जिल्ह्यात 5 लाख 8 हजार 140 जणांनी घेतला पहिला डोस

सिंधुदुर्गनगरी, दि. 14 (जि.मा.का.): जिल्ह्यात वाढत्या कोरोना संसर्गामुळे प्रशासनाने लसीकरणावर भर दिला आहे. जिल्ह्यात आतापर्यंत एकूण 5 लाख 8 हजार 140 नागरिकांनी पहिला डोस घेतला आहे. यामध्ये एकूण 9 हजार 835 हेल्थ वर्करनी पहिला डोस तर 8 हजार 61 जणांनी दुसरा डोस घेतला. 9 हजार 917 फ्रंटलाईन वर्करनी पहिला डोस तर 8 हजार 712 जणांनी दुसरा डोस घेतला आहे. तसेच 60 वर्षावरील 1 लाख 25 हजार 821 व्यक्तींनी पहिला डोस तर 81 हजार 80 व्यक्तींनी दुसरा डोस घेतला आहे. 45 वर्षावरील 1 लाख 48 हजार 400 नागरिकांनी पहिला डोस तर 90 हजार 347 नागरिकांनी दुसरा डोस घेतला आहे. 18 ते 44 वर्षे वयोगटातील 2 लाख 14 हजार 167 जणांनी पहिला डोस तर 77 हजार 887 व्यक्तींनी दुसरा डोस घेतला आहे. असे एकूण 7 लाख 74 हजार 227 नागरिकांचे लसीकरण झाले आहे. जिल्ह्याला आजपर्यंत एकूण 7 लाख 98 हजार 180 लसी प्राप्त झाल्या असून त्यामध्ये 6 लाख 14 हजार 180 लसी या कोविशिल्डच्या तर 1 लाख 84 हजार लसी या कोवॅक्सिनच्या आहेत. तर 6 लाख 232 कोविशिल्ड आणि 1 लाख 73 हजार 995 कोवॅक्सिन असे मिळून 7 लाख 74 हजार 227 डोस देण्यात आले आहेत. सध्या जिल्ह्यातील विविध लसीकरण केंद्रांवर एकूण 69 हजार 120 लसी उपलब्ध असून त्यापैकी 54 हजार 30 कोविशिल्डच्या आणि 15 हजार 90 कोवॅक्सिनच्या लसी आहेत. जिल्ह्यात सध्या 4 हजार 100 लसी शिल्लक असून त्यापैकी 4 हजार 50 कोविशिल्ड आणि 50 कोवॅक्सीनच्या लसी शिल्लक आहेत. 0000