व्यवसायकर 31 मार्च पूर्वी भरण्याचे आवाहन

सिंधुदुर्गनगरी दि.11 (जि.मा.का): महारष्ट्र राज्य व्यवसायकर कायदा 1975 नुसार नावनोंदणीकृत, नोंदणीकृत असलेल्या व्यक्ती व मालकासाठी व्यवसायकर विभागाव्दारे नोंदित व्यवसायकर दात्यांसाठी विलंब शुल्क माफी योजना आणली असून ज्या आस्थापनांची माहे डिसेंबर 2021 पर्यंतची व्यवसायकराची विविरणपत्रके प्रलंबित आहेत. अशी सर्व विवरणपत्रे विलंब शुल्क न भरता केवळ कर व व्याज भरुन 31 मार्च 2022 पर्यंत भरुन विलंब शुल्क माफीचा लाभ घ्यावा, असे अवाहन कोल्हापूर क्षेत्राचे राज्यकर सहआयुक्त(व्‍यवसायकर) समरजीत आ. थोरात यांनी केले आहे. तसेच विहित मुदतीत करभरणा व विवरणपत्र सादर न केल्यास सदर कायद्यानुसार कर, व्याज,शास्ती किंवा शुल्क यांसह रक्कम वसुल करण्याची कारवाई करण्यात येईल याची सर्व नावनोंदित व नोंदणीकृत व्यक्ती व मालकानी नोंद घ्यावी. त्याच बरोबर अनोंदित व्यक्ती व मालक यांनी व्यवसायकर कायद्यांतर्गत नोंदित होऊन करभरणा करावा व राष्ट्र उभारणी कार्यास सहकार्य करावे. जिल्ह्यातील सर्व व्यवसायकर दात्यांनी या योजनेचा लाभ घेऊन व्यवसाय कर भरताना काही अडचणी आल्यास जवळच्या व्यवसाय कर कार्यालयास भेट द्यावी, अथवा pttechnicalissue@gmail.com या मेल आयडीवर ई-मेल करावीत. 00000