diosindhudurg

सिंधुदुर्गनगरी, दि. 31 (जिमाका) :- जिल्ह्यात पेट्रोल व डिझेलच्या उपलब्धतेबाबत नागरिकांनी कोणतीही चिंता करण्याचे कारण नसून इंधनाचा पुरेसा साठा उपलब्ध असल्याची माहिती जिल्हा पुरवठा कार्यालयाने दिली आहे. जिल्ह्यातील सर्व ६३ पेट्रोलपंपांवर पेट्रोलचा एकूण साठा ५ लाख ४३ हजार ५६६ लिटर तर डिझेलचा साठा ३ लाख ८० हजार ७६१ लिटर इतका उपलब्ध आहे. इंधन पुरवठा सुरळीत ठेवण्यासाठी प्रशासनाने प्रभावी नियोजन केले असून परिस्थिती पूर्णपणे नियंत्रणात आहे. जिल्ह्यातील कुडाळ तालुक्यातील १४ पेट्रोलपंपां पैकी दोन पेट्रोलपंपांवर पेट्रोल आणि डिझेल या दोन्ही इंधनांच्या उपलब्धतेसंदर्भात तात्पुरती अडचण निर्माण झाली असली, तरी उर्वरित १२ पेट्रोल पंप नियमितपणे सुरू आहेत. संबंधित कंपन्यांकडून या दोन पंपांसाठी टँकर लोड करण्यात आले असून उद्यापर्यंत पुरवठा पूर्ववत होईल, अशी माहिती विक्री प्रतिनिधी आणि डेपो व्यवस्थापकांनी जिल्हा पुरवठा कार्यालयाला दिली आहे. पेट्रोल-डिझेलचा पुरवठा अखंडित राहावा यासाठी जिल्हा प्रशासनाने विशेष दक्षता घेतली आहे. हिंदुस्तान पेट्रोलियम (HPCL), इंडियन ऑईल (IOCL) आणि भारत पेट्रोलियम (BPCL) या प...

सिंधुदुर्गनगरी दि 29 (जिमाका) : आरोग्य विभागातील प्रसुतीसाठी येणाऱ्या महिलांमध्ये बालमाताचे प्रमाण तपासणे व त्यांच्या जन्मतारखेच्या पुराव्यासाठी आधारकार्ड किंवा इतर कोणतेही कागदपत्रे ग्राह्य न धरता केवळ जन्म प्रमाणपत्र किंवा शाळा सोडल्याचा दाखला किंवा बोनाफाईड सर्टिफिकेट या दस्तऐवजांवरून जन्मतारखेची पडताळणी करण्याचे निर्देश महाराष्ट्र राज्य बाल हक्क संरक्षण आयोगाने आरोग्य विभागाला दिले. जिल्ह्यातील शाळा व अंगणवाडी यांच्या इमारतींची तपासणी करून धोकेदायक असलेल्या इमारती ऐवजी या शाळा किंवा अंगणवाडी सुरक्षित जागी स्थलांतरित करण्याचे निर्देशही यावेळी आयोगाने दिले. जिल्हाधिकारी कार्यालयात बालकांची काळजी व संरक्षणाविषयीची आढावा बैठक तसेच बालहक्क आयोगाकडे प्राप्त झालेल्या सिंधूदुर्ग जिल्ह्यातील प्रकरणांची सुनावणी पार पडली. यावेळी महाराष्ट्र राज्य बाल हक्क संरक्षण आयोगाचे अध्यक्ष संजय पुराणिक, अपर जिल्हाधिकारी शुभांगी साठे, सदस्य अतुल देसाई, प्रवीण भुजाडे, सदस्या गीतांजली बुटी, शुभांगी तांबट , सचिव पंकज देवरे (भा.प्र.से.), पोलिस उपअधिक्षक श्रीमती खाडे, जिल्हा महिला व बालविकास अधिकारी बापू ...

सिंधुदुर्गनगरी, दि. 29 (जिमाका) :- ग्रामीण भागातील स्वच्छतेचा दर्जा सुधारण्यासाठी आणि स्वच्छतेची एक लोकचळवळ निर्माण करण्यासाठी सिंधुदुर्ग जिल्हा परिषद व जिल्हा पाणी व स्वच्छता मिशन यांच्या वतीने दिनांक 4 जून 2026 रोजी संपूर्ण जिल्ह्यात विशेष 'श्रमदानातून परिसर स्वच्छता मोहीम' राबविण्यात येणार आहे. या कार्यक्रमांत जिल्हावासियांनी सक्रिय सहभाग घ्यावा, असे आवाहन जिल्हा परिषदेचे मुख्य कार्यकारी अधिकारी रविंद्र खेबुडकर यांनी केले आहे. सिंधुदुर्ग जिल्हा स्वच्छता क्षेत्रात कायम आग्रेसर राहिला आहे. आपला जिल्हा पर्यटन जिल्हा असल्याने सध्यस्थितीत जिल्हा पर्यटकांनी फुलला आहे. त्यामुळे आपल्या जिल्ह्यात कचऱ्याचेही प्रमाण वाढले आहे. जिल्ह्यातील सर्व ग्रामपंचायत क्षेत्रातुन जाणारे रस्ते, मोक्याची ठिकाणे, समुद्र किनारे, पर्यटन स्थळे स्वच्छ व्हावीत या हेतुन दिनांक 04 जुन 2026 रोजी सकाळी 7 ते 9 या वेळेत एकाच वेळी जिल्ह्यातील सर्व ग्रामपंचायत कार्यक्षेत्रात श्रमदानातून परिसर स्वच्छता कार्यक्रमांचे आयोजन करण्यात आले आहे. या मोहिमेअंतर्गत गावातील शाळा, अंगणवाड्या, सर्व शासकीय कार्यालये, मंदि...

सिंधुदुर्गनगरी, दि. 29 (जिमाका) :- तंदुरुस्त, निरोगी व सक्रिय भारत घडविण्याच्या उद्देशाने, तसेच 'जागतिक सायकल दिना'चे (World Bicycle Day) औचित्य साधून जिल्हा पाणी व स्वच्छता मिशन, जिल्हा परिषद सिंधुदुर्ग यांच्या वतीने रविवार, दिनांक ०७ जून २०२६ रोजी संपूर्ण जिल्ह्यात ‘संडे ऑन सायकल’ ही विशेष मोहीम ग्रामपंचायत व तालुकास्तरावर राबविण्याबाबत नियोजन करण्यात आले आहे. जिल्ह्यातील जास्तीत जास्त नागरिकांनी या आरोग्यदायी उपक्रमात सहभागी व्हावे, असे आवाहन मुख्य कार्यकारी अधिकारी रविंद्र खेबुडकर यांनी केले आहे. भारत सरकारच्या ‘फिट इंडिया मिशन आणि ‘स्वच्छ भारत मिशन (ग्रामीण) अंतर्गत स्वच्छ भारत मिशन अंतर्गत ही जिल्हाव्यापी मोहीम हाती घेण्यात आली आहे. या मोहिमेच्या माध्यमातून जिल्ह्यातील प्रत्येक नागरिकाला आरोग्याचे महत्त्व पटवून देणे आणि गावोगावी स्वच्छतेचा संदेश पोहोचवणे हा मुख्य उद्देश आहे. या मोहिमेच्या प्रभावी अंमलबजावणीसाठी सिंधुदुर्ग जिल्ह्यातील सर्व गटविकास अधिकारी यांना पंचायत समिती व ग्रामपंचायत स्तरावर नियोजन करण्याचे निर्देश देण्यात आले आहेत. या उपक्रमांतर्गत तालुका आणि सर...

महाराष्ट्राच्या इतिहासाला अनेक थोर संत, समाजसुधारक आणि आदर्श राज्यकर्त्यांचा गौरवशाली वारसा लाभला आहे. त्या तेजस्वी परंपरेतील एक अद्वितीय आणि प्रेरणादायी व्यक्तिमत्त्व म्हणजे पुण्यश्लोक अहिल्यादेवी होळकर. लोककल्याण, न्यायप्रियता, धर्मपरायणता आणि सक्षम प्रशासन यांचा सुंदर मिलाफ त्यांच्या व्यक्तिमत्त्वात दिसून येतो. म्हणूनच इतिहासाने त्यांना ‘लोकमाता’ आणि ‘पुण्यश्लोक’ ही उपाधी बहाल केली. अहिल्यादेवी होळकर यांचा जन्म ३१ मे १७२५ रोजी महाराष्ट्रातील चौंडी या गावात झाला. त्यांचे वडील माणकोजी शिंदे हे गावचे पाटील होते. त्या काळात मुलींना शिक्षण देण्याची प्रथा फारशी नव्हती; परंतु माणकोजी शिंदे यांनी अहिल्यादेवींना धार्मिक, नैतिक आणि व्यवहारज्ञानाचे शिक्षण दिले. बालपणापासूनच त्यांच्यामध्ये करुणा, परोपकार आणि नेतृत्वगुण दिसून येत होते. असे सांगितले जाते की, मराठा साम्राज्याचे पराक्रमी सरदार मल्हारराव होळकर यांनी एका मंदिरात लहान अहिल्यादेवींना भक्तिभावाने पूजा करताना पाहिले आणि त्यांच्या गुणांनी प्रभावित होऊन आपल्या पुत्र खंडेराव होळकर यांच्याशी त्यांचा विवाह घडवून आणला. विवाहा...

सिंधुदुर्गनगरी दिनांक २७ (जिमाका):- आगामी खरीप हंगाम २०२६ च्या पार्श्वभूमीवर जिल्ह्यातील शेतकऱ्यांना वेळेवर व मागणीनुसार खतांचा पुरवठा व्हावा यासाठी कृषि विभागाने व्यापक नियोजन केले असून जिल्ह्यात युरिया व संयुक्त खतांचा पुरेसा साठा उपलब्ध असल्याची माहिती कृषि विभागाकडून देण्यात आली आहे. भात शेतीसह फळबागांसाठी मोठ्या प्रमाणावर खतांची गरज भासणाऱ्या सिंधुदुर्ग जिल्ह्यात यंदा खतटंचाई निर्माण होऊ नये यासाठी प्रशासनाने आगाऊ उपाययोजना केल्या आहेत. कृषि विभागाच्या माहितीनुसार, खरीप हंगाम २०२६ साठी सिंधुदुर्ग जिल्ह्यास ५५०० मे. टन युरिया तसेच ५२०० मे. टन संयुक्त खतांचा साठा मंजूर करण्यात आला आहे. त्यापैकी एप्रिल आणि मे महिन्यात आतापर्यंत २२७१.४ मे. टन युरिया व १२३८ मे. टन संयुक्त खतांचा पुरवठा करण्यात आला आहे. सध्या जिल्ह्यात १९८६.७ मे. टन युरिया आणि २४५७.५ मे. टन संयुक्त खतांचा साठा उपलब्ध असून याशिवाय ४५० मे. टन युरियाचा संरक्षित साठाही राखून ठेवण्यात आला आहे. सिंधुदुर्ग जिल्ह्यात खरीप हंगामात विशेषतः भात शेती व आंबा, काजू यांसारख्या फळबागांसाठी युरिया, संयुक्त खते व इतर रासायनिक खतांची मोठ...

सिंधुदुर्गनगरी, दि. 27 (जिमाका) :- सिंधुदुर्ग जिल्ह्यात पेट्रोल आणि डिझेलचा तुटवडा निर्माण होऊ नये यासाठी जिल्हा प्रशासनाने सतर्क असून सातत्याने परिस्थितीवर लक्ष ठेवण्यात येत आहे. जिल्ह्यातील एकूण ६० पेट्रोलपंपांपैकी ८ पेट्रोलपंपांवर इंधन उपलब्धतेसंदर्भात अडचणी निर्माण झाल्या असल्या तरी हे जिल्ह्यातील उर्वरित ५२ पेट्रोल पंप रितसर सुरू असल्याचे जिल्हा पुरवठा कार्यालयाने कळविले आहे. प्रशासनाने दिलेल्या माहितीनुसार, ६ पेट्रोलपंपांवर पेट्रोल आणि डिझेल या दोन्ही इंधनांचा तात्पुरता तुटवडा आहे. तसेच २ पेट्रोलपंपांपैकी एका पंपावर केवळ पेट्रोल उपलब्ध असून डिझेल उपलब्ध नाही, तर दुसऱ्या पंपावर डिझेल उपलब्ध असून पेट्रोल उपलब्ध नसल्याचे स्पष्ट झाले आहे. वरिल ड्राय असलेले पेट्रोल पंप चे टॅंकर लोड करण्यात येऊन उद्या पर्यंत पुर्ववत स्थिती होईल असे कंपन्यांचे विक्रय प्रतिनिधी व डेपो व्यवस्थापकांनी कळविले आहे. त्यामुळे नागरिकांनी इंधन विषयक भिती बाळगण्याचे कारण नाही. उर्वरित बहुतांश पेट्रोलपंप सुरळीत सुरू असून संबंधित कंपन्यांच्या पुरवठ्यानुसार आणि डेपोमधील मागणीनुसार इंधन वितरण सुरू असल्याचे प्रशास...

सिंधुदुर्गनगरी, दि. 27 (जिमाका) :- महाराष्ट्र राज्य बाल हक्क संरक्षण आयोग, मुंबई यांच्या वतीने बालकांसंदर्भातील प्राप्त तक्रारींचे स्थानिक स्तरावर निराकरण करण्यासाठी शुक्रवार, दि. 29 मे 2026 रोजी सिंधुदुर्ग येथे सुनावणी व आढावा बैठकीचे आयोजन करण्यात आले आहे. जिल्हाधिकारी कार्यालयातील मायनाक भंडारी सभागृह, प्रशासकीय इमारत, पहिला मजला येथे सकाळी 11 वाजता सुनावणी तर दुपारी 12.30 वाजता आढावा बैठक होणार असल्याची माहिती जिल्हा महिला व बाल विकास अधिकारी बापू शिणगारे यांनी दिली. या बैठकीसाठी महाराष्ट्र राज्य बाल हक्क संरक्षण आयोगाचे अध्यक्ष ॲङ संजय विष्णु पुराणिक, सचिव पंकज देवरे, सदस्य गितांजली बालाजी बुटी, शुभांगी संजय तांबट, संजय निळकंठराव लाखेपाटील, अतुल आनंदराव देसाई, प्रविण संजाबराव भजाडे, मिलन देवेंद्र जंगम (मिलन वसंत गुरू), तसेच आयोगामधून अजय लोंढे, उपस्थित राहणार आहेत. याशिवाय जिल्हाधिकारी तृप्ती धोडमिसे, पोलीस अधीक्षक डॉ. मोहन दहीकर आणि जिल्हा परिषदेचे मुख्य कार्यकारी अधिकारी रविंद्र खेबुडकर हेही सुनावणीस उपस्थित राहणार आहेत. बैठकी दरम्यान आरोग्य विभाग, ...

सिंधुदुर्गनगरी, दि. 27 (जिमाका) :- समाज कल्याण कार्यालयांतर्गत असणाऱ्या मुला-मुलींच्या शासकीय वसतिगृहांमध्ये सन 2026-27 या शैक्षणिक वर्षाकरीता शासकीय वसतिगृहातील रिक्त असणाऱ्या जागेवर प्रवेश प्रक्रिया सुरू झाली असून ऑनलाईन अर्जाचे वेळापत्रक जाहीर करण्यात आले आहे. तरी इच्छुक विद्यार्थी व विद्यार्थिनीं ऑनलाईन पद्धतीने अर्ज सादर करण्याचे आवाहन समाज कल्याणचे प्रभारी सहाय्यक आयुक्त तुषार गवळी यांनी केले आहे. भारतरत्न डॉ. बाबासाहेब आंबेडकर मुलांचे शासकीय वसतिगृह, मालवण, कणकवली व वेंगुर्ला असे एकूण 3 तसेच क्रांतीज्योती सावित्रीबाई फुले मुलींचे शासकीय वसतिगृह, मालवण, कणकवली, सावंतवाडी, वेंगुर्ला व देवगड असे 05 एकूण 08 शासकीय वसतिगृहांमध्ये रिक्त असणाऱ्या जागेवर विद्यार्थी, विद्यार्थींनींना सन 2026-27 या शैक्षणिक वर्षासाठी https://hmas.mahait.org या पोर्टलवर मोफत ऑनलाईन प्रवेशाचे वेळापत्रक जाहिर झाले आहे. शालेय विद्यार्थ्यांसाठी इयत्ता 8 ते 10 वी वसतिगृह प्रवेशासाठी अर्ज करावयाचा दिनांक 30 जून 2026 तसेच कनिष्ठ महाविद्यलये इयत्ता 11 वी व 12 वी व बिगर व्यावसायिक अभ्यासक्रमांतील विद्यार्थ्य...

सिंधुदुर्गनगरी, दि.२७ (जि.मा.का):- शैक्षणिक वर्ष 2026-27 पासून महाडिबीटी प्रणालीची व्हर्जन 2.0 कार्यान्वित होणार असल्याने, सन 2019-20 ते 2025-26 मधील अनुसूचित जाती प्रवर्गातील विद्यार्थी व महाविद्यालय स्तरावरील प्रलंबित अर्ज दि. 31 मे 2026 पर्यंत तात्काळ निकाली काढावेत, असे आवाहन समाज कल्याणचे सहाय्यक आयुक्त संतोष चिकणे यांनी केले आहे. राज्य शासनाच्या सुधारित धोरणानुसार महाडिबीटी प्रणालीचे व्हर्जन २.० सुरू होत आहे. नवीन प्रणालीमध्ये डेटा हस्तांतरण यशस्वी करण्यसाठी जुन्या प्रणालीवरील सर्व प्रलंबित कामकाज पूर्ण करणे अनिवार्य आहे. त्यामुळे विद्यार्थी व महाविद्यालय स्तरावरील प्रलंबित अर्ज निकाली काढण्यासाठी ३१ मे २०२६ पर्यंत मुदतवाढ देण्यात आली आहे. सदर प्रक्रीया शासनाच्या आपले सरकार पोर्टलवरील http://mahadbtmahait.gov.in या संकेतस्थळावर सुरू आहे. जिल्ह्यातील सर्व कनिष्ठ, वरिष्ठ महाविद्यालये तसेच संबंधित महाविद्यालयातील प्राचार्च, विद्यार्थी व पालक यांना आवाहन करण्यात येते की, ज्या अनुसूचित जाती प्रवर्गातील विद्यार्थी स्तरावर तसेच महाविद्यालय स्तरावर प्रलंबित...

सिंधुदुर्गनगरी, दि.२७ (जि.मा.का):- जिल्ह्यात कोणताही अनुचित प्रकार घडू नये, जातीय सलोखा, कायदा व सुव्यवस्था परिस्थिती अबाधित राहण्यासाठी महाराष्ट्र पोलीस अधिनियम 1951 चे कलम 37 (1) व 37 (3) नुसार दिनांक 25 मे 2026 रोजी 00.01 वाजल्यापासून ते दिनांक 08 जून 2026 रोजी 24 वाजेपर्यंतच्या कालावधीसाठी जिल्ह्याच्या संपूर्ण भूभागात मनाई आदेश लागू केला असल्याचे जिल्हादंडाधिकारी तृप्ती धोडमिसे यांनी प्रसिध्दी पत्रकाव्दारे कळविले आहे. जिल्ह्यात दिनांक २७ मे २०२६ रोजीपासून बकरी ईद, दिनांक ३१ मे २०२६ रोजी अहिल्याबाई होळकर जयंती, दिनांक ६ जून २०२६ रोजी शिवराज्याभिषेक सोहळा, असे सण उत्सव साजरे करण्यात येणार आहे. त्यानिमित्त विविध धार्मिक कार्यक्रम आयोजित करण्यात येणार आहेत. यापुर्वी राज्यात उत्सवाचे कालावधीत जातीय घटना घडलेल्या असून त्याचे पडसाद राज्यात उमटून विविध राजकीय पक्ष व संघटना आक्रमक झालेल्या आहेत. आगामी काळात त्याचे पडसाद जिल्ह्यात उमटून जातीय तणाव निर्माण होण्याची शक्यता नाकारता येत नाही. सध्या राज्यात शक्तिपीठ महामार्ग, आंबा व काजू शेतकरी,संघटना व इतर मुद्यांव...

सिंधुदुर्गनगरी, दि. 27 (जिमाका) :- घनकचरा व्यवस्थापन नियम, २०२६ (SWM Rules, 2026) यांची जिल्ह्यात प्रभावी अंमलबजावणी करण्यासाठी जिल्हा परिषद सिंधुदुर्ग प्रशासनाने व्यापक स्तरावर नियोजन सुरू केले असून सर्व ग्रामपंचायती, पंचायत समित्या व संबंधित विभागांना आवश्यक कार्यवाही करण्याच्या सूचना देण्यात आल्या आहेत. महाराष्ट्र शासनाच्या पाणीपुरवठा व स्वच्छता विभाग, राज्य पाणी व स्वच्छता मिशन तसेच मा. सर्वोच्च न्यायालयाच्या निर्देशानुसार ग्रामीण भागातील घनकचरा व्यवस्थापन अधिक सक्षम व शाश्वत करण्यासाठी विशेष मोहीम राबविण्यात येणार आहे, अशी माहिती मुख्य कार्यकारी अधिकारी रविंद्र खेबुडकर यांनी दिली आहे. “स्वच्छता ही केवळ शासनाची जबाबदारी नसून प्रत्येक नागरिकाची सामूहिक जबाबदारी आहे. स्वच्छ आणि पर्यावरणपूरक सिंधुदुर्ग घडविण्यासाठी ग्रामपंचायतींनी कचरा व्यवस्थापनाच्या उपाययोजना प्रभावीपणे राबविणे अत्यंत आवश्यक आहे. ओला व सुका कचरा विभाजन, घराघरांतून कचरा संकलन, प्लास्टिकमुक्त गाव संकल्पना आणि सेंद्रिय खत निर्मिती यावर विशेष भर दिला जाणार आहे. जिल्ह्यातील सर्व ग्रामपंचायतींनी या मोहिमे...

सिंधुदुर्गनगरी, दि. २५ (जिमाका) :- भारत निवडणूक आयोगाच्या निर्देशानुसार सुरू असलेल्या विशेष पुनरिक्षण मोहिम (SIR-2026) अंतर्गत सिंधुदुर्ग जिल्ह्यात मतदारांच्या डिजिटल मॅपिंग प्रक्रियेला मोठी गती मिळाली असून, जिल्ह्याने ९१ टक्के मॅपिंग पूर्ण करण्याचा उल्लेखनीय टप्पा गाठला आहे. जिल्हाधिकारी तृप्ती धोडमिसे यांच्या प्रभावी मार्गदर्शनामुळे आणि निवडणूक यंत्रणेच्या समन्वित प्रयत्नांमुळे सद्यस्थितीत सिंधुदुर्ग जिल्हा राज्यात दुसऱ्या स्थानी आहे. विशेष पुनरिक्षण मोहिमेच्या तिसऱ्या टप्प्यासाठी सिंधुदुर्ग प्रशासन सुसज्ज असल्याचे जिल्हा निवडणूक अधिकारी तथा जिल्हाधिकारी तृप्ती धोडमिसे यांनी सांगितले. जिल्ह्यातील मतदार मॅपिंगची सुरुवातीची टक्केवारी अपेक्षेपेक्षा कमी असल्याचे लक्षात आल्यानंतर जिल्हाधिकारी धोडमिसे यांनी स्वतः या मोहिमेचा आढावा घेत विशेष लक्ष केंद्रित केले. त्यांनी जिल्ह्यातील प्रत्येक विधानसभा मतदारसंघातील बूथ पातळी अधिकारी (BLO) यांच्या स्वतंत्र बैठका घेत कामाची गती वाढविण्याचे निर्देश दिले. या बैठकीत तांत्रिक अडचणींचे निराकरण, माहिती संकलनातील त्रुटी दूर करणे आणि मॅपिंग प्रक्रिये...

सिंधुदुर्गनगरी, दि. २२ : केंद्र शासनाच्या अधिसूचनेनुसार देशाच्या पश्चिम सागरी किनारी सध्या १ जून ते ३१ जुलै (दोन्ही दिवस धरून ६१ दिवस) असा एकसमान पावसाळी मासेमारी बंदी कालावधी लागू आहे. मात्र कोकण किनारपट्टीवरील पावसाळ्याचा कालावधी व समुद्रातील प्रतिकूल हवामान लक्षात घेता हा बंदी कालावधी 15 मे ते १५ ऑगस्ट एवढा वाढविण्याबाबत जिल्हा सल्लागार व सनियंत्रण समितीच्या बैठकीत सविस्तर चर्चा करण्यात आली. तसेच महाराष्ट्रात बंदी कालावधीत वाढ करावयाची असल्यास गोवा व कर्नाटकसह पश्चिम किनारपट्टीवरील सर्व राज्यांसाठी समान नियम असणे आवश्यक असल्याचे मत समिती सदस्यांनी व्यक्त केले. महाराष्ट्र सागरी मासेमारी नियमन अधिनियम, १९८१ तसेच सुधारित अध्यादेश २०२१ अंतर्गत गठीत जिल्हा सल्लागार व सनियंत्रण समितीची सभा जिल्हाधिकारी तृप्ती धोडमिसे यांच्या अध्यक्षतेखाली व्हीसीद्वारे पार पडली. बैठकीत विविध विभागांच्या अधिकाऱ्यांनी तसेच तज्ज्ञांनी पावसाळी मासेमारी बंदी कालावधी वाढविण्याच्या विविध पैलूंवर आपले अभिप्राय नोंदविले. प्रादेशिक बंदर अधिकारी कॅ. संजय उगलमुगे यांनी कोकणात, विशेषतः सिंधुदुर्ग जिल्ह्यात पाऊस उशिर...

सिंधुदुर्गनगरी, दि. २१ (जिमाका) : महाराष्ट्र विधान परिषद रायगड-रत्नागिरी-सिंधुदुर्ग स्थानिक प्राधिकारी मतदारसंघ निवडणुकीच्या पार्श्वभूमीवर आदर्श आचारसंहितेचे काटेकोर पालन करण्यात यावे व कोणत्याही प्रकारे आचारसंहितेचा भंग होणार नाही याची सर्वांनी दक्षता घ्यावी, असे निर्देश जिल्हाधिकारी तृप्ती धोडमिसे यांनी दिले. सिंधुदुर्ग-रत्नागिरी-रायगड विधान परिषद निवडणुकीच्या अनुषंगाने आयोजित सर्व राजकीय पक्षांच्या प्रमुखांच्या बैठकीत त्या बोलत होत्या. भारत निवडणूक आयोगाने महाराष्ट्र विधान परिषद रायगड-रत्नागिरी-सिंधुदुर्ग स्थानिक प्राधिकारी मतदारसंघ निवडणुकीचा कार्यक्रम १८ मे २०२६ पासून जाहीर केला असून त्यानुसार जिल्हा प्रशासनाने निवडणूक यंत्रणा सज्ज केली असल्याचे त्यांनी सांगितले. जिल्हाधिकारी श्रीमती धोडमिसे म्हणाल्या, रत्नागिरी जिल्हाधिकारी हे या निवडणुकीचे निवडणूक निर्णय अधिकारी म्हणून काम पाहणार असून सिंधुदुर्ग जिल्ह्यासाठी निवासी उपजिल्हाधिकारी मच्छिंद्र सुकटे यांची सहाय्यक निवडणूक निर्णय अधिकारी म्हणून नियुक्ती करण्यात आली आहे. तसेच भारत निवडणूक आयोगाच्या निर्देशानुसार अपर जिल्हाधिकारी श...

नागरिकांच्या तक्रारींना तात्काळ प्रतिसाद द्या, लोकप्रतिनिधींशी समन्वय ठेवा सिंधुदुर्गनगरी दि. २१ (जिमाका) : सिंधुदुर्ग जिल्ह्यात सातत्याने वीज पुरवठा खंडित होण्याच्या तक्रारींमध्ये वाढ होत असल्याने संबंधित यंत्रणेने अधिक सतर्क राहून वारंवार वीज पुरवठा खंडित होणार नाही याची दक्षता घ्यावी, तसेच वीजेसंबंधित मान्सूनपूर्व देखभाल व दुरुस्तीची उर्वरित सर्व कामे तातडीने पूर्ण करावीत, असे निर्देश पालकमंत्री नितेश राणे यांनी दिले. पालकमंत्री नितेश राणे यांच्या अध्यक्षतेखाली सिंधुदुर्ग मंडळ अंतर्गत विद्युत उपकरणांची देखभाल, दुरुस्ती व विविध अडचणी संदर्भात दूरदृश्य प्रणालीद्वारे महत्त्वपूर्ण आढावा बैठक पार पडली. बैठकीस जिल्हाधिकारी तृप्ती धोडमिसे, अधीक्षक अभियंता अभिमन्यू राख, कार्यकारी अभियंता अरविंद वनमोरे तसेच सर्व शाखाधिकारी व उपविभागीय अधिकारी दूरदृश्य प्रणालीद्वारे उपस्थित होते. यावेळी पालकमंत्री राणे म्हणाले की, नियोजित वीज पुरवठा खंडित करण्यापूर्वी नागरिकांना प्रसार माध्यमांच्या माध्यमातून पूर्वकल्पना देणे आवश्यक आहे. अचानक वीज पुरवठा बंद झाल्यास नागरिकांना मोठ्या गैरसोयींचा सामना कर...

सिंधुदुर्गनगरी दि. २१ (जिमाका) : जिल्हाधिकारी तृप्ती धोडमिसे यांच्या प्रमुख उपस्थितीत जिल्हाधिकारी कार्यालयात दहशतवाद व हिंसाचार विरोधी दिवस साजरा करण्यात आला. यावेळी जिल्हाधिकाऱ्यांच्या प्रमुख उपस्थितीत अधिकारी व कर्मचाऱ्यांनी दहशतवाद आणि हिंसाचाराविरोधात एकजूट राहण्याची शपथ घेत समाजात शांतता, बंधुता आणि राष्ट्रीय एकात्मता जपण्याचा निर्धार व्यक्त केला. कार्यक्रमात मार्गदर्शन करताना जिल्हाधिकारी श्रीमती धोडमिसे म्हणाल्या, दहशतवाद ही मानवतेसाठी अत्यंत घातक प्रवृत्ती असून त्याचे परिणाम संपूर्ण समाजावर होतात. समाज माध्यमांमध्ये समाजविघातक विचार पसरविण्याचे प्रकार वाढत आहेत. त्यामुळे प्रत्येक नागरिकाने सजग राहून चुकीच्या माहितीपासून सावध राहणे आवश्यक आहे. समाजात शांतता, सहिष्णुता आणि परस्पर विश्वास टिकवून ठेवण्यासाठी सर्वांनी जबाबदारीने वागण्याची गरज आहे. युवकांनी सामाजिक माध्यमांचा सकारात्मक वापर करावा तसेच देशविघातक आणि हिंसक प्रवृत्तींना वेळीच रोखावे. राष्ट्रीय एकात्मता आणि लोकशाही मूल्यांचे रक्षण करणे ही प्रत्येकाची सामूहिक जबाबदारी असल्याचे त्यांनी अधोरेखित केले. यानंतर जिल्हाधि...

सिंधुदुर्ग नगरी, दि.20 (जिमाका):- स्टेशन हेडक्वार्टर कोल्हापूर यांच्यावतीने व 109 MARATHA INF BN (TA) यांच्या वतीने माजी सैनिक/माजी सैनिक विधवा/ वीर नारी/वीर माता-पिता यांच्यासाठी श्रीमंत छत्रपती अभयसिंग राजे भोसले बहुउद्देशीय सभागृह, सातारा येथे दिनांक 23 मे 2026 रोजी माजी सैनिक मेळाव्याचे आयोजन करण्यात आल्याची माहिती जिल्हा सहाय्यक जिल्हा सैनिक कल्याण अधिकारी यांनी दिली आहे. या मेळाव्यात माजी सैनिक, माजी सैनिक विधवा पत्नी, वीरनारी,वीरमाता व वीरपिता यांच्या विविध समस्या जसे निवृत्ती वेतन, स्पर्श प्रणालीत (SPARSH Portal) येणाऱ्या अडचणीचे निरसन, रोजगार विषयक मार्गदर्शन, वीरनारी वीरमाता व वीरपिता यांना मिळणाऱ्या सुविधा यावर मार्गदर्शन होणार आहे. तसेच विविध बँकांचे स्टॉल तसेच मेडिकल कॅम्पचे (Eye Spl, Ent, Spl, SURG SPI, Ortho Spi, Gen Medicine & ECHS) आयोजन करण्यात आले आहे. तरी मेळाव्यासाठी सिंधुदुर्ग जिल्ह्यातील इच्छुक माजी सैनिक माजी सैनिक विधवा पत्नी, वीरनारी, वीरमाता वीरपिता यांनी या मेळाव्यात 23 मे 2026 ला सकाळी 8 वाजता श्रीमंत छत्रपती अभयसिंगराजे भोसले बहुउद्देशीय सभागृह ...

सिंधुदुर्गनगरी, दि. 20 (जिमाका) :- शासकीय औद्योगिक प्रशिक्षण संस्था सावंतवाडी येथे विजेतंत्री, जोडारी, यांत्रिक मोटारगाडी, ड्रेस मेकिंग, कातारी, कोपा, आय.सी.टी.एस.एम., तारतंत्री, लाकूड काम तंत्रज्ञ या नऊ व्यवसायासाठी प्रवेश अर्ज भरण्याची सुरुवात दिनांक 21 मे 2026 पासून सुरूवात होणार असल्याची माहिती सावंतवाडीचे औद्योगिक प्रशिक्षण संस्थचे प्राचार्य यांनी दिली आहे. अर्ज भरण्याचे वेळापत्रक https://admission.dvet.gov.in या संकेतस्थळावर प्रसिद्ध झाले आहे. पुढील प्रवेश प्रक्रियेचे सविस्तर वेळापत्रक व अधिक माहिती संकेतस्थळावर प्रसिद्ध होईल. प्रवेशित पात्र विद्यार्थ्यांना नियमानुसार दरमहा रूपये 500/- मात्र विद्यावेतन मिळणार आहे. तसेच इयत्ता दहावी व बारावी समकक्षतेची सुद्धा सोय आहे. पदविका अभ्यासक्रमाच्या दुसऱ्या वर्षाला थेट प्रवेश मिळण्याची सोय आहे. लाभार्थ्यांनर त्यांनी त्यांचे प्रवेश अर्ज भरणे, अर्ज निश्चितीकरण करणे, व्यवसाय भरणे या बाबी विहित वेळेत पूर्ण कराव्यात. अधिक माहितीसाठी 8432695410, 7058485068 या दूरध्वनी क्रमांकावर संपर्क करावा असे आवाहन सावंतवाडीच्या औद्योगिक प्रशिक्षण संस्थ...

सिंधुदुर्गनगरी, दि. 20 (जिमाका) :- भारतातील सर्वोच्च नागरी पुरस्कारांपैकी एक असलेल्या “पद्म पुरस्कार -2027” (पद्मविभूषण, पद्मभूषण आणि पद्मश्री) साठी ऑनलाईन नामांकने आणि शिफारशी स्वीकारण्याची प्रक्रिया सुरू झाली असून नामांकने सादर करण्याची अंतिम तारीख 31 जुलै, 2026 अशी आहे,अशी माहिती जिल्हा प्रशासनाने दिली आहे. केंद्रीय गृह मंत्रालयाच्या सूचनेनुसार, हे नामांकन केवळ ऑनलाइन पद्धतीने स्वीकारले जाणार असून, यासाठी शासनाचे अधिकृत राष्ट्रीय पुरस्कार पोर्टल https://awards.gov.in कार्यान्वित करण्यात आले आहे. या क्षेत्रातील कामगिरीची घेतली जाणार आहे दखल: कला, साहित्य आणि शिक्षण, क्रीडा, औषधोपचार (वैद्यकीय), सामाजिक कार्य, विज्ञान आणि अभियांत्रिकी, सार्वजनिक घडामोडी ,नागरी सेवा, व्यापार आणि उद्योग यासारख्या सर्व क्षेत्रांमध्ये उल्लेखनीय, विशिष्ट आणि अपवादात्मक कामगिरी करणाऱ्या व्यक्तींना हा पुरस्कार दिला जातो. जात, व्यवसाय, पद किंवा लिंग असा कोणताही भेदभाव न करता सर्व नागरिक या पुरस्कारासाठी पात्र आहेत. नामांकनासाठी महत्त्वाचे निकष व वैशिष्ट्ये: तळागाळातील गुणांचा शोध; समाजातील वं...

सिंधुदुर्गनगरी, दि. 20 (जिमाका) :- अण्णासाहेब पाटील आर्थिक मागास विकास महामंडळ मर्यादित, मुंबई मार्फत राबविण्यात येणाऱ्य वैयक्तिक तसेच गट कर्ज योजनांतील लाभार्थ्यांना अधिक सुलभ, पारदर्शक व आधुनिक तंत्रज्ञानावर आधारित सुविधा उपलब्ध करुन देण्याच्या उद्देशाने Whats App Chatbot सेवा सुरू करण्यात आली असल्याची माहिती अण्णासाहेब पाटील आर्थिक मागास विकास व्यवस्थापकीय संचालक विजयसिंह देशमुख यांनी दिली आहे. लाभार्थ्यासाठी व्हॉट्सॲप चॅटबॉट सेवा सुरु करण्यात आली असून Whats App मध्ये अर्जाची स्थिती, मार्गदर्शन व तांत्रिक सहाय्य उपलब्ध करुन देण्यात आले आहेत. या सेवा "One Clik Information" या संकल्पनेअंतर्गत विकसित करण्यात आली असून, लाभार्थ्यांना त्यांच्या अर्जासंबंधित माहिती व विविध प्रक्रियांची स्थिती आता थेट Whats App वरुन तत्काळ प्राप्त होणार आहे. या Chatbot सुविधेव्दारे लाभार्थ्यांना पुढील सेवा उपलब्ध करुन देण्यात आल्या आहेत:- 8976855921 या क्रमांकावर Hi असे लिहिल्यास मेनू पर्याय उपलब्ध होतील. या पर्यायानुसार खाली दिलेले पर्याय समोर येतील. त्यापैकी संबंधित...

सिंधुदुर्गनगरी, दि. 20 (जिमाका) :- महाराष्ट्राच्या समृद्ध लोकसंस्कृतीचे जतन, संवर्धन आणि नव्या पिढीपर्यंत प्रभावीपणे पोहोचविण्याच्या उद्देशाने महाराष्ट्र शासनाच्या सांस्कृतिक कार्य विभागांतर्गत सांस्कृतिक कार्य संचालनालयामार्फत “असंघटीत लोककलांचा महोत्सव” या भव्य सांस्कृतिक कार्यक्रमाचे आयोजन करण्यात आले आहे. दिनांक २२, २३ आणि २४ मे २०२६ रोजी सायंकाळी ६ वाजता बॅ. नाथ पै बहुउद्देशीय सभागृह, सावंतवाडी येथे हा महोत्सव मोठ्या उत्साहात पार पडणार आहे. सदर कार्यक्रम डॉ. किरण कुलकर्णी, सचिव, सांस्कृतिक कार्य विभाग यांच्या मार्गदर्शनाखाली आयोजित करण्यात आला होता. सांस्कृतिक कार्य संचालनालय, महाराष्ट्र राज्य, मुंबई यांच्या वतीने कार्यक्रमाचे सुयोग्य नियोजन करण्यात आले. महाराष्ट्रातील विविध भागांमध्ये विखुरलेल्या आणि काळाच्या ओघात लोप पावत चाललेल्या लोककला प्रकारांना नवसंजीवनी देण्याचा प्रयत्न या महोत्सवातून करण्यात येणार आहे. या तीन दिवसीय महोत्सवात महाराष्ट्राच्या ग्रामीण, आदिवासी आणि पारंपरिक लोकजीवनाचे दर्शन घडविणारे विविध लोककला प्रकार सादर होणार आहेत. लोकसंगीत, नृत्य, अभिनय, वेशभूषा ...

सिंधुदुर्गनगरी, दि. १९ (जिमाका):- भारत निवडणूक आयोगाने महाराष्ट्र विधान परिषद रायगड-तथा-रत्नागिरी-तथा सिंधुदूर्ग स्थानिक प्राधिकारी मतदार संघाकरिता निवडणूक कार्यक्रम १८ मे २०२६ रोजीपासून घोषित केला आहे. निवडणूक कार्यक्रम घोषित केल्याच्या दिनांकापासून म्हणजेच १८ मे २०२६ पासून ते निवडणूक प्रक्रिया पूर्ण होईपर्यंत म्हणजेच २५ जून २०२६ पर्यंत रायगड, रत्नागिरी व सिंधुदूर्ग जिल्ह्याच्या पूर्ण क्षेत्रामध्ये आचारसंहिता लागू करण्यात आली आहे. आचारसंहितेच्या कालावधीत आचारसंहितेचा भंग होणार नाही याची संबंधित अधिकारी आणि संबंधित संस्थांनी दक्षता घ्यावी. आचारसंहिता भंगा बाबत कोणतीही घटना घडल्यास संबंधित अधिकाऱ्यास जबाबदार धरण्यात येईल. भारत निवडणूक आयोगाने आचारसंहिते बाबत NO 322/ECI/INST/FUNC/BIEN-LC/2816 दिनांक 26 डिसेंबर 2016 रोजीच्या पत्राने मार्गदर्शक सूचना पारित केल्या असून आचारसंहितेचा भंग होणार नाही याची दक्षता घ्यावी असेही जिल्हाधिकारी तृप्ती धोडमिसे यांनी आदेशित केले आहे. या निवडणुकीसाठी सोमवार २५ मे २०२६ रोजी अधिसूचना जारी करण्यात येणार असून नामनिर्देशनपत्र दाखल करण्याची अंतिम मुदत सोमव...

सिंधुदुर्गनगरी, दि. 19 (जिमाका) :- जिल्ह्यातील युवक-युवतींना रोजगाराच्या संधी उपलब्ध करुन देण्यासाठी जिल्हा कौशल्य विकास ,रोजगार व उद्योजकता मार्गदर्शन केंद्र, सिंधुदुर्ग तथा मॉडेल करिअर सेंटर व जयानंद मठकर व औद्योगिक प्रशिक्षण संस्था सावंतवाडी यांच्या वतीने पंडित दीनदयाळ उपाध्याय रोजगार मेळावा Manufacturing Sector साठी दिनांक 22 मे 2026 रोजी सकाळी 10.30 ते दुपारी 3 या वेळेत आयोजित करण्यात आला असल्याची माहिती जिल्हा कौशल्य विकास व रोजगार उद्योजकता मार्गदर्शन केंद्राचे अधिकारी अ. ई. तडवी यांनी दिली आहे. या रोजगार मेळाव्यामध्ये नामांकित कंपन्यांचा सहभाग असणार असून विविध शैक्षणिक पात्रता असलेल्या उमेदवारांसाठी मोठ्या प्रमाणात रोजगाराचा संधी उपलब्ध होणार आहे. मेळाव्यात सहभागी होणाऱ्या कंपन्या व उपलब्ध पदांचा तपशील पुढील प्रमाणे Crompton पात्रता: दहावी/बारावी उत्तीर्ण उमेदवारांसाठी Helper पदाचे 80 जागा असून पात्रता : आयटीआय टर्नर, फिटर, मशिनिस्ट, वेल्डर, इलेक्ट्रिशियन उमेदवारांसाठी 80 जागा. MRF पात्रता : आयटीआय, टर्नर, फीटर, मशिनिस्ट, वेल्डर, इलेक्ट्रिशन पदासाठी 50 जागा. ...

सिंधुदुर्गनगरी, दि. 19 (जिमाका) :- जिल्ह्यातील शेतकऱ्यांच्या आर्थिक उन्नतीसाठी कृषी विभागाने' मागेल त्याला काजू कलमे' ही महत्त्वाकांक्षी योजना जाहीर केली आहे. राष्ट्रीय कृषी विकास योजनेअंतर्गत राबविण्यात येणाऱ्या या उपक्रमामुळे सिंधुदुर्ग जिल्ह्यातील 6 हजार 400 शेतकऱ्यांना मोठा दिलासा मिळणार आहे. तरी पात्र शेतकऱ्यांनी वेळेत अर्ज करून या योजनेचा लाभ घ्यावा, असे आवाहन जिल्हा अधीक्षक कृषी अधिकारी भाग्यश्री नाईक नवरे यांनी केले आहे. ही योजना सन 2026-27 या वर्षासाठी राबविण्यात येत आहे. दि. 28 एप्रिल 2026 पासून महाडीबीटी पोर्टलवर अर्ज स्वीकारले जात आहेत. पात्र शेतकऱ्यांना उच्च उत्पादन देणारी काजू कलमे मोफत उपलब्ध करून देण्यात येणार आहेत. जिल्ह्यात उत्पादित होणाऱ्या दर्जेदार काजूला देशांतर्गत तसेच जागतिक बाजारपेठेत मागणी वाढत आहे. त्यामुळे शेतकऱ्यांना अधिक उत्पन्न मिळविण्याची संधी निर्माण झाली आहे. यासोबतच जमिनीची धूप रोखणे आणि हरितक्षेत्र वाढविण्यासाठीही काजू लागवड उपयुक्त ठरणार आहे. या योजनेअंतर्गत प्रति शेतकरी कमाल 50 उच्च उत्पादन देणारी काजू कलमे मोफत दिली जाणार आहेत. एका...

सिंधुदुर्गनगरी, दि. 19 (जिमाका) :- महाराष्ट्र राज्य परीक्षा परिषदेच्या वतीने रविवार दिनांक 28 जून 2026 रोजी महाराष्ट्र शिक्षक पात्रता परीक्षा जिल्ह्यातील सहा परीक्षा केंद्रावर घेण्यात येणार आहे. या परीक्षेकरिता पेपर क्रमांक 01 साठी 1 हजार 903 उमेदवार तर पेपर क्रमांक दोन साठी 2 हजार 209 उमेदवार असे एकूण 4 हजार 112 उमेदवार बसणार असल्याची माहिती जिल्हा परीक्षा आयोजन व सनियंत्रण समितीचे प्राथमिक शिक्षणाधिकारी यांनी दिली आहे. जिल्ह्यात 4 हजार 501- कासार्डे हायस्कूल कासार्डे, 4 हजार 502- कणकवली कॉलेज कणकवली,4 हजार 503- विद्यामंदिर हायस्कूल, कणकवली, 4 हजार 504 कुडाळ हायस्कूल कुडाळ, 4 हजार 505- शिवाजी इंग्लिश स्कूल पणदूरतिठा, 4 हजार 506 -एस.एम. हायस्कूल कणकवली, या सहा परीक्षा केंद्रावर महाराष्ट्र शिक्षक पात्रता परीक्षा 2026 घेण्यात येणार आहे. जिल्हाधिकारी सिंधुदुर्ग यांच्या जिल्हास्तरीय परीक्षा आयोजन व सनियंत्रण समितीची परीक्षेच्या पूर्व तयारीचा आढावा घेण्यासाठी बैठक घेण्यात आली .या बैठकीत परीक्षा नियोजनावर चर्चा करण्यात आली. परीक्षा सुरळीत पार पाडण्यासाठी आवश्यक असलेल्या सर्व प्रकारच...

सिंधुदुर्गनगरी, दि. 19 (जिमाका) : जिल्हा सैनिक कल्याण कार्यालयाच्या अधिपत्त्याखाली असलेल्या सैनिकी मुलांचे वसतीगृह, सावंतवाडी व माजी सैनिक विश्रामगृह, मालवण येथे व्यवस्थापनासाठी निव्वळ तात्पुरत्या स्वरुपात कंत्राटी पध्दतीने एकंदरीत मानधनावर माजी सैनिक प्रवर्गातून नागरी संवर्गातून एकूण 9 अशासकीय पद भरावयाची असल्याची माहिती जिल्हा सैनिक कल्याण अधिकारी यांनी दिली आहे. सावंतवाडी येथील सैनिकी मुलांचे वसतिगृहासाठी सहाय्यक वसतिगृह अधीक्षक-1, पहारेकरी-1 माळी-1 सफाई कामगार-1 आणि स्वयंपाकी (महिला)-3 या पदांसाठी भरती होणार असून, मालवण येथील माजी सैनिक विश्रामगृहासाठी पहारेकरी-1 व सफाई कामगार-1 असे एकूण 9 पदांची भरती केली जाणार आहे. सहाय्यक वसतिगृह अधीक्षक पदासाठी मासिक मानधन सुमारे २४ हजार ८७५ रुपये असून पहारेकरी पदासाठी २० हजार २६५ रुपये मानधन देण्यात येणार आहे. तसेच माळी व सफाई कामगार पदांसाठी १२ हजार ६७५ रुपये तर स्वयंपाकी पदासाठी १३ हजार ५१० रुपये मानधन निश्चित करण्यात आले आहे. री इच्छुक माजी सैनिक उमेदवारांनी सैन्यसेवा पुस्तक, ओळखपत्र, आणि नागरी उमेदवारांनी 2 फोटो, आधार कार्ड या ...

सिंधुदुर्गनगरी, दि. 19 (जिमाका) :- जिल्हा परिषदेच्या महिला व बालविकास समितीची सर्वसाधारण सभा बुधवार दि. 20 मे 2026 रोजी दुपारी 3 वाजता जिल्हा परिषदेच्या छत्रपती शिवाजी महाराज सभागृह येथे आयोजित करण्यात आली असल्याची माहिती महिला व बाल विकास समितीचे सचिव तथा उपमुख्य कार्यकारी अधिकारी प्रतिक उगारे यांनी दिली आहे. ००००००

सिंधुदुर्गनगरी, दि. 19 (जिमाका) :- जिल्हा परिषदेच्या शिक्षण समितीची मासिक सर्वसाधारण सभा गुरुवार दि. 21 मे 2026 रोजी दुपारी 11.30 वाजता जिल्हा परिषदेच्या छत्रपती शिवाजी महाराज सभागृह येथे आयोजित करण्यात आली असल्याची माहिती सचिव तथा शिक्षणाधिकारी (प्राथमिक) जयप्रकाश परब यांनी दिली आहे. ००००००

सिंधुदुर्गनगरी, दि. 19 (जिमाका) : शासकीय औद्योगिक प्रशिक्षण संस्था, ओरोसमध्ये प्रवेश सत्र ऑगस्ट 2026 करिता मंजूर असलेल्या Dress Making, Front office, food production General, Mechanic Diesel, welder या व्यवसायाकरिता प्रवेश अर्ज भरणे प्रक्रीया https://admission.dvet.gov.in या संकेतस्थळावर दि. 21 मे 2026 पासून ऑनलाईन पध्दतीने सुरू करण्यात आली असल्याची माहिती शासकीय औद्योगिक प्रशिक्षण संस्थेचे प्राचार्य यांनी प्रसिध्दीपत्रकाव्दारे दिली आहे. प्रवेशास इच्छुक उमेदवारांनी प्रथम नजीकच्या आयटीआयमध्ये भेट देऊन कागदपत्रांसहीत प्रवेश प्रक्रीयेसंबंधीची परिपूर्ण माहिती घ्यावी. त्यांनतर आपले अर्ज व अर्जाचे शुल्क ऑनलाईन पध्दतीने भरल्यानंतर उमेदवारांनी भरलेल्या अर्जाची प्रत पडताळणीकरीता मुळ कागदपत्रे व त्यांच्या झेरॉक्सप्रतींसह दिनांक 21 मे 2026 पासून औद्योगिक प्रशिक्षण संस्थेत कार्यालयीन वेळेत हजर रहावे. उमेदवारांचे अर्ज तपासणी करुन अर्ज निश्चित केला जाईल व त्याबाबतची पावती दिली जाईल. अर्ज निश्चित (confirm) नंतर उमेदवारांने प्रवेशासाठी आपल्या पसंतीनुसार ट्रेड विकल्प दिनांक...

सिंधुदुर्गनगरी, दि. 19 (जिमाका) : जिल्हा परिषदेच्या पशुसंवर्धन व दुग्धशाळा विकास समितीची मासिक सर्वसाधारण सभा बुधवार दिनांक 20 मे 2026 रोजी सकाळी 11 वाजता छत्रपती शिवाजी महाराज सभागृह सिंधुदुर्गनगरी येथे आयोजित करण्यात आली असल्याची माहिती पशुसंवर्धन व दुग्धशाळा विकास समिती तथा, जिल्हा उपआयुक्त पशुसंवर्धन व दुग्धव्यवसायाचे सचिव डॉ. समीर बिलोलीकर यांनी दिली आहे. ०००००००

सिंधुदुर्गनगरी, दि. 18 (जिमाका) :- ऑल इंडिया ऑर्गनायझेशन ऑफ केमिस्ट अँड ड्रगिस्ट या संघटनेने राज्य व देशात कार्यरत असलेल्या ऑनलाईन इंटरनेट फार्मसीच्या विरोधात मंगळवार दि. २० मे २०२६ रोजी देशव्यापी बंदची हाक दिली आहे. या पार्श्वभूमीवर जिल्ह्यात रुग्णांची गैरसोय होऊ नये तसेच अत्यावश्यक औषधांचा पुरवठा सुरळीत राहावा यासाठी अन्न व औषध प्रशासन, सिंधुदुर्ग कार्यालयाने विविध उपाययोजना केल्या आहेत. याबाबत जिल्ह्यातील किरकोळ व घाऊक औषध विक्रेता संघटनांच्या पदाधिकाऱ्यांची बैठक घेण्यात आली असून नियोजित बंदमध्ये सहभागी होऊ नये, असे आवाहन करण्यात आले आहे. तसेच औषध विक्रेत्यांशी वैयक्तिक स्तरावर संपर्क साधून नागरिकांच्या हिताचा विचार करून औषध सेवा सुरू ठेवण्याचे आवाहन प्रशासनामार्फत करण्यात येत आहे. संघटनेच्या बंदच्या काळात रुग्णांची गैरसोय टाळण्यासाठी काही औषध दुकाने सुरू ठेवण्याबाबत संबंधित पदाधिकाऱ्यांना सूचना देण्यात आल्या असून त्यांनी त्यास सकारात्मक प्रतिसाद दिला आहे. याशिवाय जिल्ह्यातील काही दवाखान्यांलगतची औषध दुकाने सुरू राहणार असल्याची माहिती प्रशासनाने दिली आहे. आणीबाणीच्या प्रसंगी औष...

सिंधुदुर्गनगरी, दि. १८ (जिमाका) : निसर्गसौंदर्य, ऐतिहासिक वारसा आणि सागरी पर्यटनासाठी प्रसिद्ध असलेल्या सिंधुदुर्ग जिल्ह्याच्या शिरपेचात आता आणखी एक मानाचा तुरा रोवला जाणार आहे. भारतातील पहिले अंडरवॉटर म्युझियम, कृत्रिम समुद्री प्रवाळ प्रकल्प आणि पाणबुडी पर्यटन प्रकल्प सिंधुदुर्ग जिल्ह्यातील निवती रॉक्स परिसरात साकारत असून, हा महत्त्वाकांक्षी प्रकल्प देशातील सागरी पर्यटन क्षेत्राला नवे परिमाण देणारा ठरणार आहे. भारतीय नौदलाची अभिमानास्पद युद्धनौका EX INS Guldar ही अनेक दशकांपासून देशसेवेत कार्यरत होती. सेवामुक्त झाल्यानंतर आता या युद्धनौकेचे रूपांतर समुद्राखालील अद्वितीय पर्यटन केंद्रात करण्यात येत आहे. समुद्रतळाशी नियोजित पद्धतीने विसर्जित करण्यात येणारी ही युद्धनौका पर्यटकांसाठी आकर्षणाचे प्रमुख केंद्र ठरणार आहे. सिंधुदुर्ग जिल्ह्याला लाभलेल्या नैसर्गिक संपदेचा शाश्वत विकास साधत पर्यटन क्षेत्राला नवे आयाम देण्याचा शासनाचा प्रयत्न आहे. अंडरवॉटर म्युझियम आणि पाणबुडी पर्यटन प्रकल्पामुळे देश-विदेशातील पर्यटक मोठ्या प्रमाणावर आकर्षित होतील. स्थानिक युवकांना रोजगार, पर्यटन व्यवसायाला गत...