शामराव पेजे महामंडळ एकरकमी परतावा योजनेत व्याज रकमेवर 50 टक्के सवलत

सिंधुदुर्गनगरी, दि. 15 (जि.मा.का.) - इतर मागासावर्गीय आर्थिक विकास महामंडळ व शामराव पेजे कोकण इतर मागास महामंडळ (ओबीसी महामंडळ) कर्जाच्या परतफेडीचा कालावधी संपलेल्या लाभार्थींसाठी एकरकमी परतावा योजना राबविण्यात येत आहे. या योजनेनुसार थकीत कर्जाची एकरकमी परतफेड केल्यास थकीत व्याज रकमेवर 50 टक्के सवलत देण्यात येईल. अशी माहिती जिल्हा व्यवस्थापक प्रिती पटेल यांनी दिली. सदर ची योजना ठराविक कालावधीसाठी आहे. खाते बंद केल्यानंतर महामंडळाच्या नवीन 10 लाख रुपये व्याज परताना योजनेंतर्गत लाभ घेता येईल. तरी संबंधितांनी योजनेचा लाभ घेऊ थकीत कर्जाची परतफेड करावी व कर्ज खाते बंद करावे असे आवाहन जिल्हा व्यवस्थापक प्रिती पटेल यांनी केले आहे. अधिक माहितीसाठी जिल्हा कार्यालय, दूरध्वनी क्र. 02362-228119,8668898950 या दूरध्वनी क्रमांकावर संपर्क साधावा. 00000