क्रीडा नैपुण्य चाचण्यांचे 4 ऑक्टोबर रोजी आयोजन

सिंधुदुर्गनगरी, दि. 29 (जि.मा.का.) – आंतरराष्ट्रीय व ऑलिम्पिक दर्जाचे खेळाडू घडविण्यासाठी राज्यातील प्रतिभावान खेळाडूंची निवड करून त्यांना शास्त्रोक्त प्रशिक्षण, संतुलित आहार व अद्यावत क्रीडा सुविधा पूरवून त्यासाठी सुसंघटीत प्रयत्न करणे आवश्यक आहे. त्याअनुषंगाने क्रीडा व युवक सेवा संचालनालय व आर्मी स्पोर्ट्स इन्स्टीट्यूट यांच्या संयुक्त विद्यमाने बॉईज स्पोर्ट्स कंपनी, पुणे येथील प्रवेशासाठी क्रीडा नैपुण्य चाचण्यांचे दि. 4 ऑक्टोबर 2021 रोजी सकाळी 9 वा. जिल्हा क्रीडा संकुल सिंधुदुर्ग येथे आयोजन करण्यात आले आहे. या चाचण्या या 8 ते 14 वर्षाखालील मुलांसाठी आहेत, असे जिल्हा क्रीडा अधिकारी विजय शिंदे हे कळवितात. 00000