राज्य सेवा पूर्व परीक्षा 23 जानेवारी रोजी

सिंधुदुर्गनगरी ( जि.मा.का) दि.20: महाराष्ट्र राज्य लोकसेवा आयोगातर्फे घेण्यात येणारी राज्य सेवा पूर्व परीक्षा 2021 ही रविवार दि.23 जानेवारी 2022 रोजी होत आहे.कणकवली तालुक्यातली विद्यामंदिर माध्यमिक प्रशाला व कणकवली कॉलेज कणकवली, या दोन उपकेंद्रावर ही परीक्षा घेण्यात येणार आहे. परीक्षेची वेळ सकाळी 10 ते दुपरी 12 व दुपारी 3 ते सायंकाळी 5 अशी असल्याचे निवासी उपजिल्हाधिकारी दत्तात्रय भडकवाड यांनी कळविले आहे. विद्यामंदिर माध्यमिक प्रशाला, कणकवली, बैठक क्रमांक KD001001 ते KD001432 व कणकवली कॉलेज कणकवली बैठक क्रमांक KD002001ते KD002407 या उपकेंद्रावर घेण्यात येणार आहे. या परीक्षेच्या आयोजनाबाबत उमेदवारांना महत्वाच्या सूचना पुढीलप्रमाणे आहेत. Ø आयोगामार्फत आयोजित परीक्षामध्ये कॉपीचा, गैरप्रकाराचा प्रयत्न करणाऱ्या घटनांची आयोगाने गंभीर दखल घेतली आहे. Ø अशा प्रकरणी आयोगाकडून संबंधितांवर फौजदारी व प्रशासकीय अशा दोन्ही स्वरुपाची कारवाई करण्यात येणार आहे. Ø परीक्षांकरिता आयोगाने कडक उपाययोजना केलेल्या आहेत. Ø परीक्षा उपकेंद्रांवर उमेदवारांची आयोगाकडून नियुक्त करण्यात आलेल्या सेवा पुरवठादार संस्थेच्या कर्मचाऱ्याकडून तपासणी (Frisking)करण्यात येणार आहे. Ø उमेदवाराला स्तत:चा जेवणाचा डबा, अप्लोपहार व पाण्याची बाटली आणण्याची परवानगी देण्यात आलेली आहे. Ø दोन पेपरच्या मधल्या वेळामध्ये उमेदवारांना परीक्षा उपकेंद्राच्या बाहेर जाण्यास मनाई आहे. Ø आयोगाकडून परीक्षेच्या पर्यवेक्षणासाठी विशेष निरीक्षक भरारी पथकांची नियुक्ती करण्यात आली आहे. Ø जिल्हाधिकारी स्वत: पर्यवेक्षणावर लक्ष ठेवणार असल्याचे ही निवासी उपजिल्हाधिकारी दत्तात्रय भडकवाड यांनी कळविले आहे. 00000