याचे काम सुरु असल्याचेही त्यांनी सांगितले. उपविभागीय पोलीस अधिकारी, सावंतवाडी व कणकवली, पोलीस निरीक्षक, स्था.गु.अ.शा. आणि सर्व पोलीस सर्व पोलीस ठाणे प्रभारी अधिकरी यांची बैठक घेवून त्यांना अंमली पदार्थ सेवन, वाहतूक, साठवणूक, विक्री यादृष्टीने कारवाईबाबतचे आदेश देवून सलग 4 तास अंमली पदार्थ विरोधी कारवाईसाठी विशेष मोहिम राबविण्यात आली. गोपनियता बाळगून अचानकपणे राबविण्यात आलेल्या विशेष मोहिमेमध्ये जिल्ह्यातील समुद...

पालकमंत्र्याच्या हस्ते फुलपाखरु महोत्सवाचे उद्घाटन पारपोली गावात 20 ते 23 ऑक्टोबर दरम्यान महोत्सवाचे आयोजन

सिंधुदुर्गनगरी, दि.19 (जि.मा.का): फुलपाखरांचे गाव म्हणून ओळखल्या जाणाऱ्या पारपोली गावात दि. 20 ते 23 ऑक्टोबर दरम्यान फुलपाखरू महोत्सवाचे आयोजन करण्यात आले आहे. या महोत्सवाचे उद्घाटन पालकमंत्री रविंद्र चव्हाण यांच्या हस्ते होणार आहे. यावेळी शालेय शिक्षण व मराठी भाषा मंत्री दिपक केसरकर, खासदार विनायक राऊत, जिल्हाधिकारी किशोर तावडे, मुख्य कार्यकारी अधिकारी प्रजित नायर, पोलिस अधिक्षक सौरभ अग्रवाल, कोल्हापूर वनवृत्त मुख्यवनसंरक्षक आर. एस. रमानुजम यांची प्रमुख उपस्थिती असणार आहे. हा महोत्सव सावंतवाडी वनविभाग आणि पारपोली संयुक्त वन व्यवस्थापन समिती यांच्यावतीने आयोजन करण्यात आले आहे. पारपोली येथे फुलपाखरांच्या वाढीसाठी अतिशय वैशिष्ट्यपूर्ण सूक्ष्म असे वातावरण तसेच फुलपाखरांचे अन्न असलेली विविध प्रकारची फुले उपलब्ध आहेत. त्यामुळे सुमारे 180 हून अधिक विविध प्रकारची फुलपाखरे या गावात आढळतात. यातील फुलपाखरांच्या बहुसंख्य प्रजाती ऑक्टोंबर व नोव्हेंबर महिन्यामध्ये या पारपोली गावात आढळून येतात. त्यामुळे निसर्गप्रेमींसह पर्यटकांसाठी विविध प्रकारच्या फुलपाखरांचा अभ्यास करण्यासाठी ही सुवर्णसंधी आह...

आयुष्मान भारत प्रधानमंत्री जन आरोग्य योजनेचा 19 हजार लाभार्थ्यानी घेतला लाभ

सिंधुदुर्गनगरी, दि.18 (जि.मा.का): आयुष्मान भारत प्रधानमंत्री जन आरोग्य योजने अंतर्गत 19 हजार 508 लाभाथीना उपचार व शस्त्रक्रियांचा लाभ घेतला असल्याची माहिती जिल्हा परिषदेचे जिल्हा आरोग्य अधिकारी डॉ.सई रुपेश धुरी यांनी दिली. केंद्र शासनाची अत्यंत महत्वाकांक्षी आयुष्मान भारत प्रधानमंत्री जन आरोग्य योजना, राज्य शासनाची महात्मा ज्योतिराव फुले जन आरोग्य योजनेसह जिल्ह्यामध्ये २३ सप्टेंबर २०१८ पासून राबविली जात आहे. या योजनेमध्ये १२०९ गंभीर आजारावर ५ लक्ष रुपयापर्यंतच्या शस्त्रक्रिया व उपचार अंगीकृत शासकिय व खाजगी रुग्णालयातून पूर्णतः मोफत केले जातात. हे आरोग्य विमा कवच प्रति कुटुंब प्रति वर्ष ५ लक्ष रुपये अशा स्वरुपात मिळत असते. या एकत्रीत योजनेमधून आतापर्यंत १९,५०८ लाभार्थ्यांना उपचार व शस्त्रक्रियांचा लाभ मिळाला आहे. कॅन्सर, हृदयरोगय शस्त्रक्रिया, मूत्रपिंड व मूत्रमार्ग विकार शस्त्रक्रिया मेंदू व मज्जासंस्था विकार, अस्थिव्यंग, जठर व आतडे शस्त्रक्रिया, प्लास्टिक सर्जरी, जळीत स्त्रीरोग, बालरोग, त्वचारोग, नेत्रशस्त्रक्रिया (मोतीबिंदू वगळून), कृत्रिम अवयव, फुफ्फुस आजारावरील उप...

"जीवनात ग्रंथ वाचन आवश्यक" अप्पर जिल्हाधिकारी रवि पाटील

सिंधुदुर्गनगरी, दि.18 (जि.मा.का): भारताचे माजी राष्ट्रपती डॉ. ए.पी.जे अब्दुल कलाम यांची जयंती वाचन प्रेरणा दिन म्हणून साजरी करण्यात करण्यात आली. जिल्हा ग्रंथालय अधिकारी कार्यालय येथे वाचन प्रेरणा दिनानिमित्त ग्रंथप्रदर्शनाचे आयोजन करण्यात आले आहे. या ग्रंथप्रदर्शनाचे उद्घाटन अप्पर जिल्हाधिकारी रवि पाटील यांच्या हस्ते करण्यात आले. याप्रसंगी डॉ.ए.पी.जे अब्दुल कलाम यांच्या प्रतिमेचे पुजन व दीपप्रज्वलनाने कार्यक्रमाची सुरुवात करण्यात आली. यावेळी सामान्य शाखाचे उपजिल्हाधिकारी रविंद्र मठपती, भूसंपादनाचे उपजिल्हाधिकारी, सर्जेराव मस्के- पाटील, यांना ग्रंथ भेट देवून स्वागत करण्यात आले. जिल्हा ग्रंथालय अधिकारी सचिन हजारे यांनी वाचन प्रेरणा दिन साजरा करण्यामागची भूमिका स्पष्ट केली. तसेच, याप्रसंगी अप्पर जिल्हाधिकारी रवि पाटील यांनी वाचनाचे महत्व याबाबत उपस्थितांना मार्गदर्शन केले. ग्रंथ प्रदर्शनात डॉ. ए.पी.जे अब्दुल कलाम यांनी लिहिलेली पुस्तके, विज्ञान, तंत्रज्ञान, अवकाश इत्यादी विषयावरील पुस्तके ग्रंथप्रर्दशनात मांडण्यात आली आहेत. तसेच "350 वा शिवराज्याभिषेक छत्रपती शिवाजी म...

लेखापरीक्षक नामतालिकासाठी ऑनलाईन अर्जांचे आवाहन

सिंधुदुर्गनगरी, दि.18 (जि.मा.का): महाराष्ट्र सहकारी संस्था अधिनियम 1930 चे कलम 81 अन्वये सहकारी संस्थांचे लेखापरीक्षण, निबंधकांनी तयार केलेल्या व राज्य शासनाने मान्यता दिलेल्या नामतालीकेवरील लेखापरीक्षकांकडून करवून घेण्याची तरतूद आहे. सहकारी संस्थांच्या लेखापरीक्षकांच्या नामतालीकेसंदर्भात महाराष्ट्र सहकारी संस्था अधिनियम 1960 चे कलम 81 ब आणि महाराष्ट्र सहकारी संस्था अधिनियम 1961 चे नियम 69 (1) (फ) मधील तरतुदीनुसार सहकारी संस्थाच्या लेखापरीक्षणासाठी सन 2024-26 या कालावधीसाठी लेखापरीक्षकनामिका तयार करण्यासाठी www.mahaasahakar.maharashtra.gov.in या वेबसाईटवर दि. 23 ऑक्टोबर ते 6 नोव्हेंबर 2023 या कालावधीत ऑनलाईन अर्ज मागविण्यात येत आहेत. अर्जासंदर्भातील सविस्तर तपशील वेबसाईटवर तसेच जिल्हा उपनिबंधक, सहकारी संस्था, सिंधुदुर्ग व जिल्हा विशेष लेखापरीक्षक, सहकारी संस्था, सिंधुदुर्ग या कार्यालयांमध्ये उपलब्ध आहे. तरी सद्यस्थितीत सहकारी खात्याच्या लेखापरीक्षक नामिकेवर असलेल्या लेखापरीक्षकांनी तसेच नामतालीकेवर नव्याने येवू इच्छिणाऱ्या लेखापरीक्षकांनी, उक्त निर्धारीत मुदतीत उपरोल...

जिल्हा ग्राहक तक्रार निवारण आयोगाचे काम काज सुरु

सिंधुदुर्गनगरी, दि.18 (जि.मा.का): महाराष्ट्र शासनाच्या दि. 05 ऑक्टोंबर 2023 रोजीच्या शासन निर्णयानुसार जिल्हा ग्राहक तक्रार निवारण आयोग, सिंधुदुर्ग येथील आयोगाचे अध्यक्ष आणि दोन्ही सदस्य यांची पूर्णवेळ कामासाठी नियुक्ती झालेली आहे. दि. 12 ऑक्टोबर 2023 रोजी आयोगाच्या 'अध्यक्ष' पदी इंदुमती श्रेयस मलुष्टे या रुजू झाल्या आहेत. तसेच अर्पिता पराग फणसळकर आणि योगेश यशवंत खाडिलकर हे 'सदस्य' पदावर दि. 16 ऑक्टोबर 2023 रोजी रुजू झाले असून आयोगाचे कामकाज सुरु करण्यात आलेले आहे. जिल्हा ग्राहक तक्रार निवारण आयोग, सिंधुदुर्ग कडील प्रशासनाकडून अध्यक्ष व सदस्य यांचे स्वागत करण्यात आले. त्यावेळेस अध्यक्ष यांनी मनोगत व्यक्त करतांना सर्व हितसंबंधित पक्षकार, वकील तसेच अन्य तद्संबंधित संस्था यांनी ग्राहक आयोगाकडील प्रत्यक्ष कामकाज सुरु करण्यासाठी सहकार्य करावे असे आवाहन केले. आयोगाकडे नवीन प्रकरणे दाखल करणे तसेच इतर कामकाज सोमवार ते शुक्रवार शासकीय सुट्टी वगळता चालवले जाईल असे आयोगाच्या अध्यक्ष, इंदुमती श्रेयस मलुष्टे यांनी सांगितले. ०००००

पोलीस पाटील पद आरक्षण सोडत सभा 18 ऐवजी 20 ऑक्टोबरला

सिंधुदुर्गनगरी, दि.18 (जि.मा.का): कणकवली महसूल उपविभागातील नागरीकांना कळविण्यात येते की, कणकवली उपविभागातील तहसिल कणकवली, देवगड व वैभववाडी या तालुक्यातील रिक्त असलेल्या पोलीस पाटील पदाकरीता कणकवली- 53 देवगड -45 व वैभववाडी -37 अशा एकूण - 135 पदांकरीता होणार आहे. मंजूर बिंदूनामावली प्रमाणे प्रचलित शासकीय तरतुदीनुसार आरक्षण निश्चिती संबंधित गावचे लोकसंख्येनुसार व चिठ्ठीद्वारे करावयाची असून त्याकरीता आरक्षण सोडत काढणे करीता दिनांक 18/10/2023 रोजी दुपारी 12.00 वाजता तहसिलदार कार्यालय, कणकवली याठिकाणी सभेचे आयोजन करणेत आलेले होते. तथापि, सदरची सभा रद्द करून दि. 20 ऑक्टोबर 2023 रोजी दुपारी 12.00 वाजता तहसिलदार कार्यालय, कणकवली याठिकाणी आयोजन करण्यात आलेले आहे. संबंधित गावातील इच्छुकांनी दिनांक 20 ऑक्टोबर 2023 रोजी दुपारी 12.00 वाजता तहसिलदार कार्यालय, कणकवली येथे उपस्थित राहावे, असे आवाहन उपविभागीय दंडाधिकारी तथा, पोलीस पाटील पद भरती प्रक्रीया समितीचे अध्यक्ष जगदीश कातकर यांनी केले आहे. ००००

पालकमंत्री रविंद्र चव्हाण यांचा जिल्हा दौरा

सिंधुदुर्गनगरी, दि.18 (जि.मा.का.) : सार्वजनिक बांधकाम (सार्वजनिक उपक्रम वगळून), तथा पालकमंत्री रविंद्र चव्हाण शुक्रवार दि. 20 ऑक्टोंबर 2023 रोजी सिंधुदुर्ग जिल्हा दौऱ्यावर येत असून त्यांचा दौरा कार्यक्रम पुढीलप्रमाणे आहे. शुक्रवार दि. 20 ऑक्टोबर 2023 रोजी सकाळी 8.20 वाजता मनोहर विमानतळ (मोपा) गोवा येथे आगमन व सावंतवाडी जि. सिंधुदुर्गकडे प्रयाण. सकाळी 9.30 वाजता पारपोली ता. सावंतवाडी येथे आगमन व फुलपाखरु महोत्सवास उपस्थिती. सकाळी 10.30 वाजता पारपोली ता. सावंतवाडी जि. सिंधुदुर्ग येथून मोपा विमानतळ, गोवाकडे प्रयाण. ००००

पंतप्रधानांच्या हस्ते 'प्रमोद महाजन ग्रामीण कौशल्य विकास केंद्रा'चे उद्घाटन · दूरदृष्यप्रणालीव्दारे गुरुवारी होणार उद्घाटन · राज्यातल 511 गावांची निवड · जिल्ह्यातील 8 गावांचा समावेश

October 17, 2023

सिंधुदुर्गनगरी, दि.17 (जि.मा.का): ग्रामीण भागाकडून शहराकडे होणारे स्थलांतराचे प्रमाण कमी व्हावे, यासाठी स्थानिक पातळीवरील रोजगार व स्वयंरोजगाराकरिता ग्रामीण भागात 500 'प्रमोद महाजन ग्रामीण कौशल्य विकास केंद्र' (PM-GKVK) निर्माण करण्यात येणार आहेत. याअंतर्गत जिल्हयात 8 ठिकाणी कौशल्य विकास केंद्रांची स्थापना होणार आहे. या कौशल्य विकास केंद्राचे उद्घाटन मा.पंतप्रधान नरेंद्र मोदी यांच्या हस्ते १९ रोजी सायंकाळी ०४:०० वाजता दूरदृष्यप्रणालीव्दारे (ऑनलाईन) होणार आहे. जिल्हयात ग्रामपंचायत शिरगांव, साठेली भेडशी, पिंगुळी, आचरा, शिरोडा, कोकीसरे, माजगांव, या ठिकाणी वेगवेगळ्या अभ्यासक्रमांचे प्रशिक्षण दिले जाणार आहे. तरी जास्तीत जास्त उमेदवारांनी या उद्घाटनाच्या कार्यक्रमासाठी उपस्थित रहावे असे आवाहन ग. पां. चिमणकर, सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र सिधुदुर्ग यांनी केले आहे. ००००

औषधांची मुबलक प्रमाणात उपलब्धता · पालकमंत्री, जिल्हाधिकाऱ्यांकडून नियमित आढावा · जिल्हा नियोजन समितीकडून निधी

सिंधुदुर्गनगरी, दि.13 (जि.मा.का): सिंधुदुर्ग जिल्हयातील 11 रुग्णालयांमध्ये 155 प्रकारच्या औषधांचा किमान 45 दिवस पुरेल इतका साठा उपलब्ध आहे. आवश्यक औषधांच्या यादीनुसार शासनाच्या ई-औषधी या ऑनलाईन संगणकीय प्रणालीवर दैनंदिन उपलब्ध औषधांचा साठा अद्ययावत करण्याचे काम संस्था स्तरावर झालेले आहे. स्थानिक पातळीवरील औषधांच्या खरेदीकरीता रुग्णालय स्तरावर शासकिय नियमित अनुदान, रुग्णकल्याण समिती अनुदान उपलब्ध आहे. जिल्हा स्तरावर शासकिय नियमित अनुदान, जिल्हा नियोजन समिती अनुदान, एनएचएम अनुदान, रुग्ण कल्याण समिती, महात्मा ज्योतिबा फुले जनआरोग्य योजना हे अनुदान उपलब्ध आहे. या अनुदानातून सक्षम प्राधिकाऱ्यांच्या तांत्रिक व प्रशासकिय मान्यतेनुसार औषधे व साहित्याची खरेदी करण्यात येते. पालकमंत्री रविंद्र चव्हाण यांनी औषधांच्या उपलब्धतेबाबत वेळोवेळी आढावा घेत असून सर्व औषध साठा पुरेशा प्रमाणात ठेवण्याच्या सूचनाही त्यांनी दिलेल्या आहेत. जिल्हाधिकारी किशोर तावडे आणि मुख्य कार्यकारी अधिकारी प्रजित नायर यांनी 5 ऑक्टोबर 2023 रोजी अधिष्ठाता, वैद्यकिय महाविद्यालय, जिल्हा शल्य चिकित्सक, जिल्हा आरोग्य अधिकारी तसेच...

शासकीय अनुदानाचे वितरण

सिंधुदुर्गनगरी, दि.13 (जि.मा.का): शासन जनतेच्या कल्याणासाठी अनेक योजना राबवित असते. ह्या योजना पात्र लाभार्थ्यांपर्यंत पोहचविण्याचे काम प्रशासन करते. सिंधुदूर्ग जिल्ह्यात संजय गांधी निराधार योजना तसेच श्रावणबाळ सेवा राज्य निवृत्ती वेतन येाजना राबवून लाभार्थ्यांना लाभ दिला जातो. या दोन्ही योजनांसाठी राज्य शासनाकडून निधी प्राप्त झाला असून सदरचा निधी जिल्हा प्रशासनाकडून तहसिलदार कार्यालयाकडे वर्ग करण्यात आला आहे. तहसिलदार कार्यालयाकडून हा निधी लाभार्थ्यांपर्यंत पोहचविण्याची प्रक्रिया सुरू आहे. संजय गांधी निराधार योजना (सर्वसाधारण) अंतर्गत लाभार्थ्यांना आजपर्यंत 4 कोटी 3 लाख 58 हजार रुपये, संजय गांधी निराधार योजना (अनुसूचित जाती) अंतर्गत 50 लाख 10 हजार रुपये तर संजय गांधी निराधार योजना (अनुसूचित जमाती) अंतर्गत 40 हजार 300 रुपयांचे अनुदान वितरीत करण्यात आलेले आहे. श्रावणबाळ सेवा राज्य निवृत्ती वेतन येाजना (सर्वसाधारण) अंतर्गत 1 कोटी 55 लाख 34 हजार 200 रुपये, श्रावणबाळ सेवा राज्य निवृत्ती वेतन येाजना (अनुसूचित जाती) अंतर्गत 28 लाख 88 हजार 700 रुपये तर श्रावणबाळ...

मॅट्रिकोत्तर शिष्यवृत्ती, योजनांचे महाडिबीटी प्रणालीवर अर्ज भरण्याचे आवाहन

सिंधुदुर्गनगरी, दि.13 (जि.मा.का): शैक्षणिक वर्ष 2023-24 करीता भारत सरकार शिष्यवृत्तीसाठी महाडिबीटी पोर्टलवरील अनु. जाती, इमाव, विजाभज व विशेष मागासवर्ग प्रवर्गातील विद्यार्थ्यांचे नवीन अर्ज भरणे व जुन्या अर्जाचे नुतनीकरण करण्याच्या प्रक्रियेस दि. 11 ऑक्टोबर 2023 पासून सुरुवात झाली आहे. विद्यार्थ्यानी www.mahadbtmahait.gov.in या संकेत स्थळावर अर्ज भरण्याचे आवाहन समाज कल्याण कार्यालयाचे सहाय्यक आयुक्त संतोष चिकणे यांनी केले आहे. शैक्षणिक वर्ष 2023-24 करीता भारत सरकार मॅट्रिकोत्तर शिष्यवृत्ती योजना, मॅट्रिकोत्तर शिक्षण फी परीक्षा फी प्रदाने योजना, राजर्षी छत्रपती शाहू महाराज गुणवत्ता शिष्यवृत्ती योजना, व्यावसायिक पाठ्यक्रमाशी संलग्न वसतीगृहातील विद्यार्थ्यांना निर्वाह भत्ता योजना व व्यवसाय प्रशिक्षण शुल्क प्रतिपुर्ति योजनेचे नवीन अर्ज नोंदणी करणे व नुतनीकरण करणेबाबत अनु. जाती, विजाभज, इमाव व विमाप्र प्रवर्गातील विद्यार्थ्यानी ऑनलाईन पध्दतीने महाडिबीटी पोर्टलवर अर्ज करावेत. विद्यार्थ्यांनी शिष्यवृत्ती ऑनलाईन अर्ज भरण्यासठी www.mahadbtmahait.gov.in या संकेत स्थळावर भेट द...

शासकीय वसतिगृहामध्ये मोफत प्रेवश

सिंधुदुर्गनगरी, दि.13 (जि.मा.का): सामाजिक न्याय विभागाच्या सिंधुदुर्ग जिल्ह्यातील शासकीय वसतीगृहामध्ये विद्यार्थी/ विद्यार्थीनींना सन 2023-24 या शैक्षणिक वर्षांसाठी मोफत प्रवेशाची संधी उपलब्ध झालेली आहे. या शासकीय वसतीगृहासाठी प्रवेश प्रक्रीया ऑनलाईन न राबविता ऑफलाईन राबविण्यात येणार आहे. शासकीय वसतीगृहातील प्रवेश प्रक्रिया आयुक्त समाज कल्याण आयुक्तालय, महाराष्ट्र राज्य पुणे यांच्या परिपत्रका अन्वये व्यावसायिक अभ्यासक्रम प्रवेशाबाबत अंतिम मुदतवाढ दि. 31 ऑक्टोबर 2023 करण्यात आलेली आहे. मागासवर्गीय विद्यार्थी/ विद्यार्थींनी शासकीय वसतिगृहात प्रवेश घेण्यास इच्छुक असतील अशा विद्यार्थ्यांनी दि. 31 ऑक्टोबर 2023 पर्यंत ऑफलाईन पध्दतीने अर्ज संबंधित मागासवर्गीय मुलां/ मुलींचे शासकीय वसतिगृह, मालवण, कणकवली, सावंतवाडी, वेंगुर्ला व देवगड या वसतिगृहांकडून विनामुल्य अर्ज उपलब्ध करुन आवश्यक कागदपत्रासह वसतिगृहात प्रवेश अर्ज सादर करावे, असे आवाहन समाज कल्याण विभागाचे सहाय्यक आयुक्त संतोष चिकणे यांनी केले आहे. अधिक माहितीसाठी सहाय्यक आयुक्त समाज कल्याण सिंधुदुर्ग यांचे दूरध्वनी क्र. ...

जिल्ह्यात 27 ऑक्टोबरपर्यंत मनाई आदेश

सिंधुदुर्गनगरी, दि.13 (जि.मा.का): जिल्ह्यात कोणताही अनुचित प्रकार घडू नये, जातीय सलोखा, कायदा व सुव्यवस्था परिस्थिती अबाधित राहावी. यासाठी जिल्हाधिकारी किशोर तावडे यांनी, त्यांना प्राप्त असलेल्या अधिकाराचा वापर करुन महाराष्ट्र पोलीस अधिनियम 1951 चे कलम 37 (1) व 37 (3) नुसार दिनांक 13 ऑक्टोबर 2023 रोजी 00.01 वाजल्यापासून ते दिनांक 27 ऑक्टोबर 2023 रोजी 24.00 वाजेपर्यंतच्या कालावधीसाठी जिल्ह्याच्या संपूर्ण भूभागात मनाई आदेश लागू केला आहे. दि.3 ऑक्टोबर 2023 रोजी सिंधुदुर्ग जिल्ह्यातील ग्रामपंचायत सार्वत्रिक निवडणूक कार्यक्रम जाहीर झालेला आहे. त्या पार्श्वभूमीवर विविध राजकीय पक्षाचे प्रतिस्पर्धा गट आपआपल्या कार्यकर्त्यांची जमवाजमव कार्यकर्ते मेळावे, कॉर्नर सभा घेऊन एकमेकांना लक्ष्य करत आहेत. त्यात आंदोलनात्मक घटना घडून कायदा व सुव्यवस्थेचा प्रश्न निर्माण होण्याची शक्यता नाकारता येत नाही. राज्यात विविध समाजाचे लोक आरक्षणाचे मुद्यावरुन आक्रमक होताना दिसत आहेत. त्याचे पडसाद सिंधुदुर्ग जिल्ह्यात उमटण्याची शक्यता नाकारता येत नाही. तसेच दि. 15 ऑक्टोबर 2023 रोजीपासून नवरात्रौत्सव सुरु हो...

जिल्हाधिकारी कार्यालयात आपत्ती व्यवस्थापन प्रशिक्षणाचे आयोजन

सिंधुदुर्गनगरी, दि.12 (जि.मा.का): जागतिक आपत्ती धोके निवारण दिनाच्या निमित्ताने जिल्हाधिकारी कार्यालय व आवारातील इतर कार्यालयासाठी आपत्ती व्यवस्थापन प्रशिक्षण कार्यक्रम 13 ऑक्टोबर रोजी दुपारी 3 ते 6 या वेळेत आयोजित करण्यात आला आहे. हे प्रशिक्षण जिल्हाधिकारी किशोर तावडे यांच्या प्रमुख उपस्थितीत पार पडणार आहे. संयक्त राष्ट्र संघाने आपत्ती धोके कमी करण्यासाठी तसेच लोकांमध्ये जागृती निर्माण करण्याच्या दुष्टीने 13 ऑक्टोबर हा आपत्ती निवारण दिवस म्हणून घोषित केला आहे. त्याअनुषंगाने या प्रशिक्षण कार्यक्रमात दैनंदिन जीवनात कार्यरत असताना सामना कराव्या लागणाऱ्या विविध आपत्तींच्या अनुषंगाने आवश्यक मार्गदर्शन केले जाणार आहे. हे प्रशिक्षण जिल्हा नियोन समिती सभागृह (जुने), पहिला मजला जिल्हाधिकारी कार्यालय येथे होणार आहे. राष्ट्रीय आपत्ती व्यवस्थापन प्राधिकरण, नवी दिल्ली यांनी नागरिकांना आपत्ती प्रतिसादासाठी कटिबध्द होण्यासंदर्भात प्रतिज्ञा तयार केली असून ही प्रतिज्ञा उपस्थितांना देण्यात येणार असल्याची माहिती जिल्हा आपत्ती व्यवस्थापन अधिकारी श्रीमती राजश्री सामंत यांनी दिली. 000000...

आर्थिक दुर्बल घटक व दिव्यांग विद्यार्थ्यांसाठी असलेली प्री- मॅट्रिक शिष्यवृत्तीसाठी 30 नोव्हेंबरपर्यंत ऑनलाईन अर्ज करा

सिंधुदुर्गनगरी दि.12 (जि.मा.का) : राष्ट्रीय आर्थिक दुर्बल घटकांसाठी असलेली शिष्यवृत्ती व दिव्यांग विद्यार्थ्यांसाठी प्री- मॅट्रिक शिष्यवृत्तीसाठी 30 नोव्हेंबर पर्यंत ऑनलाईन अर्ज सादर करण्याचे आवाहन शिक्षण संचालक डॉ. महेश पालकर यांनी केले आहे. सन 2023-24 वर्षासाठी केंद्रीय शिक्षण मंत्रालय शालेय शिक्षण आणि साक्षरता विभाग राष्ट्रीय आर्थिक दुर्बल घटकासाठी असलेली शिष्यवृत्ती योजनेसाठी (NMMSS) राष्ट्रीय शिष्यवृत्ती पोर्टल (NSP 2.0 (www.scholarships.gov.in वर नवीन आणि नूतनीकरण अर्जाच्या ऑनलाईन नोंदणी व अर्ज भरण्यास 1 ऑक्टोबर 2023 पासून सुरवात झाली आहे. नवीन आणि नूतनीकरण नोंदणीची अंतिम तारीख 30 नोव्हेंबर 2023 आहे. महाराष्ट्र राज्य परीक्षा परिषद पुणे मार्फत NMMSS परीक्षा शैक्षणिक वर्ष 2022-23 मध्ये निवड झालेल्या राज्यातील सर्व विद्यार्थ्यांनी 2023-24 शैक्षणिक वर्षाची इयत्ता 9 वी मध्ये शिक्षण घेत असलेल्या विद्यार्थ्यांनी नवीन अर्जदार म्हणून आणि इ.9 वी, इ.10 वी आणि इ.11 वी उत्तीर्ण झालेल्या शिष्यवृत्ती धारकांनी स्वत: ची नोंदणी आधार नुसार करावी. यापूर्वी शिष्यवृत्ती घेत असलेल्या ...

16 ऑक्टोबर रोजी जिल्हास्तरीय महिला लोकशाही दिनाचे आयोजन

सिंधुदुर्गनगरी, दि.12 (जि.मा.का): ऑक्टोबर महिन्यातील जिल्हास्तरीय महिला लोकशाही दिन सोमवार दि.16 ऑक्टोबर 2023 रोजी सकाळी 11 ते दु. 1 या वेळेत जिल्हाधिकारी यांच्या अध्यक्षतेखाली,जिल्हाधिकारी कार्यालयात आयोजित करण्यात आला आहे. तरी समस्याग्रस्त व पीडित महिलांनी शासनाने उपलब्ध करुन दिलेल्या व्यासपीठाचा उपयोग अडचणी सोडविण्यासाठी करावा, असे आवाहन प्र.जिल्हा महिला व बाल विकास अधिकारी यांनी केले आहे. समस्याग्रस्त व पीडित महिलांना त्यांचे प्रश्न मांडण्यासाठी हक्कांचे व्यासपीठ मिळावे, त्यांचे तक्रारी व अडचणी शासकीय यंत्रणेकडून सोडवणूक करण्यासाठी एक प्रभावी उपाययोजना म्हणून जिल्हास्तरावर दर महिण्याच्या तिसऱ्या सोमवारी / तिसऱ्या सोमवारी सार्वजनिक सुट्टी असल्यास त्यानंतर येणाऱ्या कामकाजाच्या दिवशी जिल्हास्तरीय महिला लोकशाही दिन आयोजित करण्यात येते. समस्याग्रस्त व पीडित महिलांनी त्यांच्या अडचणी मांडण्यासाठी विहीत नमुण्यातील अर्ज जिल्हा महिला व बालविकास अधिकारी कार्यालय, प्रशासकीय इमारत दालन क्र. 106,ए-ब्लॉक, मळमजला सिंधुदुर्गनगरी ओरोस येथून उपलब्ध करुन घ्यावेत. तसेच न्याय प्रविष्ठ प्रकरणे, विही...

तृतीयपंथीयांसाठी हेल्पलाईन कक्ष सुरु

सिंधुदुर्गनगरी, दि.12 (जि.मा.का): सामाजिक न्याय व विशेष सहाय्य विभागाकडून तृतीयपंथी व्यक्तींना शासनाच्या विविध योजनांचा लाभ देण्यासाठी आणि त्यांच्या तक्रारी व समस्यांचे निराकरण करण्यासाठी हेल्पलाईन कक्ष सुरु करण्यात आला असल्याची माहिती समाज कल्याण विभागाचे सहायक आयुक्त संतोष चिकणे यांनी दिली. शासनाच्या विविध योजनांचा लाभ देणे, शिधा पत्रिका, मतदान कार्ड व आधार कार्ड काढण्यासाठी मदत करणे, केद्र शासनाच्या पोर्टलवर नोंदणी करुन तृतीयपंथीयांना ओळखपत्र देणे व प्रमाणपत्र मिळवून देणे यासाठी तृतीयपंथीयांसाठी सहाय्यक आयुक्त समाज कल्याण कार्यालय डॉ. बाबासाहेब आंबेडकर सामाजिक न्याय भवन सिंधुदुर्गनगरी येथे तृतीयपंथीयांसाठी हेल्पलाईन कक्ष सुरु करण्यात आला आहे. या कक्षाचा हेल्पलाईन क्रमांक 02362 228882 संपर्क साधावा. जिल्ह्यातील सर्व तृतीयपंथीयांनी या कक्षाशी प्रत्यक्ष अथवा हेल्पलाईन क्रमांकाव्दारे संपर्क साधून शासकीय योजनांची माहिती घ्यावी, तसेच काही समस्या व तक्रारी असतील तर त्याबाबत माहिती द्यावी असे आवाहन समाज कल्याण कार्यालयाचे सहाय्यक आयुक्त श्री. चिकणे यांनी केले आहे. ००००

पोलीस पाटील पदाकरीता 18 ऑक्टोबर रोजी आरक्षण सोडत

सिंधुदुर्गनगरी दि.11 (जि.मा.का) : कणकवली महसूल उपविभागातील तहसिल कणकवली, देवगड व वैभववाडी या तालुक्यातील रिक्त असलेल्या पोलीस पाटील पदाकरीता कणकवली तालुक्यातील 53, देवगड तालुक्यातील 45, वैभववाडी तालुक्यातील 37 अशा एकूण 135 पदांकरीता होणार आहे. मंजूर बिंदूनामावली प्रमाणे प्रचलित शासकीय तरतुदीनुसार आरक्षण निश्चिती संबंधित गावाचे लोकसंख्येनुसार व चिठ्ठीव्दारे करावयाची असून त्याकरीता आरक्षण सोडत काढणे करीता दि. 18 ऑक्टोबर 2023 रोजी दुपारी 12 वाजता तहसिलदार कार्यालय, कणकवली येथे सभेचे आयोजन करण्यात आले आहे. संबंधित गावातील इच्छुकांनी उपस्थित राहावे, असे आवाहन उपविभागीय दंडाधिकारी तथा, पोलीस पाटील पद भरती प्रक्रीया समितीचे अध्यक्ष जगदीश कातकर यांनी केले आहे. कणकवली तालुक्यातील पोलीस पाटील रिक्त पद असणारे सजा पुढीलप्रमाणे - तरंदळे, शिवडाव, नडगिवे, कुरंगवणे, तिवरे, हळवल वायंगणी, आयनल, तरळे, घोणसरी, साकेडी, कुंभवडे, शिरवल, नांदगाव, वारगाव, आनंदनगर, आवळेश्वर, उत्तमनगर, उत्तर दक्षिण गावठाण, उपनगर, उल्हासनगर, औदुंबरनगर, काजिर्डे, गांगेश्वर, गांधीनगर, जांभळगाव, जांभळनगर, द...

वैयक्तिक शेततळे योजनेसाठी अर्ज करण्याचे आवाहन

सिंधुदुर्गनगरी दि.11 (जि.मा.का) : मुख्यमंत्री शाश्वत कृषी सिंचन योजनेंतर्गत "वैयक्तिक शेततळे " ही योजना कृषी विभागामार्फत राबविण्यात येते. या योजनेसाठी जास्तीत जास्त शेतकऱ्यांनी अर्ज करावा, असे आवाहन जिल्हा अधीक्षक कृषी अधिकारी भाग्यश्री नाईकनवरे यांनी केले आहे. शेततळे योजनेतून संरक्षित सिंचन शेतीला मिळावे हा योजनेचा मुख्य उद्देश आहे. जेव्हा मोठ्या प्रमाणात पाऊस पडतो तेव्हा, ओढे, नाले, नदी इ. द्वारे वाहून जाणारे पाणी उपसून अथवा तलाव, विहीर, बोअर अशा अन्य सिंचन सुविधांमधून पाण्याचा उपसा करून त्याची साठवणूक करण्याकरिता शेतावर शेततळ्यासारखी पायाभूत सुविधा असणे आवश्यक आहे. इच्छुक शेतकऱ्यांनी महाडीबीटी पोर्टलच्या https://mahadbt. maharashtra.gov.in/Farmer/ Login या संकेतस्थळावर आपले सरकार सेवा केंद्रामार्फत (सीएससी केंद्रामार्फत) अथवा वैयक्तिकरित्या ऑनलाईन नोंद करून या योजनेचा लाभ घेता येईल. मुख्यमंत्री शाश्वत कृषी सिंचन योजनेतर्गत वैयक्तिक शेततळे घटक राबविण्याकरीता अर्जदार शेतकऱ्याकडे स्वतःच्या नावावर किमान 0.20 हेक्टर क्षेत्र असणे आवश्यक असून क्षेत्र धारणास कमाल मर्यादा नाह...

काम वाटप समितीची स्थापना

सिंधुदुर्गनगरी दि.11 (जि.मा.का): बेरोजगारांच्या सहकारी सेवा सोसायट्यांना आर्थिक दृष्ट्या सक्षम करण्याच्या उद्देशाने रु.3 लाख इतक्या रक्कमेची कामे विनानिविदा उपलब्ध करुन देण्ययासाठी रोजगार व स्वयंरोजगार विभागाचे शासन निर्णय नुसार जिल्हा स्तरावर काम वाटप समितीची स्थापना करण्यांत आली आहे. त्या अनुषंगाने काम वाटप समितीकडे जिल्ह्यातील विविध शासकीय कार्यालयाकडून कंत्राटी कामाकरीता पत्रे प्राप्त झालेली आहेत. ज्या सेवा सोसायट्या या कार्यालयाचे शिफारस पत्र घेऊन नाव नोंदणी झाल्या आहेत अशा सेवा सोसायट्यांना कामाची आवश्यकता असल्यास काम मिळणेबाबतचे आपले प्रस्ताव दि. 18 ऑक्टोबर 2023 सायं. 5 वाजेपर्यपत जिल्हा कौशल्य विकास, रोजगार व उद्योजकता मार्गदर्शन केंद्र कार्यालयात सादर करावे. आवश्यक अटी व शर्तीची पुर्तताकरणे अनिवार्य आहे. उशिरा प्राप्त झालेली तसेच अपुर्ण स्वरुपातील प्रस्ताव अपात्र ठरवून स्विकारण्यात येणार नाहीत याची कृपया नोंद घ्यावी. असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त ग.पां.चिमणकर यांनी केले आहे. ००००

नव्याने समावेश झालेल्या एकविध खेळ संघटनेची 18 ऑक्टोबर रोजी बैठक

सिंधुदुर्गनगरी दि.11 (जि.मा.का): जिल्हास्तरीय शालेय क्रीडा स्पर्धा सन 2023-24 चे आयोजन करण्यात येणार आहे. जिल्ह्यात नव्याने समावेश झालेल्या एकविध खेळ संघटनेची बैठक दि. 18 ऑक्टोबर 2023 रोजी दुपारी 3 वाजता जिल्हा क्रीडा अधिकारी कार्यालय, सिंधुदुर्ग येथे होणार असल्याची माहिती जिल्हा क्रीडा अधिकारी विद्या शिरस यांनी दिली. क्रीडा व युवक सेवा संचालनालय महाराष्ट्र राज्य पुणे यांचे अंतर्गत जिल्हा क्रीडा परिषद, सिधुदुर्ग व जिल्हा क्रीडा अधिकारी कार्यालय आणि जिल्हा एकविध खेळ संघटना यांच्या संयुक्त विद्यमाने सन 2023-24 या सत्रातील जिल्हास्तरीय शालेय क्रीडा स्पर्धाचे आयोजन करण्यात आले आहे. त्या अनुषंगाने सिंधुदुर्ग जिल्हास्तरीय शालेय क्रीडा स्पर्धा आयोजन व नियोजन करण्याच्या दृष्टीने जिल्ह्यातील खालील नव्याने समावेश झालेल्या खेळ प्रकारातील अधिकृत राज्य संघटनेशी संलग्न जिल्हा एकविध खेळ संघटनांचे अध्यक्ष/सचिव यांची बैठक जिल्हा क्रीडा अधिकारी, सिंधुदुर्ग यांच्या अध्यक्षतेखाली दि. 18 ऑक्टोबर 2023 रोजी दुपारी 3 वाजता जिल्हा क्रीडा अधिकारी कार्यालय येथे आयोजित करण्यात आलेली आहे. या बैठकीस उपस्थित ...

खरीप हंगामासाठी ई पीक पहाणी नोंदणी पूर्ण करण्याचे आवाहन

सिंधुदुर्गनगरी दि.11 (जि.मा.का): जिल्ह्यातील सर्व शेतकरी बंधु- भगिनींना शासनाच्या विविध योजनांचा जसे की प्रधानमंत्री पीक विमा योजना, नैसर्गिक आपत्ती अंतर्गत मिळाणारे लाभ घेतना अडचणी टाळण्यासाठी खरीप हंगाम 2023 साठी दिलेल्या कालावधीमध्ये आपली ई-पीक पाहणी नोंदणी पूर्ण करावी, असे आवाहन जिल्हा अधिक्षक कृषी अधिकारी भाग्यश्री नाईकनवरे यांनी केले आहे. ई-पीक पाहणी मोबाईल ॲपच्या सहाय्याने सर्व खातेदार शेतकऱ्यांनी तलाठ्याकडे न जाता स्वत:च्या मोबाईलवरुन आपल्या 7/12 वर विविध पिकांची नोंदणी करता येणे शक्य झाले आहे. महसूल विभागाचा ई-पिक पाहणी प्रकल्प 15 ऑगस्ट 2021 पासून महाराष्ट्रात राज्यभर राबविण्यात येत आहे. या ॲपमध्ये आतापर्यंत सुमारे 1.88 कोटीपेक्षा अधिक शेतकऱ्यांनी रजिस्ट्रेशन केलेले आहे व आपल्या पिकांची नोंदणी केली आहे. खरीप हंगाम 2023 पीक पाहणी नोंदणीसाठी ई-पीक पाहणीचे 2.0.11 हे अपडेटेड व्हर्जन गूगल प्ले स्टोअर वर उपलब्ध करुन देण्यात आलेले आहे. तरी सर्व खातेदार शेतकऱ्यांनी नवीन व्हर्जन अपडेट करुन घ्यावे.खरीप हंगामाच्या प्रत्यक्ष ई-पीक पाहणी मोबाईल ॲपव्दारे पीक पा...

तिमाही ई आर 1 विवरणपत्र 31 ऑक्टोबरपर्यंत भरावे

October 09, 2023

सिंधुदुर्गनगरी, दि.9 (जि.मा.का): जिल्हा कौशल्य विकास, रोजगार व उद्योजकता मार्गदर्शन केंद्र या कार्यालयाचे मनुष्यबळाचे सप्टेंबर 2023 या तिमाहीचे ई आर 1 हे विवरणपत्र 31 ऑक्टोबर 2023 पर्यंत https://rojgar.mahaswayam.gov.in या वेबसाईटवर ऑनलाईन पध्दतीने भरावे, असे आवाहन जिल्हा कौशल्य विकास, रोजगार व उद्योजकता मार्गदशन केंद्राचे, प्र.सहायक आयुक्त ग.पा. चिमणकर यांनी केले आहे. सेवायोजन कार्यालये (रिक्त पदे अधिसूचित करणे सक्तीचे) कायदा 1959 अन्यवे कलम 5 मधील तरतुदीनुसार शासकीय, निमशासकीय, खाजगी आस्थानेत काम करीत असलेल्या कर्मचाऱ्यांच्या माहितीचे तिमाही विवरणपत्र ई आर-1 प्रत्येक तिमाही संपल्यावर 30 दिवसाचे आत सादर करणे आस्थापनेस बंधनकारक आहे. त्यासाठी कौशल्य विकास व उद्योजकता विभागाने विकसित केलेल्या https://rojgar.mahaswayam.gov.in या वेबसाईटवर ऑनलाईन पध्दतीने भरावे. दिनांक 30 सप्टेंबर 2023 रोजी संपलेल्या तिमाईचे विवरणपत्र ई आर -1 वेबसाईटवर दि. 31 ऑक्टोबर 2023 पर्यंत ऑनलाईन पध्दतीने भरावे. ज्या उद्योजक, आस्थापना यांना ऑनलाईनव्दारे विवरणपत्र भरण्यास अडचणी येत असतील अशांनी या कार्याल...

मोफत धर्मदाय महा-आरोग्य शिबीराचे कोल्हापूर येथे आयोजन

सिंधुदुर्गनगरी, दि.5 (जि.मा.का.) : धर्मादाय सह आयुक्त कार्यालय कोल्हापूर विभाग, कोल्हापूर रिजन ट्रस्ट प्रॉक्टिशनर बार असोसिएशन व कोल्हापूर विभागातील सर्व धर्मादाय रुग्णालये यांचे संयुक्त विद्यमाने धर्मादाय संघटनेतर्फे रविवार दिनांक 8 ऑक्टोबर 2023 रोजी, ताराराणी विद्यापीठ व्ही.टी. पाटील हॉल, राजाराम रोड कोल्हापूर येथे सकाळी 10 ते दुपारी 4 या वेळेत मोफत सर्व रोग निदान महा-आरोग्य शिबीराचे आयोजित करण्यात आले असल्याची माहिती धर्मादाय सहआयुक्त निवेदिता पवार यांनी दिली आहे. या महा आरोग्य शिबिराचे उद्घाटन आरोग्य मंत्री तानाजी सावंत यांच्या हस्ते होणार आहे तर कार्यक्रमाचे अध्यक्ष पालकमंत्री तथा मंत्री वैद्यकीय शिक्षण व विशेष सहाय्य हसन मुश्रीफ हे असणार आहेत. यावेळी धर्मदाय आयुक्त महेंद्र महाजन तसेच स्थानिक खासदार व आमदार उपस्थित राहणार आहेत. या शिबीरामध्ये नेत्ररोग, दंतविकार, त्वचारोग, न्युरो, एचआयव्ही, ह्दयरोग, स्त्रीरोग, कॅन्सर, कान नाक घसा, ऑर्थोपेडिक, किडनी, होमिओपॅथिक, आयुर्वेदिक विभाग आदी सेवा मोफत उपलब्ध होणार आहेत. शिबीरामध्ये कोल्हपूर शहर आणि जिल्ह्यातील 1...

पूर्व उच्च प्राथमिक व माध्यमिक शिष्यवृत्ती परीक्षा 18 फेब्रुवारी रोजी

सिंधुदुर्गनगरी, दि.5 (जि.मा.का.) : पूर्व उच्च प्राथमिक शिष्यवृत्ती परीक्षा इ.5 वी व पूर्व माध्यमिक शिष्यवृत्ती परीक्षा इ.8 वी दि. 18 फेब्रुवारी 2024 रोजी राज्यातील सर्व जिल्ह्यात एकाच दिवशी घेण्यात येणार असल्याची माहिती प्राथमिक शिक्षणाधिकारी प्रदिपकुमार कुडाळकर यांनी दिली. या परीक्षेसाठी आवेदन पत्र ऑनलाईन पध्दतीने भरावयाचे आहे. परीक्षेची अधिसूचना परिषदेच्या www.mscepune.in आणि https://www.mscepuppss.in या संकेतस्थळावर पसिध्द करण्यात आली आहे. शाळा माहिती पत्र नियमित शुल्कासह आवेदन पत्र भरण्याचा कालावधी दि. 1 सप्टेंबर ते 30 नोंव्हेबर 2023 असा आहे. शाळा माहिती पत्र, विलंब शुल्कासह आवेदन पत्र भरण्याचा कालावधी दि. 1 ते 15 डिसेंबर 2023 असा आहे. शाळा माहिती पत्र, अतिविलंब शुल्कासह आवेदन पत्र भरण्याचा कालावधी दि. 16 ते 23 डिसेंबर 2023 असा आहे. शाळा माहिती पत्र, अति विशेष विलंब शुल्कासह आवेदन पत्र भरण्याचा कालावधी दि. 24 ते 31 डिसेंबर 2023 असा आहे. परीक्षेचे वेळापत्रक, स्वरुप, पात्रता निकष, परीक्षेचे माध्यम, परीक्षेचे शुल्क भरण्याची पध्दत इत्यादी व इतर बाबीं विषयीची स...

महाराष्ट्र राज्य भारत स्काऊटस् आणि गाईडस संस्थेचे आश्रयदाते म्हणून राज्यपालांचे पदग्रहण

सिंधुदुर्गनगरी, दि.5 (जि.मा.का.) : महाराष्ट्र राज्य भारत स्काऊटस् आणि गाईडस् राज्य सरथेचे मुख्य आश्रयदाते पद राज्यपाल रमेश बैस यांना बहाल करण्याचा समारंभ राजभवन येथे दि.26 सप्टेंबर 2023 मोठया दिमाखात संपन्न झाला. यावेळी महाराष्ट्र राज्याचे क्रीडा व युवक कल्याण मंत्री तसेच महाराष्ट्र राज्य भारत स्काऊटस् आणि गाईडस् अध्यक्ष संजय बनसोडे यांच्या उपस्थितीत झालेल्या पदग्रहण सोहळ्यास स्काऊट गाईडचे राज्य मुख्य आयुक्त तथा आयुक्त क्रीडा व युवक सेवा संचालनालय महाराष्ट्र राज्य डॉ. सुहास दिवसे यांनी राज्यपाल महोदयांना स्काऊट गाईड प्रतिज्ञा दिली. राज्यपाल महोदय यांच्या मंत्री संजय बनसोडे यांच्या हस्ते पुष्पगुच्छ व मानचिन्ह प्रदान करण्यात आले. तसेच स्काऊट गाईड स्कार्फ आश्रयदाते पदक बहाल करण्यात आले. स्काऊट गाईड स्कार्फ परिधान केल्याने व्यक्तीला नम्रतेची आणि कर्तव्याची जाणीव होते. देशातील 47 लाख स्काऊट गाईड पैकी 13 लाख सदस्य एकट्या महाराष्ट्राचे आहेत ही अभिमानाची बाब असल्याचे राज्यपाल यांनी आर्वजून नमूद करून राज्यात स्काऊट आणि गाईडसनी युवकांमध्ये व्यसन मुक्तीसाठी मोठे अभियान राबवावे, तसेच प्रत्ये...

प्रधानमंत्री विश्वकर्मा योजना - परिसंवाद आणि जनजागृती मेळावा सन्मान, सामर्थ्य आणि समृद्धीसाठी विश्वकर्मा योजनेत सहभागी व्हा - केंद्रीय मंत्री नारायण राणे

सिंधुदुर्गनगरी, दि.5 (जि.मा.का.) : स्वतःच्या सन्मान, सामर्थ्य आणि समृद्धीसाठी जास्तीत जास्त विश्वकर्मींनी प्रधानमंत्री विश्वकर्मा योजनेत सहभागी व्हावे असे आवाहन केंद्रीय सूक्ष्म, लघु आणि मध्यम उद्योग मंत्री नारायण राणे यांनी विश्वकर्मींना केले. जिल्ह्यात सिंधुदुर्गनगरी येथे आयोजित प्रधानमंत्री विश्वकर्मा योजना परिसंवाद आणि जनजागृती मेळावा या कार्यक्रमात ते बोलत होते. आपल्या पारंपारिक कारागीर आणि कलाकारांच्या आर्थिक सक्षमीकरणासाठी पीएम विश्वकर्मा ही योजना तयार केली गेली आहे. ही योजना 18 प्रकारच्या पारंपारिक कारागीर व कलाकारांसाठी असून पुरवठा साखळी वाढवणे, ती बळकट करणे, आणि विशिष्ट उत्पादने आणि सेवांची मागणी वाढवून लाखो भारतवासीयांच्या जीवनावर सकारात्मक परिणाम करणे हे या योजनेचे उद्दिष्ट आहे . अशी माहिती यावेळी नारायण राणे यांनी उपस्थित विश्वकर्मींना दिली . कार्यक्रमाला जिल्हाधिकारी किशोर तावडे, डॉ.रजनीश, अतिरिक्त सचिव तथा विकास आयुक्त एमएसएमई,श्रीमती आर. विमला, अनुजा बापट, डेप्युटी डायरेक्टर जनरल, डीसी एमएसएमई आदी मान्यवर उपस्थित होते. वरिष्ठ अधिकारी आणि विविध क्षेत्रातील तज्ञ यांनी...

जिल्हात अंधश्रध्दा निमुर्लनाचे काम करणाऱ्या इच्छुक व्यक्तींनी 15 ऑक्टोंबर पर्यंत अर्ज सादर करावेत