जिल्ह्यातील नागरिकांनी 'महसूल सप्ताहाचा' लाभ घ्यावा

सिंधुदुर्गनगरी, दि.1 (जि.मा.का.) : जिल्ह्यातील महसूल विभागाकडून 1 ते 7 ऑगस्ट कालावधीत महसूल सप्ताह आयोजित करण्यात येणार आहे. या सप्ताहात युवा संवाद, एक हात मदतीचा, जनसंवाद, सैनिक हो तुमच्यासाठी, कार्यरत, सेवानिवृत्त अधिकारी व कर्मचाऱ्यांशी संवाद आदी उपक्रमांचे आयोजन करण्यात आले आहे. तरी जिल्ह्यातील सर्व नागरिकांनी या सप्ताहामध्ये राबविण्यात येणाऱ्या कार्यक्रमांतर्गत योजनाचा लाभ घ्यावा, असे आवाहन निवासी उपजिल्हाधिकारी मच्छिंद्र सुकटे यांनी केले आहे. बुधवार 2 ऑगस्ट रोजी "युवा संवाद हा उपक्रम तहसिलदार कार्यालय कुडाळ येथे सकाळी 10 ते 5 पर्यंत राबविण्यात येणार आहे. यामध्ये मतदार जनजागृती करणे व मतदार नोंदणी करीता कॅम्प आयोजित करण्यात येणार आहे. गुरुवार 3 ऑगस्ट रोजी एक हात मदतीचा हा उपक्रम तहसिलदार कार्यालय कुडाळ येथे सकाळी 10 ते 5 पर्यंत राबविण्यात येणार आहे. यामध्ये नैसर्गिक आपत्तीत अतिवृष्टी/ पूर यामुळे बाधीत झालेल्या नागरिकांना आपत्ती व्यवस्थापन अधिनियम 2005 मधील तरतूदीनुसार नुकसान भरपाई देणे. तसेच कातकरी उत्थान अभियान राबविण्यात येणार आहे. शुक्रवार 4 ऑगस्ट रोजी जनसंवाद हा उपक्रम तहसिलदार कार्यालय सावंतवाडी सकाळी 10 ते 5 पर्यंत राबविण्यात येणार आहे. यामध्ये सलोखा योजना पात्र लाभार्थी निवड करुन त्याअनुषंगिक कार्यवाही करणे व महसूल/ फेर फार अदालत घेणे तसेच मयत खातेदार यांच्या वारस तपासबाबत कार्यवाही करणे. शनिवार 5 ऑगस्ट रोजी सैनिक हो तुमच्यासाठी हा उपक्रम तहसिलदार कार्यालय सावंतवाडी सकाळी 10 ते 5 पर्यंत राबविण्यात येणार आहे. यामध्ये संरक्षण दलातून सेवानिवृत्त झालेल्या अधिकारी/ कर्मचारी यांचे घरासाठी / शेतीसाठी जमीन वाटपा संदर्भात कार्यवाही करणे तसेच महसूल विभागामार्फत देण्यात येणारे विविध दाखले, प्रमाणपत्र सैनिकांच्य कुटुंबीयांना वाटप करणे. रविवार 6 ऑगस्ट रोजी भगवती मंगल कार्यालय कणकवली येथे महसूल संवर्गातील कार्यरत, सेवानिवृत्त अधिकारी, कर्मचारी यांच्या विविध प्रलंबित सेवाविषयक बाबी निकाली काढणे व सेवापुस्तके अद्यावत करणे. सोमवार 7 ऑगस्ट रोजी भगवती मंगल कार्यालय कणकवली येथे महसूल सप्ताहामधील विविध उपक्रमांबाबतची फलनिष्पती व उल्लेखनिय कामकाजाची दखल घेवून सप्ताहाचा सांगता होईल. ००००