diosindhudurg

#MahatmaPhule200 #महात्माफुले200 #MahatmaJyotiraoPhule_BicentenaryBirthYear #महात्माजोतीरावफुले_द्विशताब्दीजन्मवर्ष

#MahatmaPhule200 #महात्माफुले200 #MahatmaJyotiraoPhule_BicentenaryBirthYear #महात्माजोतीरावफुले_द्विशताब्दीजन्मवर्ष

सिंधुदुर्ग, दि. ३ (जिमाका) : जिल्ह्यातील केळी, नारळ व सुपारी उत्पादक शेतकऱ्यांसाठी पुनर्रचित हवामान आधारित पीक विमा योजनेअंतर्गत (RWBCIS) विमा अर्ज करण्यास आणि विमा हप्ता भरण्यास १५ नोव्हेंबर २०२६ पर्यंत मुदतवाढ देण्यात आली आहे. राष्ट्रीय पीक विमा पोर्टल (NCIP) उशिराने कार्यान्वित झाल्यामुळे रब्बी हंगाम २०२६-२७ च्या प्रारंभी शेतकऱ्यांची नोंदणी कमी प्रमाणात झाल्याच्या पार्श्वभूमीवर केंद्र शासनाच्या कृषी व शेतकरी कल्याण मंत्रालयाने शेतकरी हिताच्या दृष्टीने हा निर्णय घेतला आहे. या मुदतवाढीचा लाभ जिल्ह्यातील केळी, नारळ व सुपारी उत्पादक कर्जदार तसेच बिगर कर्जदार शेतकऱ्यांना घेता येणार आहे. योजनेची सिंधुदुर्ग जिल्ह्यात अंमलबजावणी करण्यासाठी ॲग्रीकल्चर इन्शुरन्स कंपनी ऑफ इंडिया लिमिटेड या विमा कंपनीची नियुक्ती करण्यात आली आहे. जिल्ह्यातील पात्र शेतकऱ्यांनी अद्याप पीक विमा नोंदणी केली नसल्यास या वाढीव मुदतीचा लाभ घ्यावा. १५ नोव्हेंबर २०२६ पूर्वी जवळच्या ग्राहक सेवा केंद्राच्या किंवा अधिकृत पीक विमा पोर्टलवर आवश्यक प्रक्रिया पूर्ण करून विमा अर्ज व विमा हप्ता भरण्याची कार्यवाही करावी. कोणताह...

सिंधुदुर्ग, दि. 3 (जिमाका) : दीपावली सणानिमित्त सांस्कृतिक कार्य विभाग आणि सांस्कृतिक कार्य संचालनालय, महाराष्ट्र शासन, मुंबई यांच्या वतीने मंगळवार, दि. 10 नोव्हेंबर 2026 रोजी सकाळी 7.30 वाजता सावंतवाडी येथील गोविंद चित्र मंदिर, मेन रोड येथे ‘दिवाळी पहाट’ या सांस्कृतिक कार्यक्रमाचे आयोजन करण्यात आले आहे. या कार्यक्रमात नाट्यसंगीत, भक्तिगीते आणि लोकप्रिय मराठी गीतांचा सुरेल नजराणा रसिकांना अनुभवता येणार आहे. कार्यक्रमासाठी प्रवेश विनामूल्य असून, सावंतवाडी व परिसरातील नागरिक, संगीतप्रेमी आणि रसिकांनी मोठ्या संख्येने उपस्थित राहून या कार्यक्रमाचा लाभ घ्यावा. 00000

सिंधुदुर्ग, दि. 3 (जिमाका) : नैसर्गिक आपत्ती, प्रतिकूल हवामान तसेच अन्य कारणांमुळे पिकांच्या उत्पादनात घट झाल्यास शेतकऱ्यांना आर्थिक संरक्षण मिळावे, या उद्देशाने महाराष्ट्र शासनाने राज्यात सुधारित प्रधानमंत्री पीक विमा योजना खरीप हंगाम 2026 व रब्बी हंगाम 2026-27 या वर्षासाठी राबविण्याचा निर्णय घेतला आहे. अधिसूचित क्षेत्रातील अधिसूचित पिकांसाठी विमा क्षेत्र घटक निश्चित करून ही योजना राबविण्यात येत आहे. रब्बी हंगामात जिल्ह्यातील जास्तीत जास्त शेतकऱ्यांनी या योजनेत सहभागी व्हावे, असे आवाहन कृषी विभागामार्फत करण्यात येत आहे. रब्बी हंगाम 2026-27 मध्ये गहू (बागायत), रब्बी ज्वारी (बागायत व जिरायत), हरभरा, रब्बी मका, उन्हाळी भात, उन्हाळी भुईमूग आणि रब्बी कांदा या सात पिकांचा योजनेत समावेश आहे. संबंधित अधिसूचित महसूल मंडळ अथवा क्षेत्रातील पात्र शेतकऱ्यांना या पिकांसाठी विमा संरक्षण घेता येईल. पिकनिहाय अर्जाची अंतिम मुदत • रब्बी ज्वारी (बागायत व जिरायत) – 30 नोव्हेंबर 2026. • गहू (बागायत), हरभरा, रब्बी मका व रब्बी कांदा – 15 डिसेंबर 2026. • उन्हाळी भात व उन्हाळी भुईमूग – 31 मार्च 2027. या यो...

सिंधुदुर्ग, दि. 3 (जिमाका) : सन 2026-27 या शैक्षणिक वर्षात सिंधुदुर्ग जिल्ह्यातील इतर मागासवर्ग (OBC), विमुक्त जाती व भटक्या जमाती (VJNT) तसेच विशेष मागास प्रवर्ग (SBC) या प्रवर्गांतील उच्च शिक्षण घेणाऱ्या, मात्र शासकीय वसतिगृहात प्रवेश न मिळालेल्या विद्यार्थ्यांसाठी ‘ज्ञानज्योती सावित्रीबाई फुले आधार योजना’ राबविण्यास शासनाने मान्यता दिली आहे. या योजनेत भटक्या जमाती (क) प्रवर्गातील धनगर समाजाच्या विद्यार्थ्यांचा समावेश नाही. या योजनेंतर्गत बारावीनंतर पदवी, पदव्युत्तर तसेच व्यावसायिक व बिगर व्यावसायिक अभ्यासक्रमांना प्रवेश घेतलेल्या विद्यमान (Existing) पात्र विद्यार्थ्यांना सन 2026-27 या शैक्षणिक वर्षासाठी लाभ घेता येणार आहे. ऑनलाईन पोर्टल सुरळीत होईपर्यंत विद्यार्थ्यांना ऑफलाईन पद्धतीने अर्ज सादर करण्याची सुविधा उपलब्ध करून देण्यात आली असून, अर्ज सादर करण्याची अंतिम मुदत 13 नोव्हेंबर 2026 पर्यंत निश्चित करण्यात आली आहे. इच्छुक पात्र विद्यार्थ्यांनी आपले अर्ज ऑफलाईन पद्धतीने सहायक संचालक, इतर मागास बहुजन कल्याण, सिंधुदुर्ग कार्यालय, डॉ. बाबासाहेब आंबेडकर सामाजिक न्याय भवन, सिंधुदुर...

सिंधुदुर्ग, दि. 3 (जिमाका) : सन 2026-27 या शैक्षणिक वर्षासाठी सिंधुदुर्ग जिल्ह्यातील इतर मागासवर्ग, विमुक्त जाती व भटक्या जमाती तसेच विशेष मागास प्रवर्गातील धनगर समाजाच्या उच्च शिक्षण घेणाऱ्या विद्यार्थ्यांसाठी ‘पंडित दीनदयाळ उपाध्याय स्वयंम योजना’ राबविण्यास शासनाने मान्यता दिली आहे. या योजनेंतर्गत विमुक्त जाती व भटक्या जमाती तसेच विशेष मागास प्रवर्गातील (NT-C) बारावीनंतर पदवी, पदव्युत्तर तसेच व्यावसायिक व बिगर व्यावसायिक अभ्यासक्रमांना प्रवेश घेतलेल्या विद्यमान (Existing) विद्यार्थ्यांना सन 2026-27 या शैक्षणिक वर्षासाठी लाभ घेण्याकरिता ऑनलाईन पोर्टल सुरळीत होईपर्यंत ऑफलाईन पद्धतीने अर्ज सादर करण्याची सुविधा उपलब्ध करून देण्यात आली आहे. त्यानुसार अर्ज सादर करण्याची अंतिम मुदत 13 नोव्हेंबर 2026 पर्यंत निश्चित करण्यात आली आहे. इच्छुक पात्र विद्यार्थ्यांनी आपले अर्ज ऑफलाईन पद्धतीने सहायक संचालक, इतर मागास बहुजन कल्याण, सिंधुदुर्ग कार्यालय, डॉ. बाबासाहेब आंबेडकर सामाजिक न्याय भवन, सिंधुदुर्गनगरी, ता. कुडाळ, जि. सिंधुदुर्ग येथे मुदतीत जमा करावेत. जिल्ह्यातील पात्र विद्यार्थ्यांनी या ...

सिंधुदुर्ग, दि. 02 (जिमाका) : माजी सैनिकांच्या पाल्यांना उच्च शिक्षणासाठी प्रोत्साहन देण्याच्या उद्देशाने सैनिक कल्याण विभाग, पुणे यांच्या कल्याणकारी निधी योजनेतून माजी सैनिकाच्या पाल्याला परदेशातील वैद्यकीय शिक्षणासाठी एक लाख रुपयांची आर्थिक मदत देण्यात आली. माजी सैनिक संतोष मेघश्याम सावंत, रा. सबनीसवाडा, ता. सावंतवाडी यांचे पाल्य स्वप्नील सावंत हा शैक्षणिक वर्ष 2025-26 मध्ये रशियातील Kemerovo State University, Kemerovo येथे एमबीबीएसच्या तृतीय वर्षात शिक्षण घेत आहे. त्याच्या परदेशातील वैद्यकीय शिक्षणासाठी सैनिक कल्याण विभाग, पुणे यांच्या कल्याणकारी निधी योजनेअंतर्गत मंजूर करण्यात आलेल्या एक लाख रुपयांच्या आर्थिक मदतीचा धनादेश निवासी उपजिल्हाधिकारी तथा जिल्हा सैनिक कल्याण अधिकारी मच्छिंद्र सुकटे यांच्या हस्ते माजी सैनिक संतोष सावंत यांना प्रदान करण्यात आला. यावेळी जिल्हा सैनिक कल्याण कार्यालयाचे प्रभारी सहायक जिल्हा सैनिक कल्याण अधिकारी लक्ष्मण कोळी तसेच कार्यालयातील कर्मचारी उपस्थित होते. सैनिक कल्याण विभागामार्फत जिल्ह्यातील शहीदांच्या वीरपत्नी, वीरमाता, वीरपिता, माजी सैनिक, माज...

सिंधुदुर्ग, दि. २ (जिमाका) : पर्यावरणाचे संरक्षण, नैसर्गिक संसाधनांचा सुयोग्य वापर आणि भावी पिढ्यांसाठी शाश्वत पर्यावरणाची निर्मिती करण्याच्या उद्देशाने सिंधुदुर्ग जिल्ह्यात १ ते ७ नोव्हेंबर २०२६ या कालावधीत ‘BRICS शाश्वत जीवनशैली सप्ताह २०२६’ साजरा करण्यात येत आहे. ‘One Week, Seven Actions, One Planet’ अर्थात ‘एक आठवडा, सात कृती, एक पृथ्वी’ ही या अभियानाची संकल्पना असून, मिशन LiFE (Lifestyle for Environment) अंतर्गत जिल्ह्यातील ग्रामपंचायती, शाळा, अंगणवाड्या, महिला बचत गट, युवक मंडळे आणि नागरिकांच्या सहभागातून विविध जनजागृतीपर उपक्रम राबविण्यात येणार आहेत. नागरिकांनी दैनंदिन जीवनात पर्यावरणपूरक सवयी अंगीकारून या अभियानात सक्रिय सहभाग घ्यावा, असे आवाहन जिल्हा परिषदेच्या मुख्य कार्यकारी अधिकारी डॉ. अपूर्वा बासुर यांनी केले आहे. या सप्ताहांतर्गत आरोग्यदायी जीवनशैली, ऊर्जा बचत, पाणी बचत, शाश्वत अन्नप्रणाली, एकल वापर प्लास्टिकला नकार, ई-कचरा कमी करणे आणि कचरा व्यवस्थापन अशा सात विषयांवर आधारित उपक्रम राबविण्यात येणार आहेत. सप्ताहाच्या पहिल्या दिवशी, दि. १ नोव्हेंबर रोजी आरोग्यदायी जीवन...

सिंधुदुर्ग, दि. २ (जिमाका): जिल्ह्यातील ज्या शस्त्र परवानाधारकांच्या परवान्यांची मुदत ३१ डिसेंबर २०२६ रोजी संपत आहे, त्यांनी शस्त्र परवान्यांचे नूतनीकरण करून घेण्यासाठी विहित नमुन्यातील अर्ज आवश्यक कागदपत्रांसह जिल्हाधिकारी तथा जिल्हादंडाधिकारी, सिंधुदुर्ग यांच्या कार्यालयातील उपचिटणीस शाखेत सादर करावेत, असे अपर जिल्हादंडाधिकारी मच्छिंद्र सुकटे यांनी प्रसिध्दीपत्रकाद्वारे कळविले आहे. नूतनीकरणासाठी अर्ज स्वीकारण्याची वेळ सकाळी १० ते दुपारी १ अशी असून, सार्वजनिक सुट्ट्यांचे दिवस वगळून अर्ज स्वीकारले जातील. एकाच दिवशी गर्दी होऊ नये, यासाठी तालुकानिहाय वेळापत्रक निश्चित करण्यात आले आहे. त्यानुसार सावंतवाडी तालुक्यातील परवानाधारकांनी दि. १, २ व ३ डिसेंबर, दोडामार्ग तालुक्यातील परवानाधारकांनी दि. ४ व ७ डिसेंबर, वेंगुर्ला तालुक्यातील परवानाधारकांनी दि. ८, ९ व १० डिसेंबर, कुडाळ तालुक्यातील परवानाधारकांनी दि. ११, १४ व १५ डिसेंबर, मालवण तालुक्यातील परवानाधारकांनी दि. १६, १७ व १८ डिसेंबर, कणकवली तालुक्यातील परवानाधारकांनी दि. २१, २२ व २३ डिसेंबर, देवगड तालुक्यातील परवानाधारकांनी दि. २४, २८ व २...

सिंधुदुर्ग, दि.०१ : जिल्ह्यात निर्माण झालेल्या दुष्काळी परिस्थितीवर मात करण्यासाठी जिल्हाभरात लोकसहभागातून राबविण्यात आलेली जलसंधारणाची मोहीम कौतुकास्पद आहे. जिल्हा प्रशासन, जिल्हा परिषद, स्वयंसेवी संस्था आणि ग्रामस्थांच्या सहभागातून १० हजारांहून अधिक वनराई बंधारे उभारण्यात आले आहेत. या बंधाऱ्यांमुळे पाणी अडविणे आणि जलसंधारणाच्या प्रयत्नांना मोठा हातभार लागला आहे, अशी प्रतिक्रिया खासदार नारायण राणे यांनी व्यक्त केली. कणकवली तालुक्यातील हुंबरट येथील जिल्हा परिषद शाळा क्रमांक १ जवळ ग्रामपंचायतीच्या वतीने उभारण्यात आलेल्या वनराई बंधाऱ्याची खासदार नारायण राणे यांनी प्रत्यक्ष पाहणी केली. बंधाऱ्यात साठलेल्या पाण्याची पाहणी करून त्यांनी समाधान व्यक्त केले. लोकसहभागातून अशा प्रकारचे अधिकाधिक बंधारे उभारल्यास भविष्यातील पाणीटंचाईवर मात करण्यासाठी निश्चितच मदत होईल, असे त्यांनी सांगितले. जलसंधारणाच्या या कामात प्रशासनासोबतच स्थानिक ग्रामस्थ, लोकप्रतिनिधी आणि स्वयंसेवी संस्थांनी सक्रिय सहभाग नोंदवावा. पावसाचे पाणी अडवून ते जमिनीत जिरविण्याच्या अशा प्रयत्नांमुळे भूजलसाठ्यात वाढ होण्यास मदत ह...

सिंधुदुर्ग, दि. १ : महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२७ मध्ये घेण्यात येणाऱ्या उच्च माध्यमिक प्रमाणपत्र (इयत्ता १२ वी) व माध्यमिक शालान्त प्रमाणपत्र (इयत्ता १० वी) परीक्षांच्या आवेदनपत्रे ऑनलाईन पद्धतीने सादर करण्यासाठी मुदतवाढ देण्यात आली आहे. त्यानुसार नियमित विद्यार्थी, पुनर्परीक्षार्थी, नावनोंदणी प्रमाणपत्र प्राप्त झालेले खाजगी विद्यार्थी, श्रेणीसुधार योजनेंतर्गत तसेच तुरळक विषय घेऊन परीक्षेस प्रविष्ट होणारे विद्यार्थी आणि ITI (औद्योगिक प्रशिक्षण संस्थेमार्फत Transfer of Credit घेणारे) विद्यार्थ्यांना नियमित शुल्काने आवेदनपत्रे सादर करता येणार आहेत. विद्यार्थ्यांना रविवार, दि. १ नोव्हेंबर २०२६ ते सोमवार, दि. ३० नोव्हेंबर २०२६ या कालावधीत मंडळाच्या www.mahahsscboard.in या अधिकृत संकेतस्थळावरून ऑनलाईन पद्धतीने आवेदनपत्रे भरता येतील. माध्यमिक शाळा, उच्च माध्यमिक शाळा व कनिष्ठ महाविद्यालयांनी विहित पद्धतीने शुल्क भरण्याची अंतिम तारीख ३० नोव्हेंबर २०२६ असून, शुल्क पावती व विद्यार्थ्यांची प्रिलिस्ट संबंधित विभागीय मंडळाकडे सोमवार, दि. ७ डि...

सिंधुदुर्ग, दि. ३१ : दुष्काळजन्य परिस्थितीवर मात करण्यासाठी तसेच गावातील भूजल पातळी वाढवून पाणीटंचाईवर कायमस्वरूपी उपाययोजना करण्याच्या दृष्टीने ग्रामपंचायत पेंडूरच्या वतीने महत्त्वपूर्ण पाऊल उचलण्यात आले आहे. विकसित भारत रोजगार व आजीविका हमी अभियानांतर्गत ग्रामपंचायत पेंडूर येथे शोषखड्डा व जलतारा कामांचा शुभारंभ शनिवार, दिनांक ३१ ऑक्टोबर २०२६ रोजी उत्साहपूर्ण वातावरणात संपन्न झाला. या कामांचा शुभारंभ पंचायत समिती वेंगुर्लाचे सभापती शंकर घारे यांच्या शुभहस्ते करण्यात आला. यावेळी गटविकास अधिकारी वासुदेव नाईक यांची प्रमुख उपस्थिती होती. कार्यक्रमास पेंडूर गावचे सरपंच संतोष दशरथ गावडे, उपसरपंच मिलिंद गावडे, सदस्य महादेव नाईक, ग्रामपंचायत अधिकारी सोमा राऊळ, पंचायत समिती तांत्रिक सहाय्यक विवेक शिरसाट, सहाय्यक कार्यक्रम अधिकारी विवेक तिरोडकर, पाल सोसायटीचे चेअरमन कमलेश गावडे, लाभार्थी तानाजी नाईक आदी मान्यवर उपस्थित होते. तसेच ग्रामपंचायत कर्मचारी वैशाली नाईक, घनश्याम नाईक, अंकुश गावडे यांच्यासह ग्रामस्थ व लाभार्थी संतोष नाईक, अंकुश नाईक, तनुजा नाईक, विलास शेट्ये आदींची उपस्थिती होत...

सिंधुदुर्ग, दि. ३१: सिंधुदुर्ग जिल्हा परिषदेच्या मुख्य कार्यकारी अधिकारी डॉ. अपूर्वा बासुर यांच्या मार्गदर्शनाखाली विकसित भारत रोजगार हमी व आजीविका मिशन (ग्रामीण) योजनेअंतर्गत देवगड तालुक्यात कुणकेश्वर ग्रामपंचायात येथे शोषखड्डा कामाचा शुभारंभ करण्यात आला. माजी सरपंच महेश ताम्हणकर यांच्या हस्ते कामाचे भूमिपूजन करण्यात आले. यावेळी ग्रामपंचायत अधिकारी गुणवंत पाटील, तांत्रिक सहाय्यक सोनजी जोगल, ग्रामरोजगार सहाय्यक मंगेश मेस्त्री, व लाभार्थी सुभाष वाळके हे उपस्थित होते. शोष खड्डे व जलतारा यांसारख्या जलसंधारणाच्या कामांमुळे पावसाचे पाणी जमिनीत जिरण्यास मदत होणार असून भविष्यातील पाणीटंचाई कमी करण्यासाठी हा उपक्रम उपयुक्त ठरणार आहे.गावाच्या विकासासोबतच नैसर्गिक जलस्रोतांचे संवर्धन आणि भविष्यातील पाणीसमस्या दूर करण्यासाठी अशा प्रकारची कामे प्रत्येक गावात प्रभावीपणे राबविण्यात येत असून देवगड तालुक्यात घर तेथे शोषखड्डा अशी मोहीम राबविण्यात येत आहे. ०००००००

सावंतवाडी, दि. ३१ : ग्रामीण भागातील घरगुती सांडपाण्याचे योग्य व्यवस्थापन करून गावांमध्ये स्वच्छता, आरोग्य आणि पर्यावरण संवर्धनाला चालना देण्याच्या उद्देशाने विकसित भारत – रोजगार आणि आजीविका हमी अभियान (ग्रामीण) अंतर्गत शोष खड्डे बांधकाम उपक्रमाचा शुभारंभ आज शनिवार, दि. ३१ ऑक्टोबर २०२६ रोजी ग्रामपंचायत बांदा येथे उत्साहपूर्ण वातावरणात संपन्न झाला. या उपक्रमाचा शुभारंभ प्रमोद कामत, अध्यक्ष, जिल्हा परिषद, सिंधुदुर्ग यांच्या हस्ते करण्यात आला. यावेळी पंचायत समिती सावंतवाडीच्या सभापती सुष्मिता जाधव, उपसभापती गौरव मुळीक, गटविकास अधिकारी निलेश जाधव, पंचायत समिती सदस्या ऋतिका नाईक, ग्रामपंचायत बांदाच्या सरपंच प्रियंका नाईक तसेच जिल्हा परिषद व पंचायत समितीचे सदस्य, स्थानिक लोकप्रतिनिधी, अधिकारी, कर्मचारी आणि ग्रामस्थ उपस्थित होते. शोष खड्डे हा ग्रामीण भागातील सांडपाणी व्यवस्थापनासाठी अत्यंत उपयुक्त आणि पर्यावरणपूरक उपक्रम आहे. घरातून निर्माण होणारे सांडपाणी शोष खड्ड्याद्वारे जमिनीत मुरविल्यामुळे परिसरात सांडपाण्याची डबकी साचत नाहीत. त्यामुळे डासांची उत्पत्ती, अस्वच्छता आणि संभाव्य रोगराईल...

सिंधुदुर्ग : भूजल संवर्धन, पाणीटंचाई निवारण आणि जलसंधारणाबाबत जनजागृती करण्याच्या उद्देशाने भूजल सर्वेक्षण आणि विकास यंत्रणा, सिंधुदुर्ग कार्यालयाच्या वतीने दिनांक 29 ऑक्टोबर 2026 रोजी कुडाळ तालुक्यातील माणगाव येथील ढोलकरवाडी परिसरातील ओढ्यावर श्रमदानातून वनराई बंधारा बांधण्यात आला. या उपक्रमात शासकीय अधिकारी, ग्रामपंचायत पदाधिकारी, कर्मचारी तसेच सेंट झेव्हियर्स महाविद्यालय, मुंबई येथील भूशास्त्र विभागाचे प्राध्यापक व विद्यार्थ्यांनी उत्स्फूर्त सहभाग नोंदविला. या उपक्रमात भूजल सर्वेक्षण आणि विकास यंत्रणेचे वरिष्ठ भूवैज्ञानिक राहुल खंदारे, सहाय्यक भूवैज्ञानिक शिवलिंग चव्हाण, कनिष्ठ भूवैज्ञानिक चेतन रुपवते व शहाजी माडभगत, तसेच यांत्रिकी विभागाचे शाखा अभियंता मजहर शेख आणि कार्यालयातील कर्मचारी यांनी श्रमदान केले. माणगाव ग्रामपंचायतीच्या सरपंच मनीषा भोसले, ग्रामपंचायत अधिकारी चेतना म्हाडगूत, ग्रामपंचायत लिपिक विलास भोई व इतर कर्मचाऱ्यांनी बंधारा उभारणीच्या कामात मोलाचे सहकार्य केले. सेंट झेव्हियर्स महाविद्यालय, मुंबई येथील भूशास्त्र विभागाचे प्राध्यापक डॉ. अश्विन पुंडलिक, डॉ. श्वेता पा...

सिंधुदुर्ग, दि. ३१ (जिमाका) : केंद्र शासनाच्या युवा कार्यक्रम आणि क्रीडा मंत्रालयाच्या वतीने ‘विकसित भारत@२०४७’ या संकल्पनेच्या अनुषंगाने ‘विकसित भारत युवा संसद २०२६’चे आयोजन करण्यात येत आहे. माय भारत (MY Bharat), सिंधुदुर्ग यांच्या पुढाकाराने गुरुवार, दि. ५ नोव्हेंबर २०२६ रोजी सकाळी १० वाजता संत राऊळ महाराज महाविद्यालय, कुडाळ येथे ही युवा संसद आयोजित करण्यात आली आहे. राष्ट्रीय युवा संसद महोत्सवाच्या नव्या स्वरूपात आयोजित करण्यात येणाऱ्या या उपक्रमाचा उद्देश देशातील युवकांना लोकशाही प्रक्रियेशी जोडणे, त्यांच्यामध्ये संसदीय कार्यपद्धतीविषयी जागरूकता निर्माण करणे तसेच राष्ट्राच्या विकास प्रक्रियेत त्यांचा सक्रिय सहभाग वाढविणे हा आहे. यंदाच्या युवा संसदेचा चर्चेचा मुख्य विषय ‘एक देश, एक निवडणूक’ (One Nation, One Election) असा आहे. या विषयाच्या अनुषंगाने युवकांना आपले विचार, मते आणि दृष्टिकोन संसदीय व्यासपीठावर मांडण्याची संधी मिळणार आहे. या युवा संसदेत सहभागी होण्यासाठी १८ ते २५ वर्षे वयोगटातील युवक पात्र आहेत. वयाची गणना करण्यासाठी दि. १७ ऑगस्ट २०२६ ही तारीख ग्राह्य धरण्यात येणार आहे...

सिंधुदुर्ग, दि.३१ : जिल्ह्यातील दुष्काळी परिस्थितीच्या पार्श्वभूमीवर विविध विभागांमार्फत राबविण्यात येत असलेल्या दुष्काळ निवारण उपाययोजनांचा आढावा घेण्यासाठी जिल्हाधिकारी तथा जिल्हा आपत्ती व्यवस्थापन प्राधिकरणाच्या अध्यक्ष तृप्ती धोडमिसे यांच्या अध्यक्षतेखाली शनिवार, दि. ३१ ऑक्टोबर रोजी जिल्हाधिकारी कार्यालयात कृती गटांची बैठक झाली. जिल्ह्यातील पाणीटंचाई निवारण, जलस्रोतांचे बळकटीकरण, चारा व्यवस्थापन तसेच विकसित भारत रोजगार आणि उपजीविका हमी अभियान (ग्रामीण) अर्थात व्हीबी-जी राम जी अंतर्गत कामे अशा चार प्रमुख विषयांवर विभागनिहाय सादरीकरणाद्वारे आढावा घेण्यात आला. प्रत्येक विभागाने दुष्काळ निवारणासाठी नियोजित केलेल्या उपाययोजनांची सद्यस्थिती, आवश्यक कार्यवाही आणि कामे पूर्ण करण्याचे नियोजन याबाबत बैठकीत चर्चा करण्यात आली. सिंधुदुर्गनगरीतील पाणी वापर आणि गळती कमी करण्यावर भर सिंधुदुर्गनगरी परिसरातील पाणीटंचाई निवारणासाठी स्थापन केलेल्या कृती गटाने यावेळी सादरीकरण केले. सिंधुदुर्गनगरीतील अतिरिक्त पाणी वापर तसेच पाणीपुरवठा यंत्रणेतील गळती कमी करण्यासाठी आवश्यक उपाययोजना राबविण्याच्या सूच...

सिंधुदुर्ग, दि. ३१ (जि.मा.का.): भारताचे लोहपुरुष सरदार वल्लभभाई पटेल यांच्या जयंतीनिमित्त तसेच माजी पंतप्रधान इंदिरा गांधी यांच्या पुण्यतिथीनिमित्त जिल्हाधिकारी तृप्ती धोडमिसे यांनी आणि उपस्थित अधिकारी कर्मचारी यांनी जिल्हाधिकारी कार्यालयात त्यांच्या प्रतिमांना पुष्पहार अर्पण करून विनम्र अभिवादन केले. यावेळी उपस्थित अधिकारी व कर्मचाऱ्यांनी राष्ट्रीय एकतेची शपथ घेतली. यावेळी मुख्य कार्यकारी अधिकारी डॉ. अपूर्वा बासूर, अपर जिल्हाधिकारी शुभांगी साठे, उपजिल्हाधिकारी मच्छिंद्र सुकटे, उपजिल्हाधिकारी प्रतिभा वराळे यांच्यासह खाते प्रमुख अधिकारी व कर्मचारी उपस्थित होते. यावेळी जिल्हाधिकारी तृप्ती धोडमिसे यांनी सरदार वल्लभभाई पटेल यांच्या राष्ट्रउभारणीतील योगदानाचा गौरव केला. स्वातंत्र्यानंतर देशातील संस्थानांचे विलीनीकरण करून भारताला एकसंध बनविण्यात त्यांनी महत्त्वपूर्ण भूमिका बजावली. तसेच अखिल भारतीय सेवांचे (ऑल इंडिया सर्व्हिसेस) भक्कम प्रारूप उभारण्यात त्यांचे योगदान मोलाचे आहे. देशासमोरील अंतर्गत सुरक्षा आणि राष्ट्रीय अखंडतेच्या आव्हानांचा विचार करता, त्यांनी रुजवलेली देशभक्तीची मूल्ये आ...

सिंधुदुर्ग, दि. ३० (जिमाका) : संभाव्य दुष्काळाच्या संकटावर मात करण्यासाठी सिंधुदुर्ग जिल्ह्याने लोकसहभागातून उभारलेल्या जलसंधारणाच्या चळवळीने ऐतिहासिक टप्पा गाठला आहे. पालकमंत्री तथा मत्स्यव्यवसाय व बंदरे मंत्री नितेश राणे यांच्या नेतृत्वाखाली जिल्हा परिषदेने हाती घेतलेल्या १० हजार वनराई बंधारे निर्मितीच्या मोहिमेला अभूतपूर्व यश मिळाले आहे. जिल्हा परिषदेकडून १० हजार ५९, वन विभागाकडून ३४० तर नगरविकास विभागाकडून ४० असे एकूण १० हजार ४३९ बंधारे जिल्ह्यात उभारण्यात आले. जिल्हाधिकारी तृप्ती धोडमिसे यांच्या मार्गदर्शनाखाली, जिल्हा परिषद अध्यक्ष प्रमोद कामत आणि मुख्य कार्यकारी अधिकारी डॉ. अपूर्वा बासूर यांच्या पुढाकारातून गावागावांत उभी राहिलेली ही मोहीम आता व्यापक लोकचळवळ बनली आहे. प्रशासनाच्या नियोजनाला लोकसहभागाची जोड मिळाल्याने जलसंधारणाच्या क्षेत्रात सिंधुदुर्ग जिल्ह्याने संपूर्ण महाराष्ट्रासमोर १० हजार पेक्षा जास्त वनराई बंधारे पूर्ण करीत एक नवा आदर्श निर्माण केला आहे. जिल्ह्यात निर्माण झालेल्या दुष्काळसदृश परिस्थितीच्या पार्श्वभूमीवर आगामी काळातील संभाव्य पाणीटंचाईचे गांभीर्य ओळखून ...

सिंधुदुर्ग, दि. ३० (जिमाका) : संभाव्य दुष्काळाच्या संकटावर मात करण्यासाठी सिंधुदुर्ग जिल्ह्याने लोकसहभागातून उभारलेल्या जलसंधारणाच्या चळवळीने ऐतिहासिक टप्पा गाठला आहे. पालकमंत्री तथा मत्स्यव्यवसाय व बंदरे मंत्री नितेश राणे यांच्या नेतृत्वाखाली जिल्हा परिषदेने हाती घेतलेल्या १० हजार वनराई बंधारे निर्मितीच्या मोहिमेला अभूतपूर्व यश मिळाले आहे. जिल्हा परिषदेकडून १० हजार ५९, वन विभागाकडून ३४० तर नगरविकास विभागाकडून ४० असे एकूण १० हजार ४३९ बंधारे जिल्ह्यात उभारण्यात आले. जिल्हाधिकारी तृप्ती धोडमिसे यांच्या मार्गदर्शनाखाली, जिल्हा परिषद अध्यक्ष प्रमोद कामत आणि मुख्य कार्यकारी अधिकारी डॉ. अपूर्वा बासूर यांच्या पुढाकारातून गावागावांत उभी राहिलेली ही मोहीम आता व्यापक लोकचळवळ बनली आहे. प्रशासनाच्या नियोजनाला लोकसहभागाची जोड मिळाल्याने जलसंधारणाच्या क्षेत्रात सिंधुदुर्ग जिल्ह्याने संपूर्ण महाराष्ट्रासमोर १० हजार पेक्षा जास्त वनराई बंधारे पूर्ण करीत एक नवा आदर्श निर्माण केला आहे. जिल्ह्यात निर्माण झालेल्या दुष्काळसदृश परिस्थितीच्या पार्श्वभूमीवर आगामी काळातील संभाव्य पाणीटंचाईचे गांभीर्य ओळखून ...

सिंधुदुर्ग, दि. ३० (जिमाका): भारत निवडणूक आयोगाने महाराष्ट्र राज्यातील मतदार याद्यांच्या विशेष सखोल पुनरीक्षण (SIR-२०२६) कार्यक्रमाच्या वेळापत्रकात सुधारणा केली असून सुधारित वेळापत्रक निर्गमित केले आहे. मुख्य निवडणूक अधिकारी यांच्या पत्रानुसार हे सुधारित वेळापत्रक निश्चित करण्यात आले असल्याची माहिती सिंधुदुर्ग उपजिल्हा निवडणूक अधिकारी कार्यालयाकडून प्रसिद्धी पत्रकाद्वारे दिली आहे. सुधारित वेळापत्रकानुसार आता मतदार याद्यांवर दावे व हरकती दाखल करण्याचा कालावधी १३ नोव्हेंबर २०२६ पर्यंत राहणार आहे. प्राप्त झालेले दावे व हरकती निकालात काढणे तसेच नोटीस टप्प्यासाठी २५ नोव्हेंबर २०२६ पर्यंत मुदत निश्चित करण्यात आली असून, अंतिम मतदार याद्यांची प्रसिद्धी ३० नोव्हेंबर २०२६ रोजी केली जाणार आहे. जिल्ह्यातील सर्व मतदार नोंदणी अधिकारी व सहायक मतदार नोंदणी अधिकारी आपल्या कार्यक्षेत्रात या सुधारित वेळापत्रकानुसार पुढील सर्व कामकाजाचे नियोजन करतील. प्राप्त झालेले दावे व हरकती विहित मुदतीत निकाली काढाव्यात, अशा सूचना जिल्हाधिकारी तृप्ती धोडमिसे यांनी दिल्या आहेत. तालुका व मतदारसंघ स्तरावर सर्व मान्य...

सिंधुदुर्ग, दि. २९ (जिमाका) : घनकचरा व्यवस्थापन नियम, २०२६ ची जिल्ह्यात प्रभावी अंमलबजावणी करण्यासाठी सर्व स्थानिक स्वराज्य संस्था आणि संबंधित शासकीय विभागांनी गतीने काम करावे. महामार्ग तसेच अंतर्गत रस्त्यांच्या कडेला कुठेही कचऱ्याचे ढिगारे दिसता कामा नयेत. घनकचरा व्यवस्थापनाबाबत नागरिकांच्या विविध पोर्टल व सोशल मीडियाच्या माध्यमातून प्राप्त होणाऱ्या तक्रारींचे वेळेत निराकरण करावे, असे निर्देश जिल्हाधिकारी तृप्ती धोडमिसे यांनी दिले. बैठकीस मुख्य कार्यकारी अधिकारी डॉ. अपूर्वा बासूर, निवासी उपजिल्हाधिकारी मच्छिंद्र सुकटे, उपजिल्हाधिकारी प्रतिभा वराळे, महाराष्ट्र प्रदूषण नियंत्रण मंडळाचे उपप्रादेशिक अधिकारी संदिप टोपे, क्षेत्र अधिकारी निलेश पाटील, नगरप्रशासन अधिकारी विनायक औंधकर, उपमुख्य कार्यकारी अधिकारी ग्रामपंचायत जयप्रकाश परब, तहसीलदार चैताली सावंत प्रत्यक्ष उपस्थित होते. जिल्ह्यातील सर्व गटविकास अधिकारी, मुख्याधिकारी तसेच अन्य विभागांचे अधिकारी ऑनलाइन सहभागी झाले होते. घनकचरा व्यवस्थापन नियम, २०२६ च्या प्रभावी अंमलबजावणीसाठी जिल्हास्तरावर स्थापन करण्यात आलेल्या विशेष कक्षाची बैठक ...

मुंबई, दि. २८ : राज्यातील मच्छीमार, मत्स्यशेतकरी, मत्स्यव्यावसायिक आणि मच्छीमार संस्थांना शासनाच्या विविध योजनांचा लाभ घेणे अधिक सुलभ व्हावे, यासाठी मत्स्यव्यवसाय विभागाच्या २४ लाभार्थीभिमुख योजनांसाठी ऑनलाइन अर्ज सुविधा सुरू करण्यात आली आहे. मुख्यमंत्री देवेंद्र फडणवीस यांच्या हस्ते आणि मत्स्यव्यवसाय व बंदरे मंत्री नितेश राणे यांच्या उपस्थितीत आज सह्याद्री अतिथिगृह, मुंबई येथे महाडीबीटी २.० प्रणालीवर मुख्यमंत्री मत्स्यसंपदा योजनेअंतर्गत या ऑनलाइन अर्ज प्रक्रियेचा शुभारंभ करण्यात आला. मुख्यमंत्री देवेंद्र फडणवीस यांच्या मार्गदर्शनाखाली राज्यात मुख्यमंत्री मत्स्यसंपदा योजना प्रभावीपणे राबविण्यात येत आहे. या योजनांची अंमलबजावणी अधिक सुलभ, पारदर्शक आणि गतिमान करण्यासाठी शासन प्रक्रिया पुनर्रचना (Government Process Re-engineering – GPR) अंतर्गत विविध सुधारणा करण्यात येत आहेत. त्याचाच एक भाग म्हणून महाडीबीटी २.० प्रणालीवर ऑनलाइन अर्ज सुविधा उपलब्ध करून देण्यात आली आहे. घरबसल्या ऑनलाइन अर्ज करण्याची सुविधा या सुविधेमुळे राज्यातील मच्छीमार, मत्स्...

सिंधुदुर्ग, दि. 28 (जिमाका) : राष्ट्रीय जंतनाशक मोहिमेअंतर्गत सिंधुदुर्ग जिल्ह्यात 27 ऑक्टोबर 2026 रोजी राबविण्यात आलेल्या मोहिमेत 1 लाख 10 हजार 344 बालकांना अल्बेंडाझोल जंतनाशक गोळ्यांचे वाटप करण्यात आले. जिल्ह्यातील मोहिमेची एकूण कामगिरी 95.53 टक्के नोंदविण्यात आली असून, मोहिमेदरम्यान कोणतीही प्रतिकूल घटना (AEFI) नोंदविण्यात आलेली नाही. या मोहिमेच्या अंमलबजावणीची पाहणी करण्यासाठी जिल्हा परिषद आरोग्य व शिक्षण समितीचे सभापती प्रितेश राऊळ आणि जिल्हा आरोग्य अधिकारी डॉ. सई धुरी यांनी कुडाळ तालुक्यातील जिल्हा परिषद प्राथमिक शाळा, पावशी नं. 1 येथे भेट दिली. यावेळी त्यांनी मोहिमेच्या नियोजनाचा व कार्यवाहीचा आढावा घेतला आणि आवश्यक सूचना दिल्या. पात्र बालकांना जंतनाशक गोळ्यांचा लाभ मिळावा, यासाठी आरोग्य, शिक्षण तसेच महिला व बालविकास विभागातील अधिकारी-कर्मचारी, शिक्षक आणि अंगणवाडी सेविकांनी समन्वयाने काम केले. कणकवली तालुक्यात सर्वाधिक कामगिरी जिल्ह्यातील तालुकानिहाय कामगिरीमध्ये कणकवली तालुक्याने 113.97 टक्के, दोडामार्गने 108.48 टक्के, कुडाळने 96.11 टक्के, सावंतवाडीने 90.78 टक्के, मालवणने ...

सिंधुदुर्ग, दि. 28 (जिमाका) : शेतकऱ्यांची शेतमालाच्या खरेदी-विक्री व्यवहारात फसवणूक होऊ नये, तसेच विनापरवाना शेतमाल खरेदी-विक्रीला प्रतिबंध घालण्यासाठी शेतमालाच्या व्यापाराबाबत आवश्यक सूचना देण्यात आल्या आहेत. जिल्ह्यातील शेतकरी, व्यापारी आणि कृषि उत्पन्न बाजार समित्यांनी या सूचनांचे पालन करावे, असे आवाहन सहकारी संस्थेचे जिल्हा उपनिबंधक प्रदीप मालगावे यांनी केले आहे. परवानाधारक व्यापाऱ्यांनाच खरेदीची परवानगी अधिसूचित शेतमालाची खरेदी करण्यासाठी पणन संचालक, महाराष्ट्र राज्य, पुणे यांच्याकडून मिळणारा खाजगी बाजार परवाना, थेट पणन परवाना किंवा एकल बाजार परवाना अथवा संबंधित कृषि उत्पन्न बाजार समितीचा व्यापारी अनुज्ञप्ती/खरेदीदार परवाना असणे आवश्यक आहे. त्यामुळे शेतकऱ्यांनी आपला शेतमाल विकताना संबंधित व्यापाऱ्याकडे वैध परवाना असल्याची खात्री करावी. काही शेतमालाच्या बाजार आवाराबाहेरील व्यवहारांवर नियमनातून सूट कृषि उत्पन्न बाजार समितीच्या बाजार आवाराबाहेर फळे व भाजीपाला यांतील अधिसूचित नोंदी तसेच मसाल्याच्या व इतर पदार्थांच्या यादीतील आले, लसूण, धणे आणि मिरची या शेतमालाच्या खरेदी-विक्रीला न...

सिंधुदुर्ग, दि. २७ (जिमाका) : प्रधानमंत्री राष्ट्रीय कृषी विकास योजना (प्रती थेंब अधिक पीक) अंतर्गत अनुसूचित जाती (SC) आणि अनुसूचित जाती (ST) प्रवर्गातील शेतकऱ्यांना सूक्ष्म सिंचन (ठिबक व तुषार सिंचन) योजनेतून शेतकऱ्यांचे आर्थिक उत्पन्न वाढवण्यासाठी आणि शेतीला शाश्वत पाण्याचा आधार देण्यासाठी खालीलप्रमाणे पूरक अनुदान देण्यात येते आहे. तरी जिल्ह्यातील अनुसूचित जाती व जमाती प्रवर्गातील सर्व प्रगतशील व गरजू शेतकऱ्यांनी ३१ ऑक्टोबर २०२६ पर्यंत या योजनेचा लाभ घ्यावा, असे आवाहन कृषी विभागामार्फत प्रसिध्दीपत्रकाव्दारे करण्यात आले आहे. अल्प व अत्यल्प भूधारक शेतकऱ्यांना २ हेक्टरपर्यंतच्या क्षेत्रासाठी प्रधानमंत्री राष्ट्रीय कृषी विकास योजनेअंतर्गत ५५ टक्के, मुख्यमंत्री शाश्वत सिंचन योजनेंतर्गत २५ टक्के आणि डॉ. बाबासाहेब आंबेडकर कृषी स्वावलंबन योजना अथवा बिरसा मुंडा कृषी क्रांती योजनेंतर्गत १० टक्के, असे एकूण ९० टक्के अनुदान दिले जाते. तसेच, २ हेक्टरपेक्षा अधिक क्षेत्र असलेल्या बहुभूधारक व इतर शेतकऱ्यांना प्रधानमंत्री राष्ट्रीय कृषी विकास योजनेअंतर्गत ४५ टक्के, मुख्यमंत्री शाश्वत सिंचन योजनेंत...

सिंधुदुर्ग, दि. २७ (जिमाका) : डाक जीवन विमा (PLI) आणि ग्रामीण डाक जीवन विमा (RPLI) सेवांसाठी सध्या वापरण्यात येणाऱ्या McCamish या सॉफ्टवेअरचे नवीन Insurance Management Solution (IMS) प्रणालीमध्ये स्थलांतर करण्यात येणार आहे. या प्रक्रियेच्या अनुषंगाने रविवार, दि. १ नोव्हेंबर ते रविवार, दि. ८ नोव्हेंबर २०२६ या कालावधीत PLI व RPLI सेवांसाठी ‘नो ट्रान्झॅक्शन डे’ घोषित करण्यात आला आहे. या कालावधीत सर्व पोस्ट ऑफिसमधील काउंटरवर डाक जीवन विमा आणि ग्रामीण डाक जीवन विम्याशी संबंधित कोणतेही आर्थिक व्यवहार करता येणार नाहीत. तसेच, या सेवांशी संबंधित ऑनलाइन सुविधाही उपलब्ध राहणार नाहीत. त्यामुळे PLI व RPLI पॉलिसीधारक आणि ग्राहकांनी आपल्या विमा पॉलिसींशी संबंधित आवश्यक आर्थिक व्यवहार १ नोव्हेंबरपूर्वी किंवा ८ नोव्हेंबरनंतर पूर्ण करण्याचे नियोजन करावे, असे आवाहन डाक विभागामार्फत करण्यात आले आहे. 0000000

सिंधुदुर्ग, दि. 27 (जिमाका) : प्रधानमंत्री किसान सन्मान निधी (पीएम-किसान) योजनेचा ऑगस्ट ते नोव्हेंबर 2026 या कालावधीतील 24 वा हप्ता शुक्रवार दिनांक 30 ऑक्टोबर 2026 रोजी पंतप्रधान नरेंद्र मोदी यांच्या हस्ते गुजरातमधील बनासकांठा येथून वितरित करण्यात येणार आहे. या निमित्ताने देशभरात 30 ऑक्टोबर रोजी ‘पीएम-किसान उत्सव दिवस’ साजरा करण्यात येणार आहे. केंद्र शासनाने शेतकऱ्यांना निश्चित उत्पन्नाचा आधार देण्यासाठी प्रधानमंत्री किसान सन्मान निधी योजना सुरू केली आहे. या योजनेंतर्गत पात्र शेतकरी कुटुंबांना प्रतिवर्षी सहा हजार रुपये तीन समान हप्त्यांत, प्रत्येकी दोन हजार रुपये याप्रमाणे त्यांच्या आधार संलग्न बँक खात्यात थेट जमा केले जातात. राज्यातील पात्र शेतकरी कुटुंबांना यापूर्वी 23 हप्त्यांद्वारे सुमारे 42 हजार 935 कोटी रुपयांचा लाभ वितरित करण्यात आला आहे. योजनेचा लाभ मिळण्यासाठी लाभार्थ्यांनी भूमी अभिलेखातील नोंदी अद्ययावत करणे, बँक खाते आधारशी संलग्न करणे आणि ई-केवायसी प्रमाणीकरण पूर्ण करणे आवश्यक आहे. या तिन्ही बाबींची पूर्तता केलेल्या राज्यातील सुमारे 91.13 लाख शेतकरी कुटुंबांना 24 व्या ह...

सिंधुदुर्ग, (जिमाका) दि. 27 : महाराष्ट्र राज्य इतर मागासवर्गीय वित्त आणि विकास महामंडळ मर्यादित तसेच उपकंपनी शामराव पेजे कोकण इतर मागासवर्ग आर्थिक विकास महामंडळामार्फत व्यवसायासाठी कर्ज घेतलेल्या सिंधुदुर्ग जिल्ह्यातील इतर मागासवर्गीय (ओबीसी) प्रवर्गातील थकबाकीदार लाभार्थ्यांसाठी एकरकमी परतावा (One Time Settlement) योजना राबविण्यात येत आहे. या योजनेंतर्गत संपूर्ण थकीत कर्जरकमेचा एकरकमी भरणा करणाऱ्या लाभार्थ्यांना थकीत व्याजाच्या रकमेवर 50 टक्के सवलत देण्यात येणार आहे. ही योजना 31 मार्च 2027 पर्यंत लागू राहणार असल्याने पात्र लाभार्थ्यांनी या संधीचा लाभ घ्यावा, असे आवाहन शामराव पेजे कोकण इतर मागासवर्गीय आर्थिक विकास महामंडळाचे जिल्हा व्यवस्थापक प्रिती पटेल यांनी केले आहे. महामंडळामार्फत सिंधुदुर्ग जिल्ह्यातील ओबीसी प्रवर्गातील पात्र लाभार्थ्यांना व्यवसाय सुरू करण्यासाठी मुदत कर्ज योजना, बीज भांडवल कर्ज योजना, स्वर्णिमा कर्ज योजना, मार्जिन मनी कर्ज योजना आदी योजनांद्वारे कर्जवाटप करण्यात आले आहे. महाराष्ट्र राज्य इतर मागासवर्गीय वित्त आणि विकास महामंडळ तसेच शामराव पेजे कोकण इतर मागास...

सिंधुदुर्ग, (जिमाका) दि. 27 : एकात्मिक फलोत्पादन विकास अभियानांतर्गत सन 2026-27 या वर्षासाठी विविध फलोत्पादनविषयक घटकांचा लाभ देण्यात येत आहे. या योजनेचा लाभ घेण्यासाठी जिल्ह्यातील अनुसूचित जाती व अनुसूचित जमाती प्रवर्गातील शेतकऱ्यांनी महाडीबीटी पोर्टलवर https://mahadbt.maharashtra.gov.in/Farmer/AgriLogin/AgriLogin ऑनलाइन अर्ज सादर करावेत, असे आवाहन जिल्हा अधिक्षक कृषि अधिकारी भाग्यश्री नाईकनवरे यांनी केले आहे. या अभियानांतर्गत रोपवाटिका स्थापना, फळपिकांच्या क्षेत्राचा विस्तार, अळिंबी उत्पादन प्रकल्प, पुष्पोत्पादन, सुगंधी व औषधी वनस्पतींची लागवड, सामूहिक व वैयक्तिक शेततळे अस्तरीकरण, हरितगृह व शेडनेटगृह उभारणी, प्लास्टिक मल्चिंग, फळांना व फळांच्या घडांना आवरण घालणे, तण नियंत्रक आच्छादन तसेच मधुमक्षिकापालन अशा विविध घटकांसाठी लाभ देण्यात येणार आहे. फळपिकांच्या क्षेत्र विस्तारामध्ये स्ट्रॉबेरी, ड्रॅगनफ्रूट, पॅशन फ्रूट, किवी, ॲव्होकॅडो, केळी, अननस व पपई यांसारख्या पिकांचा समावेश आहे. याशिवाय फलोत्पादन यांत्रिकीकरणांतर्गत ट्रॅक्टर, पॉवर टिलर व पीक संरक्षण उपकरणे तसेच फार्म गेट पॅक हाऊस...

सिंधुदुर्ग, दि.२६ : सिंधुदुर्गनगरी नवनगर विकास प्राधिकरणाच्या कार्यक्षेत्रात स्वच्छता व्यवस्थापन अधिक गतिमान, शिस्तबद्ध व प्रभावी करण्यासाठी प्राधिकरणाकडून २ नवीन अद्ययावत घंटागाड्यांची खरेदी करण्यात आली आहे. या नवीन घंटागाड्यांचे लोकार्पण तृप्ती धोडमिसे अध्यक्ष, सिंधुदुर्गनगरी नवनगर विकास प्राधिकरण तथा जिल्हाधिकारी, सिंधुदुर्ग यांच्या शुभहस्ते पार पडले. यावेळी निवासी उपजिल्हाधिकारी मच्छिंद्र सुकटे, तहसीलदार चैताली सावंत उपस्थित होते. प्राधिकरण क्षेत्रात जमा होणाऱ्या कचऱ्याचे वेळेत, नियमित व शास्त्रोक्त पद्धतीने संकलन करता यावे, या मुख्य उद्देशाने या घंटागाड्या खरेदी करण्यात आलेल्या आहेत आहेत. या नवीन घंटागाड्यांमध्ये ओला कचरा आणि सुका कचरा वेगळा ठेवण्यासाठी स्वतंत्र कक्ष / सुविधेची व्यवस्था करण्यात आली आहे. यामुळे नागरिकांकडून कचऱ्याचे उगमस्थानीच वर्गीकरण करून तो संकलित करणे शक्य होणार आहे. प्राधिकरण क्षेत्रातील सर्व नागरिक, व्यावसायिक व आस्थापनांकडून दररोजचा कचरा गोळा करणे अधिक सोपे, सुटसुटीत व प्रभावी होईल. दररोज संकलित केलेला ओला व सुका कचरा थेट कच...