शालेय शिक्षण अभ्यासक्रम (प्रस्तावित) मसुदा 2025 अभिप्राय नोंदविण्याचे आवाहन

सिंधुदुर्गनगरी दिनांक 30 (जिमाका) :- राष्ट्रीय शिक्षण धोरण 2020 नुसार इ.3 री ते 10 वी (वयोगट 08 ते 14 वर्षे)साठी शालेय शिक्षण अभ्यासक्रम (प्रस्तावित) मसुदा-2025 राज्य शैक्षणिक संशोधन व प्रशिक्षण परिषद महाराष्ट्र, पुणे मार्फत तयार करण्यात आला आहे. या मसुद्यावर जनेतेच्या सूचना व अभिप्राय मागविण्यात येत असल्याची माहिती जिल्हा शिक्षण व प्रशिक्षण संस्थाचे प्राचार्य आर.व्ही कांबळे यांनी दिली आहे. या मसुदा परिषदेच्या https://www.maa.ac.in या संकेतस्थळावर दि. 28 जुलै पासून सर्वांना पाहण्यासाठी उपलब्ध करण्यात येत आहे. या शालेय शिक्षण अभ्यासक्रम (प्रस्तावित) मसुदा 2025 बाबत आपले अभिप्राय दि. 27 ऑगस्ट 2025 पर्यंत https://forms.gle/2rgGA37iYKfJUYKS6 लिंकमध्ये ऑनलाईन नोंदविण्यात यावे, असे आवाहन सर्व शिक्षण तज्ज्ञ, शिक्षक, अभ्यासक, पालक, अधिकारी, संघटना व समस्त समाज घटकांना करण्यात येत आहे. अभिप्राय नोंदविताना अभिप्राय व सूचना सप्रमाण व सकारण असाव्यात ज्यामध्ये विषय, इयत्ता, स्तर, संबंधित पृष्ठ क्रमांक, मूळ मसूद्यातील मजकूर, अपेक्षित बदल, दुरुस्ती, बदलाचे कारण, सुधारित मजकूर कसा असावा, यांचा समावेश आसावा तसेच त्यामध्ये आलपे नाव, दूरध्वनी, ई-मेल, पत्ता इत्यादी तपशील देण्यात यावा, अशी विनंती. अभिप्राय पोस्टाने पाठवायाचे असल्यास त्यावर शालेय शिक्षण अभ्यासक्रम (प्रस्तावित),मसुदा -2025 बाबत अभिप्राय (अभ्यासक्रम विकसन विभागासाठी) असे ठळक अक्षरात लिहून पाठवावेत. ०००००