समाज कल्याण कार्यालयाच्या जिल्हा दक्षता व नियंत्रण समितीची बैठक संपन्न

सिंधुदुर्गनगरी, दि. 29 (जि.मा.का.) – सहाय्यक आयुक्त समाज कल्याण, सिंधुदुर्ग या कार्यालयाकडून जिल्हा दक्षता व नियंत्रण समितीची बैठक दि. 27 सप्टेंबर 2021 रोजी रविंद्र मठपती, उपजिल्हाधिकारी, सामान्य प्रशासन शाखा यांच्या अध्यक्षतेखाली संपन्न झाली. या बैठकीत ॲट्रोसिटी कायद्यांतर्गत घडलेल्या गुन्ह्यांचा आढावा घेण्यात आला. 1एप्रिल 1991 ते 31 ऑगस्ट 2021 या कालावधीत एकूण 181 गुन्हे घडले असून त्यापैकी पोलीस तपासावर 2, शाबीत गुन्हे -5, निर्दोष सुटलेले 125, काढून टाकलेले 1, न्यायालयात प्रलंबित 31, अ फायनल 4, ब फायनल 8, क फायनल 2, एन.सी. फायनल 3 असे गुन्ह्यांचे वर्गीकरण तसेच देय अर्थसहाय्याबाबतची माहिती दीपक घाटे, सचिव तथा सहाय्यक आयुक्त, समाज कल्याणस सिंधुदुर्ग यांनी दिली. या बैठकीस पोलीस उपअधिक्षक संध्या गावडे, नाहसं पथक पोलीस निरीक्षक श्री.एस.डौर, शिक्षणाधिकारी दत्ता गायकवाड, जिल्हा समाज कल्याण अधिकारी शाम चव्हाण, तसेच अशासकीय सदस्य सर्वश्री अनिल जाधव, राजू राठोड, राजाराम जाधव, सोमनाथ टोमके, गुणाजी दळवी आदी उपस्थित होते. 00000