तिमाही ई आर 1 विवरणपत्र 31 जुलै पर्यंत ऑनलाईन सादर करावे - प्र.सहायक आयुक्त ग.प्र.बिटोडे

सिंधुदुर्गनगरी, दि. 4 (जि.मा.का.) : सेवायोजन कार्यालये (रिक्त पदे अधिसूचित करणे सक्तीचे) कायदा १९५९ अन्यये कलम ५ मधील तरतुदीनुसार शासकीय, निमशासकीय, खाजगी आस्थापनेत काम करीत असलेल्या कर्मचाऱ्यांच्या माहितीचे तिमाही विवरणपत्र ई आर -१ प्रत्येक तिमाही संपल्यावर ३० दिवसाचे आत सादर करणे आस्थापनेस बंधनकारक आहे. त्यासाठी कौशल्य विकास व उद्योजकता विभागाने विकसित केलेल्या https://rojgar.mahaswayam.gov.in या वेबसाईटवर दि. 31 जुलै पर्यंत ऑनलाईन पध्दतीने भरावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे प्र.सहायक आयुक्त ग.प्र.बिटोडे यांनी केले आहे. ज्या उद्योजक, आस्थापना यांना ऑनलाईन व्दारे विवरणपत्र भरण्यास अडचणी येत असतील अशांनी या कार्यालयाचा दूरध्वनी क्र. ०२३६२-२२८८३५ वर संपर्क साधावा, असे आवाहनही जिल्हा कौशल्य विकास, रोजगार व उद्योजकता मार्गदर्शन केंद्राचे प्र. सहायक आयुक्त श्री. बिटोडे यांनी केले आहे. 00000