अशासकीय कल्याण संघटक पदासाठी अर्ज करण्याचे आवाहन

सिंधुदुर्गनगरी, दि.23 (जि.मा.का.) : जिल्हा सैनिक कल्याण कार्यालय, सिंधुदुर्ग येथे निव्वळ तात्पुरत्या स्वरुपात कंत्राटी पध्दतीने एकंदरीत मानधनावर माजी सैनिक प्रवर्गातून माजी सैकिनाचे 01 (एक) अशासकीय कल्याण संघटक (बुहुउद्देशीय MTS स्वरुपाचे) पद भरावयाचे आहे. तरी पात्र माजी सैनिकांनी दि. 27 जानेवारी 2025 पर्यंत जिल्हा सैनिक कार्यालय सिंधुदुर्ग येथे अर्ज सादर करण्याचे आवाहन जिल्हा सैनिक कल्याण अधिकारी यांनी केले आहे. उमेदवार हा सैन्य दलातून नायब सुबेदार/ सुबेदार या पदावरुन निवृत्त झालेला असावा व संगणक हाताळण्याचे ज्ञान असणे आवश्यक आहे. पात्र माजी सैनिकांनी सैन्यसेवा पुस्तक, ओळखपत्र, 2 फोटो,आधार कार्ड या कागदपत्रांसह अर्ज सादर करावेत. आधिक माहितीसाठी (मानधन व कामाचे स्वरुप) दूरध्वनी क्र. 02362 228820/9322051284 वर संपर्क करावा. 000000