'विकसित भारत संकल्प यात्रा' योजनांची माहिती देणारा चित्ररथ असणार येथे

सिंधुदुर्गनगरी, दि.15(जि.मा.का.): विकसित भारत संकल्प यात्रेच्या माध्यमातून केंद्र शासनाच्या विविध योजनांची प्रसिध्दी करण्यात येत आहे. संकल्प यात्रेच्या माध्यमातून योजनांची माहिती देणारा चित्ररथ 26 जानेवारी 2024 पर्यंत सर्व ग्रामपंचायतींना भेट देणार आहे. हा चित्ररथ शनिवार दि.16 डिसेंबर 2023 रोजी पुढील गावांत योजनांची माहिती देण्यासाठी फिरणार आहे. कुडाळ तालुक्यातील माणगाव आणि नानेली, सावंतवाडी तालुक्यातील सातोसे आणि कवठणी, कणकवली तालुक्यातील नाटळ आणि दिगवळे तर देवगड तालुक्यातील किंजवडे आणि आरे, दोडामार्ग तालुक्यातील कुंब्रल आणि कूडासे या गावांत योजनांची प्रसिध्दी करणार आहे. तरी लाभार्थ्यांनी याचा लाभ घ्यावा. ००००००