diosindhudurg

सिंधुदुर्गनगरी, दि.२७ (जि.मा.का): संत रोहिदास चर्मोद्योग व चर्मकार विकास महामंडळ मार्यादित यांच्यामार्फत अनुसुचित जातीतील चर्मकार समाजातील (चांभार, ढोर, होलार व मोची इ.) यांचा आर्थिक, शैक्षणिक व सामाजिक विकासासाठी राज्य शासनाच्या व केंद्र शासनाच्या (एन.एस.एफ.डी.सी, नवी दिल्ली) विविध योजना राबविल्या जातात. सन २०२४-२५ या आर्थिक वर्षाकरीता योजनांचा लाभ घेण्यासाठी अनुसूचित जातीतील चर्मकार समाजातील (चांभार, ढोर, होलार व मोची ई.) इच्छुक अर्जदारांकडून कर्जप्रस्ताव दाखल करण्याचे आवाहन जिल्हा व्यवस्थापक प्रविण जाहीर यांनी केले आहे. ५० टक्के अनुदान योजना, बीज भांडलव योजना, मुदती कर्ज योजना, महिला समृध्दी योजना, लघुऋण वित्त योजना, महिला अधिकारीता योजना, शैक्षणिक कर्ज योजना, सुविधा ऋण योजना, उत्कर्ष ऋण योजना, या योजनांचा लाभ घेण्यासठी अर्जदार हा चर्मकार (चांभार, ढोर, होलार व मोची ई.) समाजातील असावा. तसेच अर्जदाराने यापुर्वी महामंडळाच्या कुठल्याही योयजेचा लाभ घेतलेला नसावा. लाभ घेऊ इच्छिणाऱ्या अर्जदाराने आवश्यकतेनुसार कागदपत्रांची पुर्ण पुर्तता करुन वरील शासकीय योजनेंचे तीन प्रतीत अ...

सिंधुदुर्गनगरी, दि.२८ (जि.मा.का): सहाय्यक आयुक्त समाज कल्याण कार्यालयांतर्गत असणाऱ्या मागासवर्गीय मुला, मुलीच्या शासकीय वसतिगृहामध्ये सन २०२४-२५ या शैक्षणिक वर्षाकरीता प्रेवश घेण्यासाठी ऑनलाईन पध्दतीने अर्ज करण्यास १६ सप्टेंबर पर्यंत मुदतवाढ देण्यात आली असल्याची माहिती समाज कल्याण सहाय्यक आयुक्त संतोष चिकणे यांनी दिली आहे. सहायक आयुक्त समाज कल्याण कार्यालयांतर्गत मुला - मुलींच्या शासकीय वसतिगृहाकरीता डॉ. बाबासाहेब आंबेडकर मागासवर्गीय मुलांचे शासकीय वसतिगृह, मालवण, कणकवली व वेंगुर्ला अशा ३ ठिकाणी तसेच मागासवर्गीय मुलींचे शासकीय वसतिगृह, मालवण, कणकवली, सावंतवाडी, वेंगुर्ला व देवगड असे ५ ठिकाणी आहेत. या ८ शासकीय वसतिगृहामध्ये विदयार्थी / विद्यार्थीनीना सन २०२४-२५ या शैक्षणिक वर्षासाठी मोफत प्रवेशाची संधी उपलब्ध झालेली आहे. तरी अनुसूचित जाती, विमुक्त जाती, भटक्या जमाती, इतर मागासवर्गीयसह इतर प्रवर्गाच्या व्यावसायिक अभ्यासक्रमासाठी प्रथम वर्षात प्रवेश घेणाऱ्या विद्यार्थ्यांना वसतिगृहामध्ये रिक्त असणाऱ्या जागेवर विनामूल्य प्रवेश ऑनलाईन पध्दतीने देण्यात येणार आहे. शासकीय वसतिगृहात विनामूल...

सिंधुदुर्गनगरी, दि.२८ (जि.मा.का): मुख्यमंत्री वयोश्री योजनेचे निकष पुर्ण करणाऱ्या ज्येष्ठ नागरिकांनी संबंधित पंचायत समिती कार्यालयाशी संपर्क साधावा, असे आवाहन समाज कल्याण सहायक आयुक्त संतोष चिकणे यांनी केले आहे. सामाजिक न्याय व विशेष सहायक विभागामार्फत ज्येष्ठ नागरिकांसाठी मुख्यमंत्री वयोश्री योजना सुरु करण्यात आली आहे. या योजनेत ६५ वर्ष व त्यापुढील असलेल्या ज्येष्ठ नागरीकांना साधने व उपकरणे खरेदीसाठी मदत केली जाणार आहे. तीन हजार रुपये ज्येष्ठ नागरिकांच्या वैयक्तीक आधार संलग्न बचत खात्यात वितरित केले जाणार आहे. या पैशातून त्यांना चष्मा, श्रवण यंत्र, ट्रायपॉड, स्टिल व्हील, वॉकर, कमोड खुर्ची, लंबर बेल्ट, असे साहीत्य खरेदी करता येईल. डीबीटी प्रणालीव्दारे लाभार्थ्यांच्या खात्यात ही रक्कम जमा केली जाणार आहे. सिंधुदुर्ग जिल्ह्यातील ६५ वर्षे किंवा त्यावरील ज्येष्ठ नागरिकांना त्यांच्या दैनदिन जीवनात सामान्य स्थितीत जगण्यासाठी आणि त्यांना वयोमानापरत्वे येणारे अपंगत्व,अशक्तपणा यावर उपाययोजना करण्यासाठी आवश्यक सहाय्य साधने. उपकरणे खरेदी करण्यासाठी तसेच मन:स्वास्थ केंद्र, योगोपच...

सिंधुदुर्गनगरी, दि.२२ (जि.मा.का): शासकीय कामकाजानिमित्त जिल्हा प्रशासनातील अधिकारी जिल्ह्यातील अनेक भागाला भेटी देत असतात. या दौऱ्या दरम्यान प्रशासनातील अधिकाऱ्यांनी जिल्हा परीषद तसेच खाजगी शाळांना भेट देऊन शाळेतील शिक्षक आणि विद्यार्थ्यांशी संवाद साधावा. विविध विषयांवर विद्यार्थ्यांशी संवाद साधल्यामुळे विद्यार्थ्यांमध्ये एक नवी उमेद निर्माण होईल आणि त्यांना शिक्षण घेताना प्रेरणा मिळेल. त्यामुळे अधिकाऱ्यांनी आपल्या शासकीय दौऱ्यादरम्यान स्थानिक शाळांना भेटी देण्याचे आवाहन जिल्हाधिकारी किशारे तावडे यांनी सर्व विभाग प्रमुखांना केले आहे. 00000

सिंधुदुर्गनगरी, दि.२२ (जि.मा.का): पालकमंत्री रविंद्र चव्हाण यांच्या अध्यक्षतेखाली १२ ते १४ ऑगस्ट रोजी विधानसभा क्षेत्र निहाय जनता दरबार पार पडला होता. या जनता दरबारात प्राप्त अर्जांचे निराकरण करण्यात आले तर काही तक्रारी संबंधित विभागाकडे पाठविण्यात आल्या आहेत. निराकरण न झालेल्या तक्रारींवर तात्काळ सकारात्मक कार्यवाही करण्याचे निर्देश जिल्हाधिकारी किशोर तावडे यांनी आज दिले. जनता दरबारच्या अनुषंगाने आज सर्व विभागप्रमुखांची आढावा बैठक जिल्हा नियोजन सभागृहात पार पडली. त्यावेळी ते बोलत होते. यावेळी जिल्हा परिषदेचे मुख्य कार्यकारी अधिकारी मकरंद देशमुख, निवासी उपजिल्हाधिकारी मच्छिंद्र सुकटे, उप विभागीय अधिकारी हेमंत निकम, जगदीश कातकर, श्रीमती ऐश्वर्या काळुशे तसेच सर्व तहसिलदार आणि विभाग प्रमुख उपस्थित होते. जिल्हाधिकारी म्हणाले, जनतेचे प्रश्न सोडविण्यासाठी जनता दरबाराचे आयोजन करण्यात आले होते. यावेळी प्राप्त तक्रारींवर विभाग प्रमुखांनी सकारात्मक निर्णय घेऊन तसा अहवाल प्रशासनाला सादर करावा असेही ते म्हणाले. ००००००००

सिंधुदुर्गनगरी, दि.२२ (जि.मा.का): महाराष्ट्रातील कुशल- अकुशल बेरोजगार युवक युवतींना जर्मनी येथे रोजगाराची अधिकृतरित्या पाठविण्यासाठीची महाराष्ट्र शासनाची योजना आहे. जर्मन भाषेचे प्रशिक्षण आपल्या जिल्ह्यात मोफत व जवळच देण्यात येणार आहे. तसेच आवश्यक कौशल्य सुधारण्याचे प्रशिक्षण मोफत देण्यात येणार आहे. जर्मनी येथे नोकरी मिळवण्यासाठी महाराष्ट्रातच निवड प्रक्रिया व नोकरीच्या नियुक्तीचे वाटप, व्हिसा आणि पासपोर्टसाठी संपूर्ण मार्गदर्शन करण्यात येणार आहे. जर्मनी येथील सुरुवातीच्या काळातील मदतही महाराष्ट्र शासनाची असणार आहे. यासाठी नावनोंदणीचे आवाहन जिल्हा शिक्षण व प्रशिक्षण संस्था प्राचार्य राजेंद्र कांबळे यांनी केले आहे. महाराष्ट्र राज्यामध्ये मोठ्या प्रमाणावर उपलब्ध असलेले कुशल मनुष्यबळ आणि अन्य प्रगत युरोपियन देशांमध्ये त्यांची असणारी कमतरता या पार्श्वभूमीवर महाराष्ट्र राज्यातील युवकांना युरोपियन देशांमध्ये नोकरी व रोजगाराच्या संधी उपलब्ध आहेत. महाराष्ट्र शासनाने जर्मन देशातील बाडेन बुटेनबर्ग या राज्याशी कुशल मनुष्यबळ प्रशिक्षित करून उपलब्ध करून देण्याबात सामंजस्य करार केला आहे. तसेच...

सिंधुदुर्गनगरी, दि.२२ (जि.मा.का): शालेय क्रीडा स्पर्धा (जिल्हास्तर) आयोजन सन २०२४-२३ सिंधुदुर्ग जिल्हा (विनाअनुदानित) एकविध खेळ संघटनांची बैठक दि. २७ ऑगस्ट २०२४ रोजी सकाळी ११ वाजता जिल्हा क्रीडा अधिकारी कार्यालय येथे आयोजित करण्यात आली असल्याची माहिती जिल्हा क्रीडा अधिकारी विद्या शिरस यांनी दिली आहे. क्रीडा व युवक सेवा संचालनालय, म.रा.पुणे यांचे अंतर्गत जिल्हा क्रीडा परिषद, सिंधुदुर्ग व जिल्हा क्रीडा अधिकारी, कार्यालय तसेच जिल्हा एकविध खेळ संघटना यांचे संयुक्त विद्यमाने सन २०२४-२५ या सत्रातील जिल्हास्तरीय शालेय क्रीडा स्पर्धाचे आयोजन करण्यात येत आहे. त्या अनुषंगाने सिंधुदुर्ग जिल्हास्तरीय शालेय क्रीडा स्पर्धा आयोजन व नियोजन करण्याच्या दृष्टीने सिंधुदुर्ग जिल्ह्यातील खालील नव्याने समावेश झालेल्या खेळ प्रकारातील अधिकृत राज्य संघटनेशी संलग्न जिल्हा एकविध खेळ संघटनांचे अध्यक्ष/सचिव यांची बैठक जिल्हा क्रीडा अधिकारी, सिंधुदु‌र्ग यांचे अध्यक्षतेखाली दि. ११ जुलै २०२४ रोजी सायं ४ वाजता जिल्हा क्रीडा अधिकारी कार्यालय सिंधुदुर्ग येथे आयोजित करण्यात आली होती. तथापी याबैठकीस अत्यल्प प...

सिंधुदुर्गनगरी, दि.२२ (जि.मा.का): क्रीडा व युवक सेवा संचालनालय, महाराष्ट्र राज्य, पुणे यांचे आदेशान्वये जिल्हा क्रीडा अधिकारी कार्यालय, सिंधुदुर्ग येथे नवनियुक्त क्रीडा अधिकारी २ व क्रीडा मार्गदर्शक २ हे नुकतेच रुजु झालेले आहेत. नवनियुक्त क्रीडा अधिकारी यांचेपैकी राहुल रामचंद्र गायकवाड हे तलवारबाजी खेळाचे राष्ट्रीय खेळाडू तसेच सचिन नागनाथ रणदिवे हे धनुर्विद्या खेळाचे राष्ट्रीय खेळाडू व धनुर्विद्या या खेळाचे राष्ट्रीय पंच (NIS) आहेत. त्याचप्रमाणे आंतरराष्ट्रीय जिम्नॅस्टिक खेळाडू श्रीम. श्रध्दा साईनाथ तळेकर व आंतरराष्ट्रीय क्रीडा कुस्ती प्रशिक्षक व राष्ट्रीय खेळाडू श्रीम. माधुरी गंगाराम घराळ या दोघी जिल्हा क्रीडा अधिकारी कार्यालय सिंधुदुर्ग येथे क्रीडा मार्गदर्शक म्हणून रुजु झालेल्या आहेत. जिल्हा क्रीडा संकुल, सिंधुदुर्ग येथे नवनियुक्त झालेल्या क्रीडा मार्गदर्शकांकडुन तंत्रशुद्ध संबंधित खेळाचे प्रशिक्षण देण्यात येणार आहे. या तंत्रशुद्ध मार्गदर्शनाकरिता आपली नोंदणी आशिष सावंत (९०२२५०७८०४) जिल्हा क्रीडा अधिकारी कार्यालय, सिंधुदुर्ग येथे करावी असे आवाहन जिल्हा क्रीडा अधिकारी विद्या श...

सिंधुदुर्गनगरी, दि.२२ (जि.मा.का): पी.एम किसान योजनेच्या पोर्टलवर नोंदणी करताना काही लाभार्थींनी चुकिचे मोबाईल क्रमांक नमुद केलेले आहेत. तरी अशा लाभार्थ्यांनी मोबाईल नंबर अद्यावत करण्यासाठी ३१ ऑगस्ट २०२४ पुर्वी दुरुस्तीची कार्यवाही करण्यात यावी, तरी आपला मोबाईल नंबर अद्यावत व दुरुस्ती करुन घ्यावे, असे आवाहन जिल्हा अधिक्षक कृषि अधिकारी यांनी केले आहे. पी.एम.किसान योजनेसाठी नोंदणी करताना यापुर्वी लाभार्थ्यांचे एक मोबाईल क्र. अनेक नोंदणीसाठी वापरण्यात आलेले आहेत. तसेच पोर्टल डाटा अपलोड करताना चुकीचे मोबाईल क्रमांक देखील नमुद करण्यात आलेले आहेत. या अनुषंगाने पी.एम. किसान पोर्टलवर Farmer Corner या पर्यायातील Update Mobile Number या सुविधेच्या माध्यमातून लाभार्थ्यांची मोबाईल क्रमांकाची दुरुस्ती करण्यात यावी ही दुरुस्ती करण्यासाठी लाभार्थ्यांनी जवळच्या सीएससी केंद्रवर किंवा मोबाईल ॲपव्दारे दुरुस्तीची कार्यवाही दि. ३१ ऑगस्ट २०२४ पुर्वी करावी, यानंतर ही सुविधा पोर्टलवर उपलब्ध राहणार नाही. ००००००

· भगिनींच्या पाठीशी भक्कमपणे उभे राहणार · बचत गटांच्या वस्तुला बाजारपेठ · सिंधुरत्न समृध्द योजना महिलांसाठी वरदान सिंधुदुर्गनगरी, दि.१७ (जि.मा.का): शासन सर्वसामान्य गरीब जनता नजरेसमोर ठेवून त्यांच्या गरजेच्या योजनांची आखणी आणि अंमलबजावणी करत आहे. राज्यातील प्रत्येक सर्वसामान्य गरीब स्वावलंबी आणि समृद्ध करण्याचा शासनाचा प्रयत्न आहे. महिलांच्या जीवनात सुखाचे, आनंदाचे दिवस यावे हिच भाऊ म्हणून प्रामाणिक इच्छा आहे आणि म्हणूनच 'मुख्यमंत्री माझी लाडकी बहिण' योजनेव्दारे माझ्या बहिणींना दर महिन्याला दीड हजार रुपये मिळणार आहेत. प्रत्येक घटकाच्या विकासासाठी आम्ही प्रयत्न करत असल्याने आमचे सरकार हे सामान्य जनतेचे सरकार असल्याचे शालेय शिक्षण मंत्री दिपक केसरकर म्हणाले. "मुख्यमंत्री माझी लाडकी बहीण" योजनेचा राज्यस्तरीय शुभारंभ पुणे येथील शिवछत्रपती क्रिडा संकुल, बालेवाडी येथे पार पडला. जिल्हाधिकारी कार्यालयातील नियोजन सभागृहात या कार्यक्रमाचे थेट प्रक्षेपण पाहण्याची सोय उपलब्ध करुन देण्यात आली होती. या माध्यमातून जिल्ह्यातील अनेक महिलांनी हा का...

सिंधुदुर्गनगरी, दि.१७ (जि.मा.का): मालवण शहर या कार्यक्षेत्रामध्ये एकूण ७ हत्तीरोग दुषित रुग्ण आढळून आलेले आहेत. हत्तीरोग प्रसारक क्यलेक्स डासांच्या घनतेमध्ये वाढ झालेली आहे. त्यामुळे जिल्हा हिवताप कार्यालय व आरोग्य विभाग, जिल्हा परिषद सिंधुदुर्ग यांच्या समन्वयाने प्रतिबंधात्मक उपाययोजना करण्यात येत असल्याची माहिती जिल्हा आरोग्य अधिकारी डॉ. सई रुपेश धुरी यांनी दिली आहे. मालवण शहरात हत्तीरोग रुग्ण आढळलेल्या भागात केलेल्या प्रतिबंधात्मक उपायोजना व विशेष सर्व्हेक्षण अहवाल दि. १६ ऑग्स्ट २०२४ नुसार हत्तीरोग रुग्ण सर्व्हेक्षणा करीता हत्तीरोग रात्र चिकित्सालय ग्रा.रु. मालवण यांच्यामार्फत दैनंदिन सर्व्हेक्षण, हत्तीरोग रात्र चिकित्सालय ग्रा. रु. मालवण यांच्यामार्फत हत्तीरोग रुग्ण सर्व्हेक्षणा करीता दैनंदिन सर्व्हेक्षण रात्री ८ ते १२ या दरम्यान नियमित सर्व्हेक्षण करण्यात येत. या नियमित सर्व्हेक्षणामधून माहे जून या महात घेण्यात आलेल्या ७८५ रक्त नमुने मधून तपासणी अंती सोमवार पेठ या भागातील एक महिला रुग्ण दुषित आढळून आली. या रक्तनमुना सहायक संचालक आरोग्य सेवा (हि) कोल्हापूर या कार...

सिंधुदुर्गनगरी, दि.१७ (जि.मा.का): जर्मनी देशातील बाडेन बुटेनवर्ग या राज्यास महाराष्ट्रातील विविध क्षेत्रातील कुशल मनुष्यबळ पुरविण्याबाबत दिनांक २५ फेब्रुवारी २०२४ रोजी सामंजस्य करार करण्यात आला आहे. कुशल मनुष्यबळामध्ये अवजड वाहनाचा वैध परवाना असणाऱ्या वाहनचालकांचा समावेश आहे. तरी या प्रकल्पासाठी जिल्ह्यातील जास्तीत जास्त उमेदवारांनी नोंदणी करावी, असे आवाहन उपप्रादेशिक परिवहन अधिकारी नंदकिशोर काळे यांनी केले आहे. या प्रकल्पाअंतर्गत जर्मनीस जाण्यासाठी इच्छुक वाहनचालकांच्या नोंदणीसाठी शासनामार्फत जारी करण्यात आलेल्या QR Code वर स्कॅन करून त्यावर दिलेल्या प्रवेशप्रक्रियेबाबतचा अर्ज भरावा. अधिक माहितीसाठी www.maa.ac.in /Germany employment या संकेतस्थळास भेट द्यावी. या प्रकल्पाअंतर्गत उमेदवारास जर्मन भाषा येणे अनिवार्य आहे. तथापि जर्मन भाषा प्रशिक्षणाबाबतची कार्यवाही व जर्मनी देशातील वाहनचालकांकरिता असेलेले नियम व अभ्यासक्रम यासाठी उमेदवारासाठी आवश्यक प्रशिक्षण देण्याची कार्यवाही शासनामार्फत करण्यात येणार आहे. शासननिर्णयामध्ये दिल्यानुसार उमेदवाराचा सर्व खर्च हा शासन कर...

सिंधुदुर्गनगरी, दि.१५ (जि.मा.का): महसूल विभाग हा शासन आणि प्रशासनाचा कणा आहे. शासनाचे ध्येयधोरण आणि निर्णयांची अंमलबजावणी करुन समाजातील शेवटच्या घटकापर्यंत मदत पोहोचविण्यात महसूल प्रशासन महत्त्वाची भूमिका बजावत असल्याचे सांगून जिल्हाधिकारी किशोर तावडे यांनी जिल्ह्यातील पुरस्कार प्राप्त अधिकारी आणि कर्मचाऱ्यांचे कौतुक केले. महसूल पंधरवड्याचा सांगता सोहळा जिल्हाधिकारी कार्यालयातील नियोजन सभागृहात पार पडला. यावेळी उत्कृष्ट कार्य करणाऱ्या अधिकारी आणि कर्मचाऱ्यांना गौरविण्यात आले. यावेळी मुख्य कार्यकारी अधिकारी मकरंद देशमुख, निवासी उपजिल्हाधिकारी मच्छिंद्र सुकटे, उपविभागीय अधिकारी जगदीश काटकर, ऐश्वर्या काळुशे तसेच जिल्ह्यातील तहसिलदार, अधिकारी आणि कर्मचारी उपस्थित होते. जिल्हाधिकारी म्हणाले महसूल विभागातील अधिकारी, कर्मचारी हे शासनाचे निर्णय शेवटच्या घटकापर्यंत पोहोचवण्याचे काम करतात. शासनाच्या सर्व मोहिमेत महसूल विभागाची भुमिका महत्वाची असल्याने आपल्याला जनतेची सेवा करण्याची संधी मिळते. त्यामुळे आपण महसूल विभागाची प्रतिमा उंचावण्यासाठी जोमाने काम करणे आ...

· लोककल्याणकारी योजना राबविण्यावर भर · जर्मन भाषा प्रशिक्षण वर्ग सुरू · सिंधुरत्न समृध्द योजना जिल्ह्यासाठी वरदान सिंधुदुर्ग दि 15 (जिमाका) सर्वसामांन्याच्या जीवनात आमुलाग्र बदल घडविण्याच्या उद्देशाने आणि राज्याच्या सर्वसामान्य नागरिकांच्या हितासाठी शासनाने अनेक लोकाभिमूख निर्णय घेतले असून त्यांचा लाभ सर्वसामान्य नागरिक, शेतकरी, युवा, महिलांना होत आहे. मुख्यमंत्री माझी लाडकी बहिण योजना, मुख्यमंत्री तीर्थक्षेत्र दर्शन योजना, मुख्यमंत्री युवा प्रशिक्षण योजना अशा अनेक महत्वाकांक्षी योजनेचा लाभ जनतेला देण्यास प्राधान्य देणार असून सिंधुदुर्ग जिल्ह्याच्या सर्वांगीण विकासासाठी कटिबध्द असल्याचे शालेय शिक्षण मंत्री दिपक केसरकर म्हणाले. स्वातंत्र्य दिनानिमित्त आयोजित मुख्य शासकीय ध्वजारोहण शालेय शिक्षणमंत्री दिपक केसरकर यांच्या हस्ते जिल्हा मुख्यालय, पोलिस परेड ग्राऊंड येथे पार पडले. त्यावेळी ते बोलत होते. यावेळी जिल्हाधिकारी किशोर तावडे, मुख्य कार्यकारी अधिकारी मकरंद देशमुख, पोलिस अधिक्षक सौरभ अग्रवाल, अतिरिक्त्‍ पोलिस अधीक्षक कृषिकेश रावले आदी उपस्थित होते. यावेळ...

सिंधुदुर्गनगरी, दि.१4 (जि.मा.का): सर्वसामान्य नागरिकांचे प्रश्न तात्काळ सोडविणे, जनता व प्रशासन यांच्यामध्ये समन्वय साधणे तसेच जनतेच्या विकासाच्या दृष्टीने आवश्यक उपाययोजना करणे अशा विविध समाजोपयोगी हेतुसाठी पालकमंत्री रविंद्र चव्हाण यांच्या संकल्पनेतून दि १२ ते १४ ऑगस्ट 'जनता दरबार' चे आयोजन करण्यात आले होते. या जनता दरबाराला सामान्य नागरिकांचा मिळालेला प्रतिसाद लक्षात घेता २५ ते २७ सप्टेंबर दरम्यान पालकमंत्र्यांच्या अध्यक्षतेखाली 'जनता दरबाराचे आयोजन करण्यात आलेले आहे. हा जनता दरबार सकाळी १० ते सायंकाळी ३ वाजेपर्यंत नियोजन सभागृह, जिल्हाधिकारी कार्यालय, ओरोस- सिंधुदुर्ग येथे पार पडणार आहे. दि २५ सप्टेंबर रोजी कणकवली विधानसभा क्षेत्रातील कणकवली, देवगड व वैभववाडी या तालुक्यातील नागरिकांच्या तक्रारी स्विकारल्या जाणार आहेत. दि. २६ सप्टेंबर रेाजी कुडाळ विधानसभा क्षेत्रातील कुडाळ व मालवण आणि दि २७ सप्टेंबर रोजी सावंतवाडी विधानसभा क्षेत्रातील सावंतवाडी, वेंगुर्ला आणि दोडामार्ग तालुक्यातील नागरिकांच्या तक्रारी स्विकारल्या जाणार आहेत. जनता दरबारामध्ये उपस्थित होणाऱ्या तक्रारी...

सिंधुदुर्गनगरी, दि.14 (जि.मा.का.) : शालेय शिक्षण व मराठी भाषा मंत्री दीपक केसरकर हे दि. 15 ते 16 ऑगस्ट 2024 रोजी सिंधुदुर्ग जिल्हा दौऱ्यावर येत असून त्यांचा दौरा कार्यक्रम पुढीलप्रमाणे आहे. गुरुवार दि. 15 ऑगस्ट 2024 रोजी सकाळी 8.55 वाजता पोलीस परेड ग्राऊंड, ओरोस येथे आगमन. सकाळी 9.05 वाजता भारताच्या 78 व्या स्वातंत्र्य दिनानिमित्त ध्वजारोहण कार्यक्रम स्थळ :- सिंधुदुर्ग जिल्हा मुख्यालय, पोलीस परेड ग्राऊंड सिंधुदुर्गनगरी. सकाळी 10 वाजता श्री. मयुरेश कोले, डाक अधीक्षक सिंधुदुर्ग विभाग, सिंधुदुर्गनगरी यांच्यासमवेत भेट स्थळ:- जिल्हाधिकारी कार्यालय सिंधुदुर्ग. सकाळी 10.15 वाजता जिल्हाधिकारी कार्यालय येथे उपोषणास बसलेल्या उपोषणकर्त्यांची भेट स्थळ :- जिल्हाधिकारी कार्यालय सिंधुदुर्ग. दुपारी 12 वाजता सिंधुदुर्गनगरी ता. कुडाळ येथून मोटारीने सावंतवाडीकडे प्रयाण. दुपारी 1 ते 2 वाजता श्रीधर अपार्टमेंट, ता.सावंतवाडी येथे आगमन व राखीव. दुपारी 2.30 वाजता भरत कॅरम समारंभ कार्यक्रमास उपस्थिती स्थळ:- सबनिसवाडा, काझी शहाबुद्दीन हॉलजवळ सावंतवाडी .दुपारी 3 वाजता बाजारपेठ मित्रमंडळ सावंतवाडी ...

सिंधुदुर्गनगरी, दि.14 (जि.मा.का.) : शालेय शिक्षणमंत्री दीपक केसरकर यांच्या हस्ते स्वातंत्र्य दिनाच्या वर्धापन दिनानिमित्त ध्वजारोहणाचा मुख्य शासकीय समारंभ पार पडणार आहे. हा समारंभ गुरुवार दि. 15 ऑगस्ट 2024 रोजी सकाळी 9.05 वा. सिंधुदुर्ग जिल्हा मुख्यालय, पोलीस परेड ग्राऊंड सिंधुदुर्गनगरी येथे पार पडणार आहे. ध्वजारोहणानंतर सकाळी 9.05 ते 9.15 वा. पोलीस दल, राज्य राखीव दल व होमगार्ड यांची संयुक्त मानवंदना होणार आहे. तरी या समारंभाला सर्वांनी उपस्थित राहण्याचे आवाहन जिल्हा प्रशासनातर्फे करण्यात आले आहे. 00000

सिंधुदुर्गनगरी, दि.१4 (जि.मा.का): राज्यातील सर्व धर्मीयांमधील ६० वर्ष व त्यावरील जेष्ठ नागरिकांना शासनाने राज्यातील व देशातील महत्त्वाच्या तीर्थक्षेत्राची मोफत यात्रा करण्यासाठी "मुख्यमंत्री तीर्थ दर्शन योजना" राबवण्याचे घोषित केले आहे. त्यानुसार या योजनेचा शासन निर्णय सामाजिक न्याय विभागाने प्रसिद्ध केला आहे. भारतातील एकूण 73 व महाराष्ट्र राज्यातील 66 तीर्थक्षेत्रांचा योजनेमध्ये समावेश करण्यात आला आहे. जवळपास देशातील व राज्यातील सर्व महत्त्वाच्या तीर्थक्षेत्रांचा समावेश करण्यात आला आहे. राज्यातील व देशातील प्रमुख तीर्थक्षेत्रांचा समावेश करण्यात आला असून या योजनेअंतर्गत निर्धारित तीर्थक्षेत्रात पैकी एका यात्रेकरिता पात्र व्यक्तीला या योजनेचा एक वेळ लाभ मिळणार आहे. तसेच प्रवास खर्चासाठी कमाल मर्यादा प्रति व्यक्ती 30 हजार रुपये इतकी राहणार आहे. यामध्ये प्रत्यक्ष प्रवास, भोजन, निवास इत्यादी बाबींचा समावेश असेल. या योजनेकरिता सक्षम प्राधिकारी यांनी दिलेला कुटुंब प्रमुखाचा उत्पन्नाचा दाखला वार्षिक उत्पन्न 2 लाख 50 हजार असणे अनिवार्य किंवा अंत्योदय अन्न योजनो (AAY) प्रधान्य क...

सिंधुदुर्गनगरी, दि.9 (जि.मा.का.) : सार्वजनिक बांधकाम (सार्वजनिक उपक्रम वगळून), तथा पालकमंत्री रविंद्र चव्हाण हे दि. 12 ते 14 ऑगस्ट 2024 रोजी सिंधुदुर्ग जिल्हा दौऱ्यावर येत असून त्यांचा दौरा कार्यक्रम पुढीलप्रमाणे आहे. सोमवार दिनांक 12 ऑगस्ट 2024 रोजी सकाळी 10 वाजता ओरोस येथे आगमन व राखीव. सकाळी 11 वाजता "जनता दरबार" (कणकवली – देवगड- वैभववाडी विधानसभा मतदारसंघ) कार्यक्रमास उपस्थिती. स्थळ :- जिल्हा नियोजन समिती सभागृह ओरोस सिंधुदुर्ग दुपारी 3 वाजता ओरोस येथून केसरी ता. सावंतवाडीकडे प्रयाण. सायं. 5 वाजता केसरी ता. सावंतवाडी येथे आगमन व राखीव . मंगळवार दिनांक 13 ऑगस्ट 2024 रोजी सकाळी 9 वाजता केसरी ता. सावंतवाडी येथून ओरोसकडे प्रयाण. सकाळी 10.30 वाजता जिल्हाधिकारी कार्यालय, ओरोस, सिंधुदुर्ग येथे आगमन व राखीव. सकाळी 11 वाजता "जनता दरबार" (कुडाळ – मालवण विधानसभा मतदारासंघ) कार्यक्रमास उपस्थिती. स्थळ :- जिल्हा नियोजन समिती सभागृह ओरोस सिंधुदुर्ग. दुपारी 3 वाजता ओरोस येथून केसरी ता. सावंतवाडीकडे प्रयाण. सायं. 5 वाजता केसरी ता. सावंतवाडी येथे आगमन व राखीव. ...

· कणकवली, सिंधुदुर्ग आणि सावंतवाडी स्थानकांच्या कामांचे लोकार्पण · मुख्यमंत्री युवा कार्य प्रशिक्षण योजनेच्या पात्र लाभार्थ्यांना नियुक्ती पत्र वाटप सिंधुदुर्ग दि ०९ (जिमाका) : कोकणवासियांसाठी रेल्वे ही जीवन वाहिनी आहे. रेल्वेचा विकास झाल्यास कोकणचाही विकास होणार असल्याने ज्या रेल्वे स्थानकांमध्ये प्रवाशांची जास्त वर्दळ आहे अशा स्थानकाचे सुशोभिकरण करण्याचे ठरले आणि आज जिल्ह्यातील ३ रेल्वे स्थानकांचे सुशोभिकरणाचे काम पुर्ण करुन त्याचे लोकार्पण देखील होत आहे. या रेल्वे स्थानकांच्या सुशोभिकरणातून जिल्हा विकासाचे प्रतिबिंब दिसणार असल्याचे पालकमंत्री रविंद्र चव्हाण म्हणाले. सार्वजनिक बांधकाम विभागाच्या माध्यमातून कणकवली, सिंधुदुर्गनगरी तसेच सावंतवाडी रेल्वे स्थानकांना जोडणाऱ्या रस्त्याचे कॉक्रिटीकरण व सुशोभिकरण कामाचा लोकार्पण कार्यक्रम सार्वजनिक बांधकाम मंत्री तथा पालकमंत्री रविंद्र चव्हाण यांच्या हस्ते पार पडला. या प्रसंगी मुख्यमंत्री युवा कार्य प्रशिक्षण योजनेअंतर्गत पात्र लाभार्थ्यांना नियुक्ती पत्र देखील वाटप करण्यात आले. या कार्यक्रमाला खासदा...

सिंधुदुर्गनगरी दि ०९ (जिमाका): सर्वसामान्य नागरिकांचे प्रश्न तात्काळ सोडविणे, जनता व प्रशासन यांच्यामध्ये समन्वय साधणे तसेच जनतेच्या विकासाच्या दृष्टीने आवश्यक उपाययोजना करणे अशा विविध समाजोपयोगी हेतुसाठी पालकमंत्री रविंद्र चव्हाण यांच्या संकल्पनेतून 'जनता दरबार' चे आयोजन करण्यात आले आहे. हा जनता दरबार दि १२ ते १४ ऑगस्ट दरम्यान सकाळी १० ते सायंकाळी ५ वाजेपर्यंत नवीन नियोजन सभागृह, जिल्हाधिकारी कार्यालय, ओरोस- सिंधुदुर्ग येथे पार पडणार आहे. तरी नागरिकांनी जनता दरबारामध्ये आपल्या तक्रारी सादर करण्याचे आवाहन पालकमंत्री रविंद्र चव्हाण यांनी केले आहे. विधानसभा क्षेत्रनिहाय जनता दरबाराचे आयोजन करण्यात आलेले आहे. त्यानुसार दि १२ ऑगस्ट रोजी कणकवली विधानसभा क्षेत्रातील कणकवली, देवगड व वैभववाडी या तालुक्यातील नागरिकांच्या तक्रारी स्विकारल्या जाणार आहेत. दि. १३ ऑगस्ट रेाजी कुडाळ विधानसभा क्षेत्रातील कुडाळ व मालवण आणि दि १४ ऑगस्ट रोजी सावंतवाडी विधानसभा क्षेत्रातील सावंतवाडी, वेंगुर्ला आणि दोडामार्ग तालुक्यातील नागरिकांच्या तक्रारी स्विकारल्या जाणार आहेत. जनता दरबारा...

सिंधुदुर्गनगरी, दि.८ (जि.मा.का): 'हर घर तिरंगा' हे अभियान आता लोक चळवळ बनली आहे. गेली दोन वर्ष ज्या उत्साहाने हे अभियान यशस्वी केले त्याच पध्दतीने याही वर्षी 'हर घर तिरंगा' अभियान उत्साहाने राबवून त्याची प्रभावीपणे अंमलबजावणी करण्याचे आवाहन जिल्हाधिकारी किशोर तावडे यांनी केले आहे. स्वातंत्र्याचा अमृत महोत्सव राज्यात व देशात मोठ्या उत्साहात व जल्लोषात साजरा करण्यात आला आहे. गेल्या दोन वर्षापासून राज्यात 'घरोघरी तिरंगा" हे अभियान साजरे केले जात आहे. केंद्र शासनाकडून प्राप्त सूचनानुसार स्वातंत्र्य दिनाच्या पार्श्वभूमीवर दि.९ ते १५ ऑगस्ट दरम्यान हे अभियान साजरे करण्यात येणार आहे. ९ ऑगस्ट रोजी या अभियानाची राज्यस्तरावरुन सुरूवात होणार आहे. यानंतर राज्यातील प्रत्येक गावागावात वेगवेगळ्या कार्यक्रमांना सुरूवात होणार आहे. या अभियानादरम्यान तिरंगा यात्रा, तिरंगा रॅलीज, तिरंगा मॅरेथॉन, तिरंगा सांस्कृतिक कार्यक्रम, तिरंगा कॅनव्हॉस, तिरंगा प्रतिज्ञा, तिरंगा सेल्फीज, तिरंगा ट्रिब्युट, तिरंगा मेळा असे विविध उपक्रम राबविण्यात येणार आहेत. घरोघर...

सिंधुदुर्ग : सार्वजनिक बांधकाम विभागाच्या माध्यमातून कणकवली, सिंधुदुर्गनगरी तसेच सावंतवाडी रेल्वे स्थानकांना जोडणाऱ्या रस्त्याचे कॉक्रिटीकरण व सुशोभिकरण कामाचा लोकार्पण कार्यक्रम सार्वजनिक बांधकाम मंत्री तथा पालकमंत्री रविंद्र चव्हाण यांच्या हस्ते ९ ऑगस्ट रेाजी होणार आहे. या प्रसंगी मुख्यमंत्री युवा कार्य प्रशिक्षण योजनेअंतर्गत पात्र लाभार्थ्यांना नियुक्ती पत्र देखील वाटप करण्यात येणार आहेत. या कार्यक्रमाला शालेय शिक्षण व मराठी भाषा मंत्री दीपक केसरकर, खासदार नारायण राणे, विधान परिषद सदस्य निरंजन डावखरे, ज्ञानेश्वर म्हात्रे, विधान सभा सदस्य नितेश राणे, वैभव नाईक,जिल्हाधिकारी किशोर तावडे, कोकण रेल्वे कॉर्पोरेशनचे अध्यक्ष व व्यवस्थापकीय संचालक संतोषकुमार झा, सार्वजनिक बांधकाम विभागाचे शरद राजभोज, अधीक्षक अभियंता श्रीमती छाया नाईक, कार्यकारी अभियंता अजय कुमार सर्वगोड आदी उपस्थित राहणार आहेत. शुक्रवारी सकाळी १०:३० वाजता कणकवली रेल्वेस्थानक सुशोभिकरण कामाचा लोकार्पण कार्यक्रम तसेच मुख्यमंत्री युवा कार्य प्रशिक्षण योजनेअंतर्गत पात्र लाभार्थ्यांना नियुक्ती पत्र द...

सिंधुदुर्गनगरी, दि.६ (जि.मा.का): सैनिक कल्याण विभाग पुणे यांच्याकडून विविध क्षेत्रात अति उत्कृष्ट कार्य करणाऱ्या माजी सैनिक/पत्नी/पाल्य यांनी विशेष गौरव पुरस्कारासाठी दि. २० सप्टेंबर २०२४ पर्यंत जिल्हा सैनिक कल्याण कार्यालय, यांच्याकडे प्रस्ताव सादर करावेत, असे आवाहन जिल्हा सैनिक कल्याण अधिकारी यांनी केले आहे. या विशेष गौरव पुरस्कारासाठी एकरकमी रक्कम रुपये २५ हजार व रुपये १० हजार प्रदान केले जाणार आहेत. त्यामध्ये राष्ट्रीय/ राज्यस्तरीय खेळातील प्रमाणपत्रधारक, साहित्य, संगीत, गायन, वादन, नृत्य, नाट्य व इतर कला क्षेत्रात राष्ट्रीय/ राज्यस्तरीय पुरस्कारधारक, पुर, जळीत, दरोडा, अपघात, नैसर्गिक आपत्ती (भुकंप/ वादळ) मध्ये बहुमोल कामगिरी करणाऱ्या व्यक्ती, यशस्वी उद्योजकांचा पुरस्कार प्राप्त व्यक्ती, सामाजिक कार्य आणि पर्यावरणविषयक पुरस्कार प्राप्त व्यक्ती आणि शैक्षणिक वर्ष २०२३-२४ मध्ये शैक्षणीक क्षेत्रामध्ये आय.आय.टी, आय.आय.एम, ए.आय.आय.एम.एस अशा नामवंत ख्यातीप्राप्त संस्थामध्ये प्रवेश मिळवणाऱ्या तसेच इयत्ता १० वी व १२ वी बोर्डाच्या परिक्षेमध्ये ९० टक्केपेक्षा जास्त गुण मिळवून ...

सिंधुदुर्गनगरी, दि.२ (जि.मा.का): राज्य शासनाने 'मुख्यमंत्री अन्नपुर्णा योजना' ही महत्वाकांक्षी योजना सुरू केलेली आहे. या योजनेअंतर्गत केंद्र शासनाच्या प्रधानमंत्री उज्ज्वला योजनेच्या लाभार्थ्यांना तसेच मुख्यमंत्री माझी लाडकी बहीण योजनेच्या पात्र लाभार्थ्यांच्या कुटुंबाला वार्षिक ३ गॅस सिलेंडरचे पुनर्भरण (Refill) मोफत उपलब्ध होणार आहेत. जिल्ह्यातील पात्र लाभार्थ्यांनी या योजनेचा लाभ घेण्याचे आवाहन जिल्हाधिकारी किशोर तावडे यांनी केले आहे. जिल्हाधिकारी कार्यालयात मुख्यमंत्री अन्नपुर्णा योजनेचा आढावा घेण्यात आला. यावेळी जिल्हा पुरवठा अधिकारी श्रीमती पद्मश्री बैनाडे, संबंधित विभागाचे अधिकारी, बीपीसीएल, एचपीसीएल आणि इंडियन ऑईल कार्पोरेशनचे प्रतिनिधी तसेच गॅस एजन्सीचे प्रतिनिधी उपस्थित होते. जिल्हाधिकारी म्हणाले, या योजनेचा लाभ मिळविण्यासाठी गॅस जोडणी महिलेच्या नावाने असणे आवश्यक आहे, प्रधानमंत्री उज्ज्वला गॅस योजनेचे पात्र लाभार्थी आणि मुख्यमंत्री माझी लाडकी बहीण योजनेस पात्र असलेल्या लाभार्थ्यांचे कुटूंब या योजनेस पात्र असणार आहे, एका कुटूंबात (र...

सिंधुदुर्गनगरी, दि.५ (जि.मा.का): राज्यातील महिला आणि मुलींचं आर्थिक, सामाजिक पुनर्वसन करण्यासाठी 'मुख्यमंत्री- माझी लाडकी बहीण' योजना लागू करण्यात आली. या योजनेंतर्गत २१ ते ६५ वर्षे वयोगटातील पात्र महिलांना दर महिन्याला १५०० रुपये देण्यात येणार आहेत. मुख्यमंत्री माझी लाडकी बहिण योजनेचा लाभ घेण्यासाठी पात्र लाभार्थ्यांनी आपले बँक खाते आधारशी संलग्न करण्याचे आवाहन जिल्हाधिकारी किशोर तावडे यांनी केले आहे. मुख्यमंत्री- माझी लाडकी बहीण योजनेच्या प्रभावी अंमलबजावणीच्या अनुषंगाने विधानसभा क्षेत्रनिहाय समितीचे गठन करण्यात आलेले आहे. विधानसभा क्षेत्रातील तालुका स्तरावरुन तात्पुरते पात्र केलेल्या व डॅशबोर्डवर दिसणाऱ्या पात्र लाभार्थ्यांच्या यादीस अंतिम मंजुरी देण्यासाठी सदर समितीची बैठक आयोजित करण्यात आली होती. या बैठकीत सावंतवाडी- २१ हजार २२८, दोडामार्ग- ६ हजार ४०६, कणकवली - २१ हजार ०५६, कुडाळ- २६ हजार २२३ , वैभववाडी- ७ हजार २२८, देवगड- २१ हजार ३१३, वेंगुर्ला १५ हजार ३०७, मालवण- १६ हजार ७६६ अशा १ लाख ३५ हजार ५२७ पात्र लाभार्थ्यांच्या यादीस मंजुरी देण्यात आली. ...

सिंधुदुर्गनगरी, दि.1 (जि.मा.का.) : सार्वजनिक बांधकाम (सार्वजनिक उपक्रम वगळून), तथा पालकमंत्री रविंद्र चव्हाण हे शनिवार दि. 3 ऑगस्ट 2024 रोजी सिंधुदुर्ग जिल्हा दौऱ्यावर येत असून त्यांचा दौरा कार्यक्रम पुढीलप्रमाणे आहे. शनिवार दि. 3 ऑगस्ट 2024 रोजी सावंतवाडी जि. सिंधुदुर्ग येथे आगमन व पक्षाच्या कार्यक्रमास उपस्थिती. स्थळ : बॅरीस्टर नाथपै सभागृह सावंतवाडी. सायं. 5 वाजता सिंधुदुर्ग जिल्ह्यातील सुशोभिकरण करण्यात आलेल्या रेल्वेस्थानकाच्या दिनांक 8 ऑगस्ट 2024 रोजी होणाऱ्या लोकार्पण कार्यक्रमासंदर्भात आढावा बैठक . स्थळ: बॅरीस्टर नाथपै सभागृह सावंतवाडी सांय. 5.30 वाजता सावंतवाडी येथून मोपा (गोवा) विमानतळाकडे प्रयाण. ००००

सिंधुदुर्गनगरी, दि.1 (जि.मा.का.) : जिल्ह्यात महसूल विभागाचा महसूल पंधरवडा १४ ऑगस्ट दरम्यान साजरा करण्यात येणार आहे. महसूल विभागाकडून देण्यात येणाऱ्या सेवा आणि विभागाव्दारे राबविण्यात येणाऱ्या विविध योजना याबाबत नागरिकांना अधिकाधिक माहिती प्राप्त होऊन त्यांना योग्य लाभ घेता यावा या उद्देशाने १४ ऑगस्ट पर्यंत महसूल पंधरवडा साजरा करण्यात येणार आहे. ३० जुलैच्या शासन निर्णयानुसार या पंधरवाड्यात राबविण्यात येणाऱ्या उपक्रमांमध्ये अंशत: बदल करण्यात आलेला असून त्याप्रमाणे पुढील प्रमाणे उपक्रमांचे नियेाजन करण्यात आलेले आहे. २ ऑगस्ट - ''मुख्‍यमंत्री युवा कार्य प्रशिक्षण योजना'' कार्यक्रमाचे स्वरुप- या योजनेचा युवकांना जास्‍तीत जास्‍त लाभ देणेसाठी विविध दाखल्‍यांसाठी कॅम्‍प आयोजित करणे. ३ ऑगस्ट - ''मुख्‍यमंत्री तीर्थ दर्शन योजना'' कार्यक्रमाचे स्वरुप- याअनुषंगाने ज्‍येष्‍ठ नागरिकांना तीर्थ स्‍थळांना भेट देण्‍यासाठी नमुद केलेले कागदपत्रे उपलब्‍ध करुन देण्‍यासाठी कॅम्‍प आयोजित करणे. ४ ऑगस्ट - ''स्‍वच्‍छ व सुंदर माझे कार्यालय'' ...

सिंधुदुर्गनगरी, दि.1 (जि.मा.का): शैक्षणिक वर्ष 2024-25 करिता भारत सरकार मॅट्रिकोत्तर शिष्यवृत्तीसाठी महाडीबीटी पोर्टलवरील अनु.जाती, इमाव, विजाभज व विशेष मागास प्रवर्गातील विद्यार्थ्यांचे नीवन अर्ज भरणे व जुन्या अर्जांचे नुतनीकरण करण्याची प्रक्रियेस सुरुवात झाली असल्याने पात्र विद्यार्थ्यांना महाडिबीटी पोर्टलवर ऑनलाईन पध्दतीने अर्ज करण्याचे आवाहन समाज कल्याणचे सहायक आयुक्त संतोष चिकणे यांनी केले आहे. सामाजिक न्याय व विशेष सहाय्य विभाग व इतर मागास बहुजन कल्याण विभागामार्फत अनुसूचित जाती, विजाभज, इमाव व विमात्र प्रवर्गातील विद्यार्थ्यांकडून महाडिबिटी प्रणालीवरील मॅट्रिकोत्तर शिष्यवृत्तीसाठी महाडिबीटी पोर्टलवर ऑनलाइन पदध्तीने अर्ज मागविण्यात येत आहेत. त्या अनुषंगाने समाज कल्याण विभागामार्फत दि.25 जुलै 2024 पासून महाडिबीटी पोर्टल विद्यार्थ्यांसाठी कार्यान्वित करण्यात आले आहे. शैक्षणिक वर्ष 2024-25 करिता भारत सरकार मॅट्रिकोत्तर शिष्यवृती योजना, मॅट्रिकोत्तर शिक्षण फी परिक्षा फी प्रदाने योजना, राजर्षी छत्रपती शाहू महाराज गुणवत्ता शिष्यवृती योजना, व्यावसायिक पाठ्यक्रमाशी संलग्न वसतीगृहा...

सिंधुदुर्गनगरी, दि.1 (जि.मा.का.) : ऑगस्ट महिन्यातील लोकशाही दिन सोमवार दि.5 ऑगस्ट 2024 रोजी दुपारी 1 ते 2 या वेळेत, जिल्हाधिकारी कार्यालयात राबविण्यात येणार असल्याची, माहिती सामान्य प्रशासन विभागाचे उपजिल्हाधिकारी रविंद्र मठपती यांनी दिली आहे. 0000

सिंधुदुर्ग दि १(जिमाका) महिलांना आर्थिक पाठबळ मिळावे,या उद्देशाने शासनाने 'मुख्यमंत्री लाडकी बहीण योजना' सुरू केली आहे. या योजनेचा महिलांनी लाभ घेऊन आप-आपल्या क्षेत्रात प्रगती साधावी व भविष्यात योजनांवर अवलंबून न राहता स्वकर्तृत्वावर उभे राहावे असे आवाहन कुडाळ प्रांताधिकारी ऐश्वर्या काळुशे यांनी केले. कुडाळ येथील तहसील कार्यालयात महसुल पंधरावडा कार्यक्रमाचा शुभारंभ प्रांताधिकारी ऐश्वर्या काळुशे यांच्या हस्ते झाला. यावेळी प्रातांधिकारी ऐश्वर्या काळुशे यांच्या हस्ते मुख्यमंत्री लाडकी बहीण योजनेचा शुभारंभ करण्यात आला. तसेच आतापर्यंत प्राप्त प्रस्तावांची तपासणी सुरू करण्यात आल्याचे त्यांनी सांगितले. यावेळी कुडाळ नायब तहसिलदार संजय गवस, सहाय्यक गटविकास अधिकारी श्री.चव्हाण, नायब तहसिलदार प्रदिप पवार, श्री. पिळणकर, एकात्मिक बालविकास प्रकल्पाच्या अधिकारी गीता चेंदवणकर, कुडाळ न.पं.चे मुख्याधिकारी अरविंद नातु, सखी वन्स स्टॉप सेंटरच्या रुपाली प्रभु, अक्षय कानविंदे आदी उपस्थित होते. यावेळी प्रांताधिकारी श्रीमती काळुशे म्हणाल्या की, प्रत्येकाचा महसूल विभागाशी प्रत्...