नोंदणीकृत न्यासांच्या विश्वस्तांसाठी कार्यशाळेचे आयोजन
सिंधुदुर्गनगरी दिनांक 25 (जिमाका) :- सार्वजनिक न्यास नोंदणी कार्यालय व श्री दत्त मंदीर माणगाव यांच्या संयुक्त विद्यमाने सिंधुदुर्ग जिल्ह्यातील नोंदणीकृत न्यासांचे विश्वस्तांसाठी दि. 1 एप्रिल 2025 रोजी सकाळी 10 वाजता श्री दत्त मंदीर माणगाव ता. कुडाळ येथे विश्वस्त कार्यशाळेचे आयोजन करण्यात आले आहे. नोंदणीकृत न्यासांच्या सर्व विश्वस्तांनी या कार्यशाळेचा लाभ घ्यावा, असे आवाहन सिंधुदुर्ग विभागाचे सहायक धर्मादाय आयुक्त ए.जी. कुलकर्णी यांनी केले आहे.
या कार्यशाळेस कोल्हापूरचे धर्मादाय सह आयुक्त निवेदीता पवार, सहायक धर्मादाय आयुक्त अवंतीका कुलकर्णी, कोल्हापूर पश्चिम महाराष्ट्र देवस्थान समितीचे सचिव शिवराम नाईकवाडे, कोल्हापूरचे विधिज्ञ प्रविण कदम, सनदी लेखापाल जयंती कुलकर्णी यांचे मार्गदर्शन होणार आहे, असे सहायक धर्मादाय आयुक्त कार्यालयाने प्रसिध्दीप्रकाव्दारे कळविले आहे.
००००००
Comments
Post a Comment