विनानुदानित तत्त्वावर नोंदणी प्रमाणपत्र प्रस्तावाबाबत आवाहन

सिंधुदुर्गनगरी, दि.29 (जि.मा.का): बाल न्याय (मुलांची काळजी व संरक्षण) अधिनियम 2015 आणि महाराष्ट्र राज्य बाल न्याय (मुलांची काळजी व संरक्षण) नियम 2018 मधील तरतुदीनुसार, महिला व बाल विकास क्षेत्रात कार्य करणाऱ्या स्वयंसेवी संस्थांचे विशेष दत्तक संस्था (specialsed Adoption Agency) या योजनेकरिता सिंधुदुर्ग, नंदुरबार हिंगोली, जालना व यवतमाळ या पाच जिल्ह्यांसाठी विनानुदानित तत्त्वावर नोंदणी प्रमाणपत्र प्रस्ताव मागविण्यात येत आहेत. ही जाहिरात आयुक्त, महिला व बाल विकास महाराष्ट्र राज्य पुणे यांचे मार्फत https:// www.wodcommpune.com या संकेतस्थळावर दि. 17 जुलै 2024 रोजी प्रसिध्द करण्यात आलेली आहे. तरी इच्छुक संस्थांनी जिल्हा महिला व बाल विकास अधिकारी, सिंधुदुर्ग यांचे कार्यालयात जाहिरात संकेतस्थळावर प्रसिध्द झालेपासून 15 दिवसांचे आत प्रस्ताव सादर करावेत. या प्रस्तावाच्या अर्ज, अटी / शर्ती विषयी अधिक माहिती www.maharashtra.gov.in व https://www.wedcommpune.com या संकेतस्थळावर उपलब्ध करून देण्यात आलेली आहे. तसेच अधिक माहितीसाठी या कार्यालयाच्या 02362 228869 या दूरध्वनी क्रमांकावर संपर्क साधावा, असे आवाहन जिल्हा महिला व बाल विकास अधिकारी सोमनाथ रसाळ यांनी केले आहे. ०००००