सावंतवाडी गोदामात प्राप्त डाळींचे वितरण

    सावंतवाडी गोदामात प्राप्त डाळींचे वितरण

सिंधुदुर्गनगरी (जि.मा.का.) दि. 24 : माहे एप्रिल ते जून- 2020 या महिन्यांकरीता पंतप्रधान गरीब कल्‍याण अन्‍न योजना (PMGKAY) अंतर्गत जिल्‍हयामध्ये मोफत तूरडाळ व चणाडाळीची दिनांक 30 एप्रिल 2020 रोजी मागणी करण्यात आली होती. याप्रमाणे तूरडाळ, चणाडाळ व एकूण मागणी  मे.टनात अनुक्रमे पुढीलप्रमाणे आहे. माहे एप्रिल तूरडाळ- 75, चणाडाळ- 111, एकूण 186 असे होते. माहे- मे मध्ये तूरडाळ-75, चणाडाळ- 111, एकूण- 186 असे होते. माहे जूनमध्ये तूरडाळ- 75, चणाडाळ- 111,  एकूण 168 इतके होते.  

            मागणी करण्यात आलेल्‍या डाळींपैकी प्राप्‍त झालेल्‍या डाळींचा तपशिल पुढीलप्रमाणे आहे. चणाडाळ-73.500 मे. टन व तूरडाळ- 115.000 मे. टन इतकी प्राप्त झाली आहे. माहे एप्रिल ते जून-2020 करीता मागणी करण्‍यात आलेल्‍या तुरडाळीची आवक तालुका गोदामामध्‍ये झालेली आहे. परंतु माहे एप्रिल ते जून-2020 करीता मागणी करण्‍यात आलेल्‍या चणाडाळीपैकी 37.500 मे. टन चणाडाळीचा पुरवठा झालेला नाही. 

              शासनाकडून पंतप्रधान गरीब कल्‍याण अन्‍न योजनेअंतर्गत (PMGKAY) माहे एप्रिल ते जून-2020 या कालावधीसाठी सावंतवाडी गोदामात मंजूर नियतनानुसार तूरडाळ - 59 मे. टन व चणाडाळ - 25.750 मे. टन प्राप्‍त झाली आहे. तालुका गोदामात प्राप्‍त झालेल्‍या तूरडाळ व चणाडाळीचे त्‍वरीत वितरण करण्याबाबत सर्व तहसिलदार यांना सूचना देण्‍यात आल्‍या आहेत. त्याअनुषंगाने सावंतवाडी गोदामात प्राप्‍त डाळींचे वितरण करण्‍यात आले असल्याचे जिल्हा पुरवठा अधिकारी दादासाहेब गिते हे कळवितात.

0000