diosindhudurg

सिंधुदुर्गनगरी दि 29 (जिमाका): जिल्हा निवडणूक अधिकारी तथा जिल्हाधिकारी सिंधुदुर्ग व मतदार नोंदणी अधिकारी तथा उपविभागीय अधिकारी कुडाळ व सहाय्यक मतदार नोंदणी अधिकारी तथा तहसीलदार कुडाळ तसेच नेहरु युवा केंद्र यांच्या संयुक्त विद्यामाने सिंधुदुर्गनगरी येथील औद्योगिक प्रशिक्षण संस्था व नर्सिंग परिचर्या महाविद्यलय ओरोस येथे मतदार नोंदणी व जनजागृती अभियान कार्यक्रम संपन्न झाला,असल्याची माहिती नायब तहसिलदार प्रमोद पिळणकर यांनी दिली. यावेळी तहसिलदार कुडाळ विरसिंग वसावे, नेहरु युवा केंद्र राष्ट्रीय युवा स्वयं सेवक विल्सन फर्नांडीस, औद्योगिक प्रशिक्षण संस्थेचे प्राचार्य अनिल मोहारे यांची प्रमुख उपस्थिती होती. जगातील सर्वात मोठी लोकशाही असलेल्या भारताचे लोकप्रतिनिधी निवडून देण्याचा अधिकार अठरा वर्षे पूर्ण झालेल्या सर्व भारतीय नागरिकांना घटनेने बहाल करण्यात आलेला आहे. तो हक्क बजावता यावा म्हणून 18 वर्षावरील युवक युवती व नागरिकांनी मतदार म्हणून आपल नाव नोंदविणे करणे आवश्यक आहे. जनजागृती करण्याच्या दृष्टीने तहसीलदार कुडाळ विरसिंग वसावे यांच्या मार्गदर्शनाखाली व नेहरू युवा केंद्र राष्ट्रीय युवा स्व...

सिंधुदुर्ग दि 27 (जिमाका): जिल्ह्यात अनाथ बालकांसाठी दि. 23 फेब्रुवारी ते 5 मार्च 2024 या कालावधीमध्ये अनाथ पंधरवडा साजरा करण्यात येणार आहे. त्यासाठी सर्व तालुका तहसीलदार कार्यालयामध्ये तसेच जिल्हा महिला व बाल विकास अधिकारी कार्यालय, सिंधुदुर्गनगरी येथे समर्पित कक्षाची स्थापना करण्यात आली असल्याची माहिती जिल्हा महिला व बाल विकास अधिकारी सोमनाथ रसाळ यांनी दिली आहे. अनाथ मुलांना राज्य शासनाच्या विविध सवलतींचा लाभ घेता यावा याकरीता महिला व बालविकास विभागामार्फत अ, ब व क प्रवर्गातून अनाथ प्रमाणपत्र निर्गमित करण्यात येत आहे. यासाठी अर्जदार यांच्या आई व वडील यांचा मृत्यु दाखला, अर्जदार यांचा जन्म दाखला, ग्रामसेवक यांचा बालकाचे अनाथ प्रमाणपत्र सिध्द करण्यासाठीचा दाखला, पोलीस पाटील यांचा रहिवाशी दाखला, आधारकार्ड, रेशनिंगकार्ड, जात प्रमाणपत्र, शाळा सोडल्याचे प्रमाणपत्र, राष्ट्रीयत्वाचा दाखला, मतदानकार्ड, महाराष्ट्र राज्य वय व अधिवास दाखला इ. कागदपत्रे सदर अनाथ बालकांना सदर पंधरवड्यात मिळवून देण्यासाठी संबंधित यंत्रणेकडून तात्काळ कार्यवाही होणार आहे. यासाठी प्र...

सिंधुदुर्गनगरी, दि.22 (जि.मा.का): जिल्ह्यातील काही भागात सेवारत सैनिक, माजी सैनिक, माजी सैनिक विधवा, वीरपत्नी, वीरमाता व त्यांच्या परिवाराला समाजातील इतर नागरीकांकडून मानसिक व शारीरीक त्रास देण्याचे प्रमाण वाढत आहे. त्याअनुषंगाने गठित केलेल्या जिल्हास्तरीय समितीची बैठक दि. 26 फेब्रुवारी रोजी सकाळी 11 वाजता पोलीस अधीक्षक सौरभकुमार अग्रवाल यांच्या अध्यक्षतेखाली पोलीस अधीक्षक कार्यालय, कॉन्फरन्स हॉल, सिंधुदुर्ग येथे आयोजित करण्यात आलेले आहे. तरी ज्या माजी सैनिक/ माजी सैनिक विधवा/ वीरपत्नी/ वीरमाता यांच्या खात्या संदर्भातील तक्रारी असतील, त्यांनी तक्रारी संदर्भातील कागदपत्रे घेऊन या बैठकीस उपस्थित राहवे, असे आवहन जिल्हा सैनिक कल्याण अधिकारी यांनी केले आहे. ००००

सिंधुदुर्गनगरी, दि.22 (जि.मा.का): सन 2023-24 या शैक्षणिक वर्षातील राज्यस्तरीय राज्यपुरस्कार चाचणी शिबिरामध्ये जिल्हयातून 17 स्काऊट आणि 21 गाईड नी सहभाग घेतला होता.या शिबिरामध्ये सर्वजन यशस्वी झाले असल्याची माहिती स्काऊट/ गाईट, जिल्हा संघटक सोमनाथ गायकवाड यांनी दिली. महाराष्ट्र राज्य भारत स्काऊट आणि गाईड मुंबई यांच्या विद्यमाने माहे डिसेंबर 2023 व जानेवारी 2024 या कालावधीत तीन दिवशीय निवासी चाचणी शिबिर, राज्य प्रशिक्षण केंद्र सोनतळी जिल्हा कोल्हापूर येथे आयोजित करण्यात आले होते. या चाचणी शिबिरात लेखी, तोंडी, प्रात्याक्षीक अश्या चाचण्या घेण्यात आल्या राज्य व राष्ट्रीय स्तरावरील टीमने परिक्षणाचे कार्य केले या शिबिराकरीता महाराष्ट्रातील विविध जिल्ह्यातील स्काऊटस आणि गाईडस यांनी सहभाग नोंदविला होता या राज्यस्तरीय चाचणी परीक्षेत सिंधुदुर्ग जिल्हयातील स्काऊट गाईडनी यशस्वी व्हावे म्हणून जिल्हा मुख्य आयुक्त तथा शिक्षणाधिकारी (प्राथमिक/माध्य/योजना) प्रदिपकुमार कुडाळकर यांच्या मार्गदर्शनाखाली चाचणी पुर्व शिबिराचे आयोजन करण्यात आले होते. 5 लेखी सराव परीक्षा व एक दिवस प्रात्याक्षीक...

सिंधुदुर्गनगरी, दि.22 (जि.मा.का): कौशल्य रोजगार, उद्योजकता व नाविन्यता विभागाच्यावतीने जिल्ह्यामध्ये कणकवली कॉलेज कणकवली येथे दि. 4 मार्च रोजी सकाळी 10 वाजता महारोजगार मेळाव्याचे आयोजन करण्यात आले असल्याची माहिती कौशल्य विकास, राजगार व उद्योजकताचे प्र. सहायक आयुक्त ग.पा. चिमणकर यांनी दिली आहे. या महारोजगार मेळव्यासाठी नोंदणी कौशल्य रोजगार, उद्योजकता नाविन्यता विभागाच्याwww.rojgar.mahaswayam.gov.in या पोर्टलवर करावी. या रोजगार मेळाव्यामध्ये विविध औद्योगिक आस्थापना व उद्योजक सहभागी होत असल्याने जिल्यातील नोकरीइच्छुक सर्व उमेदवारांनी या संधीचा लाभ घेण्यासाठी नोंदणीकृत असलेल्या सर्व उमेदवारांनी त्यांचे प्रोफाईल अद्ययावत करावे. रोजगार मेळाव्याच्या दिवशी मुलाखतीकरिता आपला बायोडाटा व इतर आवश्यक शैक्षणिक कागदपत्रांच्या प्रतीसह प्रत्यक्ष उपस्थित रहावे. उद्योजकांनी आपल्याकडील उपलब्ध रिक्तपदे पोर्टलवर नमो महारोजगार मेळाव्यामध्ये अधिसूचित करावीत. रोजगार मेळाव्यामध्ये सहभागी होण्यासाठी आपली नोंदणी नसल्यास उद्योजक तसेच उमेदवारांनी जिल्हा कौशल्य विकास, रोजगार व उद्योजकता मार्गदर्शन केंद्...

सिंधुदुर्गनगरी, दि.22 (जि.मा.का): पोलीस दलाकडून जेष्ठ नागरीकांच्या सुरक्षिततेसाठी दि. 23 ते 29 फेब्रुवारी रोजी जनजागृती अभियानाचे आयोजन करण्यात आले असल्याची माहिती पोलीस अधीक्षक सौरकुमार अग्रवाल यांनी दिली आहे. सिंधुदुर्ग जिल्हयामध्ये अनेक गावांमध्ये ज्येष्ठ नागरीक एकटेच राहतात, तसेच, काही ज्येष्ठ नागरीक दांपत्यांची मुले बाहेरगावी नोकरीनिमित्त राहत असल्याने ते ज्येष्ठ नागरीक दांपत्य त्यांचे मूळ परी असतात अशा परिस्थितीत त्यांची सायबर व आर्थिक फसवणूक होताना दिसून येत आहे. काही ज्येष्ठ नागरीकांना त्यांच्या सेवानिवृत्तीनंतर मिळालेल्या पैशांची योग्य गुंतवणूक करण्याची माहिती नसल्याने ते कोणत्यातरी अनधिकृत मान्टी लेव्हल चैन मार्केटींगच्या कंपनीमध्ये किंवा कमी कालावधीत जास्त पैसे मिळवून देण्याच्या आमिष दाखविणाऱ्या कंपन्यांमध्ये पैसे गुंतवतात. परंतु त्यांची आर्थिक फसवणूक झालेली दिसून येते. ज्येष्ठ नागरीकांची सायबर व आर्थिक फसवणूक होऊ नये, तसेच त्यांनी सोशल मिडीया वापरताना घ्यावयाची काळजी, बैंक व पोस्टची अकाऊंट, ATM कार्ड, क्रेडीट कार्ड, आधारकार्ड, पॅनकार्ड, एलआयसी, पीपीएफ इ. बाबतची माहिती ...

सिंधुदुर्गनगरी दि 20 (जिमाका): अनुसूचित जमाती प्रमाणपत्र तपासणी समिती, कोकण विभाग, ठाणे कार्यालयाच्या कार्यक्षेत्रातील ठाणे, मुंबई, मुंबई उपनगर, रायगड, रत्नागिरी व सिंधुदुर्ग जिल्ह्यातील अनुसूचित जमातीच्या विद्यार्थ्यांनी "सन 2024 2025 या शैक्षणिक वर्षासाठी वैद्यकिय शिक्षण, अभियांत्रिकी पदवीका, डिप्लोमा, पदवीत्तर अभ्यासक्रम व इतर व्यवसायिक अभ्यासक्रम इ.करिता प्रवेश घ्यावयाचे आहेत, अशा इच्छुक अनुसूचित जमातीच्या विद्यार्थ्यांनी त्यांचे जात पडताळणी प्रस्ताव पडताळणी साठी https://etribevalidity.mahaonline.gov.in या संकेत स्थळावर दि. 31 मार्च 2024 पर्यंत ऑनलाईन अर्ज करण्याचे आवाहन कोकण विभाग अनुसूचित जमती प्रमाणपत्र तपासणी समितीचे सहआयुक्त तथा उपध्यक्ष दिनकर पावरा यांनी केले आहे. सर्वोच्च न्यायालयाने दिलेल्या निर्णयानुसार व्यावसायिक अभ्यासक्रमासाठी अनुसूचित जमाती राखीव प्रवर्गात लाभ घेण्याकरिता संबंधित उमेदवारास अर्ज भरताना जात वैधता प्रमाणपत्र (Caste Validity Certificate) प्रवेश प्रक्रिया नोंदणी अर्जासोबत जोडणे अत्यावश्यक आहे. प्रस्तावाची प्रत प्रत्यक्ष समिती कार्यालयास जमा करा...

सिंधुदुर्गनगरी दि 20 (जिमाका): मराठी वृत्तपत्राचे जनक आद्य पत्रकार आचार्य बाळशास्त्री जांभेकर यांच्या जयंतीनिमित्त जिल्हा माहिती अधिकारी मुकुंद चिलवंत यांनी पुष्पहार अर्पण करून अभिवादन केले. यावेळी जिल्हा माहिती कार्यालयातील वरिष्ठ लिपिक सदिप राठोड, लिपिक टंकलेखक, रविंद्र देवरे, वाहनचालक अमित राणे, शिपाई शंकर आडेलकर उपस्थित कर्मचाऱ्यांनीही जांभेकर यांच्या प्रतिमेस पुष्प अर्पण करून अभिवादन केले. सोबत : बातमी फोटो ००००

सिंधुदुर्गनगरी, : जल जीवन मिशन अंतर्गत आयोजित जिल्हास्तरीय निबंध, चित्रकला, वक्तृत्व व लघुचित्रपट स्पर्धेचा निकाल जाहिर करण्यात आला आहे. विजेत्या स्पर्धकांना दिनांक 16 फेब्रुवारी 2024 रोजी पालकमंत्री रविंद्र चव्हाण हस्ते गौरविण्यात येणार आहे. अशी माहिती जिल्हा परिषदेचे (पाणी व स्वच्छता) उप मुख्य कार्यकारी अधिकारी विनायक ठाकुर यांनी दिली आहे. जल जीवन मिशन अंतर्गत प्रभावी प्रचार प्रसिध्दी करीता प्राथमिक व माध्यमिक गटात निबंध व चित्रकला तर ज्युनिअर व सिनिअर महाविद्यालय गटात वक्तृत्व स्पर्धा तर खुल्या गटात लघुचित्रपट स्पर्धा आयोजित करण्यात आली होती. निबंध, चित्रकला व वक्तृत्व स्पर्धेचे परिक्षण जिल्हा परिषद प्राथमिक व माध्यमिक शिक्षण विभाग यांच्या वतीने करण्यात आले आहे. तर लघुचित्रपट स्पर्धेचे परिक्षण जिल्हा परिषदचे मुख्य कार्यकारी अधिकारी यांच्या उपस्थितीत समितीच्या माध्यमातुन करण्यात आले आहे. जल जीवन मिशन अंतर्गत आयोजित प्राथमिक गटातील निबंध स्पर्धेत प्रथम, व्दितीय, तृतीय अनुक्रमे, सुयश सदगुरु साटेलकर, न्यू इंग्लिश स्कुल आचरा, खुशी हनुमंत नाईक, जि.प. शाळा पडतेवाडी कुडाळ, नव्या संतो...

सिंधुदुर्गनगरी, दि.15 (जि.मा.का): अनुसूचित जाती, विजाभज (धनगर व वंजारीसही) विशेष मागास प्रवर्गातील आर्थिक कमकुवत असलेल्या मागासवर्गीय कुटुंबातील सामुहिक विवाह सोहळ्यामध्ये सहभागी होवून विवाह करणाऱ्या दांत्यांना कन्यादान योजना सुरु करण्यात आली असल्याची माहिती समाज कल्याणचे सहाय्यक आयुक्त संतोष चिकणे यांनी दिली आहे. कन्यादान योजनेचे निकष - 1. सामुहिक विवाह सोहळयामध्ये भाग घेणाऱ्या मागासवर्गीय दांपत्यांना वस्तु स्वरूपात देण्यात येणाऱ्या अनुदान रू.20,000/- इतकी रक्कम वधूचे वडील, आई किंवा पालकांच्या अधोरेखित धनादेशाद्वारे (क्रॉस चेकने) लग्नाच्या दिवशी देण्यात यावी. 2. सामुहिक विवाह सोहळा आयोजित करणाऱ्या पात्र स्वयंसेवी संस्थांना प्रती जोडप्यामागे रु.4000/- प्रोत्साहनात्मक अनुदान देण्यात यावे. यासाठी 3 महिन्यांच्या आत विवाह नोंदणी प्रमाणपत्र सादर करणे आवश्यक राहील. विवाह नोंदणी झाल्यानंतर रक्कत अधोरेखित धनादेशाद्वारे देण्यात येईल. 3. या सामुहिक विवाह सोहळ्याकरीता किमान 10 जोडपी असणे आवश्यक राहील. 4. या योजनेचा लाभ फक्त प्रथम विवाहासाठी आहे. तथापि विधवा महिलेस दुसऱ्या लग्नाकिरता सुध्दा ...

सिंधुदुर्गनगरी, दि.15 (जि.मा.का): फेब्रुवारी महिन्यातील जिल्हास्तरीय महिला लोकशाही दिन मंगळवार दि. 20 फेब्रुवारी 2024 रोजी सकाळी 11 ते दु. 1 या वेळेत जिल्हाधिकारी यांच्या अध्यक्षतेखाली, जिल्हाधिकारी कार्यालयात आयोजित करण्यात आला आहे. तरी समस्याग्रस्त व पीडित महिलांनी शासनाने उपलब्ध करुन दिलेल्या व्यासपीठाचा उपयोग अडचणी सोडविण्यासाठी करावा, असे आवाहन जिल्हा महिला व बाल विकास अधिकारी सोमनाथ रसाळ यांनी केले आहे. समस्याग्रस्त व पीडित महिलांना त्यांचे प्रश्न मांडण्यासाठी हक्कांचे व्यासपीठ मिळावे, त्यांचे तक्रारी व अडचणी शासकीय यंत्रणेकडून सोडवणूक करण्यासाठी एक प्रभावी उपाययोजना म्हणून जिल्हास्तरावर दर महिण्याच्या तिसऱ्या सोमवारी / तिसऱ्या सोमवारी सार्वजनिक सुट्टी असल्यास त्यानंतर येणाऱ्या कामकाजाच्या दिवशी जिल्हास्तरीय महिला लोकशाही दिन राबविण्यात येतो. समस्याग्रस्त व पीडित महिलांनी त्यांच्या अडचणी मांडण्यासाठी विहीत नमुण्यातील अर्ज जिल्हा महिला व बालविकास अधिकारी कार्यालय, प्रशासकीय इमारत दालन क्र. 106,ए-ब्लॉक, तळमजला सिंधुदुर्गनगरी ओरोस येथून उपलब्ध करुन घ्यावेत. अर्ज विहीत नमुन्यात...

सिंधुदुर्गनगरी, दि.15 (जि.मा.का.) : लाखो भाविकांचे श्रध्दास्थान असलेल्या आंगणेवाडी आणि कुणकेश्वर यात्रेला अनेक ठिकाणाहून भाविक येतात. यात्राकाळात भाविकांची गैरसोय होणार नाही याबाबत दक्षता घ्यावी. भाविकांना सुविधा देण्यासाठी सर्व यंत्रणांनी समन्वयाने कामे करावीत असे निर्देश पालकमंत्री रविंद्र चव्हाण यांनी दिल्या. पालकमंत्री रविंद्र चव्हाण यांच्या अध्यक्षतेखाली जिल्हाधिकारी कार्यालयात मालवण तालुक्‍यातील आंगणेवाडी येथील श्री. भराडी देवी वार्षिक जत्रौत्‍सव आणि देवगड तालुक्‍यातील कुणकेश्वर श्री. देव स्वयंभू देवाचा वार्षिक जत्रौत्‍सव नियोजनाचा आढावा घेण्यात आला त्यावेळी ते बोलत होते. यावेळी आमदार नितेश राणे, जिल्हाधिकारी किशोर तावडे, मुख्य कार्यकारी अधिकारी मकरंद देशमुख, कुडाळ उपविभागीय अधिकारी विशाल खत्री, जिल्हा पोलिस अधीक्षक सौरभ अग्रवाल, निवासी उपजिल्हाधिकारी मच्छिंद्र सुकटे, श्री मठपती, जिल्हा नियोजन अधिकारी यशवंत बुधावले, सहायक जिल्हा नियोजन अधिकारी भगवान पवार आदी उपस्थित होते. पालकमंत्री म्हणाले, यात्रेदरम्यान भाविकांना सर्व सुविधा मिळणे आवश्यक आहे. गावांतील सर्व जलस्...

सिंधुदुर्गनगरी, दि.15 (जि.मा.का.) : कणकवली तालुक्यातील जिल्हा परिषद प्राथमिक शाळा क्रमांक 03 येथे विद्यार्थ्यांसाठी जिल्हा आपत्ती व्यवस्थापन प्राधिकरण व नागरी संरक्षण दल, सिंधुदुर्ग यांच्या संयुक्त विद्यमाने आपत्ती व्यवस्थापन प्रशिक्षनाचे आयोजन करण्यात आले होते. या प्रशिक्षणात शालेय विद्यार्थ्यांना आपत्ती व्यवस्थापन विषयक विविध प्रात्यक्षिके करून दाखविण्यात आली तसेच आपत्काळात बचावाच्या विविध पद्धतींबाबत देखील प्रात्यक्षिकामधून माहिती देण्यात आली. या प्रशिक्षणाचा लाभ ११० विद्यार्थ्यांनी घेतला. यावेळी सहायक उपनियंत्रक, नागरी संरक्षण दल. बी. आर. ताम्हाणेकर, मुख्याध्यापिका श्रीम. वर्षा करंबेळकर,सहायक शिक्षक श्रीम. कोतवाल, श्रीम. अक्षया राणे,निवृत्त मुख्याध्यापक गणपत मालंडकर, सहायक लेखाधिकारी जयेश मालंडकर,शाळा व्यवस्थापन समितीचे अध्यक्ष नीलेश चव्हाण, उपाध्यक्षा सायली राणे, तसेच ग्रामस्थ रवींद्र सावंत, चेतन गोवेकर, शितल गोवेकर,संपदा मालंडकर, अनिल अणावकर, किरण गोसावी, अभिषेक कोरडे उपस्थित होते. प्रशिक्षणाचे सूत्रसंचलन श्री. घाडीगांवकर यांनी केले. ०००००

सिंधुदुर्गनगरी, दि.13 (जि.मा.का.) : नेहरू युवा केंद्र संगठन (भारत सरकार युवा कार्यक्रम व क्रीडा मंत्रालय अंतर्गत राष्ट्रीय युवा संसद महोत्सव - 2024 आयोजित करण्यात आला असल्याची माहिती जिल्हा युवा अधिकारी मोहित कुमार सैनी यांनी दिली आहे. या स्पर्धकाला हिंदी, इंग्रजी किंवा मराठी भाषेमध्ये विषय मांडावा लागणार आहे. स्पर्धेचा वेळ जास्तीत जास्त 4 मिनिटे असेल. स्पर्धकांची वयोमर्यादा 18 ते 25 वर्ष (1 फेब्रुवारी 2024) पर्यंत असावे.) कार्यक्रमाचे स्वरूप पुढीलप्रमाणे -जिल्हास्तरीय स्पर्धा, राज्यस्तरीय स्पर्धा, ऑनलाइन पध्दतीने होणार असून तर राष्ट्रीय स्तरावर ऑफलाइन प‌द्धतीने घेण्यात येणार आहे. राष्ट्रीय पातळीवरील विजेत्या स्पर्धकांना देण्यात येणारी बक्षिसे, प्रथम- दोन लाख रुपये, द्वितीय 1.5 लाख रुपये व तृतीय एक लाख रूपये आणि उत्तेजनार्थ दोन स्पर्धकांना प्रत्येकी 50 हजार रुपये देण्यात येणार आहेत. जिल्हास्तरीय प्रथम व ‌द्वितीय क्रमांक स्पर्धक हा राज्यस्तरीय स्पर्धेत सहभागी होणार आहे व राज्यस्तरीय प्रथम, ‌द्वितीय व तृतीय क्रमांक स्पर्धकास राष्ट्रीय स्तरावरील कार्यक्रमासाठी संसदेत आमंत्रित केले...

सिंधुदुर्गनगरी, दि.12 (जि.मा.का.) : सार्वजनिक बांधकाम (सार्वजनिक उपक्रम वगळून), तथा पालकमंत्री रविंद्र चव्हाण हे मंगळवार दि. 13 फेब्रुवारी 2024 रोजी सिंधुदुर्ग जिल्हा दौऱ्यावर येत असून त्यांचा दौरा कार्यक्रम पुढीलप्रमाणे आहे. मंगळवार दि. 13 फेब्रुवारी 2024 रोजी सकाळी 9.30 वाजता केसरी ता. सावंतवाडी जि.सिंधुदुर्ग येथे आगमन व राखीव. सकाळी 10 वजता "गाव चलो अभियान" या कार्यक्रमास उपस्थिती. स्थळ- केसरी –फणसवडे ता. सावंतवाडी जि.सिंधुदुर्ग. दुपारी 1 वाजता राखीव. दुपारी 2 वाजता केसरी ता. सावंतवाडी येथून राजापूर जि. रत्नागिरीकडे प्रयाण. ०००००

सिंधुदुर्गनगरी, जिल्हा कौशल्य विकास, रोजगार व उद्योजकता मार्गदर्शन केंद्र सिंधुदुर्ग यांच्या मार्फत प्रमोद महाजन कौशल्य व उद्योजकता विकास अभियानांतर्गत किमान कौशल्य विकास कार्यक्रम जिल्हा वार्षिक योजना (सर्वसाधारण) सन 2023-24 साठी स्किल इंडिया पोर्टल व महाराष्ट्र राज्य कौशल्य विकास सोसायटी मुंबई यांच्याकडे सूचिबध्द असलेल्या पुढील नमूद संस्थांमार्फत मोफत कौशल्य विकास प्रशिक्षण देण्यात येणार आहे. तरी जिल्ह्यातील इच्छूक उमेदवारांनी तात्काळ पुढील प्रमाणे प्रशिक्षण संस्थांकडे संपर्क करुन आपली नाव नोंदणी करावी किंवा जिल्हा कौशल्य विकास, रोजगार व उद्योजकता मार्गदर्शन केंद्र सिंधुदुर्ग या कार्यालयाशी संपर्क करण्याचे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे प्रभारी सहायक आयुक्त ग.पा. चिमणकर यांनी केले आहे. अटी व शर्ती – वय 15 ते 45 वर्षे. यापुर्वी राज्य किंवा केंद्र शासनाच्या कौशल्य विकास योजनेंतर्गत कोणत्याही प्रशिक्षणाचा लाभ घेतलेला नसावा. अधिक माहितीसाठी 02362 228835,9403350689, इमेल- Sindhudurgrojgr@.com येथे संपर्क करावा प्रशिक्षण संस्थांचा तपशील प्रशिक्ष...

सिंधुदुर्गनगरी, दि.10 (जि.मा.का):आधुनिक भारत घडविण्यासाठी विज्ञान हा महत्वाचा घटक आहे. जगभरातील अनेक देश आपल्या वैज्ञानिक प्रगतीच्या जोरावर विकासाच्या मार्गावर अग्रेसर आहेत. भारतही विज्ञानाच्या बळावर विविध क्षेत्रात आत्मनिर्भर बनत आहे. प्रधानमंत्री नरेंद्रजी मोदी यांनी देखील विज्ञानाचे महत्व ओळखून विज्ञान क्षेत्राला प्रोत्साहन दिले आहे. त्याचा परिणाम म्हणून आपला देश चंद्राच्या दक्षिण ध्रुवावर यान उतरवणारा पहिला देश ठरला आहे. देशाच्या विकासात महत्वाची भूमिका बजावणाऱ्या विज्ञानाची गोडी विद्यार्थ्यांना लागावी यासाठी विज्ञान प्रदर्शनासारखे उपक्रम आवश्यक ठरतात असे सांगून सावंतवाडी येथे आयोजित या उपक्रमाबद्दल शालेय शिक्षण विभागाचे कौतुक करायला हवे असेही मुख्यमंत्री एकनाथ शिंदे म्हणाले. सावंतवाडी जिमखाना येथे आयोजित 51 व्या राज्यस्तरीय बालवैज्ञानिक विज्ञान प्रदर्शनाचे उद्घाटन मुख्यमंत्री एकनाथ शिंदे यांच्या हस्ते करण्यात आले. तसेच माजगाव धरण व सावंतवाडी नळपाणी योजनेच भुमिपूजन मुख्यमंत्री एकनाथ शिंदे यांच्या हस्ते ऑनलाईन पद्धतीने करण्यात आल. याप्रसंगी ऑनलाईन प्रणाली...

सिंधुदुर्गनगरी, : महाराष्ट्र शासनाच्या सामाजिक न्याय व विशेष सहाय्य विभागा अंतर्गत संत रोहिदास चर्मोद्योग व चर्मकार विकास महामंडळ मर्यादित हे कार्यरत असुन हे महामंडळ सुवर्ण जयंती वर्षात पदार्पण करत आहे. हेच औचित्य साधून पालकमंत्री रविंद्र चव्हाण यांच्या प्रमुख उपस्थितीमध्ये आणि जिल्हाधिकारी किशोर तावडे यांच्या अध्यक्षतेखाली दि. 9 फेब्रुवारी रोजी दुपारी 12 वाजता जिल्हा कार्यालय, सिंधुदुर्ग येथे 'लिडकॉम आपल्या दारी' कार्यशाळेचे आयोजन करण्यात आल्याची माहिती जिल्हा व्यवस्थापक प्रविण जाहीर यांनी दिली आहे. या महामंडळामार्फत राबविण्यात येणाऱ्या योजनांची माहिती सिंधुदुर्ग जिल्ह्यामधील चर्मकार समाजातील (चांभार, ढोर, होलार व मोची इ.) बांधवांना अवगत व्हावी, या उद्देशाने तसेच एम. सी. ई. डी. मार्फत देण्यात येणाऱ्या उद्योजकता विकास प्रशिक्षण संबंधी अर्जदार नोंदणी व प्रशिक्षणाची विस्तृत माहिती या कार्यशाळेत देण्यात येणार आहे. तरी सिंधुदुर्ग जिल्ह्यातील चर्मकार समाजातील (चांभार, ढोर, होलार व मोची इ.) सर्व बांधवांनी या कार्यशाळेमध्ये उपस्थित राहून महामंडळाच्या योजनांचा जास्तीत जास्त लाभ घ्...

सिंधुदुर्गनगरी, : जिल्हा विधी सेवा प्राधिकरण, तर्फे गोपुरी आश्रम वागदे कणकवली येथे अंध व्यक्तीचे हक्क व अधिकार याबाबत कायदेविषयक शिबीर संपन्न, झाले असल्याची माहिती जिल्हा विधी सेवा प्राधिकरणाचे सचिव यांनी दिली. यावेळी अॅड. आशपाक शेख, प्रतिधारीत विधीज्ञ, जिल्हा विधी सेवा प्राधिकरण व एस. डी. गिरकर अधिक्षक, जिल्हा विधी सेवा प्राधिकरण सिंधुदुर्ग तसेच राष्ट्रीय दृष्टीहिन महासंघ कोकण शाखेचे अध्यक्ष बाबुराव गावडे व महासचिव शेखर आळवे हे उपस्थित होते. याकार्यक्रमामध्ये अंध व्यक्ती त्यांचे काळजी वाहक / सहाय्यक यांच्या मदतीने येवून सहभागी झाल्या होत्या. अॅड. आशपाक शेख, प्रतिधारीत विधीज्ञ यांनी अंध व्यक्तीचे हक्क व अधिकार याविषयी मार्गदर्शन केले. त्यांनी विविध शासकिय योजना / सवलती जसे की, अपंग विद्यार्थ्यांना विशेष शाळांमार्फत शिक्षण, शालांत परिक्षा पूर्व शिक्षणासाठी अपंग विद्यार्थ्यांना शिष्यवृत्ती, शालांत परिक्षोत्तर शिक्षणासाठी अपंग विद्यार्थ्यांना शिष्यवृत्ती, कार्यशाळांमधून अपंगांना व्यवसाय प्रशिक्षण, अपंग व्यक्तीना सरळ सेवेमध्ये भरतीसाठी 3 टक्के आरक्षण, पदोन्नतीमध्ये अपंग व्यक्तींना 3 ...

सिंधुदुर्गनगरी, : उच्च न्यायालय यांच्या निर्देशाप्रमाणे जिल्ह्यात विधी सेवा प्राधिकरण सिंधुदुर्ग यांच्यातर्फे लोक न्यायालय व जनजागृती शिबीर घेण्यासाठी मोबाईल व्हॅनचे उद्घाटन जिल्हा विधी सेवा प्राधिकरण अध्यक्ष तथा प्रमुख जिल्हा व सत्र न्यायाधीश एच. बी गायकवाड यांच्या हस्ते करण्यात आले. यावेळी कार्यक्रमास जिल्हा न्यायाधीश-1 व सत्र न्यायाधीश एस एस जोशी, जिल्हा न्ययाधीश व सत्र न्यायाधीश-2 व्ही एस. देशमुख, जिल्हा विधी सेवा प्राधिकरण ए.बी कुरणे, सह दिवाणी न्यायाधीश (व. स्तर) व मुख्य न्यायदंडाधिकारी ए.डी. तिडके, प्रतिधारीत विधीज्ञ अॅड यतिश खानोलकर, अॅड. आशपाक शेख, अॅड. मनिषा नरे, अॅड. अमोल सामंत, अॅड श्वेता तेंडोलकर, अॅड आरती पवार सहाय्यक लोकअभिरक्षक, लोकअभिरक्षक कार्यालय, जिल्हा व सत्र न्यायालय व जिल्हा विधी सेवा प्राधिकरण सिंधुदुर्ग या कार्यालयातील कर्मचारी उपस्थित होते. या मोबाईल व्हॅनचा वापर करून सर्वसामान्यांपर्यत कायदेविषयक माहिती पोहोचण्यासाठी कायदेविषयक शिबीर आवळेगाव हायस्कुल आवळेगाव या ठिकाणी दि.5 फेब्रुवारी रोजी सकाळी 11.30 वाजता आयोजित करणेत आले होते. या कार्यक्रमास आवळेगाव हा...

सिंधुदुर्गनगरी, : कौशल्य रोजगार, उद्योजकता व नाविन्यता विभागाच्या वतीने ठाणे जिल्ह्यामध्ये आयलँड ग्राउंड, ढोकाळी, माजीवाडा, ठाणे, (पश्चिम) येथे दि. 24 व 25 फेब्रुवारी रोजी नमो महारोजगार कोंकण विभागीय मेळाव्याचे आयोजन करण्यात आले असून जिल्ह्यातील उद्योजक व उमेदवारानी कौशल्य, रोजगार, उद्योजकता नाविन्यता विभागाच्या www.rojgar.mahaswayam.gov.in या पोर्टलवर नोंदणी करण्याचे आवाहन जिल्हाधिकारी किशोर तावडे यांनी केले आहे. या रोजगार मेळाव्यामध्ये राज्यातील विविध औद्योगिक आस्थापना व उद्योजक सहभागी होत असल्याने जिल्यातील नोकरीइच्छुक सर्व उमेदवारांनी या संधीचा लाभ घेण्यासाठी नोंदणीकृत असलेल्या सर्व उमेदवारांनी त्यांचे प्रोफाईल अद्ययावत करावे. रोजगार मेळाव्याच्या दिवशी मुलाखतीकरिता आपला बायोडाटा व इतर आवश्यक शैक्षणिक कागदपत्रांच्या प्रतीसह प्रत्यक्ष उपस्थित रहावे. उद्योजकांनी आपल्याकडील उपलब्ध रिक्तपदे www.rojgar.mahaswayam.gov.in या पोर्टलवर नमो महारोजगार मेळाव्यामध्ये अधिसूचित करावीत. रोजगार मेळाव्यामध्ये सहभागी होण्यासाठी आपली नोंदणी नसल्यास उद्योजक तसेच उमेदवारांनी जिल्हा क...

सिंधुदुर्गनगरी, : राज्यातील शेतकऱ्यांचे केवळ उत्पादन व उत्पादकता वाढविणे हे ध्येय यापुढे न राहता उत्पादित होणाऱ्या शेतमालाची दर्जात्मक सुधारणा करण्यासाठी शेतकऱ्यांनी नवीन तंत्रज्ञानाचा वापर करणे गरजेचे आहे. विविध देशांनी विकसित केलेले तंत्रज्ञान व तेथील शेतकऱ्यांनी अवलंब करून उत्पन्नात घेतलेली वाढ याबाबत त्या त्या देशातील शास्त्रज्ञ, शेतकरी यांच्याशी प्रत्यक्ष चर्चा, क्षेत्रिय भेटी तसेच संस्थांना भेटी इत्यादी व्दारे शेतकऱ्यांचे ज्ञान आणि क्षमता उंचावण्याकरिता सन 2023-24 मध्ये राज्यातील शेतकऱ्यांचे देशाबाहेर अभ्यास दौरे या योजनेचे आयोजन करण्यात येत आहे. या दौऱ्यासाठी जर्मनी, फ्रान्स, स्पेन, स्वित्झर्लंड, ऑस्ट्रीया न्युझीलंड, नेदरलंड, व्हिएतनाम, मलेशिया, थायलंड, पेरु, ब्राझिल, चिली, ऑस्ट्रेलिया, सिंगापुर इत्यादी संभाव्य देशाची निवड करण्यात आली आहे. या दौऱ्यासाठी शेतकऱ्यांची निवड करण्यासाठी खालील निकष निश्चित करण्यात आले आहेत. अभ्यास दौऱ्याकरीता जाणारा लाभार्थी हा स्वतः शेतकरी असावा. तसेच चालू कालावधीसाठी त्याचे नांवे 7/12 व 8 अ उतारा असणे आवश्यक आहे. शेतकऱ्यांचे मुख्य उत्पादनाचे सा...

सिंधुदुर्गनगरी, : सैनिक कल्याण विभागाच्या अधिपत्याखालील विविध जिल्हा सैनिक कल्याण कार्यालयातील गट-क मधील सरळसेवेतील पदांची परीक्षा टि.सी.एस – आयओएन यांच्यामार्फत राबविण्यात येणार असल्याची माहिती जिल्हा सैनिक कल्याण अधिकारी यांनी दिली आहे. या भरतीकरीता सविस्तर जाहिरात सूचना, सैनिक कल्याण विभागाच्या www.mahasainaik.gov.in या संकेस्थळावर प्रसिध्द करण्यात आलेली आहे. अधिक माहितीसाठी व कार्यालयाचा दूरध्वनी क्र. 02362 228820 वर संपर्क करावा. तरी जिल्ह्यातील सर्व सुभेदार व समकक्ष पदावरुन निवृत्त झालेले माजी सैनिक (आर्मी, नेव्ही व एअर फोर्स), शहीद जवानाच्या वीरनारी (Battle Casualty) व दिवंगत सेवारत सैनिकाची पत्नी (Physical Casualty) यांनी या सुवर्ण संधीचा लाभ घ्यावा. असे आवाहन जिल्हा सैनिक कल्याण अधिकारी यांनी केले आहे. ०००००

सिंधुदुर्गनगरी, : सन 2022-23 या वर्षाच्या शिवछत्रपती राज्य क्रीडा पुरस्कारासाठी दि. 8 फेब्रुवारीर्पंयत सूचना व हरकती सादर करण्याचे आवाहन क्रीडा विभागामार्फत करण्यात येत आहे. महाराष्ट्र शासनाच्या क्रीडा विभागामार्फत राज्यातील क्रीडा विभागाच्या प्रतिष्ठेचा असलेला शिवछत्रपती राज्य क्रीडा पुरस्कार प्रदान करण्यात येतो. क्रीडा क्षेत्रातील विशेष उल्लेखनीय कामगिरी करणाऱ्या खेळाडूंचा गौरव करण्यासाठी राज्य शासन शिवछत्रपती राज्य क्रीडा जीवन गौरव पुरस्कार, उत्कृष्ट क्रीडा मार्गदर्शक पुरस्कार, शिवछत्रपती राज्य क्रीडा पुरस्कार (खेळाडू) शिवछत्रपती राज्य साहसी क्रीडा पुरस्कार, शिवछत्रपती राज्य क्रीडा पुरस्कार (दिव्यांग खेळाडू) असे पुरस्कार प्रदान करते. शासन निर्णयानुसार संचालनालयाच्या https://sports.maharashtra.gov.in या संकेतस्थळावरील पुरस्कार या टॅबमध्ये (इंग्रजीकरीता Awards) शिवछत्रपती राज्य क्रीडा पुरस्काराकरीता प्राप्त झालेल्या प्रस्तावांचे प्राथमिक छाननी केलेला गुणांकन तक्ता एकूण गुणांकनासह नमूद कालावधीमध्ये दि. 6 ते 8 फेब्रुवारी 2024 रोजी रात्री 12 वाजेपर्यंत सूचना व ह...

ब सिंधुदुर्गनगरी, दि.9 (जि.मा.का): शालेय शिक्षण व क्रीडा विभाग महाराष्ट्र शासन, राज्य शैक्षणिक संशोधन व प्रशिक्षण परिषद, महाराष्ट्र, पुणे, राज्य विज्ञान शिक्षण संस्था, नागपूर आणि यशवंतराव भोसले इंटरनॅशल स्कुल, सावंतवाडी यांच्या संयुक्त विद्यामाने 51 वे राज्यस्तरीय बालवैज्ञानिक प्रदर्शन 2023-24 चे आयोजन 10 ते 14 फेब्रुवारी 2024 या कालावधीत जिमखाना मैदान, सावंतवाडी येथे आयोजित करण्यात आले आहे. यानिमित्त सावंतवाडी येथील शाळांमधील विद्यार्थ्यांच्या विज्ञान दिंडीचे आयोजन शुक्रवारी करण्यात आले होते. यावेळी विद्यार्थ्यांनी विज्ञान गीत, लेझीम प्रकार, पथनाट्य आदींचे ठिकठिकाणी सादरीकरण केले. विज्ञान पालखी व विविध वैज्ञानिकांच्या वेषभूषा या खास आकर्षण ठरल्या. दिंडीचा समारोप जीमखाना मैदानावर विज्ञान प्रदर्शनस्थळी करण्यात आला. कोल्हापूर विभागीय शिक्षण उपसंचालक महेश चोथे, राज्य विज्ञान शिक्षण संस्थेच्या संचालक राधा अतकरी व इतर सदस्य, राज्य विज्ञान शिक्षण संस्थेचे ज्येष्ठ अधिव्याख्याता डॉ. राजकुमार अवसरे, सावंतवाडी तालुका गटशिक्षणाधिकारी श्रीम. कल्पना बोडके, विस्तार अधिकारी व केंद्रप्रमुख व सिं...

सिंधुदुर्गनगरी, दि.6 (जि.मा.का): सध्याच्या धकाधकीच्या जीवनात सर्वानाच सुखद क्षणाची आवश्यकता असते. असा आनंद काही प्रमाणात संगीताच्या माध्यमातून प्राप्त होत असल्याने महासंस्कृती महोत्सवासारखे महोत्सव सातत्याने होणे आवश्यक असल्याचे पालकमंत्री रविंद्र चव्हाण म्हणाले. शासनाच्या पर्यटन व सांस्कृतिक कार्य विभाग आणि जिल्हाधिकारी कार्यालय, यांच्या संयुक्त विद्यमाने आयोजित 'महासंस्कृती महोत्सव' चे उद्घाटन पालकमंत्री रवींद्र चव्हाण यांच्या हस्ते पार पडले त्यावेळी ते बोलत होते. यावेळी शालेय शिक्षण मंत्री दिपक केसरकर, आमदार नितेश राणे, सिंधुदुर्ग जिल्हा सहकारी बँकेचे अध्यक्ष मनीष दळवी, माजी आमदार राजन तेली, सावंतवाडीचे माजी नगराध्यक्ष सच्चिदानंद परब, जिल्हाधिकारी किशोर तावडे, मुख्य कार्यकारी अधिकारी मकरंद देशमुख, देवगड तहसीलदार तथा परिविक्षाधीन जिल्हाधिकारी विशाल खत्री, पी एम विश्वकर्मा समितीचे सदस्य प्रभाकर सावंत, निवासी उपजिल्हाधिकारी मच्छिंद्र सुकटे, प्रांताधिकारी अविशकुमार सोनुने आदी उपस्थित होते. सिंधुदुर्ग जिल्ह्यात 'महासंस्कृती' महोत्सवाचे आयोजन डॉ. स्वार हॉस्पीटल सम...

सिंधुदुर्गनगरी, दि.2 (जि.मा.का): मराठी भाषा संवर्धन पंधरवड्याच्या निमित्ताने जिल्हा ग्रंथालय येथे ग्रंथ प्रदर्शनाचे आयोजन करण्यात आले होते. यावेळी जिल्हा ग्रंथालय अधिकारी सचिन हजारे, जिल्हा विधी सेवा प्राधिकरण सचिव ए. बी. कुरणे या उपस्थित होते. यावेळी ग्रंथ पुजन व प्रदर्शन करण्यात आले, जिल्हा ग्रंथालय येथे उपस्थित वाचक वर्ग व विद्यार्थी यांना ग्रंथालयात उपलब्ध असलेल्या अनमोल ग्रंथांची माहिती देण्यात आली. व्यक्तीच्या विकासामध्ये ग्रंथांचा महत्वाचा वाटा असून सुजान नागरीक घडण्यासाठी ग्रंथ वाचन व अध्ययन खुप महत्वाचे असल्याचे जिल्हा ग्रंथालय अधिकारी सचिन हजारे यांनी सांगितले. जिल्हा विधी सेवा प्राधिकरण सचिव ए. बी. कुरणे यांनी ग्रंथ हे आपले गुरु, मार्गदर्शक व मित्र असल्याचे सांगून ग्रंथ वाचनासाठी सर्वांना प्रोत्साहित केले. त्यांनी पुढे असे सांगितले की, "राज्याची राजभाषा असलेल्या मराठी भाषेचा वापर जास्तीत जास्त व्हावा आणि मराठी भाषेचे संवर्धन व्हावे या हेतूने दरवर्षी 'मराठी भाषा संवर्धन पंधरवडा' दि. 14 ते 28 जानेवारी या कालावधीमध्ये साजरा करण्यात येतो. मराठी भाषेच्या वापरांबा...

सिंधुदुर्गनगरी, दि.2 (जि.मा.का.) : माहे फेब्रुवारी महिन्यातील लोकशाही दिन हा महिन्याच्या पहिला सोमवार दि. 5 फेब्रुवारी 2024 रोजी दुपारी 1 ते 2 या वेळेत, जिल्हाधिकारी कार्यालयात राबविण्यात येणार असल्याची, माहिती सामान्य प्रशासन विभागाचे उपजिल्हाधिकारी रविंद्र मठपती यांनी दिली आहे. 0000

सिंधुदुर्गनगरी, दि.2 (जि.मा.का): सन 2023-24 या शैक्षणिक वर्षामध्ये स्टेट बोर्ड अंतर्गत असलेल्या शाळेतील इ.10 वी व इ.12 वी मधील खेळाडू विद्यार्थ्यांना क्रीडा सवलतीचे गुण मिळण्यासाठीचे प्रस्ताव शालेयस्तरावरून जिल्हा क्रीडा अधिकारी कार्यालयात 5 एप्रिल पर्यंत अर्ज सादर करण्याचे आवाहन जिल्हा क्रीडा अधिकारी विद्या शिरस यांनी केले आहे. पुढीलप्रमाणे विहित नमुन्यात प्रपत्र व आवश्यक माहिती, कागदपत्रानुसार सादर करावेत खेळाडू विद्यार्थ्यांचे क्रीडा सवलतीचे गुणांचे प्रस्ताव सादर करणे बाबतचे कव्हरींग पत्र. शासकीय / संघटनेच्या जिल्हा/विभाग/राज्य/राष्ट्रीय/ आंतरराष्ट्रीय क्रीडा स्पर्धेत सहभागी झालेल्या खेळाडू विद्यार्थ्यांना माध्यमिक व उच्च माध्यमिक प्रमाणपत्र परीक्षेत क्रीडा गुण सवलत मिळण्यासाठी खेळाडू विद्यार्थ्यांची यादी. प्रपत्र 1 ग्रेस मार्क मिळण्यासाठी करावयाचा अर्जाचा विहित नमुना- शासकीय स्पर्धा. प्रपत्र 2- ग्रेस मार्क मिळण्यासाठी करावयाचा अर्जाचा विहित नमुना मान्यता प्राप्त एकविध खेळ संघटना स्पर्धा. खेळाडू विद्यार्थ्याचे प्राविण्य / सहभाग प्रमाणपत्राची साक्षांकित झेरॉक्स प्रत. खेळाडू...

सिंधुदुर्गनगरी, दि.31 (जि.मा.का): मुख्य पोस्टमास्टर जनरल, महाराष्ट्र सर्कल, मुंबई यांच्या वतीने पोस्टल विभागातील पेन्शनधारक/ कौटुंबिक पेन्शनधारकांसाठी दि. 19 मार्च 2024 राजी पोस्टल पेन्शन अदालत मुख्य पोस्टमास्तर जनरल महाराष्ट्र सर्कल, मुंबई यांच्या कार्यालयात दुपारी 3 वाजता आयोजित केली असल्याची माहिती सिंधुदुर्ग डाक विभागाचे अधीक्षक डाकघर यांनी दिली आहे. निवृत्तीवेतनधारकाच्या लाभाशी संबंधित तक्रारी, जे टपाल विभागातून निवृत्त झाले आहेत. ज्यांची सेवेत असताना मृत्यू झालेली आहे. टपाल विभाग, महाराष्ट्र आणि गोवा राज्यातील निवृत्तीवेतनधाक ज्यांचे 3 महिन्यांच्या आत पुर्तता झालेली नाही अशा तक्रारींची या डाक पेन्शन अदालत मध्ये विचार केला जाईल. पेन्शन अदालतमध्ये पूर्णपणे कायदेशीर मुद्यांसह प्रकरणे, ई. वारसा प्रमाणपत्र, कल्पित पेन्शन, टीबीओपी/ एमएसीपी पदोन्नती, वेतनश्रेणी वाढवणे आणि धोरणात्मक बाबींसह शिस्तभंगाच्या आणि डी.पी.सी.च्या पुनरावलोकनासाठी प्रलंबित प्रकरणाचा विचार केला जाणार नाही. निवृत्ती धारकांनी आपले अर्जाचे तिप्पट प्रति लेखा अधिकारी, अदालत, मुख्य पोस्टमास्ट...

सिंधुदुर्गनगरी, दि.01 (जि.मा.का): जिल्ह्यात 1 हजार 539 अंगणवाडी कार्यरत आहेत. या अंगणवाडीमध्ये कार्यरत 1 हजार 135 सेविका 348 मिनी सेविका व 1 हजार 167 मदतनीस यांना दिनांक 4 डिसेंबर 2023 पासूनची अनुपस्थिती व त्यामुळे लाभार्थ्यांना सेवा पुरविण्यात येणाऱ्या अडचणी विचारात घेत अंगणवाडी उपस्थित राहण्यासाठी प्रचलीत नियमानुसार कार्यवाही करण्यात आली होती. या कार्यवाहीत बाल विकास प्रकल्प अधिकारी यांच्या शिफारशीनुसार 92 अंगणवाडी मदतनीस, मिनी सेविका यांची शासन निर्णयातील तरतुदीनुसार सेवा समाप्त करण्यात आली होती. या सेवा समाप्तीबाबत मुख्य कार्यकारी अधिकारी यांच्याकडे अपील करता येईल याबाबत संबधितांना लेखी स्वरुपात कळविण्यात आले होते. दरम्यान दि. 25 जानेवारी 2024 रोजीच्या सचिव, महिला व बाल विकास, महाराष्ट्र राज्य यांचेकडील अंगणवाडी कर्मचारी संघटनांच्या इतिवृत्तातील नमूद बाबींनुसार तसेच जिल्ह्यात बहुतेक सर्व ठिकाणी अंगणवाडी कामकाज नियमित सुरु आहे. ज्या कर्मचारी यांच्याबाबतीत कारवाई झाल्या प्रकरणी नियमानुसार कार्यवाही करणेचे निर्देश प्राप्त होते. व सर्व संबंधितांना याबाबत अवगत करण्यात आले होते. ...