diosindhudurg

सिंधुदुर्गनगरी, दि. 31 (जि.मा.का.) : जिल्ह्यातील सर्व निवृत्तीवेतनधारक व कुटुंब निवृत्तीवेतनधारक यांच्या विविध अडी-अडचणी व समस्या जाणून घेण्यासाठी तसेच त्यांच्याशी संबंधित विषयांवर चर्चा करण्यासाठी कोषागार कार्यालय, सिंधुदुर्ग येथे गुरुवार, दि. 3 सप्टेंबर 2026 रोजी सकाळी 11.30 वाजता त्रैमासिक बैठकीचे आयोजन करण्यात आले आहे. या बैठकीच्या अनुषंगाने निवृत्तीवेतनधारकांना ‘Maha-UPLABDHI’ (महा-उपलब्धी) मोबाईल अॅप बाबत माहिती व प्रशिक्षण देण्यात येणार आहे. या अॅपच्या माध्यमातून निवृत्तीवेतनधारकांना घरबसल्या त्यांच्या मासिक व वार्षिक निवृत्तीवेतनाचा तपशील तसेच उत्पन्नाचा दाखला PDF स्वरूपात उपलब्ध करून घेता येणार आहे. अॅपची नोंदणी व वापराबाबतही यावेळी मार्गदर्शन करण्यात येणार आहे. तसेच नोव्हेंबर 2026 पासून ‘महा-उपलब्धी’ अॅपच्या माध्यमातून हयात दाखला सादर करण्याची सुविधा उपलब्ध करून देण्यात येणार आहे. त्यामुळे हे अॅप निवृत्तीवेतनधारकांसाठी अत्यंत उपयुक्त ठरणार आहे. जिल्ह्यातील सर्व निवृत्तीवेतनधारक व कुटुंब निवृत्तीवेतनधारकांनी या कार्यशाळेचा लाभ घ्यावा तसेच त्रैमासिक बैठकीस उपस्थित राहावे, ...

सिंधुदुर्गनगरी, दि. 28 (जिमाका) : राष्ट्रीय अंधत्व व दृष्टी क्षीणता नियंत्रण कार्यक्रमांतर्गत दरवर्षी दि. 25 ऑगस्ट ते 8 सप्टेंबर या कालावधीत जागतिक नेत्रदान पंधरवडा साजरा करण्यात येतो. या अनुषंगाने शासकीय वैद्यकीय महाविद्यालय व रुग्णालय, सिंधुदुर्ग येथे दि. 27 ऑगस्ट 2026 रोजी जागतिक नेत्रदान पंधरवड्याच्या कार्यक्रमाचे उद्घाटन करण्यात आले. शासकीय वैद्यकीय महाविद्यालय व रुग्णालयाचे अधिष्ठाता डॉ. अमोल शिंदे यांच्या अध्यक्षतेखाली कार्यक्रम झाला या कार्यक्रमास वैद्यकीय अधीक्षक डॉ. शिल्पा नारायणकर, नेत्रशल्यचिकित्सा विभागाचे विभागप्रमुख डॉ. धनंजय भोसले यांचे मार्गदर्शन लाभले. तसेच निवासी वैद्यकीय अधिकारी डॉ. गजानन मोतीफळे यांची उपस्थिती होती. यावेळी उपस्थितांना नेत्रदानाचे महत्त्व, नेत्रदानाची प्रक्रिया तसेच नेत्रदानामुळे दृष्टीहीन व्यक्तींच्या जीवनात येणारा सकारात्मक बदल याबाबत सविस्तर माहिती देण्यात आली. नेत्रदान हे दृष्टीहीनांच्या जीवनात प्रकाश आणण्यासारखे असून, आपल्या पश्चात आपल्या डोळ्यांमुळे एखाद्या व्यक्तीला जग पाहण्याची संधी मिळू शकते. नेत्रदानामुळे दृष्टी गमावलेल्या व्यक्तींना न...

सिंधुदुर्ग, दि. 28 : शासकीय योजनांचा लाभ सर्वसामान्य नागरिक व शेतकऱ्यांपर्यंत वेळेत पोहोचवण्यासाठी महसूल प्रशासनाने कामांना गती द्यावी, तसेच कोणत्याही स्तरावर कामकाजात दिरंगाई अथवा निष्काळजीपणा करू नये, असे निर्देश जिल्हाधिकारी तृप्ती धोडमिसे यांनी दिले. जिल्हाधिकारी कार्यालयात आज आयोजित व्हिडिओ कॉन्फरन्सिंग बैठकीत त्या जिल्ह्यातील सर्व महसूल अधिकाऱ्यांशी संवाद साधत होत्या. यावेळी जिल्हाधिकारी कार्यालयात भूसंपादन उपजिल्हाधिकारी आरती देसाई, उपजिल्हाधिकारी बालाजी शेवाळे, तहसिलदार चैताली सावंत उपस्थित होत्या. या बैठकीत जिल्हाधिकाऱ्यांनी डिजिटल क्रॉप सर्व्हे म्हणजेच ई-पीक पाहणीच्या कामाचा सविस्तर आढावा घेतला. शेतकऱ्यांना पीक विमा आणि नैसर्गिक आपत्तीच्या नुकसान भरपाईचा थेट लाभ मिळण्यासाठी पीक पाहणी अचूक असणे आवश्यक असून, तलाठी व कृषी सहाय्यकांनी क्षेत्रीय स्तरावर १०० टक्के नोंदणी तातडीने पूर्ण करावी, असे निर्देश त्यांनी दिले. यासाठी सर्व महसूल अधिकाऱ्यांनी प्रत्यक्ष क्षेत्रभेटी द्याव्यात. सोबतच आगामी जनगणनेच्या पूर्वतयारीचा भाग म्हणून जिल्हा जनगणना पुस्तिकेसाठी गावनिहाय भौगोलिक सीमा, लो...

सिंधुदुर्गनगरी, दि. 27 (जिमाका) : स्वच्छ, सुंदर व निरोगी सिंधुदुर्ग निर्माण करण्याच्या उद्देशाने जिल्हा पाणी व स्वच्छता मिशन, जिल्हा परिषद, सिंधुदुर्ग यांच्या माध्यमातून दि. 31 ऑगस्ट 2026 रोजी जिल्ह्यातील सर्व प्राथमिक व माध्यमिक शाळा, अंगणवाडी, ग्रामपंचायत कार्यालये, प्राथमिक आरोग्य केंद्रे तसेच आरोग्य उपकेंद्रांच्या परिसरात विशेष स्वच्छता अभियान आयोजित करण्यात आले आहे. या अभियानात जिल्ह्यातील ग्रामस्थ, लोकप्रतिनिधी, ग्रामपंचायत पदाधिकारी, अधिकारी-कर्मचारी, शिक्षक, विद्यार्थी, अंगणवाडी सेविका-मदतनीस, आरोग्य कर्मचारी तसेच विविध सामाजिक संस्थांनी मोठ्या संख्येने व उत्स्फूर्तपणे सहभागी व्हावे, असे आवाहन जिल्हा परिषदचे अध्यक्ष प्रमोद कामत यांनी केले आहे. स्वच्छता ही केवळ शासकीय यंत्रणेची जबाबदारी नसून प्रत्येक नागरिकाची सामूहिक जबाबदारी आहे. या भावनेतून नागरिकांनी आपल्या गावाचा परिसर स्वच्छ व सुंदर ठेवण्यासाठी सक्रिय सहभाग नोंदवावा. या स्वच्छता अभियानांतर्गत संबंधित शासकीय संस्था व त्यांच्या परिसराची स्वच्छता, कचरा संकलन व वर्गीकरण, प्लास्टिक तसेच इतर घनकचऱ्याची योग्य विल्हेवाट, परिस...

सिंधुदुर्गनगरी, दि. 27 (जिमाका) : राष्ट्रीय क्रीडा दिनाचे औचित्य साधून एस.एस.पी.एम. अभियांत्रिकी महाविद्यालयात ‘खेलो इंडिया युवा संवाद – खेल की बात, प्रधानमंत्री नरेंद्र मोदी के साथ’ या कार्यक्रमाचे आयोजन करण्यात आले. पंतप्रधान नरेंद्र मोदी यांनी ऑनलाइन माध्यमातून विद्यार्थ्यांशी संवाद साधून मार्गदर्शन केले. कार्यक्रमास जिल्हा परिषदेचे अध्यक्ष प्रमोद कामत प्रमुख पाहुणे म्हणून उपस्थित होते. यावेळी राष्ट्रीय माहिती विज्ञान केंद्राचे समन्वयक शुभम उपरिकर, कणकवली नगरपंचायतीच्या नगरसेविका डॉ. सुप्रिया नलावडे, ‘माय भारत’ सिंधुदुर्गच्या कार्यक्रम पर्यवेक्षक अपेक्षा मांजरेकर, सरपंच विनायक गवस तसेच महाविद्यालयाचे प्राचार्य डॉ. डी. एस. बाडकर उपस्थित होते. कार्यक्रमाची सुरुवात महाविद्यालयाच्या प्रांगणातील छत्रपती शिवाजी महाराज यांच्या पुतळ्यास पुष्पहार अर्पण करून करण्यात आली. त्यानंतर दीपप्रज्वलन करून मान्यवरांचा सत्कार करण्यात आला. प्राचार्य डॉ. डी. एस. बाडकर यांनी प्रास्ताविकात मेजर ध्यानचंद यांच्या क्रीडा क्षेत्रातील योगदानाचा उल्लेख करून ‘स्पोर्ट्स मिशन 2047’ ची संकल्पना मांडली. अभियांत...

सिंधुदुर्गनगरी, दि. २७ (जिमाका) : विद्यार्थ्यांना सुरक्षित, दर्जेदार आणि गुणवत्तापूर्ण शिक्षणासाठी आवश्यक असलेल्या पायाभूत सुविधांची प्रत्यक्ष स्थिती जाणून घेण्यासाठी सिंधुदुर्ग जिल्ह्यातील सर्व शाळांचे सर्वंकष मूल्यमापन सुरू करण्यात आले आहे. पालकमंत्री नितेश राणे यांच्या निर्देशानुसार जिल्ह्यातील सुमारे १,३२३ शाळांची प्रत्यक्ष पाहणी करून वस्तुस्थितीदर्शक अहवाल तयार करण्यात येत आहे. याबाबत जिल्हा परिषद अध्यक्ष प्रमोद कामत आणि मुख्य कार्यकारी अधिकारी रवींद्र खेबुडकर यांनी आज पत्रकार परिषदेत माहिती दिली. यावेळी जिल्हा परिषद शिक्षण व आरोग्य सभापतीपदी प्रितेश राऊळ उपस्थित होते. शाळांच्या सर्वंकष मूल्यमापनासाठी शाळा भेट तपासणी सूची तालुकास्तरावर पाठविण्यात आली असून, त्यानुसार प्रत्यक्ष क्षेत्रीय पाहणी सुरू झाली आहे. जिल्हा परिषद पदाधिकारी तसेच संबंधित अधिकारी शाळांना भेटी देऊन उपलब्ध पायाभूत सुविधा, विद्यार्थ्यांच्या सुरक्षिततेच्या दृष्टीने आवश्यक बाबी आणि शाळांच्या स्थानिक गरजा यांची तपासणी करीत आहेत. या पाहणीमध्ये शाळेची इमारत व तिची स्थिती, मुलांसाठी व मुलींसाठी स्वतंत्र स्वच्छता...

सिंधुदुर्गनगरी, दि. २७ (जिमाका) : महाराष्ट्र शासनाने गणेशोत्सव हा ‘राज्य महोत्सव’ म्हणून साजरा करण्याचा निर्णय घेतला असून, पर्यटन व सांस्कृतिक कार्य विभागाच्या वतीने राज्य महोत्सवांतर्गत ‘उत्कृष्ट सार्वजनिक गणेशोत्सव मंडळ स्पर्धा २०२६’ आयोजित करण्यात आली आहे. या स्पर्धेची व्याप्ती तालुका, जिल्हा, राज्य यासोबतच राष्ट्रीय आणि आंतरराष्ट्रीय स्तरापर्यंत वाढविण्यात आली आहे. जिल्ह्यातील अधिकाधिक सार्वजनिक गणेशोत्सव मंडळांनी या स्पर्धेत सहभागी व्हावे, असे आवाहन जिल्हा प्रशासनाकडून करण्यात आले आहे. स्पर्धेसाठी इच्छुक व पात्र मंडळांनी पु. ल. देशपांडे महाराष्ट्र कला अकादमीच्या ganeshotsav.pldmka.co.in या ऑनलाइन पोर्टलवर दि. ७ सप्टेंबर २०२६ पर्यंत अर्ज सादर करावा. ही स्पर्धा विनामूल्य असून, केवळ संबंधित यंत्रणेकडे नोंदणीकृत संस्था अथवा परवानाधारक सार्वजनिक गणेशोत्सव मंडळांनाच सहभागी होता येणार आहे. स्पर्धेचे समन्वयक म्हणून पु. ल. देशपांडे महाराष्ट्र कला अकादमी कार्यरत राहणार आहे. स्पर्धेत तालुकास्तरावर प्रथम क्रमांकासाठी २५ हजार रुपये, जिल्हास्तरावर प्रथम, द्वितीय व तृतीय क्रमांकासाठी अनुक्र...

सिंधुदुर्गनगरी, दि. 27 (जिमाका) : महाराष्ट्र राज्य विधी सेवा प्राधिकरण, मुंबई यांच्या निर्देशानुसार आणि प्रमुख जिल्हा व सत्र न्यायाधीश तथा जिल्हा विधी सेवा प्राधिकरणाचे अध्यक्ष डॉ. सुधीर देशपांडे यांच्या मार्गदर्शनाखाली जिल्हा विधी सेवा प्राधिकरण, सिंधुदुर्ग यांच्या वतीने जिल्हा पोलीस अधीक्षक कार्यालय, सिंधुदुर्ग येथे सर्वोच्च न्यायालयाच्या Judgement of Hon'ble Supreme Court in ‘Suhas Chakma Vs. Union of India’ या निवाड्यावर चर्चा सत्र आयोजित करण्यात आले. या चर्चा सत्रास प्रमुख जिल्हा व सत्र न्यायाधीश तथा जिल्हा विधी सेवा प्राधिकरणाचे अध्यक्ष डॉ. सुधीर देशपांडे, जिल्हा विधी सेवा प्राधिकरणाचे सचिव आर. व्ही. नडगदल्ली, जिल्हा पोलीस अधीक्षक मोहन दहिकर तसेच अतिरिक्त पोलीस अधीक्षक नयोमी साटम यांची प्रमुख उपस्थिती होती. यावेळी डॉ. सुधीर देशपांडे यांनी सर्वोच्च न्यायालयाच्या Judgement of Hon'ble Supreme Court in Suhas Chakma Vs. Union of India या निवाड्याच्या अनुषंगाने मार्गदर्शन केले. कैदी असला तरी त्याचा मानवी प्रतिष्ठेने जगण्याचा घटनात्मक अधिकार संपुष्टात येत नाही, हा महत्त्वपूर...

सिंधुदुर्गनगरी, दि. 27 (जिमाका) : ध्वनीप्रदूषण (नियमन व नियंत्रण) नियम, 2000 तसेच पर्यावरण विभागाच्या शासन निर्णयानुसार सिंधुदुर्ग जिल्ह्यात सन 2026 मध्ये सकाळी 6 ते रात्री 12 वाजेपर्यंत ध्वनीक्षेपक वापरण्याच्या निर्बंधातून सवलत देण्याबाबत जिल्हादंडाधिकारी तृप्ती धोडमिसे यांनी यापूर्वी दिनांक 14 फेब्रुवारी 2026 रोजी आदेश जाहीर केले आहेत. यानुसार सप्टेंबर महिन्यात दि. 5 सप्टेंबर 2026 रोजी गोपाळकाला/दहीहंडी, दि. 18 सप्टेंबर 2026 रोजी गणेश उत्सव (पाचवा दिवस), दि. 20 सप्टेंबर 2026 गणेश उत्सव (सातवा दिवस), दि. 25 सप्टेंबर 2026 अनंत चतुर्दशी या दिवशी सकाळी 6 ते रात्री 12 वाजेपर्यंत ध्वनीक्षेपक वापरण्याच्या निर्बंधातून सवलत देण्यात आली आहे. ध्वनीक्षेपकाचा वापर करताना निर्धारित ध्वनीमर्यादांचे पालन करणे बंधनकारक असून, उच्च न्यायालयाच्या आदेशांचे किंवा ध्वनीप्रदूषणासंदर्भातील नियमांचे उल्लंघन होणार नाही, याची संबंधितांनी दक्षता घ्यावी असे आवाहन प्रशासनाकडून करण्यात येत आहे. 000000

सिंधुदुर्ग, दि. २५ : महान हॉकीपटू मेजर ध्यानचंद यांची जयंती आणि भारताचा समृद्ध क्रीडा वारसा साजरा करण्यासाठी दरवर्षी २९ ऑगस्ट रोजी राष्ट्रीय क्रीडा दिन साजरा करण्यात येतो. यंदाच्या राष्ट्रीय क्रीडा दिनाची संकल्पना ‘खेलेगा भारत, जितेगा भारत’ असून, ‘आदर, खेळ आणि हालचाल’ (Tribute, Play and Move) या तीन प्रमुख स्तंभांवर आधारित विविध उपक्रमांचे आयोजन दि. २८ ते ३० ऑगस्ट २०२६ या कालावधीत करण्यात येणार असल्याचे जिल्हा क्रीडा अधिकारी मार्क धरमाई यांनी कळविले आहे. जिल्ह्यातील शासकीय व निमशासकीय कार्यालये, मंडळे, प्राधिकरणे, शाळा, महाविद्यालये, मान्यताप्राप्त क्रीडा संघटना, फेडरेशन, क्रीडा अकॅडमी, ज्येष्ठ नागरिक संघ, युवक मंडळे तसेच स्वयंसेवी संस्थांच्या सहभागातून विविध क्रीडा उपक्रम राबविण्यात येणार आहेत. युवा पिढीला तंदुरुस्त बनविणे तसेच ग्रामीण भागातील क्रीडा कौशल्यांना राष्ट्रीय पातळीवर व्यासपीठ उपलब्ध करून देणे, हा या उपक्रमांचा मुख्य उद्देश आहे. राष्ट्रीय क्रीडा दिनानिमित्त दि. २८ ऑगस्ट रोजी ‘Digital Tributes’, ‘२९ Challenge’, ‘Pass the Ball’ आणि ‘Spor...

सिंधुदुर्ग (जिमाका), दि. २५ : महाराष्ट्रातील मराठा, कुणबी, मराठा-कुणबी व कुणबी-मराठा या लक्षित गटातील शेतकरी, युवक-युवती तसेच शेतकरी उत्पादक कंपन्यांसाठी विविध प्रशिक्षण उपक्रमांचे आयोजन छत्रपती शाहू महाराज संशोधन, प्रशिक्षण व मानव विकास संस्था (सारथी), पुणे करण्यात आले आहेत. पात्र उमेदवारांनी या प्रशिक्षणांचा लाभ घ्यावा, असे आवाहन सारथी उपकेंद्र, कोल्हापूरचे सह व्यवस्थापकीय संचालक तथा अपर जिल्हाधिकारी अजय पवार यांनी केले आहे करण्यात आले आहे. या प्रशिक्षणांमध्ये ड्रोन पायलट प्रशिक्षण, मधुमक्षिकापालन प्रशिक्षण, कृत्रिम रेतन व मुरघास निर्मिती प्रशिक्षण, कृषी विज्ञान केंद्राद्वारे अल्प मुदतीचे कृषी तंत्रज्ञान प्रशिक्षण तसेच शेतकरी उत्पादक कंपन्यांसाठी क्षमता बांधणी प्रशिक्षणाचा समावेश आहे. अर्जाच्या अंतिम मुदती पुढीलप्रमाणे : शेतकरी उत्पादक कंपनी क्षमता बांधणी प्रशिक्षण : ऑनलाइन अर्ज करण्याची अंतिम तारीख ३० सप्टेंबर २०२६ असून, आवश्यक कागदपत्रांच्या हार्ड कॉपी महाराष्ट्र सहकार विकास महामंडळ, पुणे कार्यालयास पाठविण्याची अंतिम तारीख १० ऑक्टोबर २०२६ आहे...

सिंधुदुर्ग (जिमाका), दि. २५ : राज्यातील शासकीय व अनुदानित आश्रमशाळा तसेच एकलव्य मॉडेल निवासी शाळांमधील अनुसूचित जमातीच्या विद्यार्थ्यांमधील अॅनिमिया (रक्तक्षय) समस्या दूर करण्यासाठी आदिवासी विकास विभागामार्फत ‘अॅनिमिया निवारण कार्यक्रम’ युद्धपातळीवर राबविण्यात येत आहे. या मोहिमेंतर्गत अवघ्या दीड महिन्यात राज्यातील २०४ शाळांमधील ७९ हजार ६२४ विद्यार्थ्यांची हिमोग्लोबिन (एचबी) तपासणी पूर्ण करण्यात आली आहे. या तपासणीमध्ये १४९ शासकीय आश्रमशाळांमधील ५५ हजार ८६८, ४८ अनुदानित आश्रमशाळांमधील २२ हजार ४२० तसेच ६ एकलव्य मॉडेल निवासी शाळांमधील १ हजार ३३६ विद्यार्थ्यांचा समावेश आहे. तपासणी झालेल्या विद्यार्थ्यांमध्ये ३७ हजार ९१९ विद्यार्थी आणि ४१ हजार ७०५ विद्यार्थिनी आहेत. अॅनिमियामुक्तीसाठी आदिवासी विकास विभागाने ‘सिटिझन्स असोसिएशन फॉर चाईल्ड राईट्स’ (सीएसीआर) या संस्थेसोबत सामंजस्य करार केला आहे. या करारांतर्गत आश्रमशाळांमधील विद्यार्थ्यांची हिमोग्लोबिन पातळी तपासण्यात येत आहे. नाशिक विभागात सर्वाधिक ४१,४६९ विद्यार्थ्यांची तपासणी नाशिक विभागातील १०४ ...

पुणे/सिंधुदुर्गनगरी, दि. २५: विशेष सखोल पुनरीक्षणाच्या पहिल्या टप्प्यातील हाऊस-टू-हाऊस सर्व्हेचे काम मुदतवाढीसह निर्धारित कालावधीत पूर्ण केल्याबद्दल जिल्हाधिकारी आणि त्यांच्या पथकाचे कौतुक करत, एसआयआरच्या पुढील टप्प्यातील प्रारुप मतदार यादी, हरकती-सुनावणी व पुढील कार्यवाहीसाठी नियोजन करा असे निर्देश मुख्य निवडणूक अधिकारी एस. चोक्कलिंगम यांनी दिले. पुणे येथे एसआयआरच्या कामाचा आढावा घेण्यासाठी विभागीय आयुक्त कार्यालयात आयोजित बैठकीत ते बोलत होते. यावेळी पुणे विभागीय आयुक्त शीतल तेली-उगले उपस्थित होत्या. बैठकीस सिंधुदुर्ग जिल्हाधिकारी श्रीमती तृप्ती धोडमिसे यांच्यासह विभागातील सर्व जिल्हाधिकारी आणि उपजिल्हा निवडणूक अधिकारी, निवडणूक नोंदणी अधिकारी, सहाय्यक निवडणूक नोंदणी अधिकारी तसेच उपजिल्हा निवडणूक अधिकारी, निवडणूक नोंदणी अधिकारी, सहाय्यक निवडणूक नोंदणी अधिकारी तसेच संबंधित अधिकारी उपस्थित होते. मुख्य निवडणूक अधिकारी चोक्कलिंगम म्हणाले, एसआयआरच्या पहिल्या टप्प्यातील काम आव्हानात्मक होते. भौगोलिक, सामाजिक आणि प्रशासकीय परिस्थितीनुसार विविध अडचणी...

सिंधुदुर्ग (जिमाका), दि. २५ : पुण्यश्लोक अहिल्यादेवी होळकर शेतकरी कर्जमुक्ती योजना २०२६ अंतर्गत सिंधुदुर्ग जिल्ह्यातील पात्र शेतकऱ्यांना कर्जमाफीचा लाभ वितरीत करण्यात येत आहे. योजनेच्या दुसऱ्या टप्प्यात दि. २४ ऑगस्ट २०२६ रोजी जिल्ह्यातील ९२९ शेतकऱ्यांच्या कर्जखात्यांमध्ये शासनाकडून एकूण ५ कोटी ५० लाख ७१ हजार १२८ रुपये इतकी रक्कम वितरीत करण्यात आली आहे. दुसऱ्या टप्प्यात सिंधुदुर्ग जिल्हा मध्यवर्ती सहकारी बँक व विविध कार्यकारी सहकारी सेवा संस्थांमधील ६२६ शेतकऱ्यांच्या कर्जखात्यांमध्ये २ कोटी ६५ लाख ६९ हजार ७०५ रुपये, तर राष्ट्रीयकृत व ग्रामीण बँकांमधील ३०३ शेतकऱ्यांच्या कर्जखात्यांमध्ये २ कोटी ८५ लाख १ हजार ४२३ रुपये वितरीत करण्यात आले आहेत. यापूर्वी दि. ७ ऑगस्ट २०२६ रोजी योजनेअंतर्गत सिंधुदुर्ग जिल्हा मध्यवर्ती सहकारी बँक व विविध कार्यकारी सहकारी सेवा संस्थांमधील १,२४१ शेतकऱ्यांच्या कर्जखात्यांमध्ये ५ कोटी ६ लाख ८६ हजार २०८ रुपये, तर राष्ट्रीयकृत व ग्रामीण बँकांमधील ३२८ शेतकऱ्यांच्या कर्जखात्यांमध्ये २ कोटी ७१ लाख १२ हजार ४३६ रुपये, अशी एकूण १,५...

सिंधुदुर्गनगरी, दि. २१(जिमाका) : ‘माती वाचवा, पाणी जपा, सुरक्षित भविष्य घडवा’ हा मृद व जलसंधारणाचा संदेश जनमानसात पोहोचविण्यासाठी जलसंधारण दिनानिमित्त सिंधुदुर्गनगरी येथे आयोजित करण्यात आलेल्या ‘महा वॉकेथॉन–वॉक फॉर वॉटर’ला नागरिकांचा उत्स्फूर्त प्रतिसाद मिळाला. जिल्ह्यातील नागरिक, युवक, विद्यार्थी, महिला, शासकीय अधिकारी-कर्मचारी, स्वयंसेवी संस्था, सामाजिक संघटना तसेच विविध क्षेत्रातील मान्यवर मोठ्या संख्येने सहभागी झाले. सकाळी ६ वाजता सिंधुदुर्गनगरी येथील पोलीस परेड ग्राऊंडवर महा वॉकेथॉनची सुरुवात झाली. यावेळी सहभागींसाठी वॉर्मअप घेण्यात आला. त्यानंतर छत्रपती शिवाजी महाराजांना पुष्प अर्पण करून कार्यक्रमाची सुरुवात करण्यात आली. जिल्हा परिषद अध्यक्ष प्रमोद कामत, जिल्हाधिकारी तृप्ती धोडमिसे, मुख्य कार्यकारी अधिकारी रवींद्र खेबुडकर, जिल्हा पोलीस अधीक्षक डॉ. मोहन दहिकर, उपवनसंरक्षक मिलिश शर्मा, अतिरिक्त जिल्हाधिकारी शुभांगी साठे, उपाध्यक्ष तुकाराम साईल, जिल्हा परिषद सदस्य ओरोस सुप्रिया वालावलकर, जिल्हा परिषद सदस्य दीपलक्ष्मी पडते, कार्यकारी अभियंता जलसंधारण संतोष शिरोडकर यांच्यासह मान्यव...

सिंधुदुर्गनगरी, दि. 20 (जिमाका) : विशेष सखोल पुनरिक्षणात सर्वेक्षण प्रक्रियेनंतर प्राप्त दावे व हरकतींवर सुनावणी आणि ते निकाली काढण्याची प्रक्रिया 24 ऑगस्ट ते 22 ऑक्टोबर 2026 या कालावधीत पार पडणार आहे. यादरम्यान नागरिक व मतदारांना कोणत्याही प्रकारे अडचणी निर्माण होणार नाहीत, याची काळजी घेत सर्व सुनावणी प्रक्रिया सुलभपणे राबवावी, अशा सूचना भारत निवडणूक आयोगाचे प्रधान सचिव एस. बी. जोशी आणि अजोय कुमार यांनी दिल्या. त्यांनी विशेष सखोल पुनरिक्षण (SIR) च्या अनुषंगाने जिल्हाधिकारी कार्यालयातील सुरंगी सभागृहात आढावा घेतला. यावेळी जिल्हाधिकारी तृप्ती धोडमिसे, उपजिल्हाधिकारी (निवडणूक) बालाजी शेवाळे, मतदार नोंदणी अधिकारी, कणकवली जगदिश कातकर, मतदार नोंदणी अधिकारी, कुडाळ ऐश्वर्या काळुसे, मतदार नोंदणी अधिकारी, सावंतवाडी वीरसिंग वसावे यांच्यासह सर्व सहाय्यक मतदार नोंदणी अधिकारी व अतिरिक्त सहाय्यक मतदार नोंदणी अधिकारी उपस्थित होते. मतदार यादीचा प्रारूप मसुदा 24 ऑगस्ट 2026 रोजी प्रसिद्ध केला जाणार आहे. त्यानंतर 24 ऑगस्ट ते 23 सप्टेंबर 2026 या कालावधीत दावे व हरकती स्वीकारण्यात येतील. प्राप्त दावे व...

सिंधुदुर्गनगरी, दि. 19 (जिमाका) : उच्च न्यायालय, मुंबई यांचेकडील जनहित याचिका क्र. १९८/२०१४ सह १७९/२०१२ मध्ये दि. ५ डिसेंबर २०१८ व दि. २२ मार्च २०२४ रोजी दिलेल्या आदेशान्वये पर्यावरण, वने व हवामान बदल मंत्रालय, नवी दिल्ली यांनी दि. २४ फेब्रुवारी २०२६ रोजी पर्यावरणीय संवेदनशील क्षेत्राबाबत (ESA) अधिसूचना प्रसिद्ध केली आहे. या प्रस्तावित अधिसूचनेमध्ये सिंधुदुर्ग जिल्ह्यातील सावंतवाडी व दोडामार्ग तालुक्यातील एकूण २५ गावांचा पर्यावरणीय संवेदनशील क्षेत्रामध्ये (Eco-Sensitive Area) समावेश करण्यात आला आहे. सावंतवाडी तालुक्यातील असनिये, पडवे-माजगाव, भालावळ, तांबोळे, सरमळे (नेवलीसह), दाभिळ, ओटवणे, कोनास, धारपी, उडेली, केसरी व फणसवडे तसेच दोडामार्ग तालुक्यातील कुंभ्रल, पंतुर्ली, तळकट, झोळंबे, कोलझार, शिरवळ, उघाडे, कळणे, भिकेकोनाळ, कुंभवडे, खडपडे, भेकुर्ली व फुकेरी या गावांचा यामध्ये समावेश आहे. उच्च न्यायालयाच्या आदेशानुसार वृक्षतोड व पर्यावरणीय ऱ्हास रोखण्यासाठी सावंतवाडी-दोडामार्ग टास्क फोर्स स्थापन करण्यात आली आहे. या टास्क फोर्सचे अध्यक्ष उपविभागीय अधिकारी, सावंतवाडी असून सदस्य सचिव सहा...

• स्थानिकांना रोजगार, युवकांसाठी कौशल्य विकासाला प्राधान्य • मुख्यमंत्री यांच्या उपस्थितीत महाराष्ट्र पर्यटन विकास महामंडळ, मे. इंडियन हॉटेल्स प्रा. लि. आणि शिरोडा-वेळागर जमीन मालक को-ऑपरेटिव्ह सोसायटी लिमिटेड यांच्यात सामंजस्य करार मुंबई, दि. १८ : सिंधुदुर्ग जिल्ह्यातील शिरोडा-वेळागर येथे पर्यटन विकासाला चालना देण्यासाठी महाराष्ट्र पर्यटन विकास महामंडळ, मे. इंडियन हॉटेल्स प्रा. लि. (ताज ग्रुप) आणि शिरोडा-वेळागर जमीन मालक को-ऑपरेटिव्ह सोसायटी लिमिटेड यांच्यात आज सामंजस्य करार करण्यात आला. मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, पर्यटनमंत्री शंभुराज देसाई आणि मत्स्यव्यवसाय विकास मंत्री नितेश राणे, पर्यटन राज्यमंत्री इंद्रनील नाईक यांच्या उपस्थित मंत्रालयातील कॅबिनेट हॉलमध्ये हा करार झाला. यावेळी मंत्रीमंडळातील सदस्य उपस्थितीत होते.मुख्य सचिव राजेश अग्रवाल, पर्यटन विभागाचे अपर मुख्य सचिव संजय खंडारे, महाराष्ट्र पर्यटन विकास महामंडळाचे व्यवस्थापकीय संचालक नीलेश गटणे, सिंधुदुर्ग च्या जिल्हाधिकारी तृप्ती धोडमिसे, एमटिडीसीचे वरिष्ठ व्यवस्था...

सिंधुदुर्गनगरी, दि. 18 : सध्या सिंधुदुर्ग जिल्ह्यात मान्सून कालावधी सुरू असून जिल्ह्यातील सर्व नद्या, तलाव व ओहोळ तुडुंब भरलेले आहेत. धरणांची पाणीपातळी वाढलेली असल्याने धरणांमधून पाण्याचा विसर्ग करण्यात येत आहे. त्यामुळे संबंधित नद्यांच्या पाणीपातळीत तसेच प्रवाहाच्या वेगात वाढ होत आहे. मान्सून कालावधी असल्याने समुद्रही खवळलेला आहे. या पार्श्वभूमीवर नागरिकांनी विशेष दक्षता बाळगणे आवश्यक आहे. मान्सून कालावधीच्या अनुषंगाने आपत्तीजन्य परिस्थिती निर्माण झाल्यास त्यास तातडीने प्रतिसाद देता यावा, यासाठी जिल्हा, तालुका व ग्राम प्रशासनाच्या वतीने मान्सूनपूर्व आढावा बैठका घेण्यात आलेल्या आहेत. शोध व बचाव साहित्य सुस्थितीत ठेवण्यात आलेले आहे. जिल्हा, तालुका तसेच विविध प्रशासकीय विभागांचे आपत्ती व्यवस्थापन आराखडे तयार करण्यात आलेले आहेत. जिल्ह्यातील ४३३ ग्रामपंचायतींचे ग्राम आपत्ती व्यवस्थापन आराखडे अद्ययावत करण्यात आले असून, ग्रामपंचायतींनी शोध व बचाव साहित्य उपलब्ध करून ठेवले आहे. जिल्ह्यातील ११० दरडप्रवण गावांमधील प्रशासकीय यंत्रणांना दरड जाणीवजागृती प्रशिक्षण जिल्हा आपत्ती व्यवस्थापन प्राध...

सिंधुदुर्गनगरी, दि. 18 (जिमाका): रक्षाबंधनाच्या सणानिमित्त भाऊ-बहिणीच्या प्रेमाचा धागा वेळेत आणि सुरक्षितपणे पोहोचविण्यासाठी सिंधुदुर्ग डाक विभागाने विशेष तयारी केली आहे. जिल्ह्यातील सर्व डाक कार्यालयांमध्ये जलरोधक राखी लिफाफे तसेच स्पीड पोस्टची जलद व सुरक्षित सेवा उपलब्ध करून देण्यात आली आहे. ग्रामीण तसेच दुर्गम भागातील नागरिकांपर्यंत डाक सेवा प्रभावीपणे पोहोचविण्यासाठी डाक विभागामार्फत विशेष ग्राहक संपर्क, विक्री आणि जनजागृती मोहीम राबविण्यात येत आहे. राखी पाठविण्यासाठी विशेष जलरोधक राखी लिफाफे, स्पीड पोस्ट, पार्सल सेवा, देशांतर्गत तसेच आंतरराष्ट्रीय राखी पाठविण्याची सुविधा उपलब्ध आहे. तसेच बुक केलेल्या स्पीड पोस्टची ट्रॅकिंग सुविधा आणि घरपोच संकलनाची सोयही उपलब्ध असून, पोस्टमनमार्फत ग्राहकांच्या दारी जाऊन पार्सल संकलित करण्याची सुविधा देण्यात आली आहे. ‘डाक सेवा-जनसेवा’ या भावनेतून सिंधुदुर्ग डाक विभाग प्रेम, विश्वास आणि आपुलकीचा हा धागा जलद, सुरक्षित आणि विश्वासार्हपणे पोहोचविण्यासाठी कटिबद्ध आहे. नागरिकांनी राखी पाठविण्यासाठी शेवटच्या दिवसाची वाट न पाहता आपल्या भावंडांपर्यंत प...

सिंधुदुर्गनगरी, दि.18 : भारत सरकारच्या सामाजिक न्याय व अधिकारिता मंत्रालयाच्या निर्देशानुसार, 'नशा मुक्त भारत अभियाना'च्या ६व्या वर्धापनदिनानिमित्त जिल्हाधिकारी कार्यालय, सिंधुदुर्ग येथील मायनाक भंडारी सभागृहात 'National Pledge Against Drug Abuse' (अंमली पदार्थ विरोधी राष्ट्रीय प्रतिज्ञा) कार्यक्रमाचे आयोजन करण्यात आले. जिल्हाधिकारी कार्यालय आणि सहायक आयुक्त, समाज कल्याण विभाग, सिंधुदुर्ग यांच्या संयुक्त विद्यमाने हा कार्यक्रम आयोजित करण्यात आला होता. उपजिल्हाधिकारी प्रतिभा वराळे यांनी उपस्थितांना नशामुक्तीची शपथ दिली तसेच यासंदर्भात मार्गदर्शन केले. यावेळी शासनाच्या http://nashamukt.dosje.gov.in/ पोर्टलवर ई-शपथ घेण्याबाबत तसेच नशामुक्त मित्र म्हणून नोंदणी करण्याबाबत उपस्थितांना माहिती देण्यात आली. यावेळी मार्गदर्शन करताना उपजिल्हाधिकारी वराळे म्हणाल्या की, जागतिक स्तरावर अमली पदार्थांचा वाढता वापर देशातही पोहोचला असून युवा पिढीला या नशेने विळखा घातला आहे. भावी पिढीचे भविष्य वाचविण्यासाठी सर्वांनी योगदान देण्याची गरज आहे. महाविद्यालयीन तसेच शालेय स्तरावर सर्व शासकीय...

पाऊस पडतो तेव्हा आपण आनंदतो; पण तोच पाऊस वाहून जातो तेव्हा त्याच्याकडे दुर्लक्ष करतो. आकाशातून पडणारा प्रत्येक थेंब जमिनीवर थांबविणे, तो जमिनीत मुरविणे, भूजलपातळी वाढविणे आणि उपलब्ध पाण्याचा काटकसरीने वापर करणे, हीच आजच्या महाराष्ट्राची सर्वात मोठी गरज आहे. म्हणूनच यंदा २१ ऑगस्ट रोजी साजरा होणारा जलसंधारण दिन हा केवळ शासकीय कार्यक्रम न राहता लोकसहभागाची नवी सुरुवात ठरली पाहिजे. महाराष्ट्र शासनाने माजी मुख्यमंत्री स्व. सुधाकरराव नाईक यांच्या जन्मदिनी, म्हणजेच २१ ऑगस्टला दरवर्षी ‘जलसंधारण दिन’ साजरा करण्याचा निर्णय घेतला आहे. या निर्णयामागे जलसंधारण क्षेत्रातील सुधाकरराव नाईक यांच्या योगदानाचे स्मरण आणि जलसंधारणाची लोकचळवळ अधिक व्यापक करण्याचा उद्देश आहे. या दिवशी जलपूजन, विविध जलसंधारण कामांचे भूमिपूजन व लोकार्पण, श्रमदान, जनजागृती, उत्कृष्ट अधिकारी-कर्मचाऱ्यांचा गौरव आदी उपक्रम राबविण्याचे निर्देश देण्यात आले आहेत.याच पार्श्वभूमीवर राज्यात जलसंधारण दिनाच्या निमित्ताने आठवडाभर विविध कार्यक्रम आयोजित करण्यात आले आहेत. स्वातंत्र्यदिनाच्या ध्वजारोहण कार्...

सहभागींना टिशर्ट, टोपी, ईप्रमाणपत्र मिळणार जलसंधारण दिनानिमित्त २१ ऑगस्ट रोजी सिंधुदुर्गनगरीत आयोजन; जिल्हाधिकारी तृप्ती धोडमिसे यांचे आवाहन सिंधुदुर्गनगरी, दि. १७ (जिमाका) : ‘माती वाचवा, पाणी जपा, सुरक्षित भविष्य घडवा’ हा संदेश जनमानसात पोहोचविण्यासाठी २१ ऑगस्ट २०२६ रोजी जलसंधारण दिनानिमित्त सिंधुदुर्गनगरी येथे ‘महा वॉकेथॉन–वॉक फॉर वॉटर’ आयोजित करण्यात येणार आहे. मृद व जलसंधारणाला लोकचळवळीचे स्वरूप देण्याच्या उद्देशाने आयोजित या उपक्रमात जिल्ह्यातील नागरिक, युवक, विद्यार्थी, महिला, शासकीय अधिकारी-कर्मचारी, स्वयंसेवी संस्था, सामाजिक संघटना तसेच विविध क्षेत्रातील मान्यवरांनी उत्स्फूर्तपणे सहभागी व्हावे, असे आवाहन जिल्हाधिकारी तृप्ती धोडमिसे यांनी केले आहे. सिंधुदुर्गनगरी येथील पोलीस परेड ग्राऊंडपासून या वॉकेथॉनला सुरुवात होणार असून, डॉन बॉस्को सर्कल, जिल्हा परिषद मुख्य गेट, जिल्हा रुग्णालय, सिंधुदुर्गनगरी नर्सिंग कॉलेज मार्गे पुन्हा पोलीस परेड ग्राऊंड येथे वॉकेथॉनची सांगता होणार आहे. या उपक्रमात कमाल ३ किलोमीटर अंतराचे चालणे आणि मृद व जलसंधारणाची शपथ घेण्यात येणार आहे. १५ वर्षे व त्...

मृद व जलसंवर्धनासाठी ‘रील फॉर सॉईल अँड वॉटर कन्झर्वेशन’ स्पर्धेत सिंधुदुर्गातील युवकांनी सहभागी व्हावे सिंधुदुर्गनगरी, दि. १७ (जिमाका) : माती आणि पाण्याच्या संवर्धनावर भन्नाट रील बनवा आणि जिल्हास्तरावर २५ हजार रुपयांचे प्रथम पारितोषिक जिंका! मृद व जलसंधारण विभागाच्या वतीने १५ ते २१ ऑगस्ट २०२६ या जलसंधारण सप्ताहादरम्यान राज्यातील सर्व जिल्ह्यांत ‘रील फॉर सॉईल अँड वॉटर कन्झर्वेशन’ स्पर्धेचे आयोजन करण्यात आले आहे. महाराष्ट्रातील १५ ते ३० वयोगटातील युवक-युवतींच्या कल्पकतेच्या माध्यमातून Instagram च्या माध्यमातून मृद व जलसंधारणाबाबत व्यापक जनजागृती करण्याच्या उद्देशाने ही स्पर्धा आयोजित करण्यात आली असून, सिंधुदुर्ग जिल्ह्यातील युवकांनी उत्स्फूर्तपणे सहभागी व्हावे, असे आवाहन जिल्हा प्रशासनातर्फे करण्यात आले आहे. स्पर्धेसाठी सहभागी युवकांनी ३० ते ६० सेकंदांची Instagram Reel तयार करून ती स्वतःच्या Public Instagram Account वर पोस्ट करावी. रीलच्या सुरुवातीला रीलचा उद्देश, सहभागीचे संपूर्ण नाव आणि जिल्ह्याचे नाव नमूद करणे आवश्यक असून, मृद व जलसंधारण विभागाच्या अधिकृत Instagram Account ला Tag कर...

सिंधुदुर्गनगरी, दि. 14 (जिमाका): दरवर्षी 15 ऑगस्ट या राष्ट्रीय दिनी तसेच इतर महत्वाच्या कार्यक्रमांच्या व क्रीडा आयोजनांच्या दिवशी लहान आकारातील कागदी व प्लॅस्टीकच्या राष्ट्रध्वजांची विक्री होते. असे राष्ट्रध्वज विकत घेऊन दुसऱ्या दिवशी इतरत्र टाकले जातात, त्यामुळे राष्ट्रध्वजाचा अवमान होतो. यामुळे कागदी व प्लॅस्टिकचे राष्ट्रध्वज वापरु नयेत, असे आवाहन जिल्हा प्रशासनामार्फत करण्यात आले आहे. 15 ऑगस्ट 2026 रोजी व त्यानंतर कागदी व प्लॅस्टीकचे राष्ट्रध्वज वापरु नयेत. राष्ट्रध्वज इतरत्र टाकू नयेत. राष्ट्रध्वजाचा सन्मान करावा. तसेच सर्व नागरिक, सामाजिक संस्था, अशासकीय संस्था यासंदर्भात नेमण्यात आलेल्या शासकीय समित्या यांनीही इतरत्र पडलेले, खराब झालेले व फाटलेले राष्ट्रध्वज संकलित करावेत. तसेच कोणत्याही संस्थेने किंवा व्यक्तीने स्वतःहून गोळा केलेले राष्ट्रध्वज शासकीय समित्यांकडे द्यावेत. या समित्यांनी ते स्वीकारुन खराब व फाटलेल्या राष्ट्रध्वजांची विल्हेवाट ध्वजसंहितेतील तरतुदीनुसार करावी. 00000

उपक्रमांमध्ये मोठ्या संख्येने सहभागी होण्याचे आवाहन सिंधुदुर्गनगरी, दि. 13 (जिमाका) : शाश्वत विकासासाठी मृद व जलसंधारणाचे महत्त्व अधोरेखित करण्यासाठी जिल्ह्यात 15 ते 21 ऑगस्ट 2026 दरम्यान ‘जलसंधारण सप्ताह’ राबविण्यात येणार आहे. जलसंवर्धनाला लोकचळवळीचे स्वरूप देण्यासाठी 21 ऑगस्ट रोजी जिल्ह्यात ‘महा वॉकेथॉन–वॉक फॉर वॉटर’ चे पोलीस परेड ग्राऊड येथून आयोजन करण्यात येणार आहे. या उपक्रमांतर्गत जास्तीत जास्त 3 किलोमीटर अंतराचे चालणे आणि मृद व जलसंधारणाची शपथ घेण्यात येणार आहे. या उपक्रमात वय 15 वर्षे व त्यावरील महिला व पुरुष सहभागी होऊ शकतात. महा वॉकेथॉनसाठी QR आधारित ऑनलाइन नोंदणीची व्यवस्था करण्यात आली असून सहभागी प्रत्येक व्यक्तीस ई-प्रमाणपत्र देण्यात येणार आहे. सिंधुदुर्ग जिल्ह्यातील नागरिक, विद्यार्थी, युवक, शासकीय अधिकारी-कर्मचारी, स्वयंसेवी संस्था आणि विविध सामाजिक संस्थांनी या उपक्रमांमध्ये मोठ्या संख्येने सहभागी होऊन जलसंवर्धनाची लोकचळवळ बळकट करावी असे आवाहन जिल्हा प्रशासनतर्फे करण्यात आले आहे. महा वॉकेथॉन व जलसंधारण अभियानाच्या माध्यमातून ‘माती वाचवा, पाणी जपा, सुरक्षित भविष्य ...

• २१ ऑगस्ट जलसंधारण दिनी राज्यभर आयोजन शाश्वत विकासासाठी मृदसंधारण व जलसंधारणाबाबत २१ ऑगस्ट २०२६ रोजी राज्यातील सर्व जिल्ह्यात "महा वॉकेथॉन-वॉक फॉर वॉटर" (Maha Walkathon-Walk for Water) या उपक्रमाचे असून मृद व जलसंधारण विभागाच्यावतीने आयोजन करण्यात आले आहे. या उपक्रमाची थीम सेव सॉईल, सेव वॉटर, सेक्युअर टूमारो ( Save Soil, Save Water, Secure Tomorrow) अशी असून पाणी अडवा, पाणी जिरवा, जलयुक्त महाराष्ट्र घडवा हे घोषवाक्य आहे. राज्यातील सर्व जिल्ह्यात २१ ऑगस्ट रोजी कमाल ३ किलोमीटर (महा वॉकेथॉन) चालणे आणि मृद व जलसंधारणाची शपथ घेणे असे या कार्यक्रमाचे स्वरुप आहे. शाश्वत विकासासाठी मृदसंधारण व जलसंधारण हे आवश्यक असून त्याचे महत्त्व पटवून देण्याकरिता राज्यात १५ ते २१ ऑगस्ट, २०२६ दरम्यान ‘जलसंधारण सप्ताह’ आणि १५ ऑगस्ट, २०२६ ते २६ जानेवारी, २०२७ दरम्यान "जलसंधारण अभियान" आयोजित करण्यात येत आहे. तर २१ ऑगस्ट २०२६ रोजी राज्यातील सर्व जिल्ह्यात शाश्वत विकासासाठी मृदसंधारण व जलसंधारणाबाबत ‘महा वॉकेथॉन-वॉक फॉर वॉटर’ (Maha Walkathon-Walk for Water) या उपक्रमाचे आयोजन करुन जलसंवर्...

१२ ऑगस्ट: सिंधुदुर्ग जिल्ह्यातील शेतकऱ्यांना फार्मर आइडी, ॲग्रीस्टॅक तसेच महसूल नोंदीतील अडचणींमुळे कर्जमाफी व विविध शासकीय योजनांचा लाभ मिळण्यात येणाऱ्या अडचणींचा विषय पालकमंत्री नितेश राणे यांनी मंत्रालयस्तरावर उपस्थित केल्याने आता राज्यातील सर्वच अशा शेतकऱ्यांना मोठा दिलासा मिळणार आहे. या विषयाची दखल घेत महसूलमंत्री चंद्रशेखर बावनकुळे यांनी सातबारा उताऱ्यावर किंवा इतर अधिकार नोंदींमध्ये नाव नसलेल्या शेतकऱ्यांना अधिकृत रेकॉर्डवर आणण्याचे निर्देश दिले आहेत. या निर्णयामुळे राज्यातील तब्बल २ लाख ३१ हजार शेतकऱ्यांचा ॲग्रीस्टॅक मिळण्याचा मार्ग मोकळा होणार असून, त्यांना कर्जमाफीसह विविध शासकीय योजनांचा लाभ मिळणे सुलभ होणार आहे. मंत्रालयात महसूल मंत्र्यांच्या दालनात झालेल्या या बैठकीला मत्स्योद्योग मंत्री नितेश राणे, कृषीमंत्री दत्तात्रय भरणे, आमदार निलेश राणे आणि आमदार दीपक केसरकर, महसूल व सहकार व कृषी विभागाचे अधिकारी उपस्थित होते. पालकमंत्री नितेश राणे यांच्या पुढाकारातून सिंधुदुर्गचा प्रश्न राज्याच्या अजेंड्यावर सिंधुदुर्ग जिल्ह्यात कबुलायतदार, देवस्थान, अकारी पट्टे तसेच इतर स्वरू...