पूर्व उच्च प्राथमिक आणि पूर्व माध्यमिक शिष्यवृत्ती परीक्षा 12 फेब्रुवारी 2023 मध्ये

सिंधुदुर्गनगरी, दि.28 (जि.मा.का.) : पूर्व उच्च प्राथमिक शिष्यवृत्ती परीक्षा, विमुक्त जाती वभटक्या जमाती विद्ययानिकेतन प्रवेश परीक्षा, आदिवासी विद्यानिकेतन प्रवेश परीक्षा, शासकीय विद्यानिकेतन प्रवेश परीक्षा इयत्ता 5वी आणि पूर्व माध्यमिक शिष्यवृत्ती परीक्षा इयत्ता 8 वी च्या शिष्यवृत्ती परीक्षा राज्यातील सर्व जिल्ह्यांमध्ये दिनांक 12 फेब्रुवारी 2023 मध्ये घेण्यात येणार असल्याची, माहिती प्राथमिक शिक्षणाधिकारी डॉ.मुश्ताक शेख यांनी दिली आहे. सन 2022-23 या शैक्षणिक वर्षात इयत्ता 5वी मध्ये प्रवेश घेतलेल्या विद्यार्थ्यांमधील पूर्व उच्च प्राथमिक शिष्यवृत्ती परीक्षा, विमुक्त जाती व भटक्या जमाती विद्यानिकेतन प्रवेश परीक्षा, आदिवासी विद्यानिकेतन प्रवेश परीक्षा व शासकीय विद्यानिकेतन प्रवेश परीक्षेमध्ये प्रविष्ठ होण्यासाठी तसेच इयत्ता 8 वी मध्ये प्रेवश घेतलेल्या विद्यार्थ्यांमधील पूर्व माध्यमिक शिष्यवृत्ती परीक्षेस प्रविष्ठ होण्यासाठी अधिसूचनेत नमूद केलेल्या अटी पूर्ण करणाऱ्या व या परीक्षेस प्रविष्ठ होण्यास इच्छूक असणाऱ्या विद्यार्थ्यांची ऑनलाईन आवेदनपत्र परिषदेच्या www.mscepune.in व https://www.mscepuppss.in या संकेतस्थळावर उपलब्ध करुन देण्यात येत आहेत. 0000