कोविड काळात बहिण भावांचे नाते जपण्यात पोस्ट कर्मचाऱ्यांचे मोलाचे योगदान
सिंधुदुर्गनगरी, दि. 24 (जि.मा.का.) - रक्षाबंधन म्हणजे बहिण भावाच्या अतुट नात्याचा एक महत्वाचा सण यंदाच्या वर्षी या सणावर कोरोनाचे सावट होते. कोरोनामूळे अनेक बहिण भावाची भेट अशक्य होती. पण टपाल खात्यातील अधिकारी व कर्मचारी यांनी योग्य नियोजन व सुट्टीच्या दिवसात हे काम करुन बहिणीच्या प्रेमाचा धागा असणारी राखी त्यांच्या भावांपर्यंत पोहच केल्याचे मोलाचे कार्य केले.
इतर शहरात राहणारी बहिण किंवा भाऊ कोरोनाच्या काळात त्यांची एक मेकांशी भेट घेणे कठीण होते. काही ठिकाणी तर हे बहिण किंवा भाऊ प्रतिबंधीत क्षेत्रात तसेच सील केलेल्या इमारतींमध्ये राहत होते. पण पोस्टाने राखी टपालांचे संकलन,प्रसार व स्पीड पोस्ट राखी वितरणामुळे या कठीण काळातही बहिण भावाला या सणाचा आनंद त्यांच्या मनाला व्दिगुणित झाला.
रक्षाबंधनाच्या दिवशी सर्व राख्या भाऊरायांकडे पोहच करुन त्यांच्या आनंद व्दिगुणित केल्याबद्दल सिंधुदुर्गचे डाकघर अधीक्षक यांनी सर्व टपाल कर्मचाऱ्यांचे अभिनंदन केले .
0000
Comments
Post a Comment