राजीव गांधी विद्यार्थी अपघात सानुग्रह अनुदान योजना

सिंधुदुर्गनगरी, दि.21 (जि.मा.का.) :- राज्यातील इयत्ता 1 ली. ते 12 वीमध्ये शिकत असणाऱ्या सर्व विद्यार्थ्यांना अपघातामुळे पोहोचलेल्या क्षतींची काही प्रमाणात नुकसान भरपाई देण्याच्या उद्दिष्टीने तसेच त्यांना सुरक्षा कवच देण्याच्या दृष्टीने राजीव गांधी विद्यार्थी अपघात सानुग्रह अनुदान योजना शासन निर्णयानुसार शिक्षणाधिकारी (योजना) कार्यालयामार्फत राबविण्यात येत असल्याची माहिती शिक्षणाधिकारी (योजना) निलिमा नाईक यांनी दिली आहे. सन 2024-2025 मध्ये मृत्यु झालेल्या 7 विद्यार्थ्यांच्या मातांना प्रत्येकी रक्कम रुपये 1 लाख 50 हजार प्रमाणे रक्कम रूपये 10 लाख 50 हजार व अपघातामुळे शस्त्रक्रिया करण्यात आलेल्या 4 विद्यार्थ्यांना त्यांच्या प्रत्यक्ष शस्त्रक्रियेच्या खर्चाप्रमाणे रक्कम रूपये 1 लाख 39 हजार 636 अशी एकूण रक्कम रूपये 11 लाख 89 हजार 636 एवढी रक्कम राजीव गांधी विद्यार्थी अपघात सानुग्रह अनुदान योजनेच्या माध्यमातून संबंधितांच्या खात्यावर वर्ग करण्यात आली आहे. 00000