diosindhudurg

Ø जिल्ह्यामध्ये लवकरच नवीन 196 इलेक्ट्रीक शिवाई वातानुकुलित बसेस Ø स्पर्धा परीक्षा केंद्र तयार करण्यासाठी शासनमान्य सार्वजनिक ग्रंथालयांना ई-ग्रंथालयांसाठी 2 कोटी Ø रोजगार मेळाव्याच्या माध्यमातून जिल्ह्यातील 270 उमेदवारांना नोकरी Ø अन्न प्रक्रिया उद्योगांना 10 कोटी 99 लाख कर्ज सिंधुदुर्गनगरी दि.1 (जि.मा.का):- आपल्याकडे जाती, धर्म, सण, उत्सव, संस्कृती, परंपरा यांच्यात वैविध्य असले तरी त्यात सुंदर असे एकात्मतेचे सूत्र नेहमीच ठळकपणे अधोरेखित झाले आहे. आपल्यातील हाच गोडवा, प्रेम, आपुलकी, स्नेह पुढील काळातही जपूया. महाराष्ट्राची सामाजिक ऐक्याची, सामाजिक न्यायाची उज्ज्वल परंपरा अखंड ठेवूया, अशा शब्दांत जिल्हाधिकारी के. मंजुलक्ष्मी यांनी महाराष्ट्राच्या 63 व्या वर्धापन दिनानिमित्त शुभेच्छा देतानाच,आपल्या सिंधुदुर्ग जिल्‍ह्याच्या सर्वांगिण विकासासाठी प्रशासनाच्या सर्व विभागांनी नितांत प्रयत्‍न करण्याचे आवाहनही केले. महाराष्ट्र राज्य स्थापनेच्या 63 व्या वर्धापनदिनानिमित्त येथील पोलिस परेड ग्राऊंडवर झालेल्या मुख्य शासकीय सोहळ्यात जिल्हाधिकारी के. मंजुलक्ष्मी ...

*सिंधुदुर्गनगरी दि.30 (जि.मा.का):- सावंतवाडी तालुक्यातील २६ पुरुषांना मान्यवरांच्या हस्ते सुधारक सन्मान पुरस्कार व चिन्ह देऊन गौरविण्यात आले. महिला आर्थिक विकास महामंडळ, महिला व बाल विकास विभाग (महाराष्ट्र शासन अंगीकृत) सिंधुदुर्ग स्थापित माहेर लोक संचलित साधन केंद्र, सावंतवाडी अंतर्गत महाराष्ट्र ग्रामीण उद्यम विकास प्रकल्प (नव तेजस्विनी) द्वारा जेंडर व न्युट्रीशन घटकांतर्गत तालुकास्तरीय पुरुष सुधारक सन्मान वितरण कार्यक्रम आदिनारायण मंगल कार्यालय, सावंतवाडी येथे नुकताच झाला. यावेळी सहाय्यक गटविकास अधिकारी श्री. चव्हाण, महिला आर्थिक विकास महामंडळाच्या लेखाधिकारी आशालता जमने, महिला व बाल विकास समुपदेशन केंद्राच्या अर्पिता वाटवे, माहेर लोक संचलित साधन केंद्राच्या अध्यक्षा नम्रता झारापकर, माहेर लोक संचलित साधन केंद्राच्या कोषाध्यक्षा भक्ती दळवी, माहेर लोक संचलित साधन केंद्र , सावंतवाडी च्या व्यवस्थापिका वैष्णवी नाईक तसेच माविम मित्रमंडळ आदी उपस्थित होते. सर्व प्रथम कार्यक्रमाची सुरुवात क्रांतीज्योती सावित्रीबाई फुले यांच्या प...

सिंधुदुर्गनगरी दि.30 (जि.मा.का):- कुडाळ तालुक्यातील २२ गावातील पुरुषांना मान्यवरांच्या हस्ते सुधारक सन्मान पुरस्कार व चिन्ह देऊन गौरविण्यात आले. महिला आर्थिक विकास महामंडळ, महिला व बालविकास विभाग- (महाराष्ट्र शासन अंगिकृत) नवतेजस्विनी महाराष्ट्र ग्रामीण उद्यम विकास प्रकल्प द्वारा स्वाधार लोकसंचलीत साधन केंद्र कुडाळ जेंडर व न्यूट्रिशियन घटकांतर्गत तालुकास्तरीय पुरुष सुधारक सन्मान वितरण कार्यक्रम नुकताच कुडाळ येथील मराठा समाज हॉल येथे झाला. यावेळी नाबार्ड चे जिल्हा महाप्रबंधक अजय थुटे महिला आर्थिक विकास महामंडळ च्या लेखाधिकारी आशालता जमने, स्वाधार लोकसंचलीत साधन केंद्र कुडाळ अध्यक्षा मानसी धुरी, उपाध्यक्षा स्वाती मांजरेकर सचिव राजेश्वरी कुडाळकर, स्वाधार संस्थेच्या व्यवस्थापिका प्रीतम केरवडेकर आदी उपस्थित होते. कार्यक्रमाच्या सुरुवातीला उपस्थित मान्यवरांच्या हस्ते क्रांतीज्योती सावत्रीबाई फुले, भारतरत्न डॉ बाबासाहेब आंबेडकर क्रांतीसूर्य महात्मा ज्योतिबा फुले यांच्या प्रतिमेला पुष्पहारा अर्पण करुन दीपप्रज्वलन करण्यात आले. महिला आर्थिक विक...

सिंधुदुर्गनगरी दि.28 (जि.मा.का): महाराष्ट्र शासनामार्फत कौशल्य रोजगार, उद्योजकता आणि नाविन्यता विभाग महाराष्ट्र राज्य आयोजित छत्रपती शाहू महाराज युवाशक्ती करिअर शिबीराचे आयोजन केले आहे. हे शिबीर दिनांक ६ मे २०२३ रोजी सकाळी ९.३० वाजता श्री ईच्छापूर्ती गोविंद मंगल कार्यालय हॉल ओरोस फाटा आर.टी.ओ. ऑफीस जवळ ओरोस सिंधुदुर्गनगरी येथे होणार आहे. या शिबीराचे उद्घाटन मंत्री सार्वजनिक बांधकाम (सार्वजनिक उपक्रम वगळून) अन्न नागरी पुरवठा व ग्राहक संरक्षण तथा पालकमंत्री रविंद्र चव्हाण यांच्या हस्ते होणार आहे. जिल्ह्यातील जास्तीत जास्त विद्यार्थ्यांनी तसेच त्यांच्या पालकांनी या कार्यक्रमास उपस्थित रहावे. कार्यक्रमासाठी १० वी १२ वी परीक्षेस प्रविष्ठ झालेल्या विद्यार्थ्यांना उपस्थित राहण्यासाठी जिल्ह्यातील संबंधित शाळेतील, कॉलेज मधील प्राचार्य व शिक्षकांनी विद्यार्थ्यांना संपर्क करावा, असे आवाहन जिल्हा व्यवसाय शिक्षण व प्रशिक्षण अधिकारी ए. एस. मोहारे यांनी केले आहे. या शिबीरात दहावी व बारावी नंतर विद्यार्थ्यांना करिअरच्या संधी या विषयावर मार्गदर्शन महाराष्ट्र शासनाच्या माध्य...

सिंधुदुर्गनगरी दि.28 (जि.मा.का) : सिंधुदुर्ग सैनिक स्कूल आंबोली येथे दिनांक १ ते ८ जून या कालावधीत शिबीर आयोजित करण्यात आलेले होते. मात्र, काही तांत्रिक कारणास्तव हे शिबिर यशवंतराव भोसले एज्युकेशन सोसायटी, सावंतवाडी येथे दिनांक १५ ते २२ जून २०२३ या कालावधीत होणार आहे. सर्व क्रीडा शिक्षकांनी याचा लाभ घ्यावा. राज्यात क्रीडा संस्कृतीचे संवर्धन, प्रचार, प्रसार, व जोपासना करण्यासाठी पोषक वातावरण असणे आवश्यक आहे. याच भूमिकेतून राज्याचे क्रीडा धोरण २०१२ घोषित करण्यात आलेले आहे. या क्रीडा धोरणानुसार खेळामधील बदललेले आधुनिक तंत्रज्ञान, प्रशिक्षणाच्या पध्दती, नवीन खेळ, खेळांची शास्त्रोक्त माहिती वेळोवेळी शिक्षकांना होणे आवश्यक आहे. तालुका, जिल्हा, विभाग व राज्यस्तर क्रीडा शिक्षकांच्या ज्ञानात भर पडावी व वेळोवेळी क्रीडा क्षेत्रात होणारे बदल अवगत होण्यासाठी राज्यातील शालेय शिक्षण विद्यार्थ्यांना योग्य क्रीडा प्रशिक्षण मिळण्यासाठी क्रीडा शिक्षकांचे अद्ययावत प्रशिक्षण असणे आवश्यक आहे. यासाठी अद्ययावत क्रीडा धोरण सन २०१२ तयार करण्यात आले. त्याच्या अंमलबजावणीसाठी दिनांक १४/०६/२०१२ च्या शासन निर्णय...

सिंधुदुर्गनगरी दि.28 (जि.मा.का) : नागवे गावात तलाठी म्हणून कार्यरत असलेल्या तत्कालीन तलाठी शालिनी नारायण येडगे (रा. कणकवली) या तलाठी कार्यालयात शासकीय कर्तव्य बजावत असताना आरोपी नंदकिशोर भिवा सुतार (वय ५७ वर्षे ) यांने हातात कोयता घेऊन त्यांच्या अंगावर धावून गेला. जमिनीच्या सातबारासाठी आपणांस सारख्या फे-या मारावयास लावता असे ओरडत त्यांच्या मानेवर कोयता ठेवून ठार मारण्याची धमकी दिली होती. या प्रकरणी आरोपी नंदकिशोर सुतार याला जिल्हा न्यायाधीश श्रीमती जोशी यांनी दोषी धरुन २७ दिवसांची सश्रम कारावासाची शिक्षा सुनावली. सरकारी पक्षाच्या वतीने अॕड गजानन तोडकरी व तपासिक अधिकारी म्हणून एपीआय सागर खंडागळे यांनी काम पाहिले ही घटना २९ ऑक्टोबर २०२० रोजी नागवे तलाठी कार्यालयात घडली होती. या प्रकरणी आरोपी नंदकिशोर सुतार याच्यावर गुन्हा दाखल करुन अटक करण्यात आली होती. या खटल्याची सुनावणी होऊन जिल्हा न्यायालयाने आरोपी नंदकिशोर सुतार याला बुधवारी शिक्षा सुनावली. त्याच प्रमाणे दुस-या केस मध्ये फिर्यादी सुनील महादेव ठाकुर (रा कणकवली) हे कणकवली न्यायालयात बेलीफ म्हणून काम पाहतात. दिनांक ...

सिंधुदुर्गनगरी दि.28 (जि.मा.का) : मे 2023 या महिन्यातील लोकशाही दिन हा महिन्याचा पहिला सोमवारी, दि. 1 मे रोजी महाराष्ट्र दिन असल्याने दि. 2 मे 2023 रोजी दु. 1 ते 2 या वेळेत राबविण्यात येणार आहे. अशी माहिती उपजिल्हाधिकारी रविंद्र मठपती (सा.प्र.) यांनी दिली. 00000

सिंधुदुर्गनगरी दि.28 (जि.मा.का): राष्ट्रीय आरोग्य अभियान 15 व्या वित्त आयोगांतर्गत शहरी कार्यक्षेत्रामध्ये जिल्ह्यातील 8 तालुक्यामध्ये 8 शहरी आरोग्य केंद्रे मंजूर आहेत. दिनांक 1 मे रोजी हिंदुहृदयसम्राट बाळासाहेब ठाकरे आपला दवाखाना शहरी आरोग्यवर्धिनी केंद्र वेंगुर्ला व देवगडचे ऑनलाईन उद्घाटन मुख्यमंत्री एकनाथ शिंदे यांच्या हस्ते होणार आहे. जिल्ह्यातील शहरी भागातील जनसामान्य, गोरगरीब, झोपडपट्टी भागातील राहणाऱ्या नागरिकांसाठी सार्वजनिक आरोग्य विभागामार्फत सोयीसुविधा मिळण्याकरिता, दवाखाने अत्याधुनिक तंत्रज्ञानाने स्मार्ट बनवण्यासाठी, सातत्यपूर्वक व आरोग्य गुणवतापूर्वक सेवा पुरविण्यासाठी, विविध रोगांच्या प्रादुर्भावाचे निरीक्षण आणि नियंत्रण करण्यासाठी तसेच सुलभ आणि परवडणारी जागतिक दर्जाची दर्जेदार आरोग्य सेवा प्रदान करून आरोग्य निर्देशांक वाढविण्याकरिता हिंदुहृदयसम्राट बाळासाहेब ठाकरे आपला दवाखान्याची स्थापना शहरी आरोग्यवर्धिनी केंद्र वेंगुर्ला व देवगड येथे करण्यात येणार आहे. हिंदुहृदयसम्राट बाळासाहेब ठाकरे आपला दवाखाना मध्ये पुढीलप्रमाणे आरोग्य सेवा उपलब्ध करून ...

सिंधुदुर्गनगरी दि.28 (जि.मा.का) : जिल्हा क्रीडा अधिकारी कार्यालयामार्फत दिनांक 17 ते 27 एप्रिल कालावधीत घेण्यात आलेल्या उन्हाळी प्रशिक्षण शिबिरास उत्स्फूर्त प्रतिसाद मिळाला. विविध खेळांच्या प्रशिक्षणामध्ये 300 विद्यार्थ्यांनी सहभाग घेतला. खेळाच्या प्रचार व प्रसार यानुसार फक्त खेळाडूंचा जास्तीत जास्त सहभाग व संघाची संख्या वाढवणे यावर लक्ष केंद्रित न करता गावपातळीपासून चांगले खेळाडू तयार होणे अपेक्षित आहे. यासाठी 8 ते 14 वयोगटातील विद्यार्थ्यांसाठी तालुकास्तर, जिल्हास्तरावर खेळ निहाय व शारीरिक क्षमता (Physical Fitness) खेळांचे प्राथमिक कौशल्य विकास प्रशिक्षण शिबिरांचे आयोजन झाल्यास खेळामध्ये सहभाग वाढू शकतो. शारीरिक क्षमता, सुदृढता यामध्ये वाढ होऊन शालेय विद्यार्थ्यांचे आरोग्य चांगले राहण्यास मदत होते. मल्लखांब व बास्केटबॉल या खेळाचे प्रशिक्षण शिबिर जयगणेश इंग्लिश मिडीयम स्कूल मालवण येथे आयोजित करण्यात आलेले होते. सदर शिबिर हे सिंधुदुर्ग जिल्हा मल्लखांब असोसिएशन व बास्केटबॉल असोसिएशन यांच्या संयुक्त विद्यमाने शांताराम जोशी, रणवीर सावंत व दिनेश चव्हाण यांनी घेतले. बॉक्सिंग य...

सिंधुदुर्गनगरी दि.28 (जि.मा.का) : आगामी वर्ष २०२४ मधील लोकसभा व विधानसभा सार्वत्रिक निवडणुकांच्या अनुषंगाने १ मे २०२३ रोजी आयोजित ग्राम सभेतील मतदार यादी वाचन कार्यक्रमांमध्ये सर्व लोकांनी उपस्थित रहावे व मतदार यादी शुद्धीकरण कार्यक्रमात सर्व पात्र मतदारांनी नाव नोंदणी, मतदार यादीतील दुरुस्ती करावी. दि. १ एप्रिल २०२३ ते ३१ डिसेंबर २०२३ या कालावधीत १८ वर्षे पूर्ण होणा-या व मतदारांनी ग्रामसभेमध्ये बीएलओ मार्फत किंवा व्होटर हेल्पलाईन किंवा NVSP मार्फत आगाऊ फॉर्म नं ६ भरण्याची सुविधा भारत निवडणूक आयोगाने उपलब्ध करून दिली आहे. या सुविधेचा जास्तीत जास्त पात्र भावी मतदारांनी लाभ घ्यावा, असे आवाहन जिल्हाधिकारी व जिल्हा निवडणूक अधिकारी के. मंजुलक्ष्मी यांनी केले आहे. आगामी वर्ष २०२४ मध्ये लोकसभा व विधानसभा सार्वत्रिक निवडणुका होणार असून त्यासाठी मतदार यादी अद्ययावत करण्याची कार्यवाही सुरु झालेली आहे. मतदार यादी अधिक शुध्द करण्याकरिता दिनांक ५ जानेवारी २०२३ रोजी प्रसिध्द् झालेल्या मतदार यादीतील मयत मतदारांची नावे मतदार यादीतून वगळण्याची कार्यवाही चालू आहे. तसेच ...

सिंधुदुर्गनगरी दि.27 (जि.मा.का) : एम. देवेंदर सिंह, जिल्हादंडाधिकारी, रत्नागिरी, यांना प्रदान करण्यात आलेल्या अधिकारानुसार, कार्यकारी अभियंता, राष्ट्रीय महामार्ग विभाग पेण-रायगड, राष्ट्रीय महामार्ग विभाग रत्नागिरी, पोलीस विभाग व परिवहन विभाग यांनी संयुक्तपणे परशुराम घाटामध्ये वाहनांची वाहतुक सुरक्षितरित्या करण्याबाबत आवश्यकती उपाययोजना करून त्यांचे निरीक्षणाखाली दिनांक 25/04/2023 ते दिनांक 10/05/2023 या कालावधीमध्ये दुपारी 12.00 ते सायंकाळी 05.00 वाजेपर्यंत परशुराम घाट सर्व प्रकारच्या वाहतुकीसाठी बंद ठेवण्यात येत आहे. बंद कालावधीत हलक्या वाहनांची वाहतुक चिरणी- आंबडस- चिपळूण मार्गे वळविणेबाबतची कार्यवाही खालील अटी व शर्तीच्या अधीन राहून करण्यात यावी. असे आदेश दिले आहेत. कार्यकारी अभियंता, राष्ट्रीय महामार्ग विभाग, पेण-रायगड यांनी पनवेल महाड पणजी रस्ता राष्ट्रीय महामार्ग क्र. 66 च्या परशुराम पाट मधील लांबीमधील महामार्गाच्या चौपदरीकरणाचे काम हे केंद्रीय रस्ते वाहतूक व परिवहन मंत्रालय, नवी दिल्ली यांच्या मंजुरीनुसार व नियुक्त ठेकेदार में. कशेडी परशुराम हायवे प्रा. लि. इं...

सिंधुदुर्गनगरी दि.27 (जि.मा.का) : सिंधुदुर्ग सैनिक स्कुल, आंबोली येथे दिनांक १ ते ८ जुन २०२३ या कालावधीत होणाऱ्या क्रीडा शिक्षकांचे प्रशिक्षण शिबीरास सर्व क्रीडा शिक्षकांनी लाभ घ्यावा, असे आवाहन जिल्हा क्रीडा अधिकारी, विद्या शिरस यांनी केले. राज्यात क्रीडा संस्कृतीचे संवर्धन, प्रचार, प्रसार, व जोपासना करण्यासाठी पोषक वातावरण असणे आवश्यक आहे. याच भुमिकेतुन राज्याचे क्रीडा धोरण २०१२ घोषित करण्यात आलेल आहे. या क्रीडा धोरणातील मुद्दा क्र.६ (५) नुसार खेळामधील बदललेले आधुनिक तंत्रज्ञान, प्रशिक्षणाच्या पध्दती, नवीन खेळ, खेळाची शास्त्रोक्त माहिती वेळोवेळी शिक्षकांना होणे आवश्यक आहे. तालुका जिल्हा विभाग व राज्यस्तर क्रीडा शिक्षकांच्या ज्ञानात भर पडावी व वेळोवेळी क्रीडा क्षेत्रात होणारे बदल अवगत होण्यासाठी राज्यातील शालेय शिक्षण विदयार्थ्यांना योग्य क्रीडा प्रशिक्षण मिळण्यासाठी क्रीडा शिक्षकांचे अदयावत प्रशिक्षण असणे आवश्यक आहे. यासाठी अद्ययावत क्रीडा धोरण सन २०१२ तयार करण्यात येऊन त्याच्या अंमलबजावणी साठी दिनांक १४ जून २०१२ च्या शासन निर्णयानुसार क्रीडा शिक्षकांसाठी ...

सिंधुदुर्गनगरी दि.27 (जि.मा.का) : महाराष्ट्र लोकसेवा आयोगामार्फत घेण्यात येणारी महाराष्ट्र अराजपत्रित गट ब व गट क सेवा संयुक्त पूर्व परीक्षा 2023 ही रविवार दिनांक 30 एप्रिल 2023 रोजी सिंधुदुर्ग जिल्हयात कुडाळ व कणकवली तालुक्यातील पुढील 5 उपकेंद्रावर (प्रत्यक्ष परीक्षेची वेळ सकाळी 11 ते दुपारी 12. वा. वेळेत) घेण्यात येणार असून, या परीक्षेसाठी एकूण 1836 उमेदवार परीक्षेस बसणार आहेत. परीक्षेची बैठक व्यवस्था पुढीप्रमाणे कुडाळ व कणकवली तालुक्यातील पुढील 5 उपकेंद्रावर करण्यात आलेली आहे. अशी माहिती मच्छिंद्र सुकटे निवासी उपजिल्हाधिकारी सिंधुदुर्ग यांनी दिली आहे. उपकेंद्राचे नांव - 1) कुडाळ हायस्कूल, कुडाळ ज्युनिअर कॉलेज, कुडाळ येथे बैठक क्रमांक KD001001 ते KD001432. 2) संत राऊळ महाराज महाविदयालय, कुडाळ येथे बैठक क्रमांक KD002001 ते KD002360. 3) कराची महाराष्ट्रीय शिक्षण प्रसारक मंडळ इंग्लिश मेडियम सेकंडरी स्कूल, कुडाळ येथे बैठक क्रमांक KD003001 ते KD003264. 4) कणकवली कॉलेज, कणकवली येथे बैठक क्रमांक KD004001 KD004432 तर 5) विद्यामंदिर माध्यमिक प्रशाला, कणकवली येथे बैठक क्रमांक ...

सिंधुदुर्गनगरी दि.27 (जि.मा.का) : पंतप्रधान नरेंद्र मोदी यांनी जनतेशी साधलेल्या संवादाचे अर्थात ‘मन की बात’ कार्यक्रमाच्या 100 व्या भागाचे प्रसारण येत्या रविवारी दिनांक 30 एप्रिल 2023 रोजी सकाळी अकरा वाजता आकाशवाणीची सर्व केंद्रे तसेच दूरदर्शन आणि न्यूज ऑन एआरआर या अॅपवर आपण ऐकू शकाल. आकाशवाणी सिंधुदुर्गनगरी केंद्रावरुनही (FM 103.6 MHz) हे प्रसारण केले जाणार आहे. अशी माहिती केंद्राच्या कार्यक्रम विभाग प्रमुख सुजाता कहाळेकर यांनी दिली. ०००००

सिंधुदुर्गनगरी दि.26 (जि.मा.का) : आरोंदा तेरेखोल खाडी परिसरात आंतरराष्ट्रीय दर्जाचे पर्यटन उभे केले जाणार आहे. त्यासाठी गुंतवणूक करणाऱ्या उद्योजकांना आमंत्रित करण्यात येईल, असे सांगतानाच तेरेखोल खाडीपात्रात होणारी अवैद्य वाळू उपसा रोखण्यासाठी कारवाई करा, अशी सूचना शालेय शिक्षण मंत्री दीपक केसरकर यांनी आज दिली. शालेय शिक्षणमंत्री श्री. केसरकर यांनी आरोंदा येथे वाळू उत्खननामुळे होणाऱ्या नुकसानीची, मॅंग्रोव्हज बोडवॉक प्रकल्पाच्या जागेची, पर्यटनदृष्ट्या हाऊस बोट व तेरेखोल नदीच्या किनाऱ्यावर निवास व न्याहरी व्यवस्था आणि प्रस्तावित मरीना प्रकल्पाची पाहणी केली. यावेळी जिल्हाधिकारी के. मंजुलक्ष्मी, पोलीस अधीक्षक सौरभ अग्रवाल, उपवनसंरक्षक नवकिशोर रेड्डी, प्रांताधिकारी प्रशांत पानवेकर यांच्यासह सातार्डा, किनळे, रेड्डी, आरोंदा व कवठनी सरपंच उपस्थित होते. शालेय शिक्षणमंत्री श्री. केसरकर यांनी महाराष्ट्र पर्यटन विकास महामंडळाच्या बोटीतून सविस्तर पाहणी केली. यावेळी बैठक घेऊन उपस्थित अधिकाऱ्यांना आवश्यक त्या सूचना दिल्या. आंतरराष्ट्रीय पर्यटकांना आकर्षित करण्यासाठी आरोंदा त...

 'पहिले पाऊल- शाळापूर्व तयारी' अभियानात सर्वांनी सहभागी व्हावे : शिक्षण मंत्री दीपकजी केसरकर  मुंबई : राज्य शासनाकडून आदर्श माता घरोघरी घडवण्याचं काम 'पहिले पाऊल- शाळापूर्व तयारी' अभियानांतर्गत  सुरु आहे. या अभियानात आवर्जून सर्वांनी आपला सहभाग नोंदवावा आणि महाराष्ट्राचं भविष्य घडवण्याच्या दृष्टीनं पुढची पिढी आपणच  सक्षम बनवूया. असं आवाहन राज्याचे शालेय शिक्षण मंत्री मा.श्री.दीपकजी केसरकर यांनी केलं आहे.   महाराष्ट्राला छत्रपती शिवाजी महाराजांना घडवणाऱ्या माँसाहेब जिजाऊ आणि स्त्री शिक्षणाची मुहूर्तमेढ रोवणाऱ्या क्रांतीज्योती सावित्रीबाई फुले यांचा वारसा लाभलेला आहे. हाच वारसा पुढे चालवण्यासाठी सुरु केलेल्या अभियानाला गेल्यावर्षी सुरवात झाली. त्याला उत्स्फूर्त प्रतिसाद मिळाला. यामुळे मुलांच्यात 40% प्रगती आढळून आली. यंदाच्या वर्षी देखील अडीच लाख माता पालक गट आणि १४ लाखांहून अधिक मुलांचा सहभाग या अभियानात नोंदवला जात आहे. नवीन शैक्षणिक धोरणात नर्सरी, ज्युनियर, सिनियर के. जी. यांचा समावेश केला आहे. यामध्ये मुलांची काळजी घेण्याबरोबरच मुलांना शिक्षणाची आवड निर्माण व्हावी, अक...

भारत सरकार व जागतिक आरोग्य संघटना यांच्या समन्वयाने गेल्या काही दशकात मलेरियावर (हिवतापावर) मात करण्यासाठी केलेल्या प्रयत्नामुळे आज आपण हिवताप दुरिकरणाच्या दिशेने वाटचाल करत आहोत. केंद्र शासनाच्या मार्गदर्शक सुचनेनुसार भारतात सन २०३० पर्यंत हिवताप दुरीकरण करण्याचे लक्ष ठरविले आहे हिवतापावर मात करावयाची असेल तर सरकारी आरोग्य यंत्रणेच्या प्रयत्नाबरोबरच जनतेचा सहभाग व इतर सरकारी यंत्रणेचे सहकार्य तितकेच महत्वाचे आहे. जगामध्ये दरवर्षी ३०० ते ५०० दशलक्ष लोकांना हिवताप होतो. याकरीता हिवताप या किटकजन्य आजाराविषयी जनतेमध्ये जागृती निर्माण होऊन प्रतिबंधात्मक उपाययोजनाच्या अंमलबजावणीसाठी त्यांचा सक्रीय सहभाग प्राप्त होणे आवश्यक आहे. यासाठी सर्वानी एकाच वेळी एक दिलाने प्रयत्न केले तर हिवतापाच्या लढाईत हिवतापाचा पराभव होवु शकतो. या दृष्टीने जागतिक आरोग्य संघटनेने या वर्षी हीच वेळ खरी मलेरीयाला झिरो करण्याची, हे घोषवाक्य निवडले आहे. हिवताप या आजाराबाबत थोडक्यात माहिती- हिवताप या आजाराचा प्रसार अॅनाफेलीस या डासांच्या मादी मार्फत होतो. निसर्ग निर्मित स्थाने भातशेती, पाण्याची डबकी, ...

सिंधुदुर्गनगरी दि.24 (जि.मा.का):- सामाजिक न्याय पर्वानिमित्त डॉ. बाबासाहेब आंबेडकर सामाजिक न्याय भवन, सिंधुदुर्गनगरी येथे दि. 23 एप्रिल रोजी करियर मार्गदर्शन शिबिर, अनु. जाती-जमाती प्रतिबंधक कायदा १९८९ व सुधारित अधिनियम २०१६ व अंधश्रध्दा निमूर्लन कार्यशाळेचे आयोजन करणेत आले होते. सहाय्यक आयुक्त, समाज कल्याण, सिंधुदुर्ग व पंचशिल ट्रस्ट ओरोस व के. सौ.रुणी फटू मठकर चॅरीटेबल ट्रस्ट, वेंगुली यांच्या संयुक्त विद्यामानाने भारतरत्न डॉ. बाबासाहेब आंबेडकर यांच्या १३२ वी जयंतीच्या अनुषंगाने या कार्यशाळेचे आयोजन करण्यात आले होते. यावेळी माजी पंचायत समिती सदस्या सुप्रिया वालावलकर, सेवानिवृत्त अध्यक्ष जिल्हा सत्र न्यायालय संजय खोटलेकर, समाज कल्याण कार्यालयातील अधिकारी-कर्मचारी यांच्या हस्ते ओरोस येथील छत्रपती शिवाजी महाराज यांच्या पुतळयास पुष्पहार अर्पण करून व डॉ. बाबासाहेब आंबेडकर सामाजिक न्याय भवन, सिंधुदुर्ग येथे डॉ. बाबासाहेब आंबेडकर यांच्या प्रतिमेस मान्यवरांच्या हस्ते पुष्पहार अर्पण करून दिपप्रज्वलन करणेत आले. त्यानंतर उपस्थित नागरिक, महाविद्यालयातील विद्यार्थी-विद्यार्थी...

सिंधुदुर्गनगरी दि.24 (जि.मा.का):- महाराष्ट्र राज्य स्थापनेच्या 63 व्या वर्धापन दिनानिमित्त पोलीस परेड मैदानावर सोमवार, दिनांक 1 मे 2023 रोजी सकाळी 8.00 वा. होणाऱ्या मुख्य शासकीय सोहळ्यात जिल्हाधिकारी के. मंजुलक्ष्मी यांच्या हस्ते ध्वजारोहण होणार आहे. या सोहळ्यास मोठ्या संख्येने उपस्थित रहावे, असे आवाहन निवासी उपजिल्हाधिकारी मच्छिंद्र सुकटे यांनी केले आहे. सामान्य प्रशासन विभागाच्या 21 एप्रिल रोजीच्या शासन परिपत्रकानुसार पालकमंत्री रविंद्र चव्हाण हे पालघर जिल्ह्यात ध्वजारोहण करणार असल्याने, सिंधुदुर्ग जिल्ह्यातील मुख्य ध्वजारोहणाचा कार्यक्रम जिल्हाधिकाऱ्यांच्या हस्ते होणार आहे. ००००

सिंधुदुर्गनगरी दि.22 (जि.मा.का):- सद्यस्थितीत वातावरणामध्ये वाढत चाललेल्या उन्हामुळे शरीरावर अनेक दुष्परिणाम दिसून येतात तर काहीवेळेस मृत्यूही ओढवला जावू शकतो. यावर भीती न बाळगता दक्षता घेण्याचे आवाहन प्रभारी जिल्हा शल्य चिकित्सक डॉ. श्रीपाद पाटील यांनी केले आहे. डॉ. श्रीपाद पाटील याबाबत पुढीलप्रमाणे माहिती दिली. आपल्या शरीराचे तापमान नेहमी ३७ अंश सेल्सिअस असते. या तापमानातच शरीरातले सर्व अवयव नीट काम करु शकतात. घामाच्या रुपाने पाणी बाहेर काढून शरीर ३७ अंश सेल्सिअस तापमान कायम राखते. सतत घाम निघत असताना पाणी पीत राहणे अत्यंत गरजेचे आहे. पाणी शरीरात इतरही अधिक महत्त्वाची कामे करते. त्यामुळे शरीरातला पाण्याचा साठा कमी झाला तरी शरीर घामाच्या रुपाने पाणी बाहेर टाकणे टाळते. जेव्हा वातावरणातील तापमान ४५ अंशाच्या पुढे जाते आणि शरीरातील कुलिंग व्यवस्था पाण्याच्या अभावाने ठप्प होते. तेव्हा शरीराचे तापमान ३७ अंशांच्या पुढे जाऊ लागते. शरीराचे तापमान जेन्हा ४२ अंशाला पोहचते तेव्हा रक्त तापू लागते आणि रक्तातले प्रोटिन अक्षरश: शिजू लागतात. परिणामता रक्त घट्ट होते. ब्लडप्रेशर कमी होते. मेंदूचा रक...

सिंधुदुर्गनगरी,दि.21 (जि.मा.का.) : जिल्ह्यात मोठ्या प्रमाणात काजू पिकाचे उत्पादन होते. या पिकापासून शेतकऱ्याला जास्तीत जास्त फायदा कशा प्रकारे देता येईल यासाठी ब्राझिलच्या तंत्रज्ञानाचा वापर काजू बोंड प्रक्रियेसाठी करावा, अशा सूचना शालेय शिक्षणमंत्री दीपक केसरकर यांनी दिल्या. काजू फळपीक प्रकिया,सिंधुरत्न समृध्द योजना,माजगांव धरणासंदर्भात भूसंपादन व जलसंधारण विभागाची आढावा बैठक शालेय शिक्षणमंत्री श्री. केसरकर यांनी चिपी विमानतळावर घेतली. बैठकीस जिल्हाधिकारी के.मंजुलक्ष्मी, मुख्य कार्यकारी अधिकारी प्रजित नायर, उपवनसंरक्षक नवकिशोर रेड्डी, प्रांताधिकारी प्रशांत पानवेकर, उपजिल्हाधिकारी (भूसंपादन) वर्षा शिंगण-पाटील, महाराष्ट्र औद्योगिक विकास महामंडळ, रत्नागिरीच्या मुख्य कार्यकारी अधिकारी वंदना खरमाळे, सार्वजनिक बांधकाम विभागाच्या कार्यकारी अभियंता अनामिका जाधव, जिल्हा नियोजन अधिकारी दिलीप पवार नगर परिषदेचे मुख्य कार्यकारी अधिकारी जयंत जावडेकर आदी उपस्थित. श्री. केसरकर म्हणाले, काजू बोंड प्रक्रियेवरील संशोधनासाठी बाळासाहेब सावंत कोकण कृषी विद्यापीठाला निधी देण्यात आला होता. हे तंत्रज्ञान ...

उष्माघातापासून वाचण्यासाठी योग्य ती खबरदारी घ्या - निवासी उपजिल्हाधिकारी मच्छिंद्र सुकटे सिंधुदुर्गनगरी,दि.20 (जि.मा.का.) : वातावरणीय बदलामूळे उन्हाळी हगांमात वाढत्या तापमानामूळे उष्मालाट येत आहेत. तापमानाच्या 30 डिग्री सेल्सिअस, किनारी पट्यात 37 डिग्री सेल्सिअस व समतल भुभागात 40 डिग्री सेल्सिअस तापमानाची नोंद होणे किंवा सामान्य तापमानापेक्षा 4.5 डिग्री सेल्सिअस पेक्षा जास्त तापमनाची वाढ होणे. ही म्हणजे उष्णतेची लाट आहे. या उष्णतेच्या लाटेपासून होणाऱ्या गंभीर परिणामापासून वाचण्यासाठी जनतेने खबरदारी घ्यावी, असे आवाहन निवासी उपजिल्हाधिकारी मच्छिंद्र सुकटे यांनी केले आहे. उष्मालाटेपासून बचाव होण्याच्या दृष्टीने घ्यावयची दक्षता (काय करावे ?) 1. पुरेसे पाणी प्या, तहान लागली नसली तरीही दर अर्ध्या तासाच्या फरकाने पाणी प्या. 2. घराबाहेर पडताना डोके झाकण्यासाठी छत्री अथवा टोपीचा वापर करा. 3. दुपारी 12 ते 3 वाजेदरम्यान घराबाहेर जाणे टाळा. 4. सूर्यप्रकाशापासून वाचण्यासाठी घरातील पडदे आणि झडपांचा वापर करा. 5.उष्णतेच्या लाटेच्या माहितीसा...

सिंधुदुर्गनगरी,दि.18 (जि.मा.का.) : उपप्रादेशिक परिवहन कार्यालयाच्या 2022-2023 आर्थिक वर्ष 2021-2022 च्या तुलनेत महसूल वसुलीमध्ये 13.56 कोटीची म्हणजेच 32 टक्के इतकी वाढ झाली आहे. त्याशिवाय वाहन नोंदणीमध्ये दुचाकी 2400,चारचाकी 212 तर परिवहन संवर्गात 525 ची वाढ झाल्याची माहिती माहिती उपप्रादेशिक परिवहन अधिकारी नंदकुमार काळे यांनी दिली आहे. उपप्रादेशिक परिवहन कार्यालयातील विविध वसुलीच्या माध्यमातून सुमारे 56 कोटी 52 लाख उत्पन्न मिळाले यामध्ये मोटार सायकल नवीन नोंदणी- 10 कोटी 75 लाख, कार नवीन नोंदणी 19 कोटी 85 लाख, परिवहन संवर्गातील नवीन वाहने 1 कोटी 55 लाख, जुना कर-3 कोटी 67 लाख, परिवहन वाहनांचा कर 6 कोटी 9 लाख, पर्यावरण कर 1 कोटी 17 लाख, रस्ता सुरक्षा सेस 68 लाख, शुल्क 8 कोटी 89 लाख, तडजोड शुल्क (दंड) 2 कोटी 86 लाख, प्रवासी कर 1 कोटी 1 लाख अस एकूण 56 कोटी 52 लाख महसूल वसुली झाली आहे. नवीन वाहन नोंदणी कामकाजाचा आढावा घेण्यात आला असून एप्रिल 2022 ते मार्च 2023 कालावधीत जिल्ह्यात दुचाकी 10 हजार 647, चारचाकी 1 हजार 844 परिवहन 1 हजार 590 अशा एकूण 14 हजार 81 नवीन व...

सिंधुदुर्गनगरी,दि.18 (जि.मा.का.) :प्रांताधिकारी आणि तहसिलदारांनी मान्सूनपूर्व तयारीबाबत तालुकास्तरीय यंत्रणांची बैठक घेवून सतर्क करावे, त्याच बरोबर तालुकास्तरीय आपत्ती व्यवस्थापन आराखडे अद्ययावत करुन सादर करावेत, अशी सूचना निवासी उपजिल्हाधिकारी मच्छिंद्र सुकटे यांनी केली. मान्सूनपूर्व तयारी आढावा बैठक आज घेण्यात आली. बैठकीला प्रांताधिकारी जगदीश कातकर, प्रशांत पानवेकर, ऐश्वर्या काळुशे, उपमुख्य कार्यकारी अधिकारी विशाल तनपुरे, जिल्हा प्रशासन अधिकारी अवधूत तावडे यांच्यासह सर्व तहसिलदार व खाते प्रमुख उपस्थित होते. जिल्हा आपत्ती व्यवस्थापन अधिकारी राजश्री सामंत यांनी स्वागत करुन आपदा मित्रांच्याबाबत मार्गदर्शन केले. यावेळी निवासी उपजिल्हाधिकारी सुकटे म्हणाले, सर्व नियंत्रण कक्ष व यंत्रणांच्या संपर्क क्रमांकासह पुस्तिका बनवावी. आपत्ती काळात कोणीही मुख्यालय सोडू नये. जिल्हा परिषद तसेच नगर परिषद आरोग्य विभागाने शुध्द पाणी पुरवठा करावा. साथरोग नियंत्रणाबाबत नियोजन करावे. शालेय विभागाने शाळा सुस्थितीत ठेवाव्यात. नगर परिषद, ग्रामपंचायत यांनी नाले सफाई, धोकादायक इमारतीबाबत उपाययोजना कराव्यात. प...

सिंधुदुर्गनगरी दि.14 (जि.मा.का):- भारतरत्न डॉ. बाबासाहेब आंबेडकर यांच्या 132 वी जयंती निमित्त जिल्हाधिकारी के. मंजुलक्ष्मी यांनी कणकवली येथील बुध्दविहार स्मारक व प्रतिमेस पुष्पहार अर्पण करुन अभिवादन केले. यावेळी जिल्हा जात प्रमाणपत्र पडताळणी समितीचे उपायुक्त प्रमोद जाधव, समाज कल्याण विभागाचे सहाय्यक आयुक्त संतोष चिकणे यांनीही पुष्हार अर्पण करुन अभिवादन केले. कणकवली येथील बुध्दविहार ते पटवर्धन चौक पर्यंत शासकीय वसतिगृहातील व महाविद्यालयातील विद्यार्थ्यांनी आणि नागरिकांनी प्रभात फेरी काढली. शाहीर उदय भोसले यांनी भारतरत्न डॉ.बाबासाहेब आंबेडकर यांच्या जीवन व कार्यावर पोवाडा गायनातून जनजागृती केली. जिल्हा जात प्रमाणपत्र पडताळणी समिती कार्यालयामार्फत विद्यार्थ्यांना मान्यवरांच्या हस्ते जात वैधता प्रमाणपत्रांचे वाटप करण्यात आले. यावेळी कणकवली तहसिलदार पोलीस निरीक्षक, उपकोषागार अधिकारी यांच्यासह अन्य अधिकारी कर्मचारी, नागरिक, सामाजिक कार्यकर्ते, समतादूत, शासकीय वसतिगृह, आश्रमशाळा व महाविद्यालयातील विद्यार्थी- विद्यार्थींनी मोठ्या संख्येने उपस्थित होत्या. सोबत : फोटो 00000

सिंधुदुर्गनगरी दि.14 (जि.मा.का):- भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या 132 व्या जयंतीनिमित्त निवासी उपजिल्हाधिकारी मच्छिंद्र सुकटे यांनी त्यांच्या प्रतिमेस पुष्पहार अर्पण करुन अभिवादन केले. यावेळी उपस्थित अधिकारी व कर्मचाऱ्यांनी देखील डॉ. बाबासाहेब आंबेडकर यांच्या प्रतिमेला पुष्प अर्पण करून अभिवादन केले. सोबत : फोटो 0000

सिंधुदुर्गनगरी,दि.14 (जिमाका):- आज 14 एप्रिल 24 वाजल्यापासून ते 16 एप्रिल रोजी 24 वाजेपर्यंत सार्वजनिक हितास्तव खारघर ते इन्सुली (सावंतवाडी) या राष्ट्रीय महामार्ग क्र 66 मुंबई-पुणे द्रुतगती महामार्ग, मुंबई-पुणे जुना राष्ट्रीय महामार्ग तसेच इतर राज्यीय महामार्गावरुन होणारी जड-अवजड वाहने, ट्रक, मल्टीएक्सल, ट्रेलर अशा सर्व वाहनांची वाहतूक बंद राहील. सह सचिव राजेंद्र होळकर यांनी याबाबत आदेश दिले आहेत. यात म्हटले आहे, अपर जिल्हा दंडाधिकारी, रायगड-अलिबाग यांनी केलेल्या संदर्भीय अहवालानुसार दिनांक 16 एप्रिल 2023 रोजी अप्पासाहेब धर्माधिकारी यांना महाराष्ट्र शासनाकडून महाराष्ट्र भुषण पुरस्काराने सन्मानित करण्यात येणार आहे. हा गौरव सोहळा खारघर नवी मुंबई येथे असल्याने या कार्यक्रमाकरीता रायगड, रत्नागिरी, ठाणे, मुंबई, पुणे, नाशिक, धुळे, जळगाव, नंदुरबार वगैरे जिल्ह्यातून तसेच बाहेरील राज्यातून सुमारे 15 ते 20 लाख सदस्य, अनुयायी खाजगी वाहनांने, एसटी बसेस तसेच रेल्वेने खारघर नवीमुंबई येथे येणार आहेत. सद्यस्थितीत मुंबई-गोवा राष्ट्रीय महामार्ग क्र. 66 वर चौपदरीकरणाचे कामकाज चालू असल्यामूळे ...

सिंधुदुर्गनगरी, दि.13 (जि.मा.का.): शिवछत्रपती राज्य क्रीडा पुरस्कारासाठी सन 2019-20, 2020-21 आणि 2021-22 या वर्षाच्या हरकती व आक्षेप मागविण्यात आले आहेत. त्यानुसार दि. 13 ते 15 एप्रिल 2023 पर्यंत https://sports.maharashtra.gov.in या संकेस्थस्थळावर हरकती व आक्षेपांची नोंदणी करावी, असे आवाहन‍ जिल्हा क्रीडा अधिकारी विद्या शिरस यांनी केले आहे. क्रीडा क्षेत्रातील विशेष उल्लेखनीय कामगिरी करणाऱ्या खेळाडूंचा गौरव करण्यासाठी राज्य शासनामार्फत "शिवछत्रपती राज्य क्रीडा जीवन गौरव पुरस्कार", "उत्कृष्ट क्रीडामार्गदर्शक पुरस्कार "शिवछत्रपती राज्य क्रीडा पुरस्कार (खेळाडू)", "शिवछत्रपती राज्य साहसी क्रीडा पुरस्कार", "शिवछत्रपती राज्य क्रीडा पुरस्कार (दिव्यांग खेळाडू)" असे पुरस्कार प्रदान करण्यात येतात. शिवछत्रपती राज्य क्रीडा पुरस्काराकरिता प्राप्त झालेल्या प्रस्तावांचे प्राथमिक छाननी केलेला गुणांकन तक्ता एकूण गुणांकनासह संचालनालयाच्या https://sports.maharashtra.gov.in या संकेतस्थळावरील "पुरस्कार (Award)" टॅब मध...

अनुसूचित जाती व नवबौध्द घटकांतील लोकांकरीता स्वयंरोजगारासाठी आर्थिक सहाय्य व सामाजिक उन्नतीच्या उद्देशाने व त्यांच्या सर्वांगीण विकासाठी महात्मा फुले मागासवर्ग विकास महामंडळाकडून 50 टक्के अनुदान योजना व बीज भांडवल योजना राबविण्यात येतात. ही योजना अनुसूचित जाती व नवबौध्द घटकातील लोकांना स्वयंरोजगारासाठी अत्यंत लाभदायी आहे. यामध्ये असलेल्या योजनांची अंमलबजावणी होण्यासाठी शासनाच्या 20 कलमी योजनेअंतर्गत 50 टक्के अनुदान योजना व बिजभांडवल योजनेकरीता अर्ज करता येतो.या योजने बद्दल अधिक जाणून घेवूया... महात्मा फुले मागासवर्ग विकास महामंडळ मर्या. जिल्हा कार्यालय सन 2023-24 या आर्थिक वर्षात हे महामंडळ राबवीत असलेल्या 50 टक्के अनुदान योजना व बीजभांडवल योजना या दोन्ही योजना राष्ट्रीयकृत बँकेमार्फत राबविण्यात येतात. या योजनेंतर्गंताकर्ज प्रस्ताव सादर करण्याकरीता या महामंडळाच्या योजना अनुसुचित जाती व नवबौध्द लोकांच्या स्वयंरोजगारासाठी लाभ घेऊ इच्छिणाऱ्या अर्जदारांनी यापूर्वी महामंडळाच्या कुठल्याही योजनेचा लाभ घेतलेला नसावा. तसेच अर्जदारांनी महामंडळाच्या नियम...

सिंधुदुर्गनगरी, दि.१२ (जि.मा.का.): एनएसडीसी यांच्या मार्फत आंतरराष्ट्रीय रोजगार मेळाव्याचे २६ जून पर्यंत आयोजन करण्यात आले आहे. तरी जिल्हातील जास्तीत जास्त नोकरी इच्छुक उमेदवारांनी आंतरराष्ट्रीय रोजगार मेळाव्यामध्ये सहभागी घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे प्र.सहाय्यक आयुक्त ग.प्र.बिटोडे यांनी केले आहे. भारतातील उमेदवारांना परदेशातील नोकरी उपलब्ध होण्यासाठी पहिला आंतरराष्ट्रीय रोजगार मेळावा दि.२१ फेब्रुवारी २०२३ ते दि.२८ जून २०२३ यादरम्यान नॅशनल स्कीलडेव्हलपमेंट कॉर्पेारेशन (एनएसडीसी) यांचे मार्फत आयोजित करण्यात आलेला आहे. या रोजगार मेळाव्याचे वेळापत्रक पुढीलप्रमाणे आहे. एनएसडीसी या डिजीटल प्लँटफॉर्मवर विद्यार्थी आणि नियोक्ते यांची नोंदणी,दि. २१ फेब्रुवारी २०२३ ते ९ एप्रिल २०२३, २५,००० उमेदवारांची नोंदणी आणि १०,००० आंतरराष्ट्रीय नोकरीच्या संधी. स्क्रिनिंग आणि भाषा चाचणी ऑनलाईन, दि.१० ते दि १६ एप्रिल २०२३ रोजी . उमेदवार ऑनलाईन मॅपिंग दि. १ ते ७ मे २०२३ रोजी भारतातील विविध शहरांमध्ये प्राथमिक फ...

सिंधुदुर्गनगरी, दि.12 (जि.मा.का.): अक्षय्य तृतीया हा महत्वाचा मुहूर्त २२ एप्रिल २०२३ रोजी असल्याने या शुभमुहूर्तावर देशात मोठ्या प्रमाणात विवाह आयोजित केले जातात. यावेळी बालविवाह सुद्धा मोठ्या प्रमाणात होण्याची शक्यता आहे.तरी बाल विवाह होत असल्यास त्याबाबची माहिती चाईल्ड लाईन हेल्पलाईन टोल फ्री क्रमांक १०९८ किवा पोलीस हेल्पलाईन क्रमांक ११२ क्रमांवर द्यावी,असे आवाहन सामान्य प्रशास विभागाचे उपजिल्हाधिकारी रविंद्र मठपती यांनी केले आहे. बालविवाह प्रतिबंधक कायदा २००६ संपूर्ण देशात लागू करण्यात आलेला आहे यामध्ये मुलीचे वय १८ वर्षे पुर्ण व मुलाचे वय २१ वर्ष पूर्ण होण्याअगोदर झालेला विवाह बालविवाह समजला जातो. त्यानुसार विवाह आयोजित करणे हा अजामीनपात्र गुन्हा आहे. आणि या मुहूर्तावर सामुदायिक किवा एकल विवाह समारंभ आयोजित केले जातात यामध्ये बालविवाहाचे प्रमाण मोठ्या प्रमाणात असल्याची शक्यता नाकारता येत नाही. त्यामुळे अक्षय्य तृतीया मुहूतावर होणाऱ्या विवाहात बालविवाह रोखण्यासाठी एक महत्त्वाचे पाऊल उचलणे अत्यंत गरजेचे आहे. बालविवाह प्रतिबंधक कायदा २००६ नुसार बालविवाह हा कायद्याने...

सिंधुदुर्गनगरी, दि.12 (जि.मा.का.): माहे एप्रिल 2023 चा जिल्हास्तरीय महिला लोकशाही दिन सोमवार दि. 17 एप्रिल रोजी जिल्हाधिकारी कार्यालयात सकाळी 11 ते 1 या वेळेत आयोजित करण्यात आला आहे. तरी समस्याग्रस्त व पीडित महिलांनी शासनाने उपलब्ध करुन दिलेल्या व्यासपीठाचा उपयोग आपल्या अडचणी सोडविण्यासाठी करावा, असे आवाहन जिल्हा महिला व बालविकास अधिकारी सोमनाथ रसाळ यांनी केले आहे. समस्याग्रस्त व पीडित महिलांनी प्रश्न मांडून त्यांचे हक्कांचे संरक्षण व्हावे व त्यांना न्याय मिळावा या दृष्टीने महिलांच्या तक्रारी व अडचणी यांची शासकीय यंत्रणेकडून सोडवणूक होण्यासाठी महिला लोकशाही दिन हा एक उत्तम मार्ग आहे. अडचणी मांडण्यासाठी विहित नमुन्यातील अर्ज जिल्हा महिला व बालविकास अधिकारी कार्यालय सिंधुदुर्गनगरी ओरोस येथून उपलब्ध करुन घ्यावेत. अर्ज स्विकृतीचे निकष-अर्ज विहीत नमुन्यात असावा. तक्रार, निवेदन वैयक्तीक स्वरुपाचे असावे. तक्रार अर्ज दोन प्रतीत सादर करावा. पुढील विषयावरील अर्ज स्विकारले जाणार नाहीत,न्याय प्रविष्ठ प्रकरणे. विहीत नमुन्यात नसणारे व आवश्यक ती कागदपत्रे न जोडल...

सिंधुदुर्गनगरी, दि. 12 (जि.मा.का.) :नेहरु युवा केंद्राव्दारे प्रत्येक तालुक्यामध्ये दोन व कार्यालयामध्ये संगणक विभागामध्ये काम करण्याकरिता दोन स्वयंसेवक म्हणून युवक युवतींची निवड करण्यात येणार आहे. यासाठी उमेदवारांनी अर्ज सादर करावेत, असे आवाहन नेहरु युवा केंद्राचे जिल्हा युवा अधिकारी यांनी केले आहे. उमेदवाराची शैक्षणिक पात्रता कमीत कमी 10 वी पास असणे आवश्यक आहे. वयोमर्यादा दिनांक 1 एप्रिल 2023 रोजी 18 पेक्षा जास्त व 29 पेक्षा कमी असणे आवश्यक. अर्जदार नियमित विद्यार्थी किंवा नोकरी करणारा नसावा. निवड झालेल्या युवा स्वयंसेवकाला दर महिना रु.5000 इतके मानधन देण्यात येइल. उमेदवार त्याच तालुक्यातील रहिवासी असावा. राष्ट्रीय युवा स्वयंसेवक पद हे पगाराची नोकरी नाही तसेच स्वयंसेवक हा कायदेशीररित्या सरकारकडून कोणत्याही प्रकारच्या रोजगाराचा दावा करण्यास पात्र नसेल. अधिक माहिती व अर्ज www.nyks.nic.in या वेबसाईटवर उपलब्ध आहे. आवश्यक कागदपत्रांसह ऑनलाईन किंवा ऑफलाईन अर्ज सादर करण्याची अंतिम तारीख 3 मे 2023 आहे. तरी अधिक माहिती करीता जिल्हा युवा अधिकारी नेहरू युवा केंद्र, सिंधुदुर्ग, प्रशासकीय इ...

सिंधुदुर्गनगरी, दि. 12 (जि.मा.का.) : खेळाच्या प्रचार व प्रसार यानुसार फक्त खेळाडूंचा जास्तीत जास्त सहभाग व संघाची संख्या वाढवणे यावर लक्ष केंद्रित न करता गावपातळी पासून चांगले खेळाडू तयार होणे अपेक्षित आहे. यासाठी 8 ते 14 वयोगटातील विद्यार्थ्यांसाठी तालुकास्तर, जिल्हास्तरावर खेळ निहाय व शारीरिक क्षमता (Physical Fitness) खेळांचे प्राथमिक कौशल्य विकास प्रशिक्षण शिबिरांचे आयोजन झाल्यास खेळामध्ये सहभाग वाढून, शारीरिक क्षमता, शारीरिक सुदृढता यामध्ये वाढ होऊन शालेय विद्यार्थ्यांचे आयोग्य चांगले राहण्यास मदत होणार आहे. यासाठी जिल्हा क्रीडा अधिकारी कार्यालयामार्फत उन्हाळी प्रशिक्षण शिबिराचे आयोजन करण्यात आले आहे. तरी सर्व खेळाडूंनी या प्रशिक्षण शिबिराचा लाभ घ्यावा, असे आवाहन जिल्हा क्रीडा अधिकारी, विद्या शिरस यांनी केले आहे. खेळाचे नाव ,मल्लखांब जयगणेश इंग्लिश मिडियम स्कुल मालवण येथे दि. 17 ते 27 एप्रिल 2023 रोजी सकाळी 8 ते 10 व सायं 5 ते 7 वेळेत, शांताराम जोशी मो.9421230886 याक्रमांकावर संपर्क साधावा. बास्केटबॉल जयगणेश इंग्लिश मिडियम स्कुल मालवण येथे दि.17 ते 27 एप्रिल...

सिंधुदुर्गनगरी, दि. 12 (जि.मा.का.) : सहाय्यक आयुक्त, समाज कल्याण कार्यालय येथे इतर मागास बहुजन कल्याण विभाग, महात्मा ज्योतीबा फुले संशोधन व प्रशिक्षण संस्था (महाज्योती) नागपूर व सहाय्यक आयुक्त, समाज कल्याण यांच्या वतीने क्रांतीसूर्य महात्मा जोतीबा फुले यांच्या जयंती निमित्त अभिवादन कार्यक्रमाचे आयोजन करण्यात आले. या कार्यक्रमाचे मान्यवर जिल्हा जात प्रमाणपत्र पडताळणी समिती अध्यक्ष तथा अप्पर जिल्हाधिकारी डॉ. ज्योत्सना पडीयार,यांच्या उपस्थितीत महापुरूषांच्या प्रतिमांना पुष्पहार व दिप प्रज्वलन करण्यात आले. यावेळी उपायुक्त तथा सदस्य प्रमोद जाधव, जिल्हा जात प्रमाणपत्र पडताळणी समितीचे संशोधन अधिकारी सचिन साळे, प्रमुख वक्ते प्राध्यापक नागेश कदम, समाज कल्याण विभागाचे सहाय्यक आयुक्त संतोष चिकणे व बोधीसत्व चॅरिटेबल ट्रस्टचे अध्यक्ष ज्येष्ठ पत्रकार तानाजी कांबळे तसेच शाहीर प्रबोधनकार जनीकुमार कांबळे, डॉ. बाबासाहेब आंबेडकर सेवा समितीचे अध्यक्ष नाना नेरूळकर, सामाजिक कार्यकर्ते नामदेव मठकर, अरूणा प्रकल्प लढा संघर्षाचा अरूणा प्रकल्प ग्रस्तांच्या अस्त्विाचा संघटनेचे अध्यक्ष प्रकाश...

सिंधुदुर्गनगरी, दि. 12 (जि.मा.का.) : अन्न, नागरी पुरवठा व ग्राहक संरक्षण विभागामार्फत राबविण्यात येणाऱ्या आनंदाचा शिधा व अन्य योजनांच्या लाभार्थ्याशी मुख्यमंत्री, उप मुख्यमंत्री, अन्न नागरी पुरवठा व ग्राहक संरक्षण मंत्री दि. 13 एप्रिल 2023 रोजी सायंकाळी 4.30 वाजता संवाद साधणार आहेत, अशी माहिती जिल्हा पुरवठा अधिकारी दादासाहेब गिते यांनी दिली आहे. उद्दिष्ट :- सार्वजनिक वितरण व्यवस्थेअंतर्गत वितरीत करण्यात येणाऱ्या शिधा जिन्नसांचे वितरण पात्र लाभार्थ्यांना होत आहे किंवा कसे, याबाबत लाभार्थ्यांच्या प्रतिक्रिया जाणून घेणे तसेच रास्तभाव दुकानांमार्फत योजनेचा लाभ घेताना अडचणी/समस्या येत असल्यास त्या जाणून घेणे. धान उत्पादक शेतकऱ्यांच्या प्रतिक्रीया जाणून घेणे. संवादासाठी निवडण्यात आलेल्या योजना:- "आनंदाचा शिधा" संचाचे वितरण, राज्यातील धान उत्पादक शेतकऱ्यांना प्रोत्साहनपर राशी (बोनस) व शिवभोजन थाळी या योजनांचा लाभ घेतलेल्या लाभार्थ्यांपैकी प्रत्येक जिल्ह्यातील सुमारे 50 लाभार्थ्यांशी व्हिडीओ कॉन्फरन्सव्दारे संवाद साधणार आहेत. संबंधित लाभार्थी जिल्हाधिकारी कार्यालयातील एनआ...

सिंधुदुर्गनगरी,दि.11 (जि.मा.का.) : प्रत्येक विभागाने सर्वसामान्य जनतेच्या शासकीय योजनांच्या कामांना गती द्यावी. एकही काम प्रलंबित ठेवू नका, अशी सूचना पालकमंत्री रविंद्र चव्हाण यांनी दिली. जिल्हाधिकारी कार्यालयातील सभागृहात पालकमंत्र्यांनी आज महसूल, जिल्हा खनिकर्म अधिकारी, प्रधानमंत्री ग्राम सडक योजना, मुख्यमंत्री ग्राम सडक योजना, आरोग्य विभाग, राज्य विद्यूत वितरण कंपनी, सार्वजनिक बांधकाम विभाग, सार्वजनिक वितरण प्रणाली, वन अधिकारी, जिल्हा परिषद, राज्य मार्ग परिवहन महामंडळ, मत्स्यव्यवसाय अधिकाऱ्यांची आढावा बैठक घेतली. बैठकीला जिल्हाधिकारी के.मंजुलक्ष्मी, मुख्य कार्यकारी अधिकारी प्रजित नायर, उपवनसंरक्षक नवकिशोर रेड्डी, अप्पर जिल्हाधिकारी शंकर बर्गे, प्र.निवासी उपजिल्हाधिकारी अविशकुमार सोनोने आदी उपस्थित होते. महसूल विभागाचा आढावा घेताना 70 ब चे प्रलंबित दावे तालुकानिहाय दोन वर्षाचा अहवाल तयार करावा. त्याचा निर्णय लावावा. 122 पोलीस पाटील रिक्त पदे भरण्याबाबत प्राधान्य द्यावे, असे सांगून पालकमंत्री श्री.चव्हाण म्हणाले, शासनाने घेतलेल्या वाळू धोरण निर्णयाचा सर्वसामान्यांना फायदा व्हावा, त...

सिंधुदुर्गनगरी,दि.11 (जि.मा.का.) : येथील शासकीय विश्रामगृह परिसरातील सार्वजनिक बांधकाम विभागाच्या ‍दक्षता व गुणनियंत्रण प्रयोगशाळेचे उद्घाटन सार्वजनिक बांधकाम मंत्री (सार्वजनिक उपक्रम वगळून) तथा पालकमंत्री रविंद्र चव्हाण यांच्या हस्ते करण्यात आले. पालकमंत्री श्री. चव्हाण यांच्या हस्ते ‍दक्षता व गुणनियंत्रण प्रयोगशाळेच्या कोनशिलेचे अनावरण प्रथम करण्यात आले. यानंतर फित कापून उद्घाटन करण्यात आले.उद्घाटनानंतर प्रयोगशाळेची पाहणी करुन पालकमंत्र्यांनी उपस्थित अधिकाऱ्यांना शुभेच्छा दिल्या. यावेळी सार्वजनिक बांधकाम विभाग अधीक्षक अभियंता छाया नाईक, कार्यकारी अभियंता अजय सर्वगोड, माजी आमदार राजन तेली,जिल्हा मध्यवर्ती बँकेचे अध्यक्ष मनिष दळवी, उपाध्यक्ष अतुल काळसेकर, दक्षता व गुणनियंत्रण प्रयोगशाळेचे सहायक संशोधन अधिकारी राजेश चौधरी, उपअभियंता संजय दहीफळे, बांधकाम विभागातील अधिकारी कर्मचारी उपस्थित होते. सोबत : फोटो जोडला आहे 00000

सिंधुदुर्गनगरी,दि.11 (जि.मा.का.) : सिंधुदुर्ग जिल्हा हा पर्यटन जिल्हा आहे. या जिल्ह्यामध्ये विविध भागातून पर्यटक येत असतात. अशा पर्यटकांना पोलीस दलाने सौजन्यपूर्ण आणि मदतीची वागणूक द्यावी. जेणेकरुन जिल्ह्याचा नावलौकिक पर्यायाने पोलीस दलाची प्रतिमा आणि पर्यटन वाढेल. अशी अपेक्षा पालकमंत्री रविंद्र चव्हाण यांनी व्यक्त केली. पालकमंत्री श्री. चव्हाण यांनी आज पोलीस अधीक्षक कार्यालयातील सभागृहात आढावा बैठक घेतली. सुरुवातीला पोलीस अधीक्षक सौरभ अग्रवाल यांनी संगणकीय सादरीकरण केले. यामध्ये मनुष्यबळ,गुन्ह्यांची उकल, पोलीस दलाकडे असणारी साधन-सामग्री, महिलांविरोधी गुन्हे रोखण्यासाठी करण्यात येणाऱ्या उपाय-योजना, सागरी पोलीस ठाण्यांकडे असणारी साधन-सामग्री, रिक्त पदे, रेस्कू ऑपरेशन, नवी पर्यटन पोलीस योजना, कॅराव्हॅन, सागर किनारी गस्ती नौका आदीबाबत सविस्तर माहिती दिली. पालकमंत्री श्री. चव्हाण म्हणाले, पोलीस दलाने प्रलंबित सायबर गुन्ह्यांची उकल करावी. जिल्हा शंभर टक्के सीसीटीव्ही कॅमेऱ्यांच्या सहनियंत्रणाखाली आणण्यासाठी लोकसहभागाची मदत घ्यावी. त्याबाबत नियोजन करावे. लोकसहभागामुळे जनजागृती होवून चां...

सिंधुदुर्गनगरी,दि.11 (जि.मा.का.) : अवकाळी पावसामुळे सावंतवाडी तालुक्यातील सांगेली, सावरवाड, कलंबिस्त येथील शेतकऱ्यांच्या झालेल्या नुकसानीचे पंचनामे कृषी विभागाने युध्दपातळीवर पूर्ण करावेत. पंचनामे करताना स्थानिक ग्रामपंचायतीच्या मदतीने नोंदी घ्याव्यात. पंचनामे करताना सात बाऱ्यावर नोंद असलेल्या क्षेत्रातील पिकांबरोबरच फळबाग, झाडे, घर व इतर मालमत्तांच्याही नुकसानीचे पंचनामे करुन नुकसान भरपाईचा प्रस्ताव तात्काळ शासनास सादर करावा, असे आदेश पालकमंत्री रविंद्र चव्हाण यांनी दिले. सावंतवाडी तालुक्यातील सांगेली येथे अवकाळी पावसामुळे झालेल्या नुकसानीची पाहणी पालकमंत्री श्री.चव्हाण यांनी आज केली. यावेळी सावंतवाडी तहसिलदार अरुण ऊंडे, माजी आमदार राजन तेली, सांगेलीचे सरपंच लहू भिंगारे, तालुका कृषी अधिकारी प्रमोद बनकर, नुकसानग्रस्त शेतकरी उपस्थित होते. पालकमंत्री श्री. चव्हाण म्हणाले, सांगेली गावामध्ये अवकाळीमुळे मोठ्या प्रमाणात नुकसान झाले आहे. या गावात सुमारे 1200 घरे असून 265 सातबारा नोंद असलेले शेतकरी आहेत. यापुढील काळामध्ये अवकाळी अथवा अस्मानी संकटामुळे शेतकऱ्यांचे नुकसान झाल्यास त्याला ता...

सिंधुदुर्गनगरी, दि. 10 (जि.मा.का.) : महाराष्ट्र शिक्षक पात्रता परीक्षा 2021 (टी.ई.टी) उत्तीर्ण झालेल्या उमेदवारांनी प्रमाणपत्र शिक्षण विभाग (प्राथमिक) जिल्हा परिषद यांच्याकडे उपलब्ध आहेत. सदर उमेदवारांनी पुढीलप्रमाणे कागदपत्रे घेवून प्रमाणपत्र घेण्यासाठी उपस्थित राहवे, असे आवाहन शिक्षणाधिकारी ( प्राथमिक) महेश धोत्रे यांनी केले आहे. आवश्यक कागदपत्रे पुढीलप्रमाणे, महाराष्ट्र शिक्षक पात्रता परीक्षा प्रवेशपत्र प्रत. महाराष्ट्र शिक्षक पात्रता परीक्षा गुणपत्रिका प्रत. डी.टी.एड उत्तीर्ण गुणपत्रक किंवा प्रमाणपत्र अथवा बी.एङ उत्तीर्ण प्रमाणपत्र किंवा गुणपत्रक. आरक्षण प्रवर्गाजे जात प्रमाणपत्र. दिव्यांगात्वाचे प्रमाणपत्र. माजी सैनिक उसल्सास त्याबाबतचा पुरावा. ओळखपत्र (आधारकार्ड, पॅनकार्ड, ड्राइव्हिंग लाईसन्स, निवडणूक ओळखपत्र इ.) महाराष्ट्र राज्य परीक्षा परिषद पुणे-1 यांच्या वतीने आयोजित करण्यात आलेली महाराष्ट्र शिक्षक पात्रता परीक्षा 2021 (MAHATET 2021) पेपर क्र.1 व पेपर क्र.2चा अंतिम निकाल दिनांक 23 डिसेंबर 2022 रोजी परीक्षा परिषदेच्या संकेतस्थळावर ऑनलाईन पध्दतीने...

सिंधुदुर्गनगरी, दि. 10 (जि.मा.का.) : राष्ट्रीय कृषी विकास योजनेंतर्गत कृषी यांत्रिकीकरण,उपअभियान, राज्यपुरस्कृत कृषी यांत्रिकीकरण, या योजनांमधून जिल्ह्यात २०२२-२३ मध्ये कृषी अवजारांच्या खरेदीसाठी एकूण २ हजार ९५८ लाभार्थी शेतकऱ्यांच्या बँक खात्यांवर सुमारे 6 कोटी 90 लाख अर्थसहाय्य जमा करण्यात आले आहे. अशी माहिती जिल्हा अधीक्षक कृषी अधिकारी दत्तात्रय दिवेकर यांनी दिली आहे. २ हजार ९५८ शेतकऱ्यांना मध्ये सुमारे ६ कोटी ८० लाख ९९ हजार अर्थसहाय्य बँक संगणकीय सोडत पद्धतीने निवड करुन दिले जाते. तालुकानिहाय लाभार्थी शेतकरी संख्या व वर्ग केलेले अनुदान रुपयांमध्ये पुढीलप्रमाणे आहे. तालुका, कणकवली लाभार्थी शेतकरी ५४४ वितरीत रक्कम १ कोटी २२ लाख ६३ हजार ५६९. मालवण लाभार्थी शेतकरी 396 वितरीत रक्कम 97 लाख 36 हजार 910. देवगड लाभार्थी शेतकरी ४८२ वितरीत रक्कम ७९ लाख ३१ हजार ३९२. वैभववाडी लाभार्थी शेतकरी 196 वितरीत रक्कम 48 लाख 61 हजार 848. सावंतवाडी लाभार्थी शेतकरी 388 वितरीत रक्कम 1 कोटी 21 लाख 2 हजार 84. कुडाळ लाभार्थी शेतकरी 444 वितरीत रक्कम 1 कोटी 21 लाख 86 हजार 242.वेंगुर्ला लाभार...

सिंधुदुर्गनगरी, दि.7 (जि.मा.का.) : सिंधुदुर्ग जिल्हा पर्यटन जिल्हा घोषित होऊन 25 वर्षे पूर्ण झाली आहेत. जिल्ह्यामध्ये पर्यटनाला चालना मिळावी, यासाठी पर्यटन विभागाच्या माध्यमातून प्रयत्न करण्यात येत आहे. त्याचाच एक भाग म्हणून पावसाळ्यामध्ये पर्यटकांना आकर्षित करण्यासाठी "मान्सून धमाका फेस्टीवलचे" आयोजन करण्यात येणार आहेत. या फेस्टीवलपूर्वी आवश्यक असणाऱ्या पायाभूत सुविधा प्रशासनाने उपलब्ध करुन द्याव्यात, असे आदेश शालेय शिक्षण व मराठी भाषा मंत्री दीपक केसरकर यांनी दिले. मान्सून धमाका फेस्टीवल आयोजन व जिल्ह्यातील पर्यटन आढावा बैठक शालेय शिक्षण व मराठी भाषा मंत्री दीपक केसरकर यांच्या अध्यक्षतेखाली चिपी विमानतळ येथे झाली. पर्यटन विभागाचे प्रधान सचिव सौरभ विजय, महाराष्ट्र पर्यटन विकास महामंडळाच्या व्यवस्थापकीय संचालक श्रध्दा जोशी-शर्मा, जिल्हाधिकारी के. मंजुलक्ष्मी, पोलीस अधीक्षक सौरभ अग्रवाल, पर्यटन विभागाचे संचालक बी.एन.पाटील, प्र.निवासी उपजिल्हाधिकारी वर्षा शिंगण-पाटील, प्र.जिल्हा नियोजन अधिकारी भगवान पवार, एमटीडीसी सिंधुदुर्गचे कार्यकारी अभियंता विनय वावधाने, ग्राम पंच...

सिंधुदुर्गनगरी, दि.6 (जि.मा.का.) : केंद्र शासनामार्फत सर्व राज्यांसाठी जन्म व मृत्यू नोंदणी तसेच जन्म अथवा मृत्यू प्रमाणपत्र देण्यासाठी अधिकृत crsorgi.gov.in हे संकेतस्थळ विकसित केले आहे. जिल्ह्यामध्ये देखील सन २०१६ पासून सदर संकेत स्थळाचा वापर जन्म – मृत्यू नोंदणीसाठी केला जात आहे. जिल्ह्यातील शहरी भागामध्ये सर्व नगर परिषद व नगर पंचायत, ग्रामीण भागामध्ये सर्व ग्राम पंचायत तसेच सर्व शासकीय आरोग्य संस्था या नोंदणी केंद्रांमध्ये जन्म-मृत्यू नोंदणी व प्रमाणपत्र देण्यासाठी सदर संकेतस्थळाचा वापर करण्यात येत आहे. तरी जनतेने बनावट संकेतस्थळापासून सावध राहून अधिकृत संकेतस्थळाचा वापर करावा, असे आवाहन जिल्हा आरोग्य अधिकारी महेश खलिपे यांनी केले आहे. नागरीकांनी जन्म अथवा मृत्यू घटना घडताच २१ दिवसांच्या आत त्याची नोंदणी संबंधित शासकीय संस्था, ग्रामीण किंवा शहरी स्वराज्य संस्था या ठिकाणी नोंदणी करून घेऊन त्याच ठिकाणहून प्रमाणपत्र प्राप्त करून घ्यावे - असे आवाहन जिल्हा निबंधक जन्म-मृत्यू तथा जिल्हा आरोग्य अधिकारी, जिल्हापरिषद सिंधुदुर्ग यांनी केले. इतर कोणत्याही पद्धतीने किंवा...