कसाल येथे स्वच्छता कार्यक्रम

सिंधुदुर्गनगरी, दि.1 (जि.मा.का.) : स्वच्छता हि सेवा 2024 अंतर्गत दि. 17 सप्टेंबर ते 2 ऑक्टोंबर 2024 या कालावधीत राबविण्याबाबत सूचना प्राप्त झाल्या आहेत. दि. 2 ऑक्टोबर 2024 रोजी राष्ट्रपिता महात्मा गांधी जयंतीचे औचित्य साधून' स्वच्छ भारत दिवस साजरा' करावयाचा आहे. त्या अनुषंगाने दिनांक 2 ऑक्टोबर 2024 रोजी ग्रामपंचायत कसाल, ता.कुडाळ येथे जिल्हास्तरीय परिसर स्वच्छता कार्यक्रमांचे आयोजन पुढीलप्रमाणे करण्यात आले असल्याची माहिती उपमुख्य कार्यकारी अधिकारी (पाणी व स्वच्छता) विनायक ठाकुर यांनी दिली आहे. सकाळी 8.30 ते 9 वाजता जिल्हा मुख्यालय ते कसाल हायस्कुल पर्यत रॅली, सकाळी 9 ते 9.30 वाजत मान्यवराचे स्वागत व मनोगत, सकाळी 9.30 ते 10 वाजता शालेय मुलांचे मनोगत व वक्तृत्व स्पर्धा बक्षिस वितरण, सकाळी 10 ते 10.15 वाजता स्वच्छता शपथ, सकाळी 10.15 ते 11.30 रॅली व परिसर स्वच्छता कार्यक्रम सकाळी 11.30 वाजता कार्यक्रमाचे समारोप करण्यात येणार आहे. ०००००