रोजगार मेळाव्याचे सावंतवाडीत आयोजन

सिंधुदुर्गनगरी दिनांक १२ (जिमाका) :- जिल्हा कौशल्य विकास, रोजगार व उद्योजकता मार्गदर्शन केंद्र, सिंधुदुर्ग, तसेच मूलभूत प्रशिक्षण तथा अनुषंगिक सूचना केंद्र, सावंतवाडी यांच्या संयुक्त विद्यमाने जिल्ह्यातील आयटीआय प्रशिक्षित बेरोजगार युवक युवतींना रोजगाराच्या संधी उपलब्ध करुन देण्यासाठी सोमवार दिनांक १६ फेब्रुवारी, २०२६ रोजी सकाळी १० वाजता शासकीय औद्योगिक प्रशिक्षण संस्था सावंतवाडी येथे अप्रेंटिसशिप रोजगार मेळाव्याचे आयोजन करण्यात आला आहे. जिल्ह्यातील उद्योजकांनी www.rojgar.mahaswayam.gov.in पोर्टलवर पंडित दीनदयाळ उपाध्याय रोजगार मेळाव्यामध्ये Sindhudurg Apprenticeship job Fair ४ मध्ये आपली अप्रेंटिसशिप ची रिक्तपदे अधिसूचित करावीत. तसेच नोकरी साधक (job Seeker) उमेवारांनी पोर्टलवर स्वत:च्या लॉगीन आयडीने शैक्षणिक पात्रतेनुसार संबंधित अप्रेंटिसशिप पदासाठी ऑनलाईन पध्दतीने अर्ज करावे, जिल्ह्यातील तसेच जिल्ह्याबाहेरील नामांकित कंपनी, उद्योजक या रोजगार मेळाव्यात सहभागी होणार आहेत. या कंपन्यामध्ये Diesel Mechanic,Motor Mechanic, pump Mechanic,Ictsm,Copa,Carpenter व इतर अनेक अप्रेंटिसशिप रिक्तपदे उपलब्ध आहेत. तरी जिल्ह्यातील जास्तीत जास्त आयटीआय प्रशिक्षित उमेदवारांनी १६ फेब्रुवारी २०२६ रोजी आपल्या शैक्षणिक कागदपत्रांसह मुलाखतीसाठी शासकीय औद्योगिक प्रशिक्षण संस्था सावंतवाडी येथे हजर रहावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहायक आयुक्त भैयाजी येरमे यांनी केले आहे. अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्राचे ०२३६२ २२८८३५ किंवा ०२३६३ २७५२५३, ईमेल आयडी sindhudurgrojgar@gmail.com, btri17@yahoo.com या वर संपर्क साधावा. ०००००००