सेवा संकल्प अभियानात कणकवलीत नागरिकांना महसूल सेवा

सिंधुदुर्ग, दि. २१ (जिमाका) : सेवा संकल्प अभियानांतर्गत तहसील कार्यालय, कणकवली येथे दि. १७ सप्टेंबर २०२६ रोजी नागरिकांसाठी विशेष शिबिराचे आयोजन करण्यात आले होते. या शिबिरात उपस्थित नागरिकांना महसूल विभागामार्फत विविध दाखले व सेवांचा लाभ देण्यात आला. शिबिरामध्ये नागरिकांना शिधापत्रिका, ७/१२ उतारे, उत्पन्न दाखले, वय व अधिवास दाखले, नॉन क्रिमीलेयर दाखले आणि जात दाखले आदी सेवांचा लाभ देण्यात आला. तसेच नवीन नाव नोंदणीसाठी आवश्यक असलेल्या अर्जांचे वाटप करण्यात आले. शिबिरामध्ये शिधापत्रिकेसाठी ५, ७/१२ उताऱ्यांसाठी ५, उत्पन्न दाखल्यासाठी ५, वय व अधिवास दाखल्यासाठी ४, नॉन क्रिमीलेयर दाखल्यासाठी ३ आणि जात दाखल्यासाठी ५ नागरिकांना सेवा देण्यात आली. याशिवाय नागरिकांना ५ नवीन नाव नोंदणी फॉर्मचे वाटप करण्यात आले.