मालवण नगरपरिषद महोत्सव ‘जल्लोष २०२२’ १३ ते १५ मे वाळू शिल्पकृती, मालवणी खाद्य पदार्थ, दशावतार, खेळ पैठणीचा, गीतगायनचा समावेश

सिंधुदुर्गनगरी, दि.5(जि.मा.का): मालवण नगरपरिषदेच्यावतीने १३ ते १५ मे पर्यटन महोत्सव जल्लोष २०२२ हा दांडी समुद्र किनारी साजरा करण्यात येत आहे. हे तीन दिवस पर्यटनाचे प्रमुख दिवस असले तरी ९ मे पासूनच विविध स्पर्धांना सुरुवात होत आहे. नागरिकांनी तसेच पर्यटकांनी या पर्यटन महोत्सवाचा लाभ घ्यावा, असे आवाहन प्रशासक तथा मुख्याधिकारी संतोष जिरगे यांनी केले आहे. ९ मे रोजी रांगोळी स्पर्धा, १० मे रोजी रिक्क्षा सजावट तसेच सायंकाळी ४ वाजता पर्यटन दिंडी, फॅन्सी ड्रेस होणार आहे. ११ मे रोजी सकाळी ७ वाजता बिज रन, सकाळी ८ वाजता सागरी जलतरण पर्यटन फोटोग्राफी स्पर्धा. १२ मे रोजी सकाळी ७ वाजता नौकानयन रॅली, संध्याकाळी ५ वाजता पतंगोत्सव आणि रॉक गार्डन येथे सायंकाळी ४ ते ७ वाजता लहान मुलांसाठी किलबिल हा विशेष कार्यक्रम होणार आहे. शुक्रवार १३ मे रोजी सकाळी ७ वाजता वाळू शिल्प कलाकृती सायंकाळी ४ ते ५ स्थानिक मालवणी खाद्य पदार्थांची पाककला स्पर्धा. ५ ते ५.३० वाजता स्थानिक कलाकारांचे गायन, ५.३० ते ६ उद्घाटन समारंभ ६.३० ते रात्री १० गायन व नृत्य स्पर्धा व स्थानिक दशावतार : महिला व पुरुष. शनिवार १४ मे रोजी सायंकाळी ४ ते ६ खेळ पैठणीचा संध्‍याकाळी ७ ते रात्री १० मालवण सुंदरी स्‍पर्धा, आमदारश्री शरीरसौष्‍ठव स्‍पर्धा. रविवार १५ मे रोजी सायंकाळी ५ ते ६ स्‍थानिक कलाकारांचे गीतगायन ६ ते ७ बक्षिस वितरण व सांगता समारंभ. ७ ते १० जल्‍लोष सिनेकलावंतांचा मनोरंजनात्‍मक कार्यक्रम. या पर्यटन महोत्सवा दरम्यान पर्यटकांना जलसफारी व वॉटरस्पोर्टचा मनमुराद आनंद सवलतीच्या दरात नगरपालिका, महाराष्ट्र मेरिटाईम बोर्ड आणि जलक्रीडा व्यवसांयीकाच्या मदतीने घेता येईल. महोत्सवाच्या ठिकाणी स्थानिक खाद्य पदार्थांचे स्टॉल उभारण्यासाठी ९४२२४३५०९५ यावर संपर्क करावा. ०००००