diosindhudurg

सिंधुदुर्गनगरी, दि. 30 (जि.मा.का): भारतीय स्‍वातंत्र्याचा आझादी का अमृत महोत्‍सवानिमित्‍त भारत सरकारच्‍या विविध योजनांचा लाभ घेणा-या लाभार्थ्‍यांशी पंतप्रधान नरेंद्र मोदी यांचा देशव्‍यापी संवाद मंगळवार दि. ३१ मे रोजी सकाळी 9 वा. आयोजित करण्‍यात आला आहे. यावेळी पंतप्रधान श्री. मोदी हे देशातील कोणत्‍याही राज्‍यामधील कोणत्याही जिल्‍ह्यातील योजनेचा लाभ घेतलेल्‍या लाभार्थ्‍यांशी थेट संवाद साधणार आहेत. त्‍याअनुषंगाने जिल्‍ह्यातील केंद्र शासनाच्‍या विविध योजनांच्या लाभार्थ्यांबाबत संबंधित विभागांनी परिपूर्ण नियोजन केले आहे. भारत सरकारच्‍या विविध योजनांचा लाभ घेणा-या लाभार्थ्‍यांशी देशव्‍यापी संवाद संदर्भातील बैठकीत जिल्हाधिकारी के.मंजुलक्ष्मी यांनी दिलेल्या सूचनांनुसार सर्व विभागांनी तयारी केली आहे. दिनांक ३१ मे रोजी जिल्हाधिकारी कार्यालय येथील जिल्हा नियोजन समितीच्या नवीन सभागृाहत पंतप्रधान श्री. मोदी यांच्या ऑनलाईन कार्यक्रमाचे नियोजन करण्यात आले आहे.

सिंधुदुर्गनगरी दि. 30 (जि.मा.का.) : जिल्ह्यातील विविध कार्यालयांमध्ये शहिद जवान,त्यांच्या विधवा, माजी सैनिक, माजी सैनिक विधवा, माजी सैनिक कुटुंबिय सेवारत सैनिक यांच्या प्रलंबित कामांचा निपटारा जलद होण्यासाठी संपूर्ण राज्यात माहे मे २०२२ ते १५ जून २०२२ या कालावधीत "अमृत जवान अभियान-२०२२" राबविण्यात येत आहे. या अभियानाचा जास्तीत जास्त लाभ घ्यावा असे आवाहन जिल्हाधिकारी के.मंजुलक्ष्मी यांनी केले आहे. विविध विभागांमध्ये माजी सैनिक, शहिद जवान व सेवारत सैनिकांची अनेक कामे असतात. महसूल विभागाकडे प्रलंबित फेरफार, बिनशेती व बांधकाम परवानगी, भूसंपादन व पुनर्वसन संबंधी अडचणी,विविध प्रकारचे दाखले, रेशन कार्ड संबंधित कामे, पोलीस विभागाकडे विविध तक्रारी/ समस्या, समाजकंटकांकडून होत असलेल्या त्रासाबाबतच्या समस्या, कृषी विभागाकडील लाभ घेण्याबाबतचे प्रस्ताव, फौजदारी स्वरुपाचे वाद, शहिद जवा व सेवारत सैनिकांचे प्रश्न, परिवहन विभागगकडील परवाने, सहकार विभागाकडील कर्ज प्रकरणे इत्यादी, तसेच अनेक कामे प्राधान्यने मार्गी लावणेकामी या अभियानामध्ये प्रत्येक महिन्याच्या तिसऱ्या सोमवारी ला...

सिंधुदुर्गनगरी दि. 30 (जि.मा.का.) : कोवीड-19 मुळे अनाथ झालेल्या जिल्ह्यातील 18 बालकांना लाभ व सेवा बाबतच्या किटचे वाटप जिल्हाधिकारी के.मंजुलक्ष्मी, मुख्य कार्यकारी अधिकारी प्रजित नायर आणि पोलीस अधिक्षक राजेंद्र दाभाडे यांच्या हस्ते करण्यात आले. यावेळी ऑनलाईन झालेल्या कार्यक्रमात संवाद साधत पंतप्रधान नरेंद्र मोदी यांनी तुमच्या आई वडिलांची झालेली हानी पुर्तता करू शकणारी नसली तरी सर्व देश तुमच्या पाठिशी आहे. आई भारती आपल्या सोबत असून धैर्याने सामना करा. जीवनात चांगल्या पुस्तकासारखा मित्र नाही, अभ्यासाबरोबरच 'फिट इंडिया खेलो इंडिया' या अभियानात सहभागी होऊन त्याचे नेतृत्व ही करा. आयुष्यात खूप पुढे जा, असा अशीर्वाद दिला. कोविड 19 च्या महामारीमुळे ज्या बालकांचे दोन्ही पालक, कायदेशीर पालक, दत्तक पालकांचे निधन होऊन अनाथ झालेल्या बालकांच्या काळजी व संरक्षणासाठी अर्थसहाय्य उपलब्ध व्हावे, म्हणून PM Care For Children Scheme ची घोषणा करण्यात आली आहे. या योजनेंतर्गत आज पंतप्रधान नरेंद्र मोदी यांनी संवाद साधला. यावेळी जिल्हाधिकारी के.मंजुलक्ष्मी, मुख्य कार्यकारी अधिकारी प्रजित न...

मान्सूनचे आगमन होण्यापूर्वी किंवा परतीचा पाऊस सुरू होण्याच्या कालावधीत अनेकदा विजांच्या कडकडाटासह जोरदार पाऊस पडतो. काहीवेळा वादळेही होतात. यात अनेकदा वित्तहानी व जीवितहानीही होते. ही हानी टाळण्याच्या उद्देशाने उष्ण कटीबंधीय हवामान शास्त्र संस्था पुणे (IITM) व पृथ्वी प्रणाली विज्ञान संस्था (ESSO) यांच्या संयुक्तविद्यमाने दामिनी हे विजांच्या लखलखाटांचा इशारा देणारे मोबाईल ॲप विकसीत केले आहे. या ॲपमुळे शेतकऱ्यांना विजांच्या कडकडाटांचा व वादळी पावसाचा अंदाज साधारणतः 15 ते 45 मिनीटे अगोदर मिळू शकतो. त्यामुळे सुरक्षिततेच्या दृष्टीकोनातून उपाययोजनाही करणे शक्य होणार आहे. एकंदरीतच आकाशात कडाडणाऱ्या सौदामिनीवर दामिनीची नजर राहणार आहे.        ग्रामीण कृषी मौसम सेवा, उद्यान विद्या महाविद्यालय, मुळदे, ता. कुडाळ येथील डॉ. यशवंत मुठाळ यांनी याबाबत सविस्तर माहिती दिली. विजेचे झटके व कडकडाट ही एक अशी घटना आहे, जनमानव जातीला केवळ हानी पोहचवत नाही तर भयभीतही केले आहे. प्रत्येक सेकंदाला पृथ्वीवर सुमारे 50 ते 100 विजेचे झटके येतात. अलीकडच्या काळात पृथ्वीवर इतर नैस...

सिंधुदुर्गनगरी दि. 29 (जि.मा.का.) : पंतप्रधान नरेंद्र मोदी यांच्या हस्ते उद्या सोमवार दिनांक ३० मे रोजी होणाऱ्या ऑनलाईन कार्यक्रमात कोवीड-१९ मुळे अनाथ झालेल्या बालकांना लाभ व सेवा बाबत किट प्रदान करण्यात येणार आहे, अशी माहिती प्रभारी जिल्हा महिला व बाल विकास अधिकारी बी.जी. काटकर यांनी दिली आहे. जिल्हाधिकारी कार्यालयात सकाळी ९.४५ वाजता होणाऱ्या या कार्यक्रमात कोविड १९ च्या महामारीमुळे ज्या बालकांचे दोन्ही पालक, कायदेशीर पालक, दत्तक पालकांचे निधन होऊन अनाथ झालेल्या बालकांच्या काळजी व संरक्षणासाठी अर्थसहाय्य उपलब्ध व्हावे, म्हणून PM Care For Children Scheme योजनेची घोषणा करण्यात आली आहे. या योजनेंतर्गत उद्या सोमवारी ३० मे रोजी पंतप्रधानांच्या हस्ते योजनेच्या पात्र लाभार्थ्यांना लाभ व सेवा उपलब्ध करुन देण्यात येणार आहे. यामध्ये बालकांना PM Care For Children Scheme चे पासबुक, PM-JAY हेल्थ कार्ड / आयुष्यमान कार्ड, पतंप्रधानांचे मुलांना पत्र आणि मुलांचे पीएम केअर स्नेह पत्र यांचा किटमध्ये समावेश आहे. 00000

सिंधुदुर्गनगरी, दि. 27 (जि.मा.का.) – जिल्ह्यात प्लास्टिक, सिन्थेटिक पासून बनवलेल्या नायलॉन मांज्यामुळे पक्षी व मानवी जिवीतास दुखापती होत असल्यामुळे अशा मांज्याचा वापर, विक्रीस प्रतिबंध घालण्यासाठी पोलीस अधिक्षक राजेंद्र दाभाडे यांच्या आदेशानुसार टास्क फोर्स नियुक्त करण्यात आली आहे. या टास्क फोर्सचे प्रमुख हे अपर पोलीस अधिक्षक नितीन बगाटे हे असून सहाय्यक प्रभारी म्हणून जिल्ह्यातील सर्व पोलीस ठाण्याचे प्रभारी अधिकारी राहणार आहेत. टास्क फोर्समध्ये पोलीस ठाणे स्तरावर एक टिम तयार करण्यात आली असून त्याध्ये 2 पुरुष पोलीस अंमलदार व 1 महिला पोलीस अंमलदार नियुक्त करण्यात आली आहे. टास्क फोर्स टिममध्ये नियुक्त केलेले पोलीस अधिकारी व अंमलदार हे स्थानिक प्राधिकरणाच्या मदतीने अचानक दुकानांना भेटी देणे, नायलॉन मांजा आढळल्यास कायदेशीर कारवाई करणे, नायलॉन मांजाची ऑनलाईन विक्री होत असल्यास सायबर सेलला माहिती देणे या प्रकारे कामकाज करणार आहेत. जिल्ह्यात अशा प्लास्टिक, सिन्थेटिकपासून बनवलेल्या नायलॉन मांज्याचा वापर, विक्री, ऑनलाईन विक्री होत असल्यास त्याची माहिती स्थानिक पोलीस ठ...

सिंधुदुर्गनगरी, दि. 27 (जि.मा.का.) – जिल्ह्यातील शेतकऱ्यांनी फळझाडांची कलमे, रोपे यांची खरेदी अधिकृत परवानाधारक रोपवाटीकेमधूनच करावी. कलमे, रोपे खरेदी केल्यानंतर विहीत नमुन्यातील खरेदीची पावती घ्यावी. तसेच संबंधीत रोपवाटीकाधारकाकडे कलमे, रोपे विक्रीचा परवाना असल्याची खात्री करूनच कलमे, रोपे खरेदी करावीत. तसेच रोपवाटीकाधारकांनी कलमे, रोपे यांची विक्री केल्यानंतर खरेदीदारांना विहीत नमुन्यातील पावती द्यावी. केवळ परवाना घेतलेल्या कलमे, रोपांची गुणवत्तायुक्त कलमे, रोपे तयार करून विक्री करावी, असे आवाहन सावंतवाडीचे उपविभागीय कृषी अधिकारी अचित आडसुळे यांनी केले आहे. अधिक माहितीसाठी नजिकच्या कृषी विभाग कार्यालयाशी संपर्क साधावा. 00000 --

सिंधुदुर्गनगरी, दि. 27 (जि.मा.का.) – जिल्ह्याच्या जिल्हा कौशल्य विकास कृती आराखड्यास केंद्र सरकारचा दुसरा उत्कृष्ट जिल्हा कौशल्य विकास आराखडा पुरस्कार जाहिर झाला आहे. या पुरस्कारांचे वितरण 9 जून रोजी नवी दिल्ली येथील डॉ. बाबासाहेब आंबेडकर आंतरराष्ट्रीय सेंटर येथे केंद्रीय शिक्षा, कौशल्य विकास, उद्योजकता मंत्री यांच्या हस्ते होणार आहे. यावेळी जिल्हाधिकारी के.मंजुलक्ष्मी, जिल्हा कौशल्य विकास व उद्योजकता विभागाचे सहाय्यक आयुक्त शालिक पवार यांना सन्मानित करण्यात येणार आहे. देशभरातील 336 जिल्ह्यामधून प्राथमिक स्तरावर 30 जिल्ह्याचा समावेश करण्यात आला होता. त्यामध्ये राज्यातून सिंधुदुर्ग जिल्ह्याचा समावेश झाला होता. जिल्हा कौशल्य विकास, रोजगार व उद्योजकता मार्गदर्शन केंद्र सिंधुदुर्ग मार्फत जिल्हाधिकारी के.मंजुलक्ष्मी यांच्या मार्गदर्शनाखाली जिल्ह्याची भौगोलिक स्थिती, परंपरागत व्यवसाय, नैसर्गिक संसाधने, साधनसामग्री व मागणी असलेली क्षेत्रे निश्चित करुन जिल्ह्याचा वार्षिक कृती आराखडा तयार करणयात आला. कोरना काळात आरोग्य क्षेत्रात कुशल मनुष्यबळाचा अभाव दूर ...

सिंधुदुर्गनगरी, दि. 27 (जि.मा.का.) – प्रशासनात नाविन्यता आणण्यासाठी व स्टार्टअप्सना प्रोत्साहन देण्यासाठी स्टार्टअप वीक 2022 चे आयोजन करण्यात येत आहे. स्टार्टअप्सना शासनासोबत काम करण्याची संधी उपलब्ध करुन देण्यासाठी महाराष्ट्र स्टार्टअप सप्ताह हा एक प्रमुख उपक्रम आहे. स्टार्टअपची नावीन्यपूर्ण उत्पादने आणि सेवा यांचे प्रकल्प शासकीय यंत्रणेत राबवून प्रशासनात नाविन्यता आणणे हे या सप्ताहाचे मुख्य उद्दीष्ट असल्याचे कौशल्य विकास रोजगार व उद्यजकता मार्गदर्शन अधिकारी कृ.वि. कविटकर यांनी सांगितले. या वीक अंतर्गत प्राप्त अर्जांपैकी अव्वल 100 स्टार्टअपना त्यांच्या नाविन्यपूर्ण उत्पादने, सेवा यांचे सादरीकरण मंत्री, वरिष्ठ अधिकारी, गुंतवणूकदार, तज्ज्ञ यांच्या समितीसमोर करण्याची संधी भेटते. यातील 24 विजेत्यांना त्यांची उत्पादने, सेवा प्रायोगिक तत्वावर शासकीय विभागासोबत राबविण्यासाठी कार्यादेश दिले जातात. यामध्ये कृषी, शिक्षण, कौशल्य विकास, आरोग्य, प्रशासन, शाश्वतता, स्मार्ट पायाभूत सुविधा, गतिशीलता आणि संकिर्ण या क्षेत्रांचा समावेश आहे. यामध्ये सहभागासाठी अर्ज करण्याची श...

सिंधुदुर्गनगरी, दि. 27 (जि.मा.का.) – सिंधुदुर्ग जिल्हा क्रीडा क्षेत्रात नावारूपास यावा, इथले खेळाडू ऑलिंपिक सारख्या स्पर्धेत चमकावेत. यासाठी जिल्ह्यातील खेळाडूंना सोयी सुविधा उपलब्ध करून देण्यासाठी लोकप्रतिनिधी या नात्याने नेहमीच प्रयत्नशील असल्याचे प्रतिपादन खासदार विनायक राऊत यांनी केले. तसेच केंद्र शासनाची खेलो इंडिया ही योजना यशस्वीरित्या राबवावी असे आवाहन ही श्री. राऊत यांनी केले. खेलो इंडिया योजनेंतर्गत निवड केलेल्या खेळाडूंना सावंतवाडी येथील टिळक सभागृहामध्ये खासदार श्री. राऊत यांच्या हस्ते क्रीडा साहित्याचे वाटप करण्यात आले. त्यावेळी ते बोलत होते. यावेळी आमदार दीपक केसरकर, जिल्हा क्रीडा अधिकारी विद्या शिरस यांच्यासह खेळाडू उपस्थित होते. खासदार श्री राऊत म्हणाले, केंद्र शासनाकडून खेलो इंडिया या योजनेंतर्गत मोठ्या प्रमाणात निधी उपलब्ध झाला आहे. प्रत्येक जिल्ह्यात मुला मुलींमध्ये मोठ्या प्रमाणात टॅलेंट आहे. हे टॅलेंट ओळखून त्यांना आवश्यक ते पाठबळ देण्याचे काम केंद्र शासन करत आहे. राज्य शासनाच्या माध्यमातूनही तालुकास्तरावर क्रीडा संकुल उभारण्यासाठी प्रयत...

सिंधुदुर्गनगरी, दि. 27 (जि.मा.का.) – ज्या ज्या समुद्र किनाऱ्यांवर वॉटर स्पोर्ट्स होत आहेत. त्या ठिकाणी पर्यटकांच्या सर्वोच्च सुरक्षिततेला प्राधान्य देत सर्व यंत्रणांनी सतर्क आणि सक्रीय राहिले पाहिजे. कोणतीही दुर्घटना होणार नाही यासाठी तहसिलदार, गट विकास अधिकारी, मुख्याधिकारी, पोलीस यंत्रणा आणि बंदर विभाग यांनी टेहळणी पथक स्थापन करून अनधिकृत बाबींवर तात्काळ कारवाई करावी, अशा सक्त सूचना जिल्हाधिकारी के.मंजुलक्ष्मी यांनी दिल्या. जिल्ह्यात येणाऱ्या पर्यटकांच्या सुरक्षिततेबाबत आणि भविष्यात कोणतीही आपतकालीन दुर्घटना घडू नये यासाठी सर्व प्रमुख यंत्रणांची आज बैठक घेण्यात आली. याबैठकीला मुख्य कार्यकारी अधिकारी प्रजित नायर, पोलीस अधिक्षक राजेंद्र दाभाडे, निवासी उपजिल्हाधिकारी दत्तात्रय भडकवाड, मुख्य बंदर अधिकारी कॅ. सुरज नाईक, प्रांताधिकारी वंदना खरमाळे, वैशाली राजमाने, प्रशांत पानवेकर, उपमुख्य कार्यकारी अधिकारी विनायक ठाकूर, प्रभारी जिल्हा प्रशासन अधिकारी जयंत जावडेकर, जिल्हा शल्य चिकित्सक डॉ. श्रीपाद पाटील, जिल्हा नियोजन अधिकारी दिलीप पवार यांच्यासह पोलीस ठाण्यांचे निरीक्षक उप...

सिंधुदुर्गनगरी, दि. 26 (जि.मा.का.) – उच्च व तंत्रशिक्षण मंत्री तथा जिल्ह्याचे पालकमंत्री उदय सामंत हे उद्या शुक्रवार दि. 27 मे 2022 रोजी जिल्ह्याच्या दौऱ्यावर येत असून त्यांचा दौरा कार्यक्रम पुढीलप्रमाणे आहे. शुक्रवार दि. 27 मे 2022 रोजी 10 वा. अलायन्स एअर विमानाने सिंधुदुर्ग विमानतळ, चिपी येथे आगमन व मोटारीने कुडाळकडे प्रयाण. सकाळी 11 वा. श्री सिद्धीविनायक मंगल कार्यालय, कुडाळ येथे शिवसंपर्क अभियान मेळाव्यास उपस्थिती. दुपारी 12.30 वा. एम.आय.डी.सी. विश्रामगृह, कुडाळ येथे जिल्हाधिकारी, मुख्य कार्यकारी अधिकारी, पोलीस अधिक्षक, जिल्हा शल्य चिकित्सक, जिल्हा आरोग्य अधिकारी यांच्या समवेत कोविड आजार व लसीकरण संदर्भात आढावा बैठक. सोईनुसार एम.आय.डी.सी. विश्रामगृह कुडाळ येथे राखीव. दुपारी 2.30 वा. कुडाळ येथून मोटारीने सावंतवाडीकडे प्रयाण. दुपारी 3 वा. रविंद्र मंगल कार्यालय, सावंतवाडी येथे शिवसंपर्क अभियान मेळाव्यास उपस्थिती. दुपारी 4.00 वा. आमदार दीपक केसरकर यांचे संपर्क कार्यालय, श्रीधर अपार्टमेंट, सावंतवाडी येथे एबीपी माझा न्यूज चॅनेल आयोजित प्रश्न महाराष्ट्राचे या कार्यक्रमास ...

सिंधुदुर्गनगरी, दि. 26 (जि.मा.का.) – जिल्हा सैनिक कल्याण कार्यालय, सिंधुदुर्ग यांच्या अधिपत्याखालील सैनिकी मुलांचे वसतीगृह, सावंतवाडी येथए सन 2022-23 या शैक्षणिक वर्षाकरिता वसतीगृह प्रवेश प्रक्रिया सुरू करण्यात आली आहे. सर्व युद्ध विधवा, माजी सैनिक विधवा, माजी सैनिक व माजी सैनिक अनाथ पाल्य तसेच शिल्लक राहिलेल्या जागांसाठी नागरी पाल्य यांनी दि. 15 जून 2022 पर्यंत आपला प्रवेश निश्चित करुन या संधिचा लाभ घ्यावा, असे आवाहन जिल्हा सैनिक कल्याण अधिकारी यांनी केले आहे. वसतीगृह प्रवेशासाठी दर सूची पुढीलप्रमाणे आहे. माजी अधिकारी, ऑनररी अधिकारी पाल्य रु. 900 दरमहा, माजी जेसीओज पाल्य रु. 800 दरमहा, माजी एनसीओज/शिपाई - रु. 600 दरमहा, नागरी पाल्य रु. 2 हजार 250 दरमहा. तसेच युद्ध विधवा, इतर माजी सैनिक विधवा यांचे सर्व पाल्यांना तसेच माजी सैनिकांच्या अनाथ पाल्यांना वसतीगृह प्रवेश मोफत आहे. नागरी पाल्यांसाठीच्या दरात यंदाच्यावर्षी काही प्रमाणात वाढ होण्याची शक्यता आहे. प्रवेश पुस्तिका संबंधीत वसतीगृह अधिक्षकांकडे उपलब्ध आहेत. अधिक माहितीसाठी 02363-272312, 954528...

सिंधुदुर्गनगरी, दि. 25 (जि.मा.का): एकल वापराच्या प्लास्टिक निर्मुलनासाठी माविम व उमेद यांच्या महिला बचत गटांच्या माध्यमातून कापडी पिशव्यांचा पर्याय देवून प्रयत्न करावेत. ज्या नगरपालिकांकडे बेलिंग मशीन नाहीत अशांनी प्रस्ताव द्यावेत, अशी सूचना जिल्हाधिकारी के. मंजुलक्ष्मी यांनी केली. पर्यावरण व हवामान बदल विभाग मंत्रालयाच्यावतीने निर्णयानुसार एकल वापर प्लास्टिक निर्मुलनासाठी प्रभावी अंमलबजावणी करण्यासाठी गठीत केलेल्या जिल्हास्तरीय कार्यदल समितीची बैठक आज घेण्यात आली. या बैठकीला प्रभारी उप मुख्य कार्यकारी अधिकारी (ग्रा.प) विनायक ठाकूर, जिल्हा नियोजन अधिकारी दिलीप पवार, पोलीस निरीक्षक अनिल जाधव, प्र. जिल्हा प्रशासन अधिकारी जयंत जावडेकर आदी उपस्थित होते. महाराष्ट्र प्रदुषण मंडळाचे क्षेत्रीय अधिकारी अमित लाटे यांनी स्वागत प्रास्ताविकामध्ये शासन निर्णयाची संपूर्ण माहिती दिली. जिल्हाधिकारी के. मंजुलक्ष्मी म्हणाल्या, व्यापारी असोसिएशन, हॉटेल संघटना, घाऊक व्यापारी, यांची एकत्रिक बैठक घेऊन कृती आराखडा तयार करावा. तालुकास्तरावर ग्राम पंचायतींचे क्लस्टर करुन प्ल...

सिंधुदुर्गनगरी, दि. 25 (जि.मा.का): भारतीय स्‍वातंत्र्याचा आझादी का अमृत महोत्‍सवानिमित्‍त भारत सरकारच्‍या विविध योजनांचा लाभ घेणा-या लाभार्थ्‍यांशी पंतप्रधान नरेंद्र मोदी यांचा देशव्‍यापी संवाद मंगळवार दि. ३१ मे रोजी आयोजित करण्‍यात येणार आहे. यावेळी पंतप्रधान श्री. मोदी हे देशातील कोणत्‍याही राज्‍यामधील कोणत्याही जिल्‍ह्यातील योजनेचा लाभ घेतलेल्‍या लाभार्थ्‍यांशी थेट संवाद साधणार आहेत. त्‍याअनुषंगाने जिल्‍ह्यातील केंद्र शासनाच्‍या विविध योजनांच्या लाभार्थ्यांबाबत संबंधित विभागांनी नियोजन करावे, असे निर्देश जिल्हाधिकारी के. मंजुलक्ष्मी यांनी आज दिले. भारत सरकारच्‍या विविध योजनांचा लाभ घेणा-या लाभार्थ्‍यांशी देशव्‍यापी संवाद संदर्भातील बैठक आज जिल्हाधिकारी कार्यालय, येथे घेण्यात आली. बैठकीस मुख्‍य कार्यकारी अधिकारी प्रजित नायर, निवासी उपजिल्‍हाधिकारी दत्‍तात्रय भडकवाड, उपजिल्‍हाधिकारी रोहयो अविशकुमार सोनोने, जिल्‍हा शल्‍य चिकित्‍सक डॉ. श्रीपाद पाटील, अग्रणी जिल्‍हा व्यवस्थापक प्रदीप प्रामाणिक, जिल्‍हा कार्यक्रम अधिकारी महिला व बाल विकास संतोष भो...

सिंधुदुर्गनगरी, दि. 25 (जि.मा.का): महाराष्‍ट्र राज्‍य माध्‍यमिक व उच्‍च माध्‍यमिक शिक्षण मंडळ, पुणे यांचे संलग्‍न असलेल्‍या सर्व माध्‍यमिक शाळेचे मुख्‍याध्‍यापक, शिक्षक, विद्यार्थी व पालक आदींना सूचित करण्‍यात येते की, शासन निर्णयानुसार शास्‍त्रीय कला, चित्रकला क्षेत्रात प्राविण्‍य मिळविणा'-या व लोककला प्रकारात सहभागी होणा-या विद्यार्थ्‍यांना सवलतीचे अतिरिक्‍त गुण देण्‍याचे प्रस्‍ताव विभागीय मंडळाकडे सादर करण्‍याची अंतिम मुदत दि. १५ जानेवारी २०२२ पर्यंत देण्‍यात आली होती. शासनाच्‍या दि. २६ एप्रिल २०२२ रोजीच्‍या पत्रान्‍वये शास्‍त्रीय कला, चित्रकला, व लोककलेचे सवलतीच्‍या गुणांचे प्रस्‍ताव विद्यार्थ्‍यांनी शाळेकडे सादर करण्‍यास दि. ३१ मे २०२२ पर्यंत व शाळांनी विभागीय मंडळाकडे प्रस्‍ताव सादर करण्‍यासाठी दि. ६ जून २०२२ पर्यंत अंतिम मुदतवाढ देण्‍यात येत आहे. त्‍यानुसार शास्‍त्रीय कला, चित्रकला व लोककलेचे परिपूर्ण प्रस्‍ताव माध्‍यमिक शाळांनी विभागीय मंडळाकडे निर्धारित मुदतीत सादर करावयाचे आहेत. यानंतर मुदतवाढ देण्‍यात येणार नाही याची नोंद घ्‍यावी. ...

सिंधुदुर्गनगरी, दि. 24 (जि.मा.का): तृतीयपंथी व्यक्तींना तृतीयपंथी असल्याबाबतचे प्रमाणपत्र व ओळखपत्र उपलब्ध करुन देण्यासाठी रविवार दिनांक 29 मे रोजी सकाळी 10 ते सायं 5 वाजेपर्यंत डॉ. बाबासाहेब आंबेडकर सामाजिक न्याय भवन, ओरोस येथे एक दिवसीय शिबीराचे आयोजन केले आहे. तृतीयपंथीयांसाठी काम करणाऱ्या संस्थांनी जास्तीत जास्त लाभार्थ्यांपर्यंत ही योजना पोहोचवून लाभार्थ्यांने शिबिराला उपस्थित राहून नोंदणी करुन घ्यावी, असे आवाहन समाज कल्याण सहाय्यक आयुक्त दीपक घाटे यांनी केले आहे. तृतीयपंथी समाजाला शासनाकडून लाभ देण्यासाठी तृतीयपंथीयांचे सर्वेक्षण करण्याबाबत शासनाने आदेशित केले आहे. जिल्ह्यातील तृतीयपंथी व्यक्तींची निश्चित आकडेवारी उपलब्ध नसल्याने त्यांच्यासाठी नाविन्यपूर्ण व कौशल्य विकासाचा योजना राबविण्यास अडचणी निर्माण होत आहे. त्या अनुषंगाने तृतीयपंथी व्यक्तींना तृतीयपंथी असल्याबाबतचे प्रमाणपत्र व ओळखपत्र उपलब्ध करुन देण्यासाठी रविवार दिनांक 29 मे रोजी सकाळी 10 ते सायं 5 वाजेपर्यंत डॉ. बाबासाहेब आंबेडकर सामाजिक न्याय भवन, ओरोस येथे एक दिवसीय शिबीराचे आयोजन क...

सिंधुदुर्गनगरी, दि. 24 (जि.मा.का): अनुसूचित जाती जमाती अत्याचार प्रतिबंधक कायदा अंतर्गत घडलेल्या गुन्ह्यातील पीडीतांना तात्काळ अर्थसहाय्य द्यावे. प्रलंबित प्रकरणे असतील, तर ती लवकर मार्गी लावावीत, असे निर्देश जिल्हाधिकारी के. मंजुलक्ष्मी यांनी दिले. जिल्हा दक्षता व नियंत्रण समिती सभा आज येथील जिल्हाधिकारी कार्यालयात घेण्यात आली. बैठकीला निवासी उपजिल्हाधिकारी दत्तात्रय भडकवाड, पोलीस निरीक्षक संजय डौर, अनिल जाधव, सहायक गट विकास अधिकारी अनिल चव्हाण, परिविक्षा अधिकारी बी. जी. काटकर, समाज कल्याण विभागाचे सहायक लेखा अधिकारी संजय कापडी, अशासकीय सदस्य सोमनाथ टोमके, आदी उपस्थित होते. समाज कल्याणचे सहाय्यक आयुक्त दीपक घाटे यांनी सविस्तर माहिती दिली. डिसेंबर 2021 ते 23 मे अखेर एकूण घडलेल्या 15 पैकी 8 प्रकरणात अर्थसहाय्य देण्यात आले. सन 2021-2022 मधील प्रलंबित प्रकरणाना निधी प्राप्त झाला असून अर्थसहाय्य देण्याची कार्यवाही सुरु आहे. जिल्हाधिकारी के. मंजुलक्ष्मी म्हणाल्या, प्रलंबित प्रकरणात अर्थसहाय्य देवून ती निर्गत करावी, त्याचबरोबर पोलीसांकड...

सिंधुदुर्गनगरी, दि. 24 (जि.मा.का): राज्यातील स्थानिक स्वराज्य संस्थामध्ये नागरिकांचा मागासप्रवर्गास आरक्षणासाठी गठीत केलेल्या समर्पित आयोगाच्या भेटीचा कार्यक्रम उद्या बुधवार दिनांक २५ मे दुपारी 2.30 ते 4.30 दरम्यान आयोजित केला आहे. या भेटीवेळी आपली मते नागरिकांना वेळेत मांडता यावी आणि निवेदन देता यावे यासाठी संबंधित विभागीय आयुक्त कार्यालयात आपल्या नावाची नोंदणी भेटीच्या दिनांकापूर्वी करावी असे आयोगातर्फे निवेदन करण्यात आले आहे. त्यासाठी जिल्हाधिकारी कार्यालय, सिंधुदुर्ग येथे 02362-228608 या दूरध्वनी क्रमांकावर संपर्क साधावा. महाराष्ट्रातील जिल्हा परिषद, पंचायत समिती, ग्राम पंचायती आणि शहरातील महानगरपालिका, नगरपालिका तसेच नगर पंचायती या स्थानिक स्वराज्य संस्थांमध्ये नागरिकांच्या मागास प्रवर्गास (ओबीसी , व्हीजेएनटी) आरक्षण देण्यासाठी सर्वोच्च न्यायालयाने दिलेल्या निर्देशाप्रमाणे शासनाने समर्पित आयोग गठीत केला आहे. महाराष्ट्र राज्यातील ग्रामीण आणि शहरी भागातील स्थानिक स्वराज्य संस्थांमधील नागरिकांच्या मागास प्रवर्गातील आरक्षणासाठी जनतेची मते जाणून घेण्यास...

सिंधुदुर्गनगरी, दि. 24 (जि.मा.का): मालवणमधील तारकर्ली येथे जय गजानन नावाची 20 पर्यटकांना घेऊन जाणारी बोट एमटीडीसी रिसॉर्ट येथे किना-यावर आणत असताना, ती बुडुन झालेल्‍या दुर्घटनेत 2 जणांचा मृत्‍यू झाला. 7 जणांवर ग्रामीण रुग्‍णालय मालवण येथे उपचार सुरु असून 11 जणांना प्राथमिक उपचार देवून घरी पाठविल्‍याची माहिती ग्रामीण रुग्‍णालयाच्‍या वैद्यकीय अधीक्ष्‍ाकांनी दिली. आकाश भास्‍करराव देशमुख (वय 30 रा. शास्‍त्रीनगर अकोला), डॉ. स्‍वप्‍नील मारुती पिसे (वय 41 आळेफाटा पुणे) अशा 2 मृतांची नावे आहेत. रश्‍मी निशेल कासुल (वय 45 रा. ऐरोली, नवी मुंबई), यांच्‍यावर रेडकर हॉस्‍पीटल येथे, संतोष यशवंतराव (वय 38 बोरिवली, मुंबई), डॉ. अविनाश झांटये हॉस्‍पीटल येथे उपचार सुरु आहेत. तसेच मृणाल मनिष यशवंतराव (वय 8), ग्रंथ मनिष यशवंतराव (वय दीड वर्ष), वियोम संतोष यशवंतराव (वय- साडेचार वर्ष सर्व रा. बोरिवली मुंबई.) वैभव रामचंद्र सावंत (वय 40 रा. वायरी तारकर्ली), उदय भावे (वय 40 ऐरोली, नवी मुंबई ) यांच्‍यावर ग्रामीण रुग्‍णालयात उपचार सुरु आहेत. शुभम गजानन कोरगावकर (वय...

सिंधुदुर्गनगरी, दि. 24 (जि.मा.का): क्रीडा व युवक सेवा संचालनालय व जिल्हा क्रीडा अधिकारी कार्यालय सिंधुदुर्ग यांच्यावतीने ०८ ते १२ वर्षाखालील मुले व मुली यांचे ज्युदो व शुटींग या खेळांचे खेलो इंडिया केंद्र मिळालेले आहे. सदरील खेळाचे प्रशिक्षक नियुक्ती करण्याकरिता अर्ज मागविण्यात येत आहे. तरी या करिता इच्छुक उमेदवारांनी आपले अर्ज दिनांक २६ मे २०२२ रोजी जिल्हा क्रीडा अधिकारी कार्यालय सिंधुदुर्ग येथे सादर करण्यात यावे, असे आवाहन जिल्हा क्रीडा अधिकारी विद्या शिरस यांनी केले आहे. त्यानुसार वरील कालावधीत उमेदवारांनी पुढीलप्रमाणे कागदपत्रे जोडणे आवश्यक आहे. १८ ते ४५ वर्ष वयोगट, यामध्ये अतिउच्च कामगिरी / गुणवत्ता असल्यासच समितीच्या मान्यतेने ५० वर्ष पर्यंत उमेदवारांना संधी देण्यात येत आहे. ऑलिंपिक / एशियन गेम्स/ जागतिक अजिंक्यपद अधिकृत स्पर्धा सहभाग / पदक प्राप्त प्रशिक्षणाच्या अनुभवासह. जागतिक करंडक स्पर्धा/ एशियन चॅम्पियनशिप / साऊथ एशियन स्पर्धा / संबधित खेळाच्या अधिकृत आंतरराष्ट्रीय स्पर्धा सहभाग/ पदक प्राप्त खेळाडू प्रशिक्षणाच्या अनुभवासह. एनआयएस पदविका किंवा संबंधित खेळाचे अधिकृत लेव...

सिंधुदुर्गनगरी, दि. 23 (जि.मा.का.) – कोविड काळामध्ये सर्वंच यंत्रणांनी केलेले काम निश्चितपणे कौतुकास्पद आहे. मात्र येणाऱ्या काळात सर्वांनी कोविडमध्ये आधार गमवावा लागलेल्या एकल महिला आणि बालके यांच्या पुनर्वसनाकडे लक्ष द्यावे लागेल. असे प्रतिपादन विधानपरिषद उपसभापती डॉ. निलम गोऱ्हे यांनी केले आहे. रत्नागिरी जिल्हाधिकारी कार्यालयात आयोजित केलेल्या या बैठकीस जिल्हाधिकारी के. मंजुलक्ष्मी, जिल्हा परिषद मुख्य कार्यकारी अधिकारी प्रजित नायर, पोलीस अधीक्षक राजेंद्र दाभाडे, उपजिल्हाधिकारी रोहयो अविशकुमार सोनोने, सहाय्यक जिल्हा नियोजन अधिकारी यशंवत बुधावले, उप मुख्य कार्यकारी अधिकारी ग्रा.प. विनायक ठाकूर, दक्षिण कोकण पाटबंधारे प्रकल्पाचे कार्यकारी अभियंता हर्षद यादव, उप विभागीय अभियंता, महेश हिरेगौडर, प्रकल्प संचालक राजेंद्र पराडकर, जिल्हा महिला बाल विकास अधिकारी सोमनाथ रसाळ, जिल्हा कार्यक्रम अधिकारी संतोष भोसले, जिल्हा आपत्ती व्यवस्थापन अधिकारी राजश्री सामंत. कृषि अधिकारी पी.बी. ओळ, मोटार निरीक्षक व्ही.जी. आलमवार आदि सह सर्व संबंधित अधिकारी उपस्थित होते. डॉ. गोऱ्हे यांनी कोविड मधील निधी व...

सिंधुदुर्गनगरी, दि. 20 (जि.मा.का.) – शासनाच्या दोन वर्षपूर्ती निमित्ताने माहिती व जनसंपर्क महासंचालनालय, जिल्हा माहिती कार्यालयाच्यावतीने जिल्ह्यातील 63 गावांमध्ये शासनाच्या जनकल्याणकारी योजनांचा लोककलांच्या माध्यमातून जागर करण्यात आला होता. याचा प्रसिद्धी अहवाल आज पालकमंत्री उदय सामंत, खासदार विनायक राऊत, आमदार दीपक केसरकर यांना जिल्हा माहिती अधिकारी प्रशांत सातपुते यांनी सादर केला. माहिती व जनसंपर्क महासंचालनालय, जिल्हा माहिती कार्यालयाच्यावतीने मुख्यमंत्री उद्धव बाळासाहेब ठाकरे यांच्या नेतृत्वाखाली महाराष्ट्र शासनाने द्विवर्षपूर्ती निमित्ताने जनकल्याणकारी योजनांचा लोककलांच्या माध्यमातून जिल्ह्यात जागर केला होता. यामध्ये शाहीर कल्पना माळी, चैतन्य महिला विकास मंडळ आणि विश्राम ठाकर आदिवासी कला अंगण चारिटेबल ट्रस्ट यांच्या माध्यमातून प्रत्येकी 21 अशा 63 गावांमध्ये शाहिरी, कलापथक आणि कळसुत्री बाहुल्यांच्या पारंपरिक खेळातून या योजना जन सामान्यांपर्यंत पोहचवण्यात आल्या आहेत. यात प्रामुख्याने महात्मा फुले जन आरोग्य योजना, आरोग्य क्षेत्रात शासनाने केलेली दोन वर्षात...

सिंधुदुर्गनगरी, दि. 20 (जि.मा.का.) – अतिवृष्टी, पूरपरिस्थिती, गारपीट अंतर्गत करावयाच्या उपाययोजना संदर्भात 6 कोटी 98 लक्ष रक्कमेच्या 84 कामांना आजच्या जिल्हा नियोजन समितीच्या सभेत कार्योत्तर मंजुरी देण्यात आली. त्याचबरोबर आपत्ती व्यवस्थापन समितीकडून पूरनियंत्रण कामे योजनेअंतर्गत जिल्ह्यातील 10 नद्यांमधील गाळ काढण्याच्या प्रस्तावांना आयत्यावेळच्या विषयात मंजुरी देण्यात आली. सभेच्या अध्यक्षस्थानी पालकमंत्री उदय सामंत होते. जिल्हा नियोजन समितीच्या नवीन सभागृहात आज सभा झाली. बैठकीला खासदार विनायक राऊत, सिंधु-रत्न योजनेचे अध्यक्ष आमदार दीपक केसरकर, आमदार वैभव नाईक, जिल्हाधिकारी के.मंजुलक्ष्मी, मुख्य कार्यकारी अधिकारी प्रजित नायर, पोलीस अधिक्षक राजेंद्र दाभाडे आदी उपस्थित होते. पालकमंत्री श्री. सामंत म्हणाले, जिल्ह्यातील असणाऱ्या शाळांबाबत सर्वेक्षण करून त्याबाबतचा अहवाल शिक्षणाधिकारी यांनी द्यावा. नवीन शाळा बांधणी, मोडकळीस आलेल्या शाळा आणि डागडुजीकरुन नुतनीकरण करणे अशा तीन प्रकारात हा अहवाल असावा. शासकीय वैद्यकीय महाविद्यालयाला 572 कोटी रुपयांची मंजुरी मिळाली असू...

सिंधुदुर्गनगरी, दि. 20 (जि.मा.का.) – जिल्हाधिकारी के.मंजुलक्ष्मी यांचा फोटो डीपीला लावून 9625988601 या क्रमांकावरून खोटे संदेश विविध अधिकाऱ्यांना पाठवले जात असल्याचे उघडकीस आले आहे. या क्रमांकावरून आलेल्या संदेशावर कोणीही विश्वास ठेऊ नये असे आवाहन जिल्हाधिकारी के.मंजुलक्ष्मी यांनी प्रसिद्धीपत्रकाद्वारे केले आहे. याबाबत तपास करून कारवाई करण्याची सूचना पोलिसांना दिली आहे. 00000

सिंधुदुर्गनगरी, दि.19 (जि.मा.का): नेहरु युवा केंद्राशी संलग्नित असलेल्या जिल्‍ह्यातील युवक मंडळांनी कार्यालयास संपर्क साधून क्रीडा साहित्‍य वाटप करण्‍याचा फॉर्म भरुन द्यावा,असे आवाहन नेहरु युवा केंद्राचे जिल्हा युवा समन्वयक नेहरु युवा अधिकारी मोहित कुमार सैनी यानी केले आहे. दरवर्षी जिल्‍ह्यात युवक मंडळांना क्रीडा साहित्‍याचे वाटप करण्‍यात येत असते. युवक मंडळांना व क्रीडा मंडळ, महिला मंडळ यांनी क्रीडा साहित्याचा फॉर्म भरुन देण्यात यावा. तसेच क्रीडा साहित्यसाठी मंडळाचा शिक्का असणे आवश्यक आहे. नवीन मंडळ संलग्न करण्यासाठी कमीत कमी 7 सदस्य व सदस्यांचे वय 15 ते 29 वर्ष असावे, अध्यक्ष, उपअध्यक्ष व सचिव यांचे वय 18 ते 29 वर्ष असावे,रजिस्टर किंवा अनरजिस्टर असले तरी चालेल. सर्व सदस्यांचे आधार कार्ड व सर्व सदस्य एकाच गावाचे असावेत. ज्या संस्था, युवक मंडळांना क्रीडा साहित्य हवे आहे, त्यानी नेहरु युवा केंद्र सिंधुदुर्गनगरी ओरोस येथील कार्यालयाचा 02362295012 या क्रमांकावर 25 मे पर्यंत संपर्क करुन क्रीडा साहित्य वाटप फॉर्म भरुन द्यावा यामधून निवड झालेल्या मंडळाना क्रीडा साहित...

सिंधुदुर्गनगरी, दि. 19 (जि.मा.का.) – जिल्हा क्रीडा संकुल येथील जलतरण तलावातील पाणी टीसीएल, तुरटी आणि क्लोरिनचा वापर करून स्वच्छ करावा, तसेच तळ ब्रशने घासून स्वच्छ करण्याबाबत तलावाचे ठेकेदार आदित्य जैस्वाल यांना नोटीस देण्यात आली आहे. तसेच जिल्हा क्रीडा संकुल समितीमार्फत जलतरण तलावाच्या दुरुस्तीचे कामही प्रस्तावित असल्याची माहिती, जिल्हा क्रीडा अधिकारी विद्या शिरस यांनी प्रसिद्धी पत्रकाद्वारे कळविली आहे. या प्रसिद्धी पत्रकात म्हटले आहे, जिल्हा क्रीडा संकुल येथील जलतरण तलाव, चालवणे व देखभालीकरिता रत्नागिरी येथील आदित्य रामदुलास जैस्वाल यांच्याशी फेब्रुवारी 2023 पर्यंत करारनामा केला आहे. या करारामध्ये जलतरण तलावातील पाण्याची स्वच्छता करणे, तळ स्वच्छ करणे याची संपूर्ण जबाबदारी कंत्राटदाराची आहे. तरीही कंत्राटदार जलतरण तलावाची स्वच्छता ठेवत नसल्याने तलावाची तात्काळ स्वच्छता करण्यासाठी कंत्राटदारास नोटीस देण्यात आली आहे. तसेच हे काम दि. 21 मे 2022 रोजीपर्यंत करण्याबाबतही नोटिसीमध्ये सांगण्यात आले आहे. जिल्हा क्रीडा संकुल समितीने संकुलातील बॅडमिंटन हॉलवरील पत्रे दु...

सिंधुदुर्गनगरी, दि. 18 (जि.मा.का.) – उच्च व तंत्रशिक्षण मंत्री तथा जिल्ह्याचे पालकमंत्री उदय सामंत हे दि. 20 मे 2022 रोजी जिल्ह्याच्या दौऱ्यावर येत असून त्यांचा दौरा कार्यक्रम पुढीलप्रमाणे आहे. शुक्रवार दि. 20 मे 2022 रोजी सकाळी 9 वा. एम.आय.डी.सी. विश्रामगृह, कुडाळ येथे आगमन व राखीव. सकाळी 9.30 वा. कुडाळ नगरपंचायत हद्दीतील बालोद्यानचे भूमिपूजन सोहळा समारंभास उपस्थिती, सकाळी 11 वा. जिल्हा नियोजन समिती नवीन सभागृह, जिल्हाधिकारी कार्यालय, सिंधुदुर्गनगरी, ओरोस येथे जिल्हा नियोजन समिती बैठक. दुपारी 2.30 वा. नियोजन समिती नवीन सभागृह येथे पत्रकार परिषद, दुपारी 3 वा. राखीव. दुपारी 3.30 वा. ओरोस येथून मोटारीने कुडाळकडे प्रयाण, दुपारी 4 वा. कुडाळ नवीन बस आगार शेजारी, कुडाळ येथे सिंधुदुर्ग जिल्हा कृषि महोत्सव सांगता समारंभास उपस्थिती, सायं. 5 वा. कुडाळ येथून मोटारीने ओरस- सिंधुदुर्गकडे प्रयाण, सायं. 5.30 वा. शिवसेना जनसंपर्क कार्यालय, ओरस येथे विविध संघटनांचे प्रतिनिधी, शिवसेना कार्यकर्ते व अभ्यागतांच्या भेटीसाठी राखीव. सायं. 7.30 वा. ओरस-सिंधुदुर्ग येथून मोटारीने रत्नागिरीकडे प्रय...

सिंधुदुर्गनगरी दि.18 (जि.मा.का): शिवछत्रपती क्रीडा संकुल, म्हाळुंगे -बालवाडी,पुणे येथे ॲथलेटीक्स, शुटींग व सायकलींग या तीन खेळांचे राज्य निपुणता केंद्र कार्यान्वीत करण्यात आले आहे. खेलो इंडिया राज्य निपुणता केंद्रा अंतर्गत शुटींग, सायकलींग व ॲथलेटिक्स खेळाच्या निवड चाचणी दि. 30 व 31 मे 2022 रोजी घेण्यात येणार असून त्यासाठी खेळाडूचे अर्ज मागविण्यात येत आहेत. ॲथलेटिक्स 21 वर्ष खालील मुले, मुली (18 खेळाडू), शुटींग - 19 वर्ष खालील मुले , मुली (24 खेळाडू), सायकलींग -12 ते 14 वर्ष खालील मुले, मुली (14 खेळाडू) खेळाडूंची संबंधित चाचणी तज्ञ समिती मार्फत घेऊन गुणानुक्रमे प्रवेश निश्चीत केला जाणार आहे. खेळानिहाय निवड प्रक्रिया व नियम पुढीलप्रमाणे आहेत. सायकलींग व ॲथलेटिक्स खेळाचे राज्य स्तरावर प्राविण्यप्राप्त किंवा राष्ट्रीय स्तर सहभाग, प्राविण्य प्राप्त खेळाडूच निवड चाचणीसाठी पात्र असतील.खेळाडुंनी दिनांक 23 मे 2022 रोजी पर्यंत माहिती अर्ज kiscepune@gmail.cpm या ईमेल वर पाठवावेत. शिवछत्रपती क्रीडा संकुल, म्हाळुंगे - बालेवाडी, पुणे येथै आवश्यकतेनुसार फक्त खेळाडूंची निवासा...

सिंधुदुर्गनगरी दि.18 (जि.मा.का): व्हॉलीबॉल खेळ व खेळाडू यांच्या भविष्याचा विचार करून खेळाडू शोध प्रक्रियेतून 16 वर्षाखालील मुलींसाठी 20 दिवसाच्या प्रशिक्षण शिबीराचे आयोजन शिवछत्रपती क्रीडा संकुल, बालेवाडी, पुणे येथे आयोजन करण्यात येणार आहे. या प्रशिक्षण शिबीरासाठी सिंधुदुर्ग जिल्ह्यातून एकूण 5 खेळाडू (मुली) यांची निवड केली जाणार आहे. अटींची पूर्तता करत असलेल्या खेळाडूंनी प्रशिक्षण शिबीराच्या निवडचाचणीसाठी जिल्हा क्रीडा संकुल, येथे 20 मे 2022 रोजी सकाळी 9 वाजता उपस्थित रहावे. असे आवाहन जिल्हा क्रीडा अधिकारी विद्या शिरस यांनी केले आहे. या प्रशिक्षण शिबीरासाठी तामिळनाडूचे आंतरराष्ट्रीय प्रशिक्षक पी. सी. पांडियन मार्गदर्शन करणार आहेत. निवड चाचणीसाठी खेळाडूचे वय दि. 1 जानेवारी 2023 रोजी 16 वर्षाखालील असावा, उंची 175 सेंमी असावी. व्हॉलीबॉल खेळातील कौशल्यप्राप्त खेळाडूनी आधार कार्ड, जन्मतारीख दाखला इत्यादी कागदपत्रे घेऊन प्रशिक्षण शिबिराच्या निवडचाचणीस उपस्थित रहावे असे आवाहन ही श्रीमती शिरस यांनी केले आहे. 0000

सिंधुदुर्गनगरी, दि.18(जि.मा.का): क्रीडा व युवक सेवा संचालनालय व जिल्हा क्रीडा कार्यालय यांच्यावतीने 8 ते 12 वर्षाखालील मुले व मुली याच्यासाठी ज्युदो व शुटींग या खेळांचे खेलो इंडिया प्रशिक्षण केंद्र मिळालेले आहे. या खेळाचे प्रशिक्षक नियुक्ती करण्याकरिता अर्ज मागविण्यात येत आहे. ज्युदो व शुटींग या खेळाचे प्रशिक्षक आंतरराष्ट्री, राष्ट्रीय व राज्यस्तरावरील खेळाडू असे आवश्यक आहे. याकरिता इच्छुक उमेदवारांनी दि. 26 मे 2022 पर्यंत अर्ज जिल्हा क्रीडा अधिकारी कार्यालय सिंधुदुर्ग येथे सादर करवेत,असे आवाहन जिल्हा क्रीडा अधिकारी विद्या शिरस यांनी केले आहे. 00000

सिंधुदुर्गनगरी, दि.17 (जि.मा.का): टोपीवाला स्मारक तंत्रशाळा-तंत्र माध्यमिक शाळा व कनिष्ठ महाविद्यालय, सावंतवाडी या शासकीय संस्थेतून शैक्षणिक सत्र 2007 पासून ते शैक्षणिक सत्र 2021 पर्यंतचे उच्च माध्यमिक व्यवसाय अभ्यासक्रम, गारमेंट मॅन्युफॅक्चरिंग ॲण्ड फॅशन डिसायनिंग या प्रमाणपत्र अभ्यासक्रमातून उत्तीर्ण झालेल्या विद्यार्थ्यांनी उत्तीर्ण प्रमाणपत्र व गुणपत्रके घेऊन जाण्याचे आवाहन टोपीवाला स्मारक तंत्राशाळा- तंत्रमाध्यमिक विद्यालय व कनिष्ठ महाविद्यालयाचे मुख्याध्यापक र.फ. पाटील यांनी केले आहे. विद्यार्थ्यांनी त्वरीत ओळखपत्र व पासपोर्ट साईज फोटो सोबत आणून आपले उत्तीर्ण प्रमाणपत्र व गूणपत्रिका कार्यालयीन वेळेत सोमवार ते शुक्रवार सकाळी 10 ते 6 वा.पर्यंत व शनिवार सकाळी 10 ते दुपारी 2 वाजे पर्यंत, व सुट्टचे दिवस वगळून घेऊन जावे. कार्यालयीन दुरध्वनी संपर्क 02363-272076, प्रशिक्षण विभाग मोबा. 7798576769 या क्रमांवार संपर्क साधावा, असे आवाहन श्री. पाटील यांनी केले आहे. 0000

सिंधुदुर्गनगरी, दि.17 (जि.मा.का): महाविद्यालयीन स्तरावर प्रंलबित असलेले अनु.जाती, विजाभज, इमाव व विमाप्र प्रवर्गातील विद्यार्थ्याचे विविध शासकीय शिष्यवृत्तीचे अर्ज तात्काळ मंजुरीसाठी पाठवावे असे आवाहन दीपक घाटे, सहायक आयुक्त समाज कल्याण यांनी प्रसिध्दी पत्रकाव्दारे केले आहे. प्रसिध्दी पत्रकात म्हटले आहे. समाज कल्याण विभागाचे सचिव सुमंत भांगे यांनी राज्यातील महाविद्यालय स्तरावर सन 2021-22 चे शिष्यवृत्ती योजनेचे अर्ज जास्त प्रमाणात प्रलंबित असल्याने सर्व अर्ज निकाली काढण्याबाबत सर्व महाविद्यालयांना आवाहन केले असून विद्यार्थ्यांचे शिष्यवृत्तीचे अर्ज मंजुरीसाठी सादर न केल्यास त्याची सर्व जबाबदारी ही महाविद्यालयांवर असल्याचे भूमिका स्पष्ट केली आहे. याबाबत संबंधित महाविद्यालयांवर कारवाई करण्याचे संकेत दिलेले आहेत. त्यानुसार सिंधुदुर्ग जिल्हयातील सर्व शासन मान्यता प्राप्त अनुदानित/ विनाअनुदानित / कायम विनाअनुदानित महाविद्यालयाचे प्राचार्य यांना जाहीर आवाहन करण्यात येते की, महाडिबीटी पोर्टलवरील सन 2021-22 या वर्षासाठीचे भारत सरकार शिष्यवृत्ती, शिक्षण शुल्क व परिक...

सिंधुदुर्गनगरी, दि.17 (जि.मा.का): स्वच्छ भारत मिशन (ग्रामीण) टप्पा-2 अंतर्गत ज्या लाभार्थ्यांना शौचालय बाधवयाचा आहे . अशा लाभार्थ्यांकरिता अनुदान मागणी प्रक्रिया ऑनलाईन करण्यात आली आहे. या प्रणालीचा लाभ जिल्ह्यातील लाभार्थ्यांनी घ्यवा असे आवाहन पाणी व स्वच्छता विभागाचे उप मुख्य कार्यकारी अधिकारी विनायक ठाकुर यांनी केले आहे. स्वच्छ भारत मिशन (ग्रामीण) टप्पा-2 अंतर्गत जिल्ह्यातील ज्या कुंटुंबांकडे वैयक्तिक शौचालय नाहीत अशा लाभार्थ्यीना आता ऑनलाईन प्रणालीव्दारे शौचालय प्रात्साहन अनुदानाकरीता मागणी करता येणार आहे. यासाठी लाभार्थ्यांने मोबाईल, कॉम्पुटर, सायबर कॅफे अथवा इतर सामान्य ऑनलाईन सेवेव्दारे SBM-G या संकेत स्थळावरुन अथवा http://sbm.gov.in/sbmphase2/homenew.aspx या लिंक व्दारे Citizen corner किंवा whats new या ठिकाणी जाऊन रजिस्ट्रेशन करावयाचे आहे. केलेल्या नोंदणीची तपासणी करुन पात्र लाभार्थ्यांला वैयक्तिक शौचालय अनुदानाचा लाभ मिळणार आहे. जिल्ह्यातील बाधकाम करावयाचे शिल्लक असेलेले लाभार्थी यांनी प्रोत्साहन अनुदानाकरिता या ऑनलाईन प्रणालीच्या माध्यमातून आपली नाव नोंदणी क...

सिंधुदुर्गनगरी, दि.13 (जि.मा.का) : सामाजिक न्याय व विशेष सहाय्य विभागामार्फत देण्यात येणारे विविध पुरस्काराबाबतचे अर्ज स्विकारण्याची अंतिम तारीख 15 मे आहे. हे अर्ज स्वीकारण्यासाठी सहाय्यक आयुक्त समाज कल्याण कार्यालय सिंधुदुर्ग हे सुट्टीच्या दिवशी 14 व 15 मे रोजी कार्यालय कार्यालयीन वेळेत सुरू राहणार असल्याचे दीपक घाटे ,सहाय्यक आयुक्त समाज कल्याण ,सिंधुदुर्ग यांनी कळवले आहे. 00000

सिंधुदुर्गनगरी, दि.13 (जि.मा.का) : मालवण नगरपरिषद पर्यटन महोत्‍सव जल्‍लोष 2022 अंतर्गत दांडी समु्द्रकिनारी गुरुवार दि. 12 मे 2022 रोजी नौकानयन स्‍पर्धा अंतर्गत 18 फुट फायबर बोट व्‍हलवण्‍याची स्‍पर्धा घेण्‍यात आली. पर्यटक व स्‍थानिक मच्छिमारांनी नौकानयन स्‍पर्धेचा थरार अनुभवला. स्‍पर्धेच्‍या निमित्‍ताने मच्छिमारांनी आपले नौकानयन कौशल्‍य आणि ताकद पणाला लावून सर्वांचीच वाहवा मिळवली. या स्‍पर्धेचे उद्घाटन पोलीस निरीक्षक एस.एस. ओटवणेकर यांच्‍या हस्‍ते झाले. नौकानयन स्‍पर्धेत एकुण पाच संघ सहभागी झाले होते. प्रत्‍येक संघात 3 स्‍पर्धकांचा समावेश होता. * सोबत फोटो जोडला आहे.

सिंधुदुर्गनगरी, दि.13 (जि.मा.का) : राज्याच्या सागरी क्षेत्रामध्ये दि. 1 जून 2022 ते 31 जुलै 2022 या कालावधीमध्ये मासेमारी करण्यास बंदी लागू करण्यात आल्याचे आदेश मत्स्यव्यवसाय विभागाने दिले आहेत. या आदेशात म्हटले आहे. मासळीच्या साठ्याचे जतन तसेच मच्छीमारांची जीवित व वित्त यांचे रक्षण करणयाच्या हेतूने महाराष्ट्र सागरी मासेमारी नियमन अधिनियम 1981 च्या कलम 4 च्या पोट कलम 1 द्वारे प्राप्त अधिकारांचा वापर करून दि. 1 जून ते 31 जुलै ( दोन्ही दिवस धरून ) राज्याच्या जलधी क्षेत्रात मासेमारी नौंकास पावसाळी मासेमारी बंदी घालण्यात आलेली आहे. याकालावधीत मासळीच्या जिवांना प्रजोत्पादनास पोषक वातावरण असते. या कालावधीत मासेमारी बंदीमुळे मासळीच्या बिजनिर्मिती प्रक्रियेस वाव मिळून मासळीच्या साठ्याचे जतन होते. तसेच या कालावधीत खराब/वादळी हवामानामुळे होणारी मच्छिमारांची जीवित व वित्त हानी टाळता येणे शक्य होते. त्यामुळे या कालावधीत यांत्रिक मासेमारी नौंकास मासेमारी बंदी लागू करण्यात आली आहे. ही पावसाळी मासेमारी बंदी यांत्रित मासेमारी नौकांना लागू राहील. पावसाळी मासेमार...

सिंधुदुर्गनगरी, दि.12 (जि.मा.का) : जिल्‍ह्यात विविध धार्मिक सण साजरे होत असून सध्या विविध ठिकाणी सांप्रदायिक घटना घडत असून त्याचे पडसाद जिल्ह्यात उमटण्याची शक्यता नाकारता येत नाही. जिल्ह्यात आगामी होणाऱ्या 76 ग्रामपंचायतींच्या पोटनिवडणुका व आरक्षणाच्या मुद्यावरून एखादी घटना, कार्यक्रमातून तणाव निर्माण होऊन कायदा व सुव्यवस्थेचा प्रश्न निर्माण होण्याची शक्यता नाकारता येत नाही. तसेच सामाजिक व वैयक्तिक कारणांसाठी, मागण्यांसाठी सध्या जिल्ह्यात आंदोलने, निदर्शने होत असून आगामी काळात जिल्ह्यातमध्ये अचानकपणे उपोषणे, मोर्चा, निदर्शने, रस्ता रोको वगैरे सारखे आंदोलनात्मक कार्यक्रम होण्याची शक्यता नाकारता येत नाही. त्यामुळे जिल्ह्यात कोणताही अनुचित प्रकार घडू नये, जातीय सलोखा कायदा व सुव्यवस्था परिस्थिती अबाधित राहावी. यासाठी जिल्हाधिकारी के.मंजुलक्ष्मी यांनी, त्यांना प्राप्त असलेल्या शक्तीचा वापर करुन महाराष्ट्र पोलीस अधिनियम 1951 चे कलम 37(1) (अ) ते (फ) व 37 (3) नुसार दिनांक 10 मे 2022 रोजी रात्री बारा वाजलेपासून ते दिनांक 24 मे 2022 रोजी रात्री 12 वाजेपर्यंतच्या कालावधीसाठी जिल्ह्याचे संपूर...

सिंधुदुर्गनगरी, दि. 11 (जि.मा.का.) – कोविड 19 मुळे दोन्ही पालकांचा मृत्यू झालेल्या बालकांची वडिलोपार्जित मालमत्ता व इतर संपत्तीवरील हक्कांचं संरक्षण व्हावे यासाठी वारस तपास होणे आवश्यक आहे. त्यासाठी शिबिराचे आयोजन करण्याबाबत तहसिलदारांना पत्र पाठवावे, अशी सूचना प्रभारी निवासी उपजिल्हाधिकारी डॉ. जयकृष्ण फड यांनी केली. जिल्हा महिला व बालविकास अधिकारी सोमनाथ रसाळ यांनी आढावा दिला. जिल्ह्यामध्ये एक पालक मयत बालके 304 असून दोन्ही पालक मयत बालके 18 असे एकूण 322 बालके आहेत. 718 विधवा असून संजय गांधी निराधार योजना 149, शिधापत्रिका 649, आधार कार्ड 647, जन्म मृत्यू दाखला 665, जात प्रमाणपत्र - 25, शिलाई मशिन - 18 असे लाभ देण्यात आले आहेत. बालकांच्या घरी 322 गृहभेटी पूर्ण झाल्या आहेत. 18 बालकांचे संयुक्त खाते पोस्ट ऑफिसमध्ये उघडण्यात आले आहे. तसेच दोन्ही पालक गमावलेल्या 18 बालकांना 5 लक्ष रुपयांची मुदत ठेव प्रमाणपत्रे वितरीत करण्यात आली आहेत. कोविड 19 रोगाच्या पार्श्वभूमीवर बालकांच्या काळजी व संरक्षणासाठी जिल्हास्तरीय कृती दलाची बैठक आज घेण्यात आली. बैठकीला विधी व...

सिंधुदुर्गनगरी, दि.10 (जि.मा.का): डौलाने फडकणारा जरीपटका, ढोल-ताशांच्या गजरात, भरजरी पोशाखात सजलेले मालवणवासीय, ऐतिहासिक-पौराणिक देखाव्यांच्या जल्लोषी प्रदर्शनात मालवण नगरपरिषदेची आज पर्यटन दिंडी निघाली. मालवण नगरपरिषदेच्या 'जल्लोष २०२२' अंतर्गत पर्यटन महोत्सवात आज पर्यटन दिंडी निघाली. प्रशासाक तथा मुख्याधिकारी संतोष जिरगे यांच्या हस्ते श्रीफळ वाढवून या दिंडीला सुरुवात झाली. यावेळी जिल्हा प्रशासन अधिकारी अवधूत तावडे, जिल्हा महिला व बाल विकास अधिकारी सोमनाथ रसाळ प्रमुख उपस्थित होते. सजवलेल्या रिक्षा, बैलगाड्या, उंट, घोडे, मानवी कोंबडे, पोपट आणि मोर यांनी दिंडीत आगळा रंग भरला. उंटावर स्वार झालेला श्रीकृष्ण, घोड्यावर स्वार झालेली चिमुकली आणि भगवान शिवशंकराची वेशभूषा केलेला बालक सर्वांचे लक्ष वेधून घेत होता.शहरातील लोकप्रतिनिधी मोठ्या संख्येने या दिंडीत उत्साहाने सहभागी झाले होते. हजारो मालवणवासीय आणि बाहेरुन आलेल्या पर्यटकांनी दिंडीचा हा सोहळा आपल्या डोळ्यात आणि मोबाईलमध्ये साठवून घेतला.या दिंडीच्या माध्यमातून नगर परिषद प्रशासनाने मुख्याधिकारी संतोष जिरगे यांच्या नेतृत्वाखाली ...