पोलीस पाटील पद आरक्षण सोडत सभा 18 ऐवजी 20 ऑक्टोबरला

सिंधुदुर्गनगरी, दि.18 (जि.मा.का): कणकवली महसूल उपविभागातील नागरीकांना कळविण्यात येते की, कणकवली उपविभागातील तहसिल कणकवली, देवगड व वैभववाडी या तालुक्यातील रिक्त असलेल्या पोलीस पाटील पदाकरीता कणकवली- 53 देवगड -45 व वैभववाडी -37 अशा एकूण - 135 पदांकरीता होणार आहे. मंजूर बिंदूनामावली प्रमाणे प्रचलित शासकीय तरतुदीनुसार आरक्षण निश्चिती संबंधित गावचे लोकसंख्येनुसार व चिठ्ठीद्वारे करावयाची असून त्याकरीता आरक्षण सोडत काढणे करीता दिनांक 18/10/2023 रोजी दुपारी 12.00 वाजता तहसिलदार कार्यालय, कणकवली याठिकाणी सभेचे आयोजन करणेत आलेले होते. तथापि, सदरची सभा रद्द करून दि. 20 ऑक्टोबर 2023 रोजी दुपारी 12.00 वाजता तहसिलदार कार्यालय, कणकवली याठिकाणी आयोजन करण्यात आलेले आहे. संबंधित गावातील इच्छुकांनी दिनांक 20 ऑक्टोबर 2023 रोजी दुपारी 12.00 वाजता तहसिलदार कार्यालय, कणकवली येथे उपस्थित राहावे, असे आवाहन उपविभागीय दंडाधिकारी तथा, पोलीस पाटील पद भरती प्रक्रीया समितीचे अध्यक्ष जगदीश कातकर यांनी केले आहे. ००००