जिल्हास्तरीय शालेय धनुर्विद्या स्पर्धाचे 21 नोव्हेंबरला आयोजन

सिंधुदुर्गनगरी, दि. 18 (जि.मा.का.) : क्रीडा व युवक सेवा संचालनालय महाराष्ट्र राज्य पुणे अतंर्गत जिल्हा क्रीडा अधिकारी कार्यालयाच्या वतीने विविध खेळांच्या शालेय क्रीडा स्पर्धांचे आयोजन सन 2022-23 मध्ये करण्यात येत आहे. जिल्हास्तरीय शालेय धनुर्विद्या (आर्चरी) स्पर्धाचे आयोजन दि. 21 नोव्हेंबर 2022 रोजी सकाळी 9 वाजता जिल्हा क्रीडा संकुल सिंधुदुर्गनगरी येथे करण्याचे निश्चित करण्यात आले होते. तथापि काही तांत्रिक कारणास्तव स्पर्धेचे ठिकाण बदलण्यात येत असून सदर स्पर्धा दि. 21 नोव्हेंबर 2022 रोजी मराठा मंडळ मैदान, कणकवली जि. सिंधुदुर्ग येथे येणार आहे. इच्छूक शाळा व महाविद्यालयांनी आपल्या खेळाडूंना उपरोक्त दिवशी स्पर्धा स्थळी उपस्थित रहाण्याबाबत सूचित करावे,अशी माहिती जिल्हा क्रीडा अधिकारी विद्या शिरस यांनी दिली आहे. 0000