diosindhudurg

सिंधुदुर्गनगरी दि 25 (जिमाका):- जल जीवन मिशन अंतर्गत पाणी पुरवठा योजनेची देखभाल व दुरुस्ती होणे अत्यंत आवश्यक आहे. याकरिता बहु कौशल्यावर आधारित जिल्ह्यातील प्रत्येक ग्रामपंचायतीमध्ये गवंडी- प्लंबर, मेकॅनिकल फिटर, इलेक्ट्रीशियन पंप ऑपरेटर याप्रमाणे तीन नल जल मित्र यांची नेमणूक प्रत्येक ग्रामपंचायत स्तरावर करण्यात येणार आहे. 431 ग्रामपंचायतीसाठी किमान 1 हजार 293 बेरोजगारांना रोजगाराची संधी उपलब्ध होणार असल्याची माहिती जिल्हा पाणी व स्वच्छता मिशनचे प्रकल्प संचालक विनायक ठाकूर यांनी दिली. जल जीवन मिशन अंतर्गत जिल्ह्यात ग्रामीण भागातील सर्व कुटुंबांना कार्यान्वित घरगुती नळ जोडणीद्वारे प्रती मानसी प्रती दिन 55 लि. विहित गुणवत्तेसह दैनंदिन वापरासाठी कार्यान्वित नळाद्वारे पाणी उपलब्ध करुन देण्याचे उद्दिष्ट आहे. तसेच जिल्ह्यातील पाणी पुरवठा योजनेची देखभाल व दुरुस्ती करण्यासाठी व योजना शाश्वत टिकविण्यासाठी ग्रामपंचायत स्तरावर तांत्रिक मनुष्यबळाची उपलब्धता असणे आवश्यक आहे. यासाठी लोक सहभागाला अन्यन्य साधारण महत्व देण्यात आलेले आहे. तसेच पाणी पुरवठा योजना पुर्व नियोजन टप्यापासून ते देखभाल व दुर...

सिंधुदुर्गनगरी दि 24 (जिमाका):- नौसेना दिनानिमित्त सिंधुदुर्ग जिल्ह्यामध्ये देशभरातील अधिकारी कर्मचारी तसेच पोलिस अधिकारी,कर्मचारी यांचे वास्तव्य होते. या भव्य कार्यक्रम आयोजित करताना प्रशासकीय दृष्ट्या खर्चाची तरतूद करणेसाठी विशेष बाब म्हणून शासनास प्रस्ताव सादर केला होता. शासनाकडून जिल्हा नियोजन समितीचे मंजूर निधीमधुन एक वेळची विशेष बाब म्हणून रक्कम रू. 554.00 लक्ष निधीस मान्यता देणेत आली. या शासन मान्यतेच्या अधिन राहून; 1) विद्युत विभाग, रायगड यांना रू. 74.09 लाख, 2) पोलिस अधिक्षक कार्यालय, सिंधुदुर्ग यांना एकूण रू. 161.88 लाख, 3) निवासी उपजिल्हाधिकारी, सामान्य शाखा, सिंधदुर्ग यांना एकूण रू. 91.70 लाख 4) महावितरण विभाग, सिंधुदुर्ग यांना रू. 42.83 लाख. 5) जिल्हा माहिती कार्यालय, सिंधुदुर्ग यांना रू. दीड लाख, असे एकूण रू.372.00 लाख निधी वितरीत करण्यात आला. या निधीचा वापर निवास व्यवस्था, विद्युत व्यवस्था, वाहने भाड्याने घेणे, चित्रिकरण करणे, चहापाणी, बंदोबस्ताच्या अनुषंगाने राज्य परिवहन मंडळाच्या बसेसचे अधिग्रहण करणे, तहसिलदार मालवण, वेंगुर्ला, कणकवली यांचेकडील निवास भोजन व सेफ हा...

सिंधुदुर्गनगरी दि 24 (जिमाका):- शासकीय औद्योगिक प्रशिक्षण संस्था ओरोस, येथे शुक्रवार 27 सप्टेंबर रोजी सकाळी 10 वाजता मुख्यमंत्री युवा कार्य प्रशिक्षण योजनेच्या मेळाव्याचे आयोजन करण्यांत आलेले असल्याची माहिती शासकीय औद्योगिक प्रशिक्षण संस्था प्राचार्य ए.एस. मोहारे यांनी दिली आहे. राज्यातील बेरोजगार युवक-युवतींना रोजगाराची संधी उपलब्ध करुन देण्यासाठी शासनाने मुख्यमंत्री युवा कार्य प्रशिक्षण योजना सुरु केलेली आहे. या योजनेंतर्गत जिल्ह्यातील विविध आस्थापना, कंपन्या, सोसायट्या शासकीय, निमशासकीय कार्यालये तसेच खाजगी संस्था इत्यादीमध्ये सहा महिन्यांसाठी कार्य प्रशिक्षण (इंटर्नशिप) देण्यांत येणार आहे. या मेळाव्यामध्ये योजनेंतर्गत नोंदणी केलेल्या आस्थापना, कंपन्या, सोसायटयांनी त्यांच्या नोंदणी संदर्भातील कागदपत्रे त्यांच्याकडे भरावयाच्या जागांच्या तपशिलासह मेळाव्यास उपस्थित रहावे. त्याप्रमाणे ज्या बेरोजगारांनी या योजनेखालील नोंदणी केलेली आहे अशा बेरोजगारांनी देखील या मेळाव्यास उपस्थित रहावे. विविध आस्थापनाकडील रिक्त जागा बेराजगार उमेदवारांमधून सहा महिन्याच्या कालावधीकरिता कार्य...

सिंधुदुर्गनगरी दि 24 (जिमाका):- राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देवून त्यांची नोकरी मिळण्याची क्षमता वाढवण्यासाठी मुख्यमंत्री युवा कार्य प्रशिक्षण योजना सन 2024-25 आर्थिक वर्षापासून सुरु करण्यास मान्यता देण्यात आली आहे. या योजनेमध्ये जास्तीत जास्त शासकीय तथा खाजगी आस्थापना यांचा सहभाग वाढावा म्हणून जिल्ह्यातील औद्योगिक प्रशिक्षण संस्थामध्ये मुख्यमंत्री युवा कार्यप्रशिक्षण रोजगार मेळाव्याचे आयोजन करण्यात येत आले असल्याची माहिती कौशल्य विकास, रोजगार व उद्योजकता केंद्राचे सहायक आयुक्त गणेश चिमणकर यांनी दिली आहे. राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देऊन त्यांची नोकरी मिळविण्याची क्षमता वाढविण्यासाठी बारावी, डिप्लोमा, पदवी व पदयुत्तर शैक्षणिक पात्रता धारण केलेल्या शिकाऊ उमेदवारांना अनुक्रमे प्रतिमाह 6 हजार , 8 हजार व 10 हजार विदयावेतन 6 महिन्याकरिता देण्यात येणार आहे. या योजनेमध्ये शासकीय, निमशासकीय आस्थापना उदयोग, महामंडळ या 5 टक्के मनुष्यवळाची मागणी करू शकतात. या योजनेअंतर्गत उदयोग आधार / उदयोग उद्यम यांच्याकडे नो...

सिंधुदुर्गनगरी दि 24 (जिमाका):- जिल्ह्यातील सर्व माध्यमिक व उच्च माध्यमिक शाळांमधील विद्यार्थ्यांनी कला उत्सव स्पर्धेमध्ये सहभागी होण्याचे आवाहन जिल्हा शिक्षण व प्रशिक्षण संस्था प्राचार्य राजेंद्र कांबळे व शिक्षणाधिकारी (माध्यमिक) कविता शिंपी यांनी केलेले आहे. माध्यमिक व उच्च माध्यमिक स्तरावरील विद्यार्थ्यांमधील प्रतिभा ओळखून त्यांच्या मधील कलागुणांना वाव देण्यासाठी शालेय शिक्षण व साक्षरता विभाग, शिक्षण मंत्रालय, नवी दिल्ली यांच्यामार्फत सन 2015-16 पासून कला उत्सवाचे आयोजन करण्यात येत आहे. यामध्ये देशातील सर्व राज्य व केंद्रशासित प्रदेश आपला सहभाग नोंदवितात. सन 2024-25 मध्ये केंद्र शासनाने कला उत्सवाच्या आयोजनामध्ये गायन - शात्रीय संगीत एकल/समूह, पारंपारिक लोकसंगीत/ भक्तीगीत एकल किंवा समूह गायन, पारंपारिक लोकसंगीत /भक्तीगीत समूह, देशभक्ती समूह. वादन- शात्रीय स्वर वाद्य एकल / शात्रीय तालवाद्य एकल किंवा वाद्यवृंद शास्त्रीय/लोकसंगीत. नृत्य-शात्रीय नृत्य एकल किंवा प्रादेशिक लोकनृत्य समूह /आदिवासी नृत्य किंवा समकालीन नृत्यरचना समूह (गैर फिल्मी). नाट्य- एकपात्री अभिनय/नकला किंवा मूकाभिनय ...

सिंधुदुर्गनगरी दि 23 (जिमाका):- सिंधुरत्न समृध्द योजने अंतर्गत भात पिकासाठी प्लास्टिक ताडपत्री खरेदी योजनेसाठी जिल्ह्यातील जास्तीत जास्त शेतकऱ्यांनी 27 सप्टेंबर 2024 पर्यंत अर्ज सादर करण्याचे आवाहन जिल्हा अधीक्षक कृषी अधिकारी भाग्यश्री नाईकनवरे यांनी केले आहे. जिल्ह्यात साधारणत:3500 मिमि पाऊस पडतो. या पावसामुळे काढणीच्या वेळेस साधारणत: 15 ते 20 टक्के नुकसान होते. उत्पान्नात घट होऊन शेतकऱ्यांचे आर्थिक नुकसान होते. त्यामुळे भात पिकाचे काढणीच्या वेळेत होणारे नुकसान टाळण्यासाठी सिंधुरत्न समृध्द योजना सन 2024-25 अंतर्गत प्लास्टिक ताडपत्री खरेदी योजनेकरीता 75 टक्के अनुदान तत्वावर मंजूरी देण्यात आली आहे. या योजनेस पात्र शेतकऱ्याकडे 0.10 हे. क्षेत्र भात पिकाखालील असावे व एका कुटुंबातील एकाच लाभार्थ्यास लाभ देण्यात येईल. अनुसुचित जाती व अनु. जमाती, महिला तसेच अल्प व अत्यल्प शेतकर्ऱ्यांना प्राधान्य देण्यात येईल. जिल्हा परिषद कृषी विभाग यांची जिल्हा स्तरीय खरेदी समितीने निश्चित केलेला दर रु. 2 हजार प्रति प्लास्टिक ताडपत्री आहे. त्यानुसार 75 टक्के अनुदान प्रमाणे सदर प्लास्टिक ता...

सिंधुदुर्गनगरी, दि.23 (जि.मा.का.) : सार्वजनिक बांधकाम (सार्वजनिक उपक्रम वगळून), तथा पालकमंत्री रविंद्र चव्हाण हे दि. 25 ते 27 सप्टेंबर 2024 रोजी सिंधुदुर्ग जिल्हा दौऱ्यावर येत असून त्यांचा दौरा कार्यक्रम पुढीलप्रमाणे आहे. बुधवार दिनांक 25 सप्टेंबर 2024 रोजी सकाळी 9.30 वाजता केसरी ता. सावंतवाडी येथून ओरोस जि.सिंधुदुर्गकेडे प्रयाण. सकाळी 10.30 वाजता जिल्हाधिकारी कार्यालय सिंधुदुर्ग येथे आगमन व राखीव. सकाळी 11 वाजता "जनता दरबार" (कणकवली – देवगड- वैभववाडी विधानसभा मतदारसंघ) कार्यक्रमास उपस्थिती. स्थळ :- जिल्हा नियोजन समिती सभागृह ओरोस,जि. सिंधुदुर्ग. दुपारी 3 वाजता ओरोस येथून केसरी ता. सावंतवाडीकडे प्रयाण. दुपारी 4.30 वाजता केसरी ता. सावंतवाडी येथे आगमन व राखीव . गुरुवार दिनांक 26 सप्टेंबर 2024 रोजी सकाळी 9.30 वाजता केसरी ता. सावंतवाडी येथून ओरोसकडे प्रयाण. सकाळी 10.30 वाजता जिल्हाधिकारी कार्यालय, ओरोस, सिंधुदुर्ग येथे आगमन व राखीव. सकाळी 11 वाजता "जनता दरबार" (कुडाळ – मालवण विधानसभा मतदारासंघ) कार्यक्रमास उपस्थिती. स्थळ :- जिल्हा नियोजन समिती सभागृह ओर...

सिंधुदुर्गनगरी, दि.21 (जि.मा.का.) : धर्मादाय आयुक्त कार्यालय व राज्यस्तरीय विशेष वैद्यकीय मदत कक्ष यांच्या समन्वयाने आरोग्य शिबीर राबविण्यातबाबत आवाहन केलेले आहे. या शिबीरामध्ये रुग्णांचे निदान झाल्यास रुग्णांवर शासकीय योजना, धर्मादाय रुग्णांलय, शासकीय महाविद्यालय व रुग्णालये, महाराष्ट्र आरोग्य विज्ञान विद्यापीठ व संलग्नीत महाविद्यालये, महात्मा ज्योतिबा फुले जन आरोग्य योजना यांच्या सहयोगातून दुर्बल घटक आरोग्य सेवांपासून उपेक्षित घटक या घटकापर्यत आरोग्य सुविधा व योजनाची माहिती पोचहवण्याकरीता धर्मादाय रुग्णालय व शासकीय महाविद्यालय अन्य आरोग्य संबंधित सहकार्याने समुदाय आरोग्य शिबीर राबविण्याबाबत सार्वजनिक न्यास नोंदणी कार्यालय, येथे सहायक धर्मादाय आयुक्त ए.जी. कुलकणी यांच्या अध्यतेखाली बैठक संपन्न झाली. या बैठकीस कोकण समन्वयक डॉ. पुष्कर महाजन, समुदाय आरोग्य शिबीराचे कोकण समन्वयक, जिल्हा आरोग्य अधिकारी डॉ. सई धुरी, निरीक्षक एम.जी. ठसाळे, महाराष्ट्र आरोग्य विज्ञान विद्यापीठ नाशिक चे प्रतिनिधी डॉ. पूजा कर्पे, महात्मा फुले जन आरोग्य जिल्हा प्रतिनिधी डॉ. प्रविण गोरुले, शि...

सिंधुदुर्गनगरी, दि.21 (जि.मा.का.) : राज्यस्तरीय संत गाडगेबाबा ग्रामस्वच्छता अभियान सन 2018-19,2019-20,2020-21, व 2021-22 या वर्षाचा पुरस्कार वितरण सोहळा संत एकनाथ रंगमंदिर, नवीन उस्मानपुरा, पन्नालाल नगर, छत्रपती संभाजी नगर येथे 23 सप्टेंबर रोजी पार पडणार आहे. जिल्ह्यातील ग्रामपंचायत बापर्डे, ग्रामपंचायत परुळेबाजार, ग्रामपंचायत निरवडे, यांना या कार्यक्रमाकरीता निमंत्रित करण्यात आले आहे. राज्यस्तरीय संत गाडगेबाबा ग्रामस्वच्छता अभियान अंतर्गत या ग्रामपंचायतीचे नामाकंन झाले होते. अशी माहिती मुख्य कार्यकारी अधिकारी मकरंद देशमुख यांनी दिली आहे. संत गाडगेबाबा ग्रामस्वच्छता अभियान सन 2018-19,2019-20,2020-21 व 2021-22 यांचा पुरस्कार वितरण कार्यक्रम दि. 23 सप्टेंबर 2024 रोजी दुपारी 12 वाजता संत एकनाथ रंगमंदिर, नवीन उस्मानपुरा, पन्नालाल नगर, छत्रपती संभाजीनगर येथे आयोजित करण्यात आला आहे. या कार्यक्रमांत जिल्ह्यातील ग्रामपंचायत बापर्डे, ता. देवगड, ग्रामपंचायत परुळेबाजार ता. वेंगुर्ला, ग्रामपंचायत निरवडे ता. सावंतवाडी यांनी उल्लेखनिय काम केल्याबद्दल त्याचा सन्मान करण्यात येणार आहे...

सिंधुदुर्गनगरी, दि.20 (जि.मा.का.) : पंतप्रधान नरेंद्र मोदी यांच्या हस्ते आज राज्यातल्या नामांकित महाविद्यालयांमध्ये आचार्य चाणाक्य कौशल्य विकास केंद्राचा शुभारंभ करण्यात आला. यात सिंधुदुर्ग जिल्यातल्या 06 महाविद्यालयांचा समावेश आहे. जिल्ह्यातल्या तरुणांनी या केंद्राचा लाभ घेण्याचे आवाहन राज्याचे शिक्षणमंत्री दीपक केसरकर यांनी विद्यार्थ्यांना केले. महाविद्यालयीन युवक युवतींना रोजगारक्षम बनविण्याच्या दृष्टीने प्रमोद महाजन कौशल्य व उद्योजकता विकास अभियान योजनेच्या धर्तीवर राज्यातील नामांकित महाविद्यालयांमध्ये आचार्य चाणाक्य कौशल्य विकास केंद्राचा शुभारंभ पंतप्रधान नरेंद्र मोदी यांच्या हस्ते करण्यात आला. या कार्यक्रमाचे व्हर्च्युअल आयोजन आज कुडाळच्या संत राऊळ महाराज महाविद्यालयात करण्यात आले होते. या कार्यक्रमाला शालेय शिक्षण मंत्री दीपक केसरकर उपस्थित होते. श्री केसरकर म्हणाले राज्य शासनाने जर्मनीशी केलेल्या कराराप्रमाणे राज्यभरातून एक लाख कौशल्यप्राप्त विद्यार्थ्यंना जर्मनीमध्ये रोजगार मिळणार आहे. लवकरच सिंधुदुर्ग जिल्हयातून 200 विद्यार्थी तर राज्यातून पहिल्या टप्प्यात ...

सिंधुदुर्गनगरी, दि.20 (जि.मा.का.) : जिल्हा सैनिक कल्याण कार्यालय येथे तात्परत्या स्वरुपात कंत्राटी पध्दतीने माजी सैनिक प्रवर्गातून 1 अशासकीय पहारेकरी (बहुउद्देशीय MTS) स्वरुपाचे पद भरावयाचे आहे. तरी जिल्ह्यातील पात्र माजी सैनिकांनी अर्ज करण्याचे आवाहन जिल्हा सैनिक कल्याण अधिकारी यांनी केले आहे. जिल्हा सैनिक कल्याण कार्यालय,येथे निव्वळ तात्पुरत्या स्वरुपात कंत्राटी पध्दतीने एकंदरीत मानधनावर माजी सैनिक प्रवर्गातून माजी सैनिकाचे 1 अशासकीय पहारेकरी (बहूउद्देशीय MTS) स्वरुपाचे पद भरावयाचे आहे. उमेदवार हा सैन्य दलातून निवृत्त झालेला असावा व संगणक हाताळण्याचे ज्ञान असणे आवश्यक आहे. तरी पात्र माजी सैनिकांनी सैन्यसेवा पुस्तक, ओळखपत्र, 2 फोटो, आधार कार्ड या कागदपत्रासंह दि. 26 सप्टेंबर 2024 पर्यंत जिल्हा सैनिक कल्याण कार्यालय सिंधुदुर्ग येथे अर्ज सादर करावेत. अधिक माहितीसाठी दूरध्वनी क्र. 02362 228820,9322051284 वर संपर्क करावा असे आवाहन जिल्हा सैनिक कल्याण अधिकारी यांनी केले आहे. ००००००

सिंधुदुर्गनगरी, दि.20 (जि.मा.का.) : जिल्हा दक्षता व सनियंत्रण समितीची सभा जिल्हाधिकारी अनिल पाटील यांच्या अध्यक्षतेखाली जिल्हाधिकारी कार्यालय येथे संपन्न झाली. या बैठकीत अनु. जाती – जमाती (अ.प्र) अधिनियम 1989 अन्यवे घडलेल्या दि.1 एप्रिल 1995 ते 8 सप्टेंबर 2024 या कालावधीत एकूण 198 गुन्ह्यांपैकी सद्यस्थितीत पोलीस तपासावर असलेले गुन्हे -0 न्यायालयीन प्रलंबित गुन्हे- 57 व इतर गुन्ह्यांचा आढावा पोलीस विभाग व नागरी हक्क संरक्षण शाखा, सिंधुदुर्ग याच्याकडून बैठकीत घेण्यात आला. तसेच या कायद्यातंर्गत प्रलंबित प्रकरणांतील पीडीत व्यक्तीना 100 टक्के अनुदान माहे सप्टेंबर 2024 मध्ये प्राप्त झालेल्या निधीतून वाटप करण्यात आले असल्याचे समाज कल्याण विभागाचे सहायक आयुक्त संतोष चिकणे यांनी माहिती दिली. या कायद्यातंर्गत घडलेल्या गुन्ह्यातील प्रकरणातील पात्र सर्व अत्याचार पीडीत व्यक्तींना अर्थसहाय्यचा 100 टक्के अनुदान समाज कल्याण विभागाकडून PFMS SNA व्दारे वाटप करण्यात आलेला आहे. या बैठकीस मुख्य कार्यकारी अधिकारी, पोलीस विभाग व नागरी हक्क संरक्षण शाखा, समाज कल्याण विभ...

सिंधुदुर्गनगरी, दि.19 (जि.मा.का.) : महात्मा जोतीराव फुले शेतकरी कर्जमुक्ती योजना 2019 अंतर्गत प्रोत्साहनपर लाभ योजनेच्या आधार प्रमाणिकरणासाठी 30 सप्टेंबर पर्यंत मुदतवाढ देण्यात आली आहे. जिल्ह्यातील विविध कार्यकारी सहकारी सेवा संस्था, जिल्हा मध्यवर्ती सहकारी बँक, राष्ट्रीयकृत बँका ग्रामिण बँका, व्यापारी बँकांचे १९८ सभासद शेतकऱ्यांनी अद्याप आधार प्रमाणिकरण केलेले नाही. तरी या योजनेसाठी पात्र ठरलेल्या (विशिष्ट क्रमांक प्राप्त झालेल्या) परंतु आधार प्रमाणिकरण न झालेल्या शेतकऱ्यांनी जवळच्या महा ई सेवा केंद्रातुन आधार प्रमाणिकरण करुन घेण्याचे आवाहन जिल्हा उपनिबंधक सहकारी संस्था एम.बी. सांगळे यांनी केले आहे. सहकार विभागाकडील दि.२९ जुलै २०२२ रोजीच्या शासन निर्णयानुसार सन २०१७-१८, सन २०१८-१९ व सन २०१९-२० या कालावधीतील कोणत्याही दोन आर्थिक वर्षात अल्पमुदत शेती पीक कर्जाची उचल करुन नियमित परतफेड केलेल्या शेतकऱ्यासांठी महात्मा जोतीराव फुले शेतकरी कर्जमुक्ती योजना २०१९ अंतर्गत प्रोत्साहनपर लाभ योजना सुरु करण्यात आलेली होती. सद्यस्थितीत ही योजनेतर्गत प्रोत्साहनपर लाभासाठी पात्र ठरलेल्य...

सिंधुदुर्गनगरी, दि.19 (जि.मा.का.): महाविद्यालयीन युवक युवतींना रोजगारक्षम बनविण्याच्या दृष्टीने प्रमोद महाजन कौशल्य व उद्योजकता विकास अभियान योजनेच्या धर्तीवर राज्यातील नामांकित महाविद्यालयांमध्ये आचार्य चाणाक्य कौशल्य विकास केंद्राची स्थापना करण्यात येत आहे. जिल्हयातील 6 महाविद्यालयांमध्ये सुरु करण्यात येणाऱ्या या केंद्राचा प्रधानमंत्री नरेंद्र मोदी यांच्या हस्ते दि. 20 सप्टेंबर रोजी दुपारी 12.30 वाजता वर्च्यअल, ऑनलाईन उद्घाटन कार्यक्रम होणार आहे. सिंधुदुर्ग जिल्ह्यातील संत राऊळ महाराज महाविद्यालय कुडाळ, श्री. पुष्पसेन सावंत कॉलेज ऑफ फार्मसी, कॉलेज ऑफ अॅग्रिकल्चर सांगुळवाडी, कॉलेज ऑफ हॉर्टिकल्चर सांगुळवाडी, मेट्रोपोलिटन इन्स्टिट्युट ऑफ टेक्नोलॉजी अॅण्ड मेनेजमेंट, मालवण, सिंधुदुर्ग शिक्षण प्रसारक मंडळ कॉलेज ऑफ इंजिनिअरिंग कणकवली अशा 6 महाविद्यालयाच्यां ठिकाणी उद्घाटन कार्यक्रम आयोजित करण्यात आले आहे. महाविद्यालयांमध्ये आचार्य चाणाक्य कौशल्य विकास केंद्रामार्फत दरवर्षी 150 विद्यार्थ्यांना मोफत प्रशिक्षण देण्यात येणार आहे. त्याअनुषंगाने जिल्हाधिकारी,अनिल पाटील, यांच्या अध्यक्षतेखाली ...

सिंधुदुर्गनगरी, दि.19 (जि.मा.का.) : जागतिक कृषी पुरस्कारामुळे महाराष्ट्राच्या शाश्वत शेतीच्या प्रयत्नांवर जगाने मोहोर उमटवली आहे. महाराष्ट्राने नेहमीचे भारतातील कृषी क्षेत्रात प्रयोगशीलता राबवल्याचे या पुरस्कारामुळे सिद्ध झाले, अशा शब्दांत राज्यपाल सी. पी. राधाकृष्णन यांनी मुख्यमंत्री एकनाथ शिंदे यांना प्रदान करण्यात आलेल्या जागतिक कृषी पुरस्कारांबद्दल कौतुकोद्गार काढले आहेत. पर्यावरण रक्षण, शाश्वत विकास आणि हरित महाराष्ट्रासाठी मुख्यमंत्री शिंदे यांच्या कामाची दखल घेऊन ‘वर्ल्ड ॲग्रीकल्चर फोरम’कडून त्यांना जागतिक कृषी पुरस्काराने आज सन्मानित करण्यात आले. फोरमचा हा दुसराच पुरस्कार असून हा पुरस्कार राज्यपाल सी. पी. राधाकृष्णन यांच्या हस्ते मुख्यमंत्री श्री शिंदे यांना प्रदान करण्यात आला. जागतिक बांबू दिनाच्या औचित्याने या समारंभाचे आयोजन करण्यात आले. एनसीपीएच्या सभागृहात झालेल्या या समारंभास महाराष्ट्र कृषी मुल्य आयोगाचे अध्यक्ष पाशा पटेल, ‘वर्ल्ड एग्रीकल्चर फोरम’चे अध्यक्ष डॉ. रुडी रॅबिंगे, फोरमचे आशिया प्रांताचे उपाध्यक्ष डॉ. विलियम्स दार, आफ्रिका प्रांताचे उपाध्यक्ष प्रो. लिंदवे सि...

सिंधुदुर्गनगरी, दि.18 (जि.मा.का.) : छत्रपती शिवाजी महाराजांच्या गड किल्ल्यांचा जागतिक वारसा स्थळांमध्ये समावेश करण्याच्या अनुषंगाने युनेस्कोचे पथक विजयदुर्ग आणि सिंधुदुर्ग किल्ल्याला भेट देणार आहे. त्या अनुषंगाने जिल्ह्यातील नागरिक, स्वयंसेवी संस्था, पक्ष, संघटना, अधिकारी आणि कर्मचारी, ग्रामस्थ, एन.एस.एस, एन.सी.सी, विविध सामाजिक मंडळे, सामाजिक संस्था व शालेय व महाविद्यालयीन विद्यार्थ्यांनी या दोन्ही किल्ल्याच्या परिसरात स्वच्छता मोहिम राबविण्याचे आवाहन जिल्हाधिकारी अनिल पाटील यांनी केले आहे. पुरातत्व व वस्तुसंग्रहालये संचालनालयामार्फत राज्यातील मराठा लष्करी स्थापत्य यांना युनेस्को जागतिक वारसा नामांकन मिळण्यासाठी नामांकन प्रस्ताव सादर केलेला आहे. जागतिक वारसा म्हणून किल्ले विजयदूर्ग व किल्ले सिंधुदुर्ग यांचे संवर्धन व संगोपण करण्याच्या अनुषंगाने युनेस्कोचे पथक 6 ऑक्टोबर रोजी विजयदुर्ग तर 7 ऑक्टोबर रोजी सिंधुदुर्ग किल्ल्याला भेट देणार आहे. दुर्ग वैभव हे महाराष्ट्राच्या अस्मितेचा वारसा आहे. छत्रपती शिवाजी महाराजांच्या गड किल्ल्यांप्रती नागरिकांचे भावनिक न...

सिंधुदुर्गनगरी, दि.१७(जि.मा.का): जिल्ह्यात कोणताही अनुचित प्रकार घडू नये, जातीय सलोखा, कायदा व सुव्यवस्था परिस्थिती अबाधित राहण्यासाठी महाराष्ट्र पोलीस अधिनियम 1951 चे कलम 37 (1) (अ) व (फ) 37 (3) नुसार दिनांक 18 सप्टेंबर 2024 रोजी 00.01 वाजल्यापासून ते दिनांक 29 सप्टेंबर 2024 रोजी 24.00 वाजेपर्यंतच्या कालावधीसाठी जिल्ह्याच्या संपूर्ण भूभागात मनाई आदेश लागू केला असल्याचे जिल्हादंडाधिकारी अनिल पाटील यांनी प्रसिध्दी पत्रकाव्दारे कळविले आहे. वैयक्तीक व सामाईक मागणीकरीता उपोषणे, मोर्चा, संप, निदर्शने, रस्ता रोको वगैरे सारखे आंदोलनात्मक कार्यक्रमांचे वेळोवेळी नियोजन करण्यात येते अशावेळी आंदोलनकर्ते यांच्या मागण्या मान्य न झाल्यास कायदा व सुव्यवस्थेची परिस्थिती निर्माण होण्याची शक्यता नाकारता येत नाही. तरी जिल्ह्यात सण उत्सव, तसेच होणारी उपोषणे, मोर्चा, संप, निदर्शने, रस्ता रोको या सारख्या प्रकारामुळे कायदा व सुव्यवस्थेचा प्रश्न निर्माण होऊन कोठेही अनुचित प्रकार घडू नये. जिल्ह्यातील जातीय सलोखा कायदा व सुव्यवस्था परिस्थिती अबाधित रहावी, यासाठी जिल्ह्याच्या संपुर्ण भूभागात मनाई आदेश लाग...

सिंधुदुर्गनगरी, दि.१७ (जि.मा.का.) : जिल्हा सैनिक कल्याण कार्यालयाच्यावतीने जिल्ह्यातील शहीद जवानांच्या वीरपत्नी, वीरमाता, वीरपिता व माजी सैनिकांचा सन्मान करण्यासाठी दि.२९ सप्टेंबर रोजी सकाळी १०.३० वाजता सैनिकी मुलांचे वसतिगृह, सावंतवाडी येथील मल्टी पर्पज हॉल येथे" शौर्य दिन" कार्यक्रमाचे आयोजन करण्यात आले आहे. जिल्ह्यातील शहीद जवानांच्या वीरनारी, वीरमाता, वीरपिता, माजी सैनिक व माजी सैनिक विधवा पत्नी, यांनी "शौर्य दिन" साजरा करण्यासाठी सावंतवाडी येथील सैनिकी मुलांचे वसतिगृह येथे उपस्थित राहावे, असे आवाहन जिल्हा सैनिक कल्याण अधिकारी यांनी केले आहे. अधिक माहितीसाठी दूरध्वनी क्र. ०२३६२ २२८८२०, ९३२२०५१२८४ वर संपर्क करावा. ००००००० --

सिंधुदुर्गनगरी, दि.17 (जि.मा.का.) : शासनाच्या कौशल्य विकास विभागाच्यावतीने संविधान मंदिराच्या उद्घाटनाचा कार्यक्रम उपराष्ट्रपती जगदीप धनखड यांच्या हस्ते आंतरराष्ट्रीय लोकशाही दिनाच्या दिवशी भारतरत्न डॉ. बाबासाहेब आंबेडकर यांच्या शिक्षण झालेल्या एलफिन्स्टन आयटीआय, मुंबई येथे संपन्न झाला. राज्यातील 434 औद्योगिक प्रशिक्षण संस्थांमध्ये ही एकाचवेळी हा कार्यक्रम ऑनलाईन स्वरुपात आयोजित करण्यात आला होता. यावेळी शासकीय औद्योगिक प्रशिक्षण संस्था, ओरोस या संस्थेत जिल्हाधिकारी अनिल पाटील यांच्या हस्ते संविधान मंदिराचे उद्घाटन करण्यात आले. यावेळी परिवहन विभागाचे विनोद भोपळे, सहायक निरीक्षक केतन पाटील, प्रभाकर सावंत, सरपंच परशुराम परब, संविधान अभ्यासक निवृत्त शिक्षक अनंत कांबळे, आरोग्य विभाग सहायक उमेश बेहेकर, ग्रामपंचायत सदस्या प्रिया अजगावकर,भक्ती पळसोंबकर कौशल्य विकास रोजगार व उद्योजकता विभाग सहाय्यक आयुक्त जी.पी. चिमणकर, विभागीय वन अधिकारी सुनिल सावंत, जिल्हा उद्योगकेंद्र अधिकारी श्रीपाद दामले, एन.सी.सी. सुभेदार जसबिर सिंग,एन.सी.सी. हवलदार नरेश इंगवले, कुमार, राकेश पटेल, देवेंद्र...

मुंबई, दि. 17 : पर्यावरण रक्षण, शाश्वत विकास आणि हरित महाराष्ट्र यासाठी मुख्यमंत्री एकनाथ शिंदे यांनी केलेल्या कामाची दखल आंतरराष्ट्रीय पातळीवर घेण्यात आली आहे. मुख्यमंत्री श्री. शिंदे यांनी केलेल्या कार्यासाठी वर्ल्ड ॲग्रीकल्चर फोरमच्या वतीने मुख्यमंत्री श्री. शिंदे यांच्यासह उपमुख्यमंत्री देवेंद्र फडणवीस आणि अजित पवार यांचा सन्मान करण्यात येणार आहे. एनसीपीए येथे 20 देशातील प्रतिनिधींच्या उपस्थितीत आंतरराष्ट्रीय बांबू दिवसाचे औचित्य साधत उद्या 18 सप्टेंबर रोजी हा सन्मान सोहळा आयोजित करण्यात आला आहे. पर्यावरण व शाश्वत विकासासाठी महाराष्ट्र देशात प्रथम आता तापमान वाढीचे युग संपून होरपळीचे युग सुरू झाल्याने त्वरित कृतीची गरज संयुक्त राष्ट्र संघटनेने व्यक्त केली आहे. त्यास प्रतिसाद देणारा भारत हा पहिला देश ठरला आहे तर महाराष्ट्र हे देशातील पहिले राज्य ठरले आहे. यासाठी राज्यात मुख्यमंत्री पर्यावरण व शाश्वत विकास कृती समितीची स्थापना केली असून त्याचे अध्यक्ष मुख्यमंत्री श्री. शिंदे आहेत. अंमलबजावणीसाठी कार्यकारी अध्यक्षपदी पाशा पटेल यांना नेमून संबंधित सचिव यांचे कार्यकारी मंडळ देख...

सिंधुदुर्गनगरी, दि. ११ (जि.मा.का.) सिंधुदुर्ग जिल्हाधिकारी म्हणून काम करताना आलेले अनुभव मला समृद्ध करणारे आहेत. माझ्या कार्यकाळात मी केलेल्या कामाचे सर्व श्रेय हे येथील नागरिक, अधिकारी आणि कर्मचाऱ्यांचे आहे. सिंधुदुर्ग जिल्ह्याने दिलेले प्रेम माझ्या आयुष्यात संस्मरणीय राहील, अशी हृद्य भावना सिंधुदुर्गचे माजी जिल्हाधिकारी किशोर तावडे यांनी व्यक्त केली. त्यांच्या निरोप समारंभानिमित्त आणि नूतन जिल्हाधिकारी अनिल पाटील यांच्या स्वागत समारंभानिमित्त जिल्हाधिकारी कार्यालयात आयोजित कार्यक्रमात ते बोलत होते. यावेळी नुतन जिल्हाधिकारी अनिल पाटील, मुख्य कार्यकारी अधिकारी मकरंद देशमुख, प्रभारी अपर जिल्हाधिकारी श्रीमती पद्मश्री बैनाडे, निवासी उपजिल्हाधिकारी मच्छिंद्र सुकटे, उप‍ जिल्हा निवडणूक अधिकारी बालाजी शेवाळे, उपजिल्हाधिकारी नितीन राऊत, श्रीमती श्रध्दा पोवार, आरती देसाई, जिल्हा नियोजन अधिकारी यशवंत बुधावले, जिल्हा माहिती अधिकारी मुकुंद चिलवंत तसेच सर्व तहसिलदार आणि विभाग प्रमुख उपस्थित होते. सिंधुदुर्ग जिल्ह्यात प्रशासनामध्ये काम करताना खुप काही शिकायला मिळाले. सर्व व...

सिंधुदुर्ग, दि. ११ (जिमाका) : शासनाच्या विविध योजनांची सर्वसामान्य नागरिकांना माहिती देण्यासाठी  मुख्यमंत्री योजनादूत उपक्रम सुरु करण्यात आला आहे. या उपक्रमात सहभागी होण्यासाठी उमेदवारांकडून अर्ज मागविण्यात येत आहेत. इच्छुक उमेदवारांना www.mahayojanadoot.org या संकेतस्थळावर 13 सप्टेंबर पर्यंत नोंदणी करण्याचे आवाहन करण्यात येत आहे. महाराष्ट्र शासनाच्या माहिती व जनसंपर्क महासंचालनालयामार्फत मुख्यमंत्री योजनादूत उपक्रम राबविण्यात येत आहे. प्रत्येक ग्रामपंचायत पातळीवर एक तर शहरी भागात प्रत्येक पाच हजार लोकसंख्येमागे एक अशा पद्धतीने राज्यात एकूण ५० हजार योजनादूतांची सहा महिन्यांसाठी निवड केली जाणार आहे. या योजनादूतांना दरमहा १० हजार रूपये मानधन दिले जाणार आहे. हे योजनादूत शासनाच्या लोककल्याणकारी योजनांबाबत नागरिकांना माहिती देतील. या योजनेत सहभागी होण्यासाठी इच्छुक उमेदवार १८ ते ३५ वयोगटातील असावा, उमेदवार कोणत्याही शाखेचा पदवीधर असणे आवश्यक आहे, उमेदवाराकडे महाराष्ट्राचे अधिवास प्रमाणपत्र असणे आवश्यक आहे. उमेदवारास संगणक ज्ञान असावे. त्याच्याकडे अद्ययावत मोबाईल (स्मार्ट फोन) आणि आधारसंलग...

सिंधुदुर्गनगरी, दि.9 (जि.मा.का.) : शासन जनतेसाठी अनेक कल्याणकारी योजना राबवित असते. अशा शासकीय योजना तसेच उपक्रमांचा लाभ सामान्य जनतेला मिळवून देणे हे अधिकाऱ्यांचे काम आहे. स्थानिक पातळीवर अधिकारी म्हणून काम करत असताना जनतेच्या समस्या जाणून घेऊन त्या समस्यांचे वेळेत निराकरण करण्याचे निर्देश जिल्हाधिकारी अनिल पाटील यांनी दिले. नियोजन सभागृहात नवनियुक्त जिल्हाधिकारी अनिल पाटील यांनी विभाग प्रमुखांची बैठक घेतली. यावेळी व्यासपीठावर प्रभारी अपर जिल्हाधिकारी पद्मश्री बैनाडे, निवासी उपजिल्हाधिकारी मच्छिंद्र सुकटे, उप जिल्हा निवडणूक अधिकारी बालाजी शेवाळे, श्रीमती देसाई, जिल्हा नियोजन अधिकारी यशवंत बुधावले तसेच सर्व विभागांचे विभाग प्रमुख उपस्थित होते. श्री पाटील म्हणाले की, सामान्य माणसांच्या समस्या सोडविणे हे प्रशासनाचे प्रथम प्राधान्य आहे. प्रत्येक अधिकाऱ्यांनी सामान्य जनतेला नियमित भेटावे, त्यांच्या समस्या जाणून घ्याव्यात. त्या समस्यांचे निराकरण करुन त्यांच्या अपेक्षा पुर्ण करणे हे प्रत्येक अधिकाऱ्यांचे कर्तव्य आहे. शासन राबवित असलेल्या विविध योजना आणि सेवांचा ल...

सिंधुदुर्गनगरी, दि.10 (जि.मा.का.) : जिल्ह्यातील 60 वर्ष व त्यावरील जेष्ठ नागरीकांनी मुख्यमंत्री तीर्थ दर्शन योजनेचा जास्तीत जास्त लाभ घेण्यात यावा, असे आवाहन समाज कल्याणचे सहाय्यक आयुक्त संतोष चिकणे यांनी केले आहे. सामाजिक न्याय व विशेष सहाय्य विभागामार्फत सहाय्यक आयुक्त, समाज कल्याण, सिंधुदुर्ग कार्यालयाकडून राज्यातील सर्व धर्मीयांमधील 60 वर्ष व त्यावरील ज्येष्ठ नागरिकांना राज्यातील व देशातील महत्त्वाच्या तीर्थक्षेत्राची मोफत यात्रा करण्यासाठी "मुख्यमंत्री तीर्थ दर्शन योजना" राबविण्यात येत आहे. त्यासाठी भारतातील एकूण 73 व महाराष्ट्र राज्यातील 66 तीर्थक्षेत्रांचा योजनेमध्ये समावेश करण्यात आला आहे. या योजनेमध्ये राज्यातील व देशातील प्रमुख तीर्थक्षेत्रांचा समावेश करण्यात आला आहे. योजनेअंतर्गत निर्धारित तीर्थक्षेत्र पैकी एका यात्रेकरिता पात्र व्यक्तीला या योजनेचा एक वेळ लाभ मिळणार आहे. तसेच प्रवास खर्चासाठी कमाल मर्यादा प्रति व्यक्ती 30 हजार रुपये इतकी राहणार आहे. यामध्ये प्रत्यक्ष प्रवास, भोजन, निवास इत्यादी बाबीचा समावेश असेल. या योजनेकरिता सक्षम प्राधिकारी यांनी दिले...

सिंधुदुर्गनगरी, दि.10 (जि.मा.का.) : महात्मा जोतीराव फुले शेतकरी कर्जमुक्ती योजना 2019 अंतर्गत प्रोत्साहनपर लाभ योजनेच्या आधार प्रमाणिकरणासाठी 18 सप्टेंबर पर्यंत मुदतवाढ देण्यात आली आहे. जिल्ह्यातील विविध कार्यकारी सहकारी सेवा संस्था, जिल्हा मध्यवर्ती सहकारी बँक, राष्ट्रीयकृत बँका ग्रामिण बँका, व्यापारी बँकांचे २२७ सभासद शेतकऱ्यांनी अद्याप आधार प्रमाणिकरण केलेले नाही. तरी या योजनेसाठी पात्र ठरलेल्या (विशिष्ट क्रमांक प्राप्त झालेल्या) परंतु आधार प्रमाणिकरण न झालेल्या शेतकऱ्यांनी जवळच्या महा ई सेवा केंद्रातुन आधार प्रमाणिकरण करुन घेण्याचे आवाहन जिल्हा उपनिबंधक सहकारी संस्था एम.बी. सांगळे यांनी केले आहे. सहकार विभागाकडील दि.२९ जुलै २०२२ रोजीच्या शासन निर्णयानुसार सन २०१७-१८, सन २०१८-१९ व सन २०१९-२० या कालावधीतील कोणत्याही दोन आर्थिक वर्षात अल्पमुदत शेती पीक कर्जाची उचल करुन नियमित परतफेड केलेल्या शेतकऱ्यासांठी महात्मा जोतीराव फुले शेतकरी कर्जमुक्ती योजना २०१९ अंतर्गत प्रोत्साहनपर लाभ योजना सुरु करण्यात आलेली होती. सद्यस्थितीत ही योजनेतर्गत प्रोत्साहनपर लाभासाठी पात्र ठरलेल्या ...

सिंधुदुर्गनगरी, दि.6 (जि.मा.का.) : महाराष्ट्र पर्यटन विकास महामंडळामार्फत 27 सप्टेंबर 2024 रोजी जागतिक पर्यटन दिन 2024 साजरा करत असून, युनाटेड नेशन दुरिझम (UN TOURISM) यांच्याव्दारे सन-2024 करिता जागतिक पर्यटन दिनाचे घोषवाक्य (Them) -TOURISM & PEACE घोषित करण्यात आले आहे. जागतिक पर्यटन दिन पर्यटन मंत्रालय भारत सरकार, महाराष्ट्र राज्य पर्यटन विभाग यांच्याव्दारे विविध उपक्रमांतून साजरा केला जात आहे. या दिनाचे औचित्य साधत जागतिक पर्यटन दिनाचे घोषवाक्य (Them) -TOURISM & PEACE या घोषवाक्याशी अधीन राहून महाराष्ट्र पर्यटन विकास महामंडळाव्दारे संपूर्ण राज्यभरात विविध उपक्रमाव्दारे राबविण्यात येणार असल्याची माहिती कोकण विभाग प्रादेशिक कार्यालय प्रादेशिक पर्यटन अधिकारी दिपक माने यांनी दिली आहे. जागतिक पर्यटन दिनानिमित्त परिसंवाद (MTDC World Tourism Day Serminar) जिल्ह्यातील नामवंत व्यक्ती, पर्यटन तज्ज्ञ व पर्यटन व्यावसायिकांना, टूर्स ऑपरेटर्स, सहल आयोजक, टूर्स असोसिएटस, हॉटेलिअर्स, निवास न्याहरी इ. यांचे परिसंवादाचे आयोजन (सकाळी 10.00 ते दु. 1.30) करण्यात येणार आहे....

सिंधुदुर्गनगरी, दि.6 (जि.मा.का.): सिंधुदुर्ग जिल्हाधिकारीपदी नियुक्त झालेले अनिल पाटील यांनी जिल्हाधिकारी पदाचा कार्यभार माजी जिल्हाधिकारी किशोर तावडे यांच्याकडून स्वीकारला. जिल्हाधिकारी यांच्या दालनात श्री. पाटील यांनी सिंधुदुर्ग जिल्हाधिकारी पदाचा पदभार स्वीकारण्याची प्रशासकीय प्रक्रिया पूर्ण केली. यावेळी मुख्य कार्यकारी अधिकारी मकरंद देशमुख, निवासी उपजिल्हाधिकारी मच्छिंद्र सुकटे, उप जिल्हा निवडणूक अधिकारी बालाजी शेवाळे, उपजिल्हाधिकारी नितीन राऊत, उपविभागीय अधिकारी जगदीश काटकर, जिल्हा नियोजन अधिकारी यशवंत बुधावले, जिल्हा माहिती अधिकारी मुकुंद चिलवंत, तहसीलदार विरसींग वसावे, ओमकार ओतारी,श्री ठाकूर यांच्यासह महसूल विभागाचे अधिकारी, कर्मचारी उपस्थित होते. यावेळी जिल्हाधिकारी श्री. पाटील यांनी उपस्थित अधिकाऱ्यांशी औपचारिक ओळख करुन घेत संवाद साधला. थोडक्यात परिचय श्री. अनिल पाटील, भा.प्र.से. (IAS 2012) एम.एस.सी. (ॲग्री) सुवर्ण पदक) एल. एल. बी. · महाराष्ट्र वित्त व लेखा सेवा अधिकारी वर्ग 2 म्हणून 1989 ते 1996 पर्यंत विविध पदांवर कामकाज. · ...

सिंधुदुर्गनगरी, दि.5 (जि.मा.का.) : शैक्षणिक वर्ष 2024-25 करीता भारत सरकार मॅट्रिकोत्तर शिष्यवृत्तीसाठी महाडीबीटी पोर्टलवरील अनु.जाती, इमाव, विजाभज व विशेष मागास प्रवर्गातील विद्यर्थ्यांचे नवीन अर्ज भरणे व जुन्या अर्जांचे नुतनीकरण करण्याची प्रक्रियाला सुरुवात झाली असल्याने पात्र विद्यार्थ्यांनी महाडिबीटी पोर्टलवर ऑनलाईन पध्दतीने अर्ज करण्याचे अवाहन समाज कल्याण सहाय्यक आयुक्त संतोष चिकणे यांनी केले आहे. सामाजिक न्याय व विशेष सहाय्य विभाग व इतर मागास बहुजन कल्याण विभागामार्फत अनुसूचित जाती, विजाभज, इमाव व विमाप्र प्रवर्गातील विद्यार्थ्यांकडून महाडिविटी प्रणालीवरील मॅट्रिकोत्तर शिष्यवृत्तीसाठी महाडिबीटी पोर्टलवर ऑनलाईन पदध्तीने अर्ज मागविण्यात येत आहेत. त्या अनुषंगाने समाज कल्याण विभागामार्फत दि. 25 जुलै 2024 पासून महाडिबीटी पोर्टल विद्यार्थ्यांसाठी कार्यान्वित करण्यात आले आहे. शैक्षणिक वर्ष 2024-25 करिता भारत सरकार मॅट्रिकोत्तर शिष्यवृती योजना, मॅट्रिकोत्तर शिक्षण फी परिक्षा फी प्रदाने योजना, राजर्षी छत्रपती शाहू महाराज गुणवत्ता शिष्यवृत्ती योजना, व्यावसायिक पाठ्यक्रमाशी संलग्न...

सिंधुदुर्गनगरी, दि.5 (जि.मा.का.) : जिल्ह्यातील परदेशात शिक्षण घेत असलेल्या अल्पसंख्याक समुदायातिल विद्यार्थ्यांकरीता परदेशामध्ये उच्च शिक्षणासाठी परदेश शिष्यवृत्ती योजनेअंतर्गत सन 2024-25 करीता पात्र विद्यार्थींनी अर्ज सादर करण्याचे आवाहन समाज कल्याणचे सहायक आयुक्त संतोष चिकणे यांनी केले आहे. अल्पसंख्याक विकास विभागाअंतर्गत अल्पसंख्याक समुदायातिल विद्यार्थ्यांकरीता परदेशात शिक्षणासाठी प्रवेश घेतलेल्या विद्यार्थ्यांना शिष्यवृत्ती प्रदान करण्यात येते. सन 2024-25 या शैक्षणिक वर्षाकरीता अल्पसंख्याक समुदायातिल विद्यार्थ्यांकरीता परदेश शिष्यवृत्तीसाठी ऑफलाईन पध्दतीने अर्ज www.maharashtra.gov.in (जलद दुवे- ताज्या घडामोडी) येथे नमुद वेबसाईटवरुन अर्ज डाऊनलोड करुन तो परिपुर्ण व आवश्यक त्या कागदपत्रासह 6 सप्टेंबर 2024 रोजी सायंकाळी 6.15 वाजेपर्यत पोस्टने किंवा समक्ष समाज कल्याण आयुक्तालय, 3 चर्च रोड, पुणे 411001 येथे सादर करावेत. अधिक माहितीसाठी सहायक आयुक्त समाज कल्याण कार्यालय 02362 228882 वर संपर्क साधावा. ००००००

सिंधुदुर्गनगरी, दि. 4 (जि.मा.का.) : शासनाकडून विविध क्षेत्रातील कामगारांसाठी अनेक योजना राबविण्यात येतात त्या योजनांचा लाभ कामगारांना मिळणे आवश्यक आहे. जिल्ह्यातील नोंदणीकृत कामगारांच्या अनेक मागण्या प्रलंबित असून त्यांच्या समस्या प्राधान्याने साडविण्याचे निर्देश पालकमंत्री रविंद्र चव्हाण यांनी दिले. जिल्हाधिकारी कार्यालयात नोंदणीकृत कामगारांच्या समस्या जाणून घेण्यासाठी बैठक आयेाजित करण्यात आली होती त्यावेळी ते बोलत होते. यावेळी जिल्हाधिकारी किशोर तावडे, अतिरिक्त मुख्य कार्यकारी अधिकारी श्री कापडणीस, निवासी उपजिल्हाधिकारी मच्छिंद्र सुकटे, जिल्हा कामगार अधिकारी श्री आयरे, उपमुख्य कार्यकारी अधिकारी विशाल तनपुरे आदी उपस्थित होते. जिल्ह्यातील नोंदीत बांधकाम कामगारांनी सन 2019-20 या वर्षात आपल्या लाभार्थ्याचे अर्ज योग्य त्या कागदपत्रांसह सरकारी कामगार अधिकारी कार्यालय येथे सादर केलेले आहेत. अर्ज विहित मुदतीत ऑनलाईन करुन कार्यालयात सादर न केल्यामुळे कामगाराना लाभांपासून वंचित राहिले आहेत. सन 2019-20 च्या अर्जाबाबत योग्य तो निर्णय घेऊन कामगारांना ...

सिंधुदुर्गनगरी, दि. 4 (जि.मा.का.) : महाराष्ट्र प्रदूषण नियंत्रण मंडळाने सीएसआर फंडातून विकत घेऊन जिल्हाधिकारी कार्यालयाला वितरीत केलेल्या बीच क्लिनिंग मशीनचे लोकार्पण पालकमंत्री रविंद्र चव्हाण यांच्या हस्ते झाले. यावेळी निवासी उपजिल्हाधिकारी मच्छिंद्र सुकटे, प्रभाकर सावंत, मुख्याधिकारी श्री नातु आदी उपस्थित होते. ह्या बीच क्लिनिंग मशीन जिल्हा परिषद ग्रामीण विभागासाठी दोन व नागरी विभागासाठी एक अशा एकूण 3 मशीन वेंगुर्ला, मालवण व देवगड तालुक्यातील समुद्रकिनारे तसेच देवगड शहरी भागाकरता कार्यरत असणार आहे. मशीन बाबत तांत्रिक माहिती : मॅन्युफॅक्चर बीच टेक नावाची मॅन्युफॅक्चर आणि मॉडेल हे बीच टेक 2000 असून हे बीच क्लीन करणारे इक्विपमेंट आहे तसेच याला 75 एचपी फोरमल ड्राईव्ह ट्रॅक्टर जोडण्यात आलेला आहे. या एका मशीनची किंमत अंदाजे एक कोटी असून त्या मशीनची 5 वर्ष सर्विस मोफत असणार आहे. बीच क्लिनिंग मशीनला समोर एक रोटरी व्हील दिले आहे, ज्यामध्ये 40 Teeth असतात. हे व्हील 30 सेंटीमीटर, म्हणजेच जवळपास एक फूट सॅन्डच्याखाली जाऊन कचरा काढतात. नंतर तो कचरा गोल पिरणाऱ्या स्क्रीनिंग बेल्टवर टाकला जात...

सिंधुदुर्गनगरी, दि. 4 (जि.मा.का.) : आपल्या जिल्ह्याला पर्यटनाची परंपरा लाभलेली आहे. जिल्ह्यात पर्यटन वाढल्यास रोजगाराच्या संधी निर्माण होऊन स्थलांतर थांबेल. जिल्ह्याच्या सर्वांगीण विकासासाठी पर्यटनवाढीला प्राधान्य देणार असल्याचे पालकमंत्री रविंद्र चव्हाण म्हणाले. कुडाळ रेल्वेस्थानक सुशोभिकरणाचा लोकार्पण सोहळा पार पडला त्यावेळी ते बोलत होते. यावेळी खासदार नारायण राणे, माजी खासदार निलेश राणे, कोकण रेल्वे बोर्डाचे वित्त संचालक राजेश भडंग, प्रभाकर सावंत आदी उपस्थित होते. पालकमंत्री म्हणाले, मी कोकणचा भुमिपुत्र असून कोकणच्या विकासासाठी कायम झटणार आहे. मला पालकमंत्री पदाच्या निमित्ताने कोकणच्या विकासाची संधी मिळाली आहे. जिल्ह्याच्या विकासासाठी स्थलांतर थांबणे आवश्यक आहे. रोजगाराच्या संधी निर्माण करण्यासाठी पर्यटनवाढीसाठी नवनवीन उपक्रम राबविणे आवश्यक आहे. कुडाळ रेल्वे स्थानकाच्या सुशोभिकरणामुळे नक्कीच पर्यटक आकर्षित होणार आहेत. जिल्ह्यातील अनेक भागात पर्यटनस्थळे विकसित करण्यासाठी मी नेहमी प्रयत्नशील आहे. मालवण येथे संग्रहालय निर्माण करण्याचा मानस आहे. म...

सिंधुदुर्गनगरी, दि.4 (जि.मा.का.): राज्यातील काजु उत्पादक शेतकऱ्यांना काजु बी साठी शासनाकडून वित्तिय सहाय्य उपलब्ध करुन दिल्यास, काजू उत्पादक शेतकऱ्यांना योग्य भाव मिळण्यास मदत होईल, ही बाब विचारात घेवुन सन 2024 च्या काजु हंगामासाठी काजु उत्पादनाकरिता शासनाने राज्यातील काजु उत्पादक शेतकऱ्यांसाठी काजु बी शासन अनुदान योजना कार्यान्वीत केली होती. या योजनेला दि. 30 सप्टेंबर 2024 पर्यंत मुदतवाढ देण्यात आली आहे. अनुदान योजनेचा लाभ राज्यातील जास्तीत जास्त शेतकऱ्यांनी घ्यावा, असे आवाहन महाराष्ट्र राज्य काजू मंडळ तथा कार्यकारी संचालक महाराष्ट्र राज्य कृषी पणन मंडळाचे मुख्य कार्यकारी अधिकारी संजय कदम यांनी केले आहे. काजू उत्पादक शेतकऱ्यांना काजू बी साठी शासन अनुदान देणे या योजनेची अंमलबजावणीची प्रक्रिया पणन मंडळाच्या www.msamb.com या संकेतस्थळावर प्रसिद्ध करण्यात आली आहे. अनुदान मागणीसाठी विहीत नमुन्यातील अर्ज, संमतीपत्र, 7/12, कृषि खात्याचा दाखला, जी.एस.टी.बील, बँक तपशिल, आधार कार्ड, हमीपत्र इ. कागदपत्रे अनुदान मागणीसाठी आवश्यक आहेत. अधिक माहीतीसाठी महाराष्ट्र राज्य काजू मंडळाचे उपविभागिय क...

सिंधुदुर्गनगरी, दि.4 (जि.मा.का.): गणेशोत्सव शांततेत, सुरळीत व भक्तीमय वातावरणात पार पाडण्यासाठी वाहतूक नियोजनाबाबत निर्गमित केलेल्या आदेशाचे अंमलबजावणी करावी, असे आवाहन जिल्हा पोलीस अधीक्षक सौरभ अग्रवाल यांनी केले आहे. दिनांक 7 सप्टेंबर 2024 रोजी पासुन राज्यात गणेशोत्सवास सुरवात होणार आहे. गणेशोत्सवाकरीता मुंबई, पुणे तसेच इतर जिल्हे व राज्यामधून चाकरमानी कुटुंबासह आपल्या मुळ गावी रेल्वे, बसेस व खाजगी वाहनाने मोठ्या संख्येने येतात. त्यावेळे ये-जा करणाऱ्या चाकरमानी प्रवाशांना प्रवासात कोठेही गैरसोय होऊ नये, वाहतूक कोंडी होऊ नये, प्रवास सुरळीत व सुरक्षित व्हावा यासाठी दरवर्षी शासन व जिल्हा पोलीस दलाचे वतीने जिल्ह्यातील राष्ट्रीय, राज्य मार्गावर आवश्यकतेनुसार फिक्स पॉईट, पेट्रोलिंग नेमून वाहतुकीचे नियोजन करण्यात येते. सन 2024 चा गणेशोत्सव शांततेत व सुरळीत पार पडावा, प्रवाशांना/ चाकरमान्यांना वाहतुकीचा कोणताही त्रास होऊ नये, प्रवास वेळेत व सुरक्षित व्हावा याकरीता महाराष्ट्र शासनाकडून कोकणवासीयांच्या सोयीसाठी पनवेल ते इन्सुली (सिंधुदुर्ग) राष्ट्रीय महामार्ग क्र.66 (रा.म.क्र. जुना क्र...

सिंधुदुर्गनगरी, दि.4 (जि.मा.का.): गणेश उत्सवच्या अनुषंगाने राज्य उत्पादन शुल्क विभागाकडून सीमा तपासणी नाका इन्सुली कार्यालयाची अवैध मद्य वाहतूकीवर मोठी कारवाई करण्यात आली असल्याची माहिती राज्य उत्पादन शुल्क निरीक्षक यांनी दिली आहे. निरीक्षक, राज्य उत्पादन शुल्क, सीमा तपासणी नाका इन्सुली पथकाने मिळालेल्या माहितीनुसार गोवा-मुंबई राष्ट्रीय महामार्ग क्र.66 वर, सीमा तपासणी नाका इन्सुली, कार्यालयासमोर, संशयित वाहनांची तपासणी करीत असताना 4 सप्टेंबर रोजी पहाटे 06.15 वाजेच्या सुमारास गोवा राज्यातून मुंबईच्या दिशेने जाणारे अशोक लेलँड सहाचाकी वाहन क्र. DD-01-F-9083 ची तपासणी केली असता वाहनामध्ये गोवा बनावटीचे विदेशी मद्याचे रॉयल ब्ल्यू माल्ट व्हिस्कीचे एकुण 700 बॉक्स मिळून आले. या प्रकरणी वाहन चालक कुंदन, वय 26 वर्षे, रा. धार, मध्यप्रदेश व टोनी मोरोइएस वय 48 वर्षे, रा. मडगाव, गोवा यांना ताब्यात घेण्यात आले व त्यांच्यावर महाराष्ट्र दारुबंदी कायदा 1949 अंतर्गत विविध कलमानुसार गुन्हा नोंद करण्यात आला. या गुन्ह्यामध्ये मद्यसाठ्याची किंमत रु.33,66,000/- व वाहनाची अं. किं. रु. 17,00,000/- व ए...

सिंधुदुर्गनगरी, दि.2.(जि.मा.का.): गणेशोत्सवात विविध ठिकाणांहून गणेशभक्त आपल्या जिल्ह्यात येतात. या दरम्यान भक्तांची गैरसोय न होऊ देता त्यांना सुविधा देणे प्रशासनाचे काम आहे. कायदा व सुव्यवस्थेला बाधा न येता सर्वांच्या समन्वयातून व सहकार्याने आगामी गणेशोत्सव उत्साहात व शांततेत साजरा करुया, असे आवाहन जिल्हाधिकारी किशोर तावडे यांनी केले. जिल्हाधिकारी कार्यालयात गणेशोत्‍सव पुर्व तयारीच्या अनुषंगाने बैठक पार पडली . यावेळी मुख्य कार्यकारी अधिकारी मकरंद देशमुख, पोलिस अधिक्षक सौरभ कुमार अग्रवाल, निवासी उपजिल्हाधिकारी मच्छिंद्र सुकटे, जिल्ह्यातील सर्व उपविभागीय अधिकारी, तहसिलदार तसेच विभागप्रमुख उपस्थित होते. जिल्हाधिकारी म्हणाले की, आपल्या जिल्ह्याला सण, उत्सव शांततेत व उत्साहात साजरे करण्याची परंपरा आहे. हा नावलौकीक कायम राखण्यासाठी आपण सर्व प्रयत्न करुया. गणेशोत्सवा दरम्यान नागरिकांना कुठलीही अडचण येवू नये तसेच त्यांच्या अडचणीचे तातडीने निवारण होण्यासाठी सर्व यंत्रणांनी समन्वायाने काम करावे. रस्‍त्‍यावरील खड्डे डांबर मिश्रीत खडीने बुजविण्‍यात यावे. माती टाकून खड...

सिंधुदुर्गनगरी, दि.2.(जि.मा.का.): जिल्ह्यातील सर्व कुटुंब स्तरावर वैयक्तिक शौचालय, सांडपाणी व्यवस्थापन करीता शोषखड्डा / परसबाग / पाझरखड्डा, घनकचरा व्यवस्थापन करीता कंपोस्ट खत्त खड्डा अथवा घरगुती खत खड्डा आणि कुटुंबस्तरावर कचराकुंडी या बाबींची प्रभावीपणे अंमलबजावणी होवून स्वच्छतेची सवय अंगीकृत करण्यासाठी लोकचळवळ उभी करण्याच्या उद्देशाने जिल्ह्यातील सर्व ग्रामपंचायत कार्यक्षेत्रात दिनांक 1 सप्टेंबर ते 2 ऑक्टोबर 2024 कालावधीत "स्वच्छ माझे अंगण अभियान" राबविण्यात येणार आहे. यामध्ये जिल्ह्यातील सर्व कुटुंबांनी सहभाग घ्यावा, असे आवाहन जिल्हा परिषदेचे मुख्य कार्यकारी अधिकारी मकरंद देशमुख यांनी केले आहे. स्वच्छ भारत मिशन (ग्रा) टप्पा 2 अंतर्गत वैयक्तिक शौचालय, घनकचरा व्यवस्थापन (कुटुंबस्तर), सांडपाणी व्यवस्थापन (कुटुंबस्तर) राबवत नित्य नियमाने स्वच्छतेच्या बाबींची सवय अंगिकृत केली आहे. अशा कुटुंबाना प्रोत्साहन देणे आणि त्यांचे अनुकरण करण्याकरिता इतर ग्रामस्थांना, कुटुंबधारकांना त्यांच्या प्रमाणेच वैयक्तिक स्वरुपांच्या स्वच्छतेच्या सुविधा आपल्या घरात किंवा परिसरात उपलब्ध करून घे...

सिंधुदुर्गनगरी, दि.2.(जि.मा.का.): जिल्ह्यातील सर्व प्राथमिक आरोग्य केंद्र व उपकेंद्राअंतर्गत 3 सप्टेंबर पासून 18 वर्षावरील बीसीजी लसिकरण मोहिम राबविण्यात येत आहे. या सव्हेक्षणादरम्यान लस घेण्यास इच्छुक असलेल्या 60 हजार 942 जणांना बीसीजी लस दिली जाणार आहे. या मोहिमेअंतर्गत 60 वर्षाच्यावरील सर्व प्रौढांना व 18 वर्षा पेक्षा जास्त वय असलेल्या व निकष पुर्ण करणाऱ्या व्यक्तींना बीसीजी लसिकरण देण्यात येणार असल्याची माहिती जिल्हा आरोग्य अधिकारी डॉ. सई धुरी यांनी दिली आहे. मागील पाच वर्षातील क्षयरुग्ण (2019 ते 2023), क्षयरुग्णांच्या परिवारातील सदस्य (मागच्या 3 वर्षातील), बॉडी मास इंडेक्स 18 पेक्षा कमी असलेले व्यक्ती, धुम्रपान करणारे व्यक्ती, मधुमेह असणारे व्यक्ती, 60 वर्षाहून अधिक वय, वरील जोखीम गटामध्ये क्षयरोग होण्याची शक्यता जास्त असल्याने त्यांना प्राधान्याने बीसीजी लसिकरण करण्यावर भर देण्यात आलेला आहे. सन 1978 पासून भारतातील सर्व नवजात बालकांना बीसीजी जस दिली जात आहे आणि लस क्षयरोगाचे गंभीर प्रकार टाळण्याठी लहान मुलाचे क्षयरोगामुळे होणारे मृत्यू टाळण्यासाठी सु...